茜廊餐廳 (樂富廣場A區)

营业中

休息中

今晚8/6/2024一家人去食晚餐，點了牛柳，雜扒，意粉，咖喱牛腩（唔掂）及薄餅（推介），我想講的除了食物外員工的工作很混亂，尤其是收錢的一男（對眼對唔到焦點）一女，控制唔到情緒在店內不斷指罵新手的員工，希望呢間舖頭嘅老闆，可以看到這個留言

之前在九龍灣已經食過，有質素保證，今次我們去了樂富商場的茜廊食下午茶。我今次揀：日式魚餅煎蛋湯米粉 $35魚餅浸了湯後超惹味十足，新鮮嫩嫩的魚餅，煎得剛剛好。米粉滑溜彈牙，煎魚餅配上吸收了湯的米粉，味道尚可以。香烤雞扒配凍烏冬 $52配料有粟米，雞扒肉質嫩滑，充滿炭燒香。熱湯烏冬幼滑又夠煙靭，好有咬感，熱湯烏冬湯頭本身較清淡，加上雞扒的醬汁和魚餅後味道香甜。這裡的下午茶餐款式眾多，價錢不算好貴，幾抵食，值得一試。下午茶餐仲有蛋糕揀，我覺得他下午茶種類都算多，因為可以比人，就算唔想食太多都可以走過選擇輕食。

又係一間好抵食嘅餐廳～叫咗個豬扒配薯條 仲有好多菜添，個薯條一啲都唔油同埋我鍾意食粗身嘅薯條，塊豬扒一啲都唔柴有肉汁又夠厚～仲估唔到個汁有驚喜 好好味😋叫埋杯啤酒 實在太爽！

最近去咗樂富莤廊食早餐，食物都上算ok，但係店舖環境衛生就比較差，地下污糟，D櫈又污糟， 播埋曬啲大陸音樂, 又大聲又嘈， 希望佢哋嘅領導改善下（D店員叫高層），要播播番D 純音樂，希望可以改善。

好好彩拎到香港夜饗樂嘅$100券，就揀咗樂富分店嚟幫襯。一入到已經感覺到個場幾大，不過都唔算太多人，大概坐到1/3左右。冷氣凍少少咁。價錢都唔算太貴，本身係諗住嚟食燒春雞，又見到鐵板扒差唔多價位就轉咗轉軚。🐻鐵板肉眼扒配薯菜+薯條一嚟到已經有猛烈嘅啫啫聲，仲配上幾件薯仔同西蘭花，睇得出塊牛扒係高質，冇乜白色肥膏。食落都有唔少筋，不過我啲牙力都可以。其實啲食物質素都唔差，晚市見到咁少人幫襯有啲唏噓。其實港式鋸扒都可以好好食㗎！總評分：🍯🍯🍯🍯（4/5）

搵到間茜廊，入面既擺設好有feel🎨，一坐低已經期待食物。點咗份煙斗粉早餐，雞扒煎得剛好，唔會太柴。薯餅都有咗嗰種脆皮軟心嘅完美對比。隻腸仔搭埋雞蛋同沙律菜，口感層次豐富，至於法腸就唔使太諗頭，味道就一般般啦。但係食物味道整體算係掂嘅👍。下午茶時段，我有幸試到佢哋嘅炸髀啦! 皮脆肉嫩，叫你一個唔停口。牛扒喺鐵板上略帶煙韌嘅質感，咬落去意外嘅入味。伴隨嘅羅宋湯料多味美，炸蝦沙律就一般，但都算過得去啩。另一邊桌豬仔髀配上嘅韓式辣醬使得整體滋味變咗有層次，食得我嘴角向上。整體而家嚟講，呢度早晚嘅食物都能夠令人心情好轉。飲杯凍奶茶，甜度自選，真係為早起嘅人開心UP! 分享完，我已經期待下一餐可以再嚟呢度探險！🍽🌞🤤

今天lunch ,成班同事想食扒，不約而同想起去樂富茜廊。我們六個人都是點了鐵板黑椒牛扒餐，扒餐包括餐湯可選擇蕃茄或忌廉湯，牛扒是鐵板上的，我選了飯配黑椒汗，加上一杯凍咖啡，牛扒肉質鮮嫩，六人埋單都是五百一十五元，每人都是八十多元，物超所值。

星期日一點半左右去餐廳堂食叫左個特價鐵板西冷。特價，午市，忙，成間餐廳都好忙，鐵板唔熱，用手摸都可以。係全餐廳嘅鐵板都唔熱牛扒叫左七成，來到5成都冇，係未到5成呀咁咪同佢反映下囉，點知店拎入去唔夠3分鐘又拎返出嚟，都見到個扒嘔白泡，睇得出係微波爐叮出嚟嘅，78蚊明嘅，但叮到熟哂硬哂哦。理解午市係忙嘅，真心建議唔好忙果時去食啲廚房差過大家樂大快活，啲野食大家樂大快活都不如，點搞呀。人地大家樂大快活忙又忙過你，做出來個效果又好過你，冇咁嘅能力唔好搞咁多嘢啦

