茜廊餐廳 (德福廣場1期)

营业中

休息中

茜廊係我都幾鐘意既平民西餐廳，餐廳裝潢每間都唔同，但都幾靚，食物味道不俗，但又唔貴。睇下d蒜蓉包幾大塊，不過都唔敢多食，驚之後食唔落，羅宋湯味濃，忍唔住飲曬成碗。西西里海鮮意粉- 海鮮包括鮮蝦,蜆肉同青口，海鮮都好新鮮，個sauce酸甜得黎帶微辣，好味!炭燒肉眼扒-肉質好腍，經過炭燒後，肉味更香，呢個價錢黎講，收貨!呢個係新出既抹茶撻，只需要加十幾蚊就可以食到，估唔到又幾好味，抹茶味幾香濃，值得一試。

去完MEGABOX 睇戲，打算在附近搵食，但選擇也不太多，於是回去德福花園再找找看，在平台見到一間西餐廳滿吸引，晚餐就選定你了。餐牌上有不同的套餐選擇，但當天沒有PIZZA有點失望，但吃貨是不會放棄的，選其他吧。先來一客前菜，蒜蓉包+羅宋湯，蒜蓉包的蒜味不會太濃，烤得蠻酥脆。炭烤澳洲羊脾扒伴大蝦份量十足，羊脾肥的部份不多，吃起來不會太膻，肉質嫰口，大蝦肉質爽彈。烤原隻燒春雞比想像想有驚喜，雞肉滑嫰，肉汁多，吃雞胸肉也覺太乾，值得一吃。茜廊咖喱(牛腩+白飯)咖喱汁味道濃不算太辣，配上白飯一流，牛腩不會太韌，不錯。

茜廊餐廳設有不少分店，其中一家落戶九龍灣德福廣場，正好在前往MCL戲院看電影前快快填飽肚。從來也是一家平民化的西餐廳，所謂平民是指其價錢，晚市套餐由$88元的Pasta起跳，包餐湯、蒜蓉包、主菜及餐飲，食物份量頗大，能帶滿足感。炭烤特級牛柳拼大蝦 ($228): 厚切牛柳共二件，具肉感，牛味鮮香，但無炭烤風味，肉感軟腍可口。至於大蝦亦相當肥美，肉爽鮮甜。本是鐵板上，但由於鐵板太有廉價的味道，遂要求以碟上。葡式燒bb豬配沙律菜 ($188): bb豬肉質幼嫩已是肯定的事實，其富肉汁，而且經烤至外皮香脆，可謂是皮脆肉嫩。整體惹味，還配黑醋汁。New York Cheesecake: 與一般New York Cheesecake的味道相約，是我較喜歡的一款芝士蛋糕，芝士味道較為濃郁，餐後食或會感到半點膩，唯餅底不及香脆。

我信相住係觀塘呢邊既人對茜廊一定唔陌生茜廊係喺我哋好細個嘅時候已經開咗嘅餐廳但細細個成日覺得呢度好似快餐嘅感覺所以一直未想試近期朋友有同我提起茜廊重新裝修感覺唔同晒就約我去試一試今日黎到的確有刮目相看嘅感覺重新裝修之後嘅茜廊感覺唔似快餐店我地7:30去到入座率達9成將近聖誕 更推出左一啲套餐給客人選擇唔想慢慢睇餐牌嘅我就係套餐上面揀咗其中一個set除主菜外每個餐都會有餐飲、餐湯以及蒜蓉包餐湯普普通通蒜蓉包就有驚喜蒜蓉包質感鬆軟上面鋪滿蒜蓉醬拎去焗非常香口我哋叫左個鵝肝作小食＄68 有兩片食落去不過不失慢煮鰽魚扒拼大蝦有兩大塊魚扒喺度魚扒肉質比較結實大蝦煎得好香 仲有好多膏添西冷牛扒我哋叫咗五成熟但上到枱嘅時候應該都有八成起初都會驚太熟 令到肉質變‘un’食落口又唔係喎西冷牛味濃郁 肉質都幾腍二百零蚊 咁鬼厚 仲要好大塊非常抵食聖誕節未諗去邊到同人慶祝食飯呢到係一個唔錯嘅選擇

