影片
港铁土瓜湾站D2出口, 步行约5分钟
继续阅读
电话号码
51122394
营业时间
今日营业
11:30 - 20:00
星期一
11:30 - 20:00
星期二
全日休息
星期三至日
11:30 - 20:00
*休息时间不定，请先致电查询
以上资料只供参考，请与餐厅确认详情
相关文章
位处土瓜湾嘅小巷，周围都几多重建地盘，条街好静附近冇乜人流。门口写纸仔落单。有多种汤底选择，嚟得呢度当然拣好多人推介嘅花甲汤底。而花甲汤都有分辣同唔辣两种。 平时食面通常都会拣辣汤底，但都系最终都拣咗唔辣，因为更能特显花甲鲜甜，唔怕畀辣味盖过咗。至于配料，拣左蚝仔、芥花鱿鱼、云吞同猪颈肉，因为可以同汤底相辅相成更加鲜味。粉类就拣咗薯粉，因为可以吸到汤底既鲜味，但又唔会索晒所有水令汤底干晒。上到嚟大大碗非常满足，除咗自选嘅送之外，花甲汤底本身已经有好多花甲同配料，十分鲜甜。小食方面，叫咗墨鱼卷同腐皮卷。墨鱼卷烟韧弹牙，腐皮卷炸得甘香松脆。系一个食得好满足嘅体验。
继续阅读
路过已闻到炒花甲做汤底既香味。 点餐纸上满满既选择。 如店家所提示，汤底和配料选择左右碗面整体味道。 推介花甲汤底，蚝仔，猪颈肉。小食如腐皮卷等都好香口。小店由两夫妇一脚踢打理。 如果你追求既系北上式机械人般一式样既所谓”服务态度”的话，咁呢度真系唔啱你。 如果你想要既系用心经营有自己特色既小店，咁呢度十分值得推介。
继续阅读
如果钟意食芫荽嘅你 十分推介!!!佢系花甲粉底 可以追加其他配料 推猪颈肉同蚝仔🦪重点系 芫荽海☘️ 芫荽海☘️ 芫荽海☘️首先佢个汤底好甜 同埋好鲜味😋你哋仲可以再加小食 推介腐皮卷 即叫即炸💯唔记得咗佢入面系咩配料 总之就系好味🤤位于土瓜湾人世小店 虽然有啲偏僻已附上地图一张 不妨去试试~由土瓜湾地铁站D2出口行5分钟就到🙌🏻店主应该系CHIIKAWA超级迷 店内劲多收藏品连店舖外都系以佢哋做主题😆 劲打意😍
继续阅读
我会话… 超级多芫荽真系超正🤣🤣🤣！对于一啲钟意食芫荽嘅人嚟讲…完全系天堂！！！😗😗 食到隔离台闻到都惊🤣🤣…花甲汤仲可以额外叫少少樱花虾，我几欣赏！樱花虾嘅味道咸咸地，份量都ok，成碗面更加鲜香！😹❤️蒜香花甲汤个汤底好大浸蒜味，😹😹所以好啱我口味，都有十几粒花甲，粒粒都合格，冇营养不良/ 好多沙嘅选手！我就叫咗粉丝，粉丝朔晒啲汤汁精华，非常之香！！配菜就叫咗介花鱿鱼，份量都几多下！😋
继续阅读
系附近整车，朋友介绍嚟呢度话必食花甲同坚系和牛串。一开始以为得外卖，见到隔离写有猫咪所以闩住门。门口贴咗清晰指示先落单再坐位，主打都系唔同汤底嘅花甲汤面。叫咗麻辣花甲，有得免费加芫荽菜蒲，一嚟到发现超多满到成碗都系连啲𩠌都睇唔到，拨开咗见到花甲好多。味道鲜甜，唔系话好辣。惊食到热入坐先再叫可乐，啱啱先找咗个一蚊比我唔知跌咗系边揾极个袋都冇，嘢食嚟到都仲揾紧，老板娘叫我唔好揾住食完先揾返比佢。舖头有养猫咪，对猫咪好好，男店主风趣幽默，女店主劲亲切友善，一路由落单到食完都好多熟客同佢哋倾计，充满人情味。好耐遇过咁友善态度咁好嘅食肆，要讲嘅话个牛有啲少，米线浸得太耐粗咗易断唔弹牙，但系两样嘅味道都好好。冇写开食评，见到上一个post话店主态度恶劣觉得不解，帮佢平反吓。
继续阅读