茶先生

熱辣辣行到好口渴，見到Mr Tea就去叫左杯飲品fresh下🧡【熱情百香果】（$37）背完又係好大杯嘅，但飲落去就普普通通果味唔係好重，啲百香果核有啲難食得到之前食過一啲係好爽脆，好好味普普通通。但聽人講爽皮菠蘿係幾好飲，下次試吓！…查看更多

今日去叫左杯matcha latte , 叫無糖既收我37蚊好啦唔同我講無得走糖直接收錢之後收到杯野先同講無得走糖嘩甜到喊37 蚊飲杯甜度固定既matcha latte方死唔係預完溝好曬咁既價錢咁既職員搞唔掂連杯野有無得走糖都唔講定先一係就無記熟張單一係就特登玩野唔講清楚得你落單杯野真心唔值依個價…查看更多

極少打食評，但真係好嬲😭😭今日我見到有爽芒椰椰同抹香仙草椰椰，朋友打算叫抹香，我就叫爽芒啦，諗住可以share 飲，女職員打單個陣冇覆單，打完，我一向冇check 單習慣，點知出到黎係2杯抺香 。我：我係叫爽芒，不過唔緊要 個職員開始同我呦話佢係聽到我叫抺香我：（勁無奈😮‍💨）我係叫爽芒職員：我係聽到你叫抺香，我做過俾你又嘜易（最後當然無重做，keep 住話自己無聽錯）職員：我最初係聽到你同你個朋友講話飲爽芒，但你最後係叫抺香 朋友都聽到我叫爽芒，個職員仲好堅持自己無聽錯 。成件事好無奈，不吐不快😮‍💨飲品茶味不足，又淡 ，仙草幾有口感 。…查看更多

平時經過銅鑼灣都見呢間幾多人買 今日第一次試下 雖然多人買但都等得唔係好耐🙆🏻‍♀️嗌左杯布蕾珍珠奶茶🧋微糖 茶味好濃 唔錯 布蕾鹹鹹地同奶茶都幾夾👍🏻珍珠煙煙韌韌 下次試下佢個水果茶😍…查看更多

銅鑼灣 📌 茶先生 Mr. TEA每次過親嚟銅鑼灣我一定嘆返杯 Mr. TEA 🧡 個人就最鍾意季節限定嘅芝•系列 🧡 佢嘅芝士🧀 奶蓋好啱奶蓋控嘅我，質感比喜茶厚，囗感好rich 🤩Mr. TEA 季節限定 • 芝• 系列 ($45) 有 芝· 桃桃 🍑 芝· 火火 🔥芝· 瓜瓜 🍉 芝· 莓莓 🍓 縱橫咁多間手搖飲品店，Mr.TEA 嘅芝士奶蓋系列係最多款式。 基本上，我IG 次次見到我飲 芝· 火火🔥 一來自己鍾意食紅色火龍果，二來貪佢纖維多 ( 罪惡就能夠減半了😆 )朋友仔就揀咗 芝· 芒芒 🥭 佢話芒果好香甜喔，亦都啜到芒果粒粒肉， 好快佢就已經飲曬 😆而今次我就試下買芝· 桃桃 🍑 ~ 嘩！ 好有驚喜 😍 芝· 桃桃🍑 係用新鮮白桃攪拌製成，白桃香甜香不用多說，我自己慣性叫少甜 (芝• 系列 唔能夠嗌小冰，但係我係會叫店員d 冰 ben 碎d)。而 [少甜] 甜度就啱啱好，桃味🍑 亦都好出，滿囗厚厚咸香芝士，揉合桃🍑 嘅清甜，粒粒桃肉🍑 嘅口感~ 🍑 全部都係🍑 多重享受 ~ 大滿足，肥2 磅都制呀 😆…查看更多

以前嚟過買嘅時候唔係咁嘅服務，態度好惡劣，圖片中的女人好似唔想做生意，態度惡劣就算喇，全程側臉，冇正面睇過我，我覺得做呢行唔應該咁…仲要一邊玩手機一邊收銀…..唔會有下次，味道中規中矩。:(:(:(:(:(…查看更多

-//位於銅鑼灣.主打台式飲品店，只有一間店純茶、奶蓋、波波特飲、水果茶，季節款等款式都算多選擇，各款口味任你揀，有凍有熱小店都比較細，平時都要門口排隊等一等📍茉莉綠茶 $35個人鐘意上面個奶蓋，好濃厚嘅芝士香味🧀咸咸地都幾好食，奶蓋做到好挺身，唔會水配搭綠茶就會一濃一淡，另有配靜崗抹茶等呢杯茉莉綠茶好淡，茉莉味太淡，好似飲凍水📍茶先生 (銅鑼灣)銅鑼灣記利佐治街2-10號銅鑼灣地帶地下A4號舖…查看更多