今次呢間餐廳係男朋友介紹的，佢細細個逢親節日就會係呢間餐廳食，適逢佢岩岩裝修完，所以就叫埋我一齊試下佢裝修後水準如何。裝修完光猛左好多，依家仲好有聖誕氣氛添佢個蒜蓉包好大舊，一邊有芝麻，幾香囗個湯就好大碗，入面好多菇，不過飲完已經有點飽晚餐Menu其中兩頁，有好多選擇叫左個薯條配黑松露醬，炸得不錯，份量十足，可惜個黑松露醬比較稀～我叫既黑松露雞肉意大利特色飯，第一次見咁大碟既意大利飯，有淡淡既黑松露味，啲雞都幾男朋友既萄式燒BB豬，等左比較耐，個皮烤得好脆，啲肉非常幼嫩，好容易折開啲肉同骨。個醬應該可以解一解肥膩既感覺。不過個炒飯就一般了。最後叫左個特飲綿花糖朱古力，好多綿花糖啊整體每樣嘢既份量都好多，兩個人都食到行唔到了

德福的茜廊重開了一段日子，今日終於有時間來吃一吃，順道跟好友預祝聖誕。裝修過後的茜廊比以前光了很多，不再是昏昏暗暗的，感覺挺光鮮亮麗。可能時間關係，不用取票等位便能進店入座，一坐下侍應便遞上餐牌及暖水，服務周到。（不過人手不足，想請侍應點餐或結帳時，四周都沒有人。）今晚點了1.炭烤美國極黑牛肉眼扒配薯菜2.葡式燒BB豬餐湯與蒜蓉包點餐過後，很快便送上餐湯和蒜蓉包。羅宋湯帶點微辣，配上蒜蓉包很合襯。這裡的蒜蓉包與平時的不同，是半個豬仔包來的，所以也蠻大”片”。炭烤美國極黑牛肉眼扒配薯菜 $268   (松露洋蔥汁，四成熟)鐵板餐當然很快便送上，食客可以選擇自己下汁或請侍應幫忙。10安士肉眼扒的份量當然不少，但對於食肉獸的好友當然是小兒科。我嘗了一點點的肉，肉質方面不錯，不過似乎熟了點，點了四成熟，吃時有半塊已接近六至七成，幸好整體上還不錯。葡式燒BB豬 ＄188 (配沙律菜)點了這個的食客要留意，因為即製的關係，等待時間可能會久一點(我大約等約半小時，好友的肉眼扒吃畢了我的還未送到)。點菜時可選擇配沙律菜或炒飯，我當然選了沙律菜，畢竟吃燒豬配沙律菜應該不會太飽滯。燒豬送上時已略為切件

下班後，跟朋友看電影，順道吃晚飯平常都愛到茜廊餐廳吃飯，加上地點夠就腳必點的炭燒美國極黑牛肉眼扒(10安士)HKD268份量十足，加上黑椒汁，氣味更香更濃，好大件呢伴碟還有鮮蔬及洋蔥，薯仔，還有一整個紅色的小燈籠椒，配料十足側看，肉好厚，牛味濃，口感屬韌而不膩，味道亦適中，而且吃完好飽肚另外還點了些沙律，湯等等，可惜的是沒有發現原來有特飲，所以我倆都只點了汽水但甜品亦是吸引呢點了這個法式燴梨(吉士醬)配雪糕HKD56吸睛度十足中間是燴梨，外圍圈上一絲一絲扣吉士醬及果醬，好美呢燴梨腍身，入口有點酒味，帶點清甜帶點酒的苦味，幾特別加上雪糕及吉士醬同吃，口感變滑變香～

呢一間都算係九龍灣區一個幾好坐嘅地方 鄰近又有遊樂場，啱同bb小朋友去放電然之後就去嗰度食下午茶！ 跟住佢哋嘅早餐set都好抵食，一個湯粉再加個牛角包，加埋個沙律再加熱飲都係39蚊啫 ！平日好好坐，唔會人趕你走，下午茶好抵食。如果近六點鐘前去食呢就會大約48蚊， 48蚊餐可以食到肉醬意粉或焗豬扒飯呢啲套餐 ，嗰晚餐係嗰個份量同嗰個晚餐一樣大大件食完可以夜晚慳番 ！加上坐位坐得舒服又有bb凳好啱帶埋bb一齊去食！

