茜廊餐廳 (樂富廣場A區)

营业中

休息中

11點09分同屋企人一齊叫咗兩碗麵， 我叫左個雪菜雞絲雙蛋麵， 最後又嚟咗個沙爹牛肉雙蛋麵， 本人因信佛及身體問題， 已經講咗我唔食得牛肉， 千叮萬囑叫廚房要重新煮一碗， 但廚房依然都係照用返果碗麵，只係求其攞走幾塊牛肉，之後換左果碗麵入面都係有牛肉， 再叫佢換返一碗嘅時候又等左十幾分鐘，已經講左好趕時間， 但最後足足等咗三十幾分鐘， 換返一碗只有雪菜同一粒雞絲嘅雙蛋麵， 店員態度極hea， 有問題又唔及時跟進， 最後因趕時間加上一肚火已經食唔落叫佢退錢 。打去公司投訴態度唔好亦都冇回覆返電話過嚟， 呢間公司啲人明明做錯左都完全冇心幫顧客解決問題！（ 雖然我都唔想浪費食物， 但入面仲有牛肉同埋有沙爹牛肉味！）

經過呢頭，搵早餐食，發現有呢間餐廳。有好多選擇，主要食西式早餐，揀選左羅宋湯雞扒粉，羅宋湯辣辣的有黑椒味，有兩塊厚雞扒。咖啡香濃，奶是另外分開上，可以給顧客按自己需要添加。

今日諗住去行山，所以上山之前去食個早餐，因為人生地不熟，所以求其搵間餐廳就入去食了，點知竟然有驚喜😻。今日就叫左個香草腸羅宋湯煙斗粉配牛奶炒蛋同多士（$38）牛奶炒蛋食入口非常嫩滑，重牛奶味🥛，一D都唔馬虎。最令我驚喜係，除左牛油外，餐廳竟然提供埋士多啤梨醬🍓俾你塗多士，真係唔係每間餐廳都做到，十分貼心❤️。香草腸羅宋湯煙斗粉煙斗粉平時比較陌生，但食入口又幾好食😋，呢種粉好索湯汁，令你每一啖粉都有濃濃羅宋湯味，而且煙煙韌韌，幾得意。最重點係呢個餐廳既羅宋湯十分好飲👍，濃郁得黎，仲有少少辣辣地🌶，岩晒鐘意食辣既我，仲要有好多配料，例如洋蔥🧅，青椒🫑同蔬菜🥬等，十分有誠意，如果我下次再黎樂富食早餐，一定會encore呢間餐廳😍。

今日中午行過見到有平價牛扒想同小朋友試下，一入囗梳打粉味多到嘔 我同小朋友已經食唔到第二啖好彩叫左一份 想食pizza佢又話冇貨 事後覺得好彩無貨又伏多一樣 意粉水煮一D味都無，無諗過可以做到連大快活質素不如

咁辛苦返工！中午食餐好先😜行過茜廊門囗～咦！抵食喎！又可以有唔同的選擇添～試下一於試下先～$76蚊鐵板西冷牛扒250gm～最驚喜竟然係嗰黑椒汁同雜菜😋估唔到南瓜巧有南瓜味呢😉黑椒汁完全帶起加$6蚊雞的意粉👍哈哈～主角又點呢？又真係唔錯😜整杯凍檸茶添睇埋張單添

第一次嚟樂富茜廊，之前都食過九龍灣嘅分店，算係連鎖式嘅西餐廳。今日午市時段嚟呢度，本身係想食壽司郎但係排大隊。呢間餐廳就算午市都冇乜人，所以都好容易搵到卡位坐，餐牌都有幾多選擇同埋都有優惠，都幾抵食！香草燒雞髀配鮮茄燴意粉$58- 午市套餐包埋餐湯同麵包、飲品，飲完羅宋湯同食完大大塊蒜蓉多士之後，其實已經飽咗幾成。蒜蓉包烘得太硬，點住羅宋湯一齊食會比較好。炸雞髀嘅雞皮非常邪惡，邊邊嘅肉就乾咗啲。意粉意外地好食，質感好滑，推介！鐵板西冷牛扒$76- 加$15有餐湯、麵包同飲品。本身想食肉眼牛扒，可惜賣晒冇貨。牛扒俾鬆肉粉醃到冇晒口感，五成熟啱啱好唔會鞋，夾燒肉汁幾好。炸薯條$6- 新鮮炸起嘅薯條永遠好食，點燒肉汁好味過點茄汁。