过来乐富站找朋友叙旧，第一次来这家餐厅吃东西。这里的服务员挺勤快，收台面用的完餐具比较及时，价格合理，就是餐厅环境稍旧。食物味道也不错，分量很足，这里罗宋汤比我在别的餐厅吃过的要浓郁，好味道！可以再去！

朋友吹水 無無聊聊揾個地方坐下 行過樂富 見到SideWalk 見佢幾實惠 好快就坐低咗 有啲意思 估唔到大衆化價錢 反而要讃下D店員 禮貌友善 居然say hello 還會提醒小心熱水之類 簡直係香港餐飲嘅清泉 好多時其他餐館都忙到忘記笑了 不貴 坐咗Hea咗好耐

唔知係經理定乜 唔係著制服既一入門口就勁惡劣態度趕你出去既語氣叫你拎飛，拎完見號碼，出面顯示係已過左，就想再入去好有禮貌咁問，無答不特止，又勁惡叫返我地出去唔係話客大哂，亦都見怪不怪有啲店太忙會係語氣重，但令到我第一次差評係呢間

【夏日優惠！高CP值！餐湯+蒜蓉包+西冷鐵板+凍熱飲‧多人嗌到，餐廳用曬鐵板😱】#MC帶你去樂富. 港式鐵板餐，最平最平去連鎖快餐店食，都起碼要$70，仲要無得嗌幾多成熟、又薄到成張紙咁📄今日小編食到間超高CP值，回頭率極高嘅西餐廳。.🍽️鐵板特級西冷牛扒套餐做緊夏日慚閃優惠，原價$168減到$78嘅Lunch 套餐。可以揀紅/白餐湯、幾成熟、凍飲唔加錢。包埋咁多樣野，仲平過佢自己Menu啲Lunch Set。🥩 西冷牛扒（5成熟）配意粉，黑椒汁西冷扒又大又厚，無為左減價而肉量縮小😱依個真係值得讚，對得住個價錢有突👍🏻上到枱，鐵板西冷都變7成熟，都明白嘅。食落都鬆軟，坦白講肉汁就真係無乜嫁啦，不過蘸黑椒汁嘅話，食落都幾惹味😋🫕 餐湯（忌廉湯）套餐包埋免費餐湯，分別有忌廉湯同羅宋湯。忌廉湯無配料、配菜，略為失色。🥖蒜蓉包餐包喺蒜蓉包，依個補返餐湯嘅失色。蒜蓉味好香🧄烘得好乾身好硬，咬落十分脆口，蘸返個餐湯就啱啱好，又好索汁🫶🏻⚡ $78蚊嚟講真係超值，人氣嘅程度，基本上每枱都喺嗌依個餐，搞到最後無鐵板用🤷🏻‍♂️我一枱4個餐，得兩個有鐵板上西冷，另外兩個就普通餐碟上西冷，就有啲失望☹️唯有提提

遇上風球想吃牛扒，來到發現正價有折扣，真是驚訝！有些套餐，main course 要另外加錢購買湯和熱飲，來了肉眼扒和燒春雞，味道很好，肉眼扒軟淋，春雞也鮮嫩美味，薯條是新鮮炸的，不會淋軟。pizza就較為單調，除了芝士和幾粒菠蘿外，差不多沒有餡料。還有一個看似簡單但很香口的豬扒焗飯，飽肚感升至100%。

牛扒無肉味，乸到梅哂，連個黑椒汁都係無味嘅！待應（女）落單時全程背住你望門口，淨係望住佢個背脊落單講嘢。因為叫咗湯同飲品，埋單問清楚轉特飲收費，收錢嗰個（比較矮四眼男）好似欠佢錢咁，唔願意解答，比完錢仲要話唔準走住，佢要check吓單先，客人已經食飽，埋單走，真係唔知有乜單仲要check呢！原來呢間餐廳係唔比問問題！仲可以大聲喝住個客人唔準走嘅！

今日見到呢間餐廳都有好多分店，價錢都好大眾化，午餐都有十幾款，每款都價錢都好實惠，食得豐富又唔肉痛。黑松露野菌雞肉燴特式飯這個味道都唔錯， 意大利飯十分creamy，黑松露和芝士味道十分香濃，但配料唔算多，米粒偏硬。黑椒雜扒飯份量都唔錯，雜扒有豬、牛同雞，都算OK，軟腍肉汁多， 熟度剛剛好，不會煎得太老，黑椒汁又不會太咸，而且薯菜的份量很多。特級肉眼扒配薯菜牛扒份量都足，算夠大份，肉質幾腍，但煎得唔夠香，牛脂味唔算重，以呢個價錢來講，都幾有誠意。整體而言，價錢非常合理，我地幾個都食得好飽。