茜廊麵包

每一次過黎九龍灣，都會食呢間屹立咗45年嘅西餐廳，每一次嚟都有好多人客喺度，呢一間餐廳嘅環境同埋空間都算舒適，入邊都有好多位置比客人去選擇，而且服務新嘅態度同埋服務質素都係OK嘅，加上佢而家做緊一啲45周年嘅優惠，成個用餐嘅氣氛都非常之好！我幾次黎都係食午市套餐，上次叫左個肉眼扒加薯菜，今次就叫左個焗豬扒意粉🍝兩個餐嘅味道都唔錯，前菜仲可以選擇羅宋湯或者忌廉湯！咁我諗下次黎九龍灣都會再幫襯嘅！😋👍👍…查看更多

由我讀書開始，就每次經過呢間麵包舖都會幫襯佢哋嘅燒賣🤣🤣過咗咁多年之後再經過都仍然係咁好食👍🏻👍🏻無論係燒賣嘅質感定係辣油嘅味道都仍然保持水準～絕對值得關注😚🌟((佢個辣椒油唔係魚蛋粉鋪嗰種港式辣椒油，係有少少麻辣感嗰種))呢間絕對係我個人認為嘅燒賣頭三位😛(不過我印象中，佢嘅麵包係十分普通的，好多年前食過之後就冇再幫襯佢嘅麵包)或者之後試吓再同大家分享佢嘅麵包同飯盒。-📌 地址：德福廣場一期 P8號鋪…查看更多

平時成日經開，見到好多人買外賣，就決定試下啦。首先叫左隻炸雞髀，即炸的所以等候需時，約10-15分鐘（趕時間唔想等可以打黎預先叫左先）扲到上樓仲係熱辣辣，皮脆，而且肉滑，仲有油汁漏出，要小心唔好焫到手，比起好多茶餐廳好味多😋😋😋。再黎叫左滷水蛋，外層有味的，但唔夠入味，蛋黃好大，夠飽肚的👍👍仲有試左碗自選米線（可以揀米線/米粉/烏冬），叫左菜同豬扒，菜正常，豬扒份量算多，而且夠軟身易咬開，又唔乾，可以揀湯上或者撈，自己放辣油，辣唔辣都得，最重要有配菜（花生/酸菜/炸菜）中規中矩，下次可以試下麵包同蛋撻🤓🤓…查看更多

幫襯了茜廊多年，一向都很喜愛他的麵包 。今天下午3時25分 在茜廊 選購了兩個葡撻兩個 芝士條 合共28蚊， 因為葡撻是放在熱櫃，所以店員要走向熱櫃那邊將兩個葡撻放在袋內 ，我接過袋，連同另外兩條芝士條準備離開店舖， 店員喝住我“小姐你未畀錢”， 我回應我已付了錢，剛才是用“支付寶”付的 ，店員說她剛去熱櫃取葡撻 ，怎會收我的錢， 我說我沒留意是誰收，於是我便在我的電話裏找尋付款紀錄 ，資料顯示3點29分支付茜廊26蚊 ；店員便說，對囉 一共28蚊，你付26蚊不是這筆款，我話我有兩蚊是優惠券，26蚊是正確。 於是她才肯在她的收款紀錄裏找尋這筆款，3點29分她已收了28蚊。這時她才不情不願地說一聲“唔好意思”。指控客人未付款便取貨物走，是一件嚴重的事，她收了錢，才五分鐘內便忘記了，而且亳無歉意，這些工作人員，是否需要再培訓呢？幸好我用電子貨幣付款，有記錄，如付現金，豈不是要睇CCTV 或報警？…查看更多

彩椒絲雜菌忌廉闊條麵 ＋即磨咖啡 $ 56忌廉汁師傅整得很好味， 入面的火腿雜菌煙肉頗多，同闊條麵軟硬適中， 好味 唯一缺憾就是彩椒絲見唔到幾條煎羊鞍加豬扒 黑椒汁 忌廉湯蒜蓉包 加個 黑松露雜菌焗飯 ＋熱鴛鴦 大概$118（唔記得影收據）羊鞍好嫩滑都有啲肉味， 豬扒雖然鞋但係都冇乜渣，可食到， 其中有好多配菜～瓜同埋薯仔仲有紅蘿蔔，，全部來講味道可以，呢個餐物超所值黑松露雜菌焗飯， 好味， 師傅整嘅醬汁一流呢幾個餐呢， 下次有機會食會再叫…查看更多