第一次寫食評，因為哩間餐廳服務實在太差。第一次來這間餐廳，入門冇人招呼，搵咗個侍應帶入座，好幾分鐘都冇人理，冇人遞上餐牌，叫咗個侍應來，擺低餐牌就走，冇水冇餐俱。再叫咗個侍應點咗幾樣嘢。首先送上凍檸茶，一陣送咗餐湯，過多一陣先有人送上餐俱。跟住再上餐包、雞飯等。烘方包又凍又淋，凍檸茶冇味，叫左個侍應來，問凍檸茶係米冇落糖，侍應話係未落糖嘅，結果要要求要糖漿侍應才送上來。D嘢食左一大半，BB豬才送來，一睇，BB豬皮上好多毛……總知，就係差。

New renovation after serving the neighbors over 36 yrs (屹立36年新面貌)My families and I went to a famous restaurant called "Sidewalk Cafe Restaurant'' ( 茜廊餐廳) located in Shop P8 , Telford Plaza, 33 Wai Yip Street Kowloon Bay (九龍灣偉業街33號德福廣場一期P8號舖).It would not be strange for the people living in the Kowloon Bay as the Sidewalk Cafe Restaurant had run the business in Telford Plaza over 36 and still keep going on.It definitely became part of the collective memories who lived, worked or studied nearby or

又係同媽咪出動揾食，今次係德福一間西餐廳食晚飯，之前試過其他分店，味道都唔錯👍🏼除咗裝修得好靚，座位都非常舒服，晚飯時間門口企滿人，不過等大約5分鐘就有位。凱撒沙律 $68份量超級大，而且賣相唔錯，不過沙律菜唔算太新鮮，有少少林，不過勝在麵包糠夠脆，芝士又多法式焗田螺 $38好多薯蓉又焗得好香，外面有少少香口，而且薯仔味濃郁，田螺軟淋，味道唔錯香煎鵝肝配紅酒汁 $68/2件鵝肝大件但唔算厚，不過煎得啱啱好做到外脆內軟，食完鵝肝之後可以食中間嘅沙律，中和番唔會太肥膩 d菜有係淋晒 清酒煮蜆 $58依個酒味好重，啲蜆都算大隻，不過有啲有沙，而且份量數得出，好彩味道還可。炭燒美國極黑牛肉眼扒配薯菜 $268wow超級大塊肉眼扒，離遠已經聞到炭燒味，味道濃郁不過偏鹹，炭燒味亦都太重，感覺好似有啲窿窿地咁，肉質厚身比炭味蓋過。

一間餐廳可以屹立廿幾三十年，實力應該有番咁上下，九龍灣人一定會識得呢間餐廳。除左歷史悠久之外，呢間餐廳絕對係性價比之選，全因道道菜都抵食夾大件，味道亦好好。等我依家就介紹一下呢晚四人晚宴食左啲咩啦！ 餐湯我地點左一紅一白，紅既係羅宋湯，白既係蘑菇湯，兩款餐湯味道濃郁，絕對唔係求求其，渣流灘。其實配餐湯既焗多士都好好食，非常脆口，蒜香味濃而不俗，絕對醒胃提神。 香煎鵝肝配鬆化多士，又係多士，不過呢個多士異常鬆化，口感好正，加埋鵝肝既油香，簡直無彈！當然鵝肝先係主角，稍稍煎封肉汁，保留油香肉汁，表面脆脆地，入面軟滑。 主菜上場啦，先黎美國西冷牛扒，西冷五成熟，大大件，火候控制得好，切開肉汁能夠保存喺牛扒入面，食既時候肉汁配埋蒜蓉汁，真係啖啖回甘。 乳豬係我鐘意嘅脆皮連住皮下脂肪，夠哂邪惡，份量夠四個人分。忌廉波菜鱸魚，鱸魚外表煎香，內層肉質幼滑，忌廉味道較濃，但配合波菜既味道同埋口感，令到菜式味道層次得到昇華。 最強既主菜非西班牙海鮮飯莫屬，原隻龍蝦，再加上其他海鮮蔬菜，材料十分重料，足夠俾四人享用。飯底十分出色，茄味加埋海鮮既鮮味令飯既味道十分濃郁，當中最精妙之處係飯底唔會過鹹，增強食慾