叫左2⃣️杯野飲，朱古力波波，同埋芝·哈哈，本身都冇乜人，但唔知做乜搞咁耐，杯野仲冇味😐😐，D Staff 好似遊雲咁，杯蓋擒得唔好，我眼見已經有2個人因為個蓋個staff 擒得唔好漏哂出嚟，之前幫襯過都好少少，而家唔會再買Lu… …查看更多

There was quite a queue of people buying drinks here on a weekday afternoon! So I ordered a boba tea with less sugar and less ice, i think the sweetness and ice was on point. But whilst the tea tasted ok, not very strong, but the boba was disappointingly tasteless. With so many other options, I don’t think I will go back.…查看更多

事情係咁，我去咗呢間嘢買咗杯布蕾oreo奶茶，點知個人聽錯，打做布蕾珍珠奶茶，我嗰陣時已經搵返佢話我要oreo嘅，佢就叫我補返兩蚊啦，我都俾咗，佢話會幫我改。攞咗杯嘢我就諗住返屋企飲，返到屋企見到杯嘢上面黐住「布蕾珍珠奶茶」，我心諗咩料，因為杯嘢完全冇任何黑色嘢喺入面（珍珠/oreo），甚至！連布蕾都冇 ，得芝士奶蓋及奶茶，即係！我使咗$37買咗一杯芝士奶茶，其實完全唔係錢嘅問題，我非常可以理解聽錯嘢同埋落錯order，我亦都搵返個人補返差價，但佢依然俾返杯錯嘅嘢俾我，如果俾嘅係布蕾珍珠奶茶都算，俾咗一杯完全唔關事嘅嘢係想點😰…查看更多

近地鐵站出口 位置方便選擇都唔少 有幾款都好想食水果奶蓋偏多🤭.今次試左爽芒椰椰 味道唔錯濃郁👍🏻奶味重 椰子粒較多 芒果肉唔多🤔🤔 整體唔算太特別 可以更好下次試下佢地嘅芝士奶蓋～🫣…查看更多

每次過開銅鑼灣我都一定會買返一杯返屋企慢慢嘆每次味道質素都唔會差好遠就算我唔係即刻飲都係咁好飲其他口味我無試過 每次都係珍珠奶茶or布蕾珍珠奶茶兼每次都係半糖走冰/少甜走冰🙂🧋有一次上午11點幾佢哋仲係準備營業叔叔都即刻整俾我 其實服務都好好阿…查看更多

同朋友喺銅鑼灣食完飯, 太飽就一齊行下街. 但夏天天氣實在太熱. 頂唔順, 真係要買杯凍野飲降下溫. 行到SOGO, 就腳就黎呢間MR.TEA 買杯野飲. 1) 仙草椰椰 - 個人係仙草控, 當然要試一試佢咩料. 好OK D 仙草好滑,椰汁又甜度適中. 可以ENCORE 日后! 2) 苿莉綠茶 (芝士) -  個奶蓋一般， 綠茶正常但無咩茶味。 …查看更多

喺銅鑼灣行街，行到呢邊又淨係見到呢間舖，其實都知道行遠啲有多啲類似飲品店，但天氣實在太熱，唔想再行太遠就諗住試下，但真係超級失望！！叫左2杯都唔好飲，一杯係「Oreo芝士奶茶」，好奇怪，唔熱唔凍咁，話要少冰但杯嘢出到嚟係無冰，可能因為咁所以杯飲品溫度變到好奇怪。另一杯「布蕾珍珠奶茶」更加唔知飲緊咩，唔睇飲品個樣都唔知係加咗布蕾，呢杯就真係做到少冰，但係啲珍珠好硬，仲要無味，食咗少少已經唔想再食！！…查看更多

成日經過銅鑼灣sogo附近都見到呢間茶飲店有好多人等緊，又記得奶蓋關注組有人推薦過佢地嘅奶蓋，今日行過見冇乜人排隊就試下好唔好飲！▫️芝士白桃烏龍 ($35) 3.5/5問咗店員可唔可以多奶蓋，最後岀到嚟真係有大約1/3杯係奶蓋😆奶蓋帶啲鹹香，芝士味都幾濃郁，白桃味好香又唔會搶咗烏龍茶嘅味，幾清新亦唔會好甜。本身係見門面唔算好多人先試下，但最後都等咗超過20分鐘，好彩今日比較得閒😮‍💨建議下次店員可以係客人落單前講聲大約要等幾耐，等客人有得參考吓再考慮買唔買。Overall rating (5粒⭐️為滿分)味道：⭐️⭐️⭐️⭐️服務：⭐️⭐️⭐️環境：⭐️⭐️⭐️⭐️性價比：⭐️⭐️⭐️✨想睇更多食評就記得follow - hk holidaydiary…查看更多