黑松露雞肉雜菌飯呢個飯好味，小妹喜歡食，黑松露味夠味，雖然香濃哋更加好碳燒西冷扒拌薯菜西冷扒5成熟，師傅好手勢，煎得啱啱好 可惜塊扒完全唔掂，無肉味，又勁多渣，可睇圖片，，話碳燒，食落去完全係無呢個感覺價錢來講，唔值…查看更多

早晨時間行過茜廊， 九龍灣德福花園平台， 好耐冇食又未食早餐一於食番次。 9點幾比想像中多人， 都要等一陣先有位。 座低左唔洗念就叫過吉列魚柳早餐食，魚柳大大塊有沙律菜， 仲可以加個雙蛋真係幾開心， 配柸熱咖啡爽晒。 但魚柳有點雪味就有點失望。 不過座位闊落座得幾舒服， 唔趕時間慢慢食加番分。 😊 呢間開左都好耐， 再次幫襯念番唔小回憶， 小小雪味嘅魚柳唔太影響。 但50蚊個早餐就比茶餐廳貴一啲。總括而言， 大大份， 坐得舒服， 環境唔錯。 …查看更多

價錢貴但係份量超少 雖然係下午茶但係個份量都少得有d過份 雞翼係中翼2隻 而薯角就得5件而且連配菜都無 店員態度差無禮貌 座位窄 坐得唔太舒服 成間餐廳嘅唯一好處係上菜速度快…查看更多

呢間的上菜速度快，但張二人枱咁細，仲有胃口食咩。。。最唔公平係，其他人都四人枱二人坐，侍應要懂客人心態吧！食的感覺好差，唔好意思，實在冇下次幫襯機會喇，嘢食美味都冇用。…查看更多

之前係屯門食左份唔抵食既三文治，都要排栖隊，今朝買呢份餐蛋治就几抵啦，雖然唔可以話即叫即做，但都係不停甘出，店員係甘煎蛋煎餐肉，密密做密密包，掕上手仲熱呀。塊包軟綿綿，蛋又滑又香，餐肉都算厚，咸咸地几好味，成份三文治掕上手一定厚過同重過屯門閒台灣野，本人都係習慣食港式餐蛋治。又快又多選擇，加几蚊又可以有埋野飲，加上地點方便，早上好多人買，唔怕係隔夜貨啦。==========茜廊麵包 Sidewalk Bakery九龍灣偉業街33號德福廣場一期P8號舖…查看更多

晚飯唔知食乜好於是外賣自取盒黑椒牛扒腸仔飯試下$49元 有湯有飯有嘢飲真係抵食都爛，味道一D都唔差去759 買塊牛扒都要 $40-50絕對要寫好評支持一下！(塊牛扒都幾靚幾好味)…查看更多

早几天知道改了一些：没有炸薯餅，没有特色腸，換了cheap 火腿薄片。今天再發现以前好吃的英式早餐漢堡扒那款轉了cheap又薄的豬柳扒，但價不变，激死人！不再好吃了！…查看更多

約左肥朋友去食個飯傾下計大家近來都很煩惱，約下見面吹吹水都好本身諗住食啲簡單的餐廳嘅然後因為我想食平啲，咁就改咗去呢度點知發現佢嘅餐牌其實一啲都唔平仲同簡單餐廳差唔多🙈🙈早知去簡單餐廳啦論食物質素簡單餐廳好食好多😎而且感覺新鮮😅😅😅環境亦比呢度好Anyway試過就算啦😝😝😝唔係唔好食嘅啲嘢我覺得隻雞都OK嘅，有D肉汁，唔算太鞋但係........佢咁嘅價錢就應該唔止呢個質素囉🙈…查看更多

通常夜晚嘅時候諗唔到食咩、又唔想去咁遠又唔想食太貴嘅話，我就會預先係屋企打電話黎呢間餐廳叫定想食嘅外賣，佢哋有張外賣餐單總共有10幾款飯揀，之前我試過叫肉醬意粉、忌廉芝士魚柳飯等等。今次我就叫咗5餸嘅麻辣米線，可能因為有少少遲先叫外賣啦所以唔係得返好多餸揀，當然啦，啲餸呢都唔係好似專門食米線店嘅咁多花款，多數係得魚蛋、魚腐、豬皮、腐皮等等嘅選擇，如果你叫雞翼嘅話，一隻雞翼已經等於一款餸㗎啦，所以都唔係話好抵。勝在佢呢個餐係會包一罐可樂嘅。…查看更多

去到九龍灣諗住搵間餐廳食嘢傾吓計，點知入到去餐廳嘅侍應冇比餐牌不特止，態度仲極之惡劣，凍檸茶茶味欠缺，同時亦有一陣怪味，西多士太林太難食，不會再來亦不建議大家到這間餐廳吃東西。…查看更多