德福茜廊屹立多年，我細細個已經食佢架啦！由以往的具情調的浪漫蠋光氛圍，時至今天重新裝修，將一半舖面割讓了給同集團的Khap & Ka做泰菜，變成光猛簡潔的店面，無需多餘的花巧工夫，卻仍是附近居民的首選飯堂。晚餐套餐選擇繁多，炭燒美國冰鮮西冷扒，份量令人滿意，西冷飄著炭香味，肉厚八成熟味道濃，看著蒜蓉汁在鐵板上沸騰，令人開懷！鵝肝多士，鵝肝煎香至焦糖色，鵝油滲在多士麵包上，一口咬下去，滋味十足！菠菜忌廉鰽魚，魚肉尚算嫩滑，跟忌廉很搭配，如選用更新鮮的魚柳效果應會更好。葡式燒BB豬，即叫即燒，外皮香脆，嫩口BB豬很多汁，油香十足，是必食推介！西班牙龍蝦海鮮飯，想不到可在茜廊吃到在西班餐廳才有的菜式！龍蝦造型加上其他海鮮堪稱陣容鼎盛，飯沒有過咸，有蝦、青口、鮮魷等海鮮之餘，更有豆角和茄子等素菜，是有誠意之作。甜品以芝士蛋糕作結，大滿足！欣賞茜廊一直以來對食物質素的堅持，市面上同類的西餐廳很少可以做到食物如此多元化，值得支持！

茜廊呢間餐廳有好多年歷史，自己都食過好幾次，幾個月前去德福見到佢裝修緊無得食，今日放工近近地又去左德福行街，見到佢終於都開番啦本身餐廳地方都好大，裝修過後空間感做得更好，而且燈火通明，俾到人乾淨整潔的感覺，雖然餐廳好大，但星期五放工時間7點幾入座都已經差唔多滿晒原來餐廳係1981年已經開始營業，到而家已經有36年歷史，MENU上仲解釋左今次全新裝修的設計概念，令客人知多一點點餐市套餐就最抵食，主菜包湯同飲品，有唔少選擇上： 凍檸茶、下：紅莓茶餐飲除左普通茶啡，仲可以揀紅莓茶，免費餐飲黎講算係幾特別，凍檸茶糖水係另上，呢個係我最喜歡的做法，要幾甜就可以自己話事，紅莓茶飲落唔係好酸，茶味幾突出餐湯 + 餐包如果唔係叫晚餐，散叫的話都可以加$28轉成套餐，羅宋湯有唔少蔬菜，餐包係蒜蓉包，塗上滿滿的蒜蓉醬，再焗到脆脆的西班牙風乾火腿沙律 ($128)由於我好鐘意食HAM，所以就忍唔住叫左呢個沙律，西班牙風乾火腿略嫌唔夠鹹香，沙律菜夠新鮮，黑醋汁好濃，建議唔洗落晒，可以先落少少唔夠味先再落忌廉汁挪威三文魚菠菜煙斗粉($108)原來煙斗粉係比類似通心粉，只係比通心粉大少少，煮的時間拿捏得不錯，有應

茜廊餐廳朋友住九龍灣，她說有間新裝修的西餐廳，香煎鵝肝蘋果配紅酒汁鵝肝煎得很脆，一扣咬下去，有種甘甜的感覺，大概和紅酒有點關係，紅酒配鵝肝，不能抵抗的魅力，把鵝肝放在方包上是可以另整體吃起來不那麼膩。中間的沙律菜，既是配角又是不能缺少的，吃完鵝肝，來點沙律，感覺少了飽和感。西班牙燒BB豬是這裡的名菜，很多人都會叫這個菜。皮燒得很香脆，肉滑多汁，醬汁方面很有心思哦。甜甜酸酸，中和了肥膩的感覺，好美味呢！香草燒紐西蘭羊鞍羊鞍燒得好好，咬落去好香濃，肉質好好，好香的香草味道，還很Juicy。如果覺得有點膩，就吃少少沙律，真系貼心。黑松露醬薯條我最愛黑松露，很香的黑松露醬，加上香脆的薯條，簡直系錦上添花。法式鋦田螺薯蓉的香味沒有掩蓋了田螺的濃郁香，分開吃有各自的口感，結合在一起吃有層次感。值得一試。