前兩日和朋友去食下午茶，前後腳叫了兩份西多拼雞翼餐，結果上餐時一個餐係四隻雞翼，另外一個餐只有三隻雞翼…………有點過分……貴公司的食物份量這麼兒戲嗎？？……煮食物難道是要看心情來做？……下次再來食是不是只有兩隻雞翼？？……真的很搞笑沒有在其他地方食野試過發生這樣的事，真的亂來……………打去九龍灣茜廊餐廳問，經理說他們那裡沒有這個餐，講了一大堆說話，原來店不同，食物種類也不同……下次不會再幫襯…………

爸爸經過這間餐廳幾次，今日晚上提議來到樂富分店試試。假期的晚飯時間來到，餐廳客人不多較多空檯，我們選擇了靠窗的位置就座。晚市餐牌選擇眾多，都可以說是豐儉由人的，無論是意粉、焗飯還是扒餐都有不同款式。蒜蓉包烘得夠熱夠脆，而羅宋湯的酸度十足，裡面有不少蔬菜，很是開胃。本身套餐是配香煎羊架的，但店員說洋架沒有了，只好配香煎羊髀黑松露燴珍珠飯($116)。賣相來說不是太討好，原因是羊髀弄得較燶，燴珍珠飯以較平的碟而不是有弧度的碗來盛著顯得如一堆軟淋淋的糊仔。羊髀的份量就是圖中一件帶骨的羊髀扒以及一件散了出來的細細件羊肉。羊髀只有薄薄一塊，有羊味不算羶，肉質都算淋但因偏薄又以很多油去煎，令肉質開始變乾變硬，扣除骨頭跟一些脂肪後實際上可以吃的肉就更少了。索價$116卻只有那麼少的份量，從中抽起的利潤實在太高、有點過份吧？至於燴珍珠飯，味道是食到有忌廉和少許黑松露味，但質感就如眼看那樣淋得如糊在一般，完全沒有質感可言，亦不怎麼需要咀嚼，有點驚嚇餐飲熱奶茶濃郁，都不錯的。見過這個品牌在不同地區都有分店，但食物十分普通，而我今次點的晚餐更是有點失望，食物質素不值這個價錢；叫做是較街坊的西餐廳吧。如經過這

有朋友來自遠方，定找一間「安全」的餐廳招待他們。茜廊高CP值，難以挑剔的餐廳，是環境與食物的保證。早、午、晚、下午茶餐都是一般市價，$40-80不等。 勝在環境寬敞， 設計貼心， 間隔做得好，跟朋友暢談也特別自在。 細心看，會有不少特色牆和打卡位，特別是九龍區分店，歐陸風味濃。看見食物端上來便明白為什麼兩個人都可以佔一張大枱。 上次吃早餐，差點吃不完。 平時不敢喝味精湯底，它的蕃茄湯底值得推。這次吃午餐，份量剛剛好。 扒餐和下午茶餐都很抵吃。 羅宋湯比白湯做得出色。 每碗的材料平均，菜肉份量、胡椒味 恰到好處。黑松露雜菌天使麵 生熟度剛好，黑松露可以多一點。肉醬意粉肉醬鋪滿意粉上，十分吸睛。最後灑上的香草使肉醬更上一層樓。 肉醬層次豐富，絕對是落足料。田螺薯蓉 鹹味主要在田螺上，建議和薯蓉一起吃。薯蓉吃不膩。扒餐不適合吃肉獸。 薯菜很有趣，是大薯角（把薯仔切四分一）。各款飲品味濃，凍檸茶和特色茶 多得可以沖2杯。套餐附送飲品、餐湯及蒜蓉包。 細胃人士可以選擇橙汁代替餐湯及包，環保又細心。在九龍、新界北、新界西都有分店，下一間分店會在哪裏呢？

✨✨早餐好鬼抵✨✨今日同阿媽去食早餐，食個豐富早餐又想坐得好，就係茜廊啦😆😆單併$36，雙併$38，多$2無理由唔食雙併😂叫左雞扒，煎雙蛋，出前一丁！出面食出前一丁要加錢，但呢度唔使，已經感覺抵左！👍🏻👍🏻好大碟，份量好大😮😮雞扒厚厚一大塊！一d都唔似早餐！似午餐份量👍🏻我完全食唔晒，俾左d阿媽😅😆😂飲品，我揀左凍奶茶，凍飲唔使加錢，又係好大杯😂😂，所以都係飲唔晒，真係好抵食！

今日，自己突然想食個惹味嘅飯餐，見個餐單都幾吸引就入去幫襯。叫左個咖喱牛腩飯餐🍛來食，咖喱雖然有啲辣，但令人好有胃口，牛腩夠淋，飯量真係一碗度。不過個白湯味道淡淡🙈。

放假就梗係要嘆下午茶啦😎。帶埋我屋企2位尊貴客戶👴🏼👵🏼一齊嘆😊茜廊下午茶抵食又多選擇，見到有炸髀完全唔洗睇其他。尊貴客戶揀豬仔髀 同 牛扒（估佢唔到下午茶食牛扒😂），牛扒餐有羅宋湯，加錢有炸蝦沙律。🐔炸髀大大隻 - 塊皮脆卜卜，食得好開心🐮牛扒 - 好厚，但有少少根，不過鐵板上3成熟，幾好幾好羅宋湯 - 好多料，係羅宋湯嘅味道，無花無假🥗炸蝦沙律 - 就普通普通🐷豬仔髀 用左韓式辣醬 好野未，又唔老，香香辣辣好野味3個餐 配3款薯條🍟，好有心思🥰🥰

茜廊@早晨全餐過嚟樂富區處理啲文件，行過見到就肚餓入咗嚟食個早餐！做生嘅選擇都好多，由早晨全餐到輕便西式早餐都有！於是我就叫咗個⭕️早晨全餐（$61）食下啦！香草腸、炒野菌、松露炒蛋🍳、薯餅、茄汁🍅焗豆、多士同埋沙律🥗菜！多士脆卜卜，黑松露炒蛋好香好滑！薯餅都算脆邊有啲薯粒粒口感😊！香草腸而唔係用廚師腸有驚喜！相對來講一個早晨全餐可以話應有盡有！餐飲緊係飲番杯港式凍奶茶提提神啦，佢哋真係好細心糖漿係自己落嘅！糖都可以有得揀！

午餐下午茶之時間， 不用等位， 點了一份黑椒牛柳配薯菜 另加28元的法式焗田螺 半打和 紅花薏米湯三文魚併蝦球。牛柳餐分量很夠，約有兩塊牛柳约共200克，肉質嫰口，肉汁豐富。法式焗田螺也很正常地可口。三文魚扒也不會煮得太熟，這種菜式的配撘很適合女士享用，但食量大的可能會不夠飽肚。跟餐飲品正常。店員也保持正常的服務水準。這是一間定位街坊生意的西餐廳

今天又和同事一起中午飯。我叫了一個白汁雞扒意大利粉，由於是套餐，有餐包和羅宋湯，吃了包和湯，已經很飽，餐包和湯的份量大，羅宋湯很好飲，蕃茄味濃，帶點辣，更有大量蔬菜和牛肉，正!主菜的白汁雞扒也十分好吃，白汁味道不會太重奶味，很順口，雞扒煎得剛好，雞肉鮮嫩，份量也大，很完已經很飽，意大利粉也煮得剛好，軟硬適中。同事叫了豬扒飯，豬扒同樣地大份，茄味香濃，飯也焗得很香，很完已經超飽，而且還包餐飲。我們都叫了熱咖啡，咖啡是即磨的，很香，不加糖也很順口，香滑，大推。