前日（31-1-2025 Fri）大年初三晏昼，同老公向女友人WYP拜完年后行吓兼食晏，我又系唔肚饿，行吓行吓，就嚟到呢喥，睇吓门外menu，有榴梿多士饼配雪糕，好吸引咁，于是入去坐。店员拎menu嚟，话如要叫快闪优惠小食孖宝，必定叫店员人手落单，其他可扫QR code落单。睇完menu，就要：1. $68.00嘅百吉爹肉骨茶（猪脚弯）肉骨茶食材里面有金菇同豆卜，今次肉骨茶味唔太重药材味，猪脚弯都几腍，虽然肥嘅部份多，但又唔系太腻，我哋舀完一人一碗后，店员即攞壶汤嚟加。4分2. $88.00优惠小食孖宝中嘅玻璃鱿鱼配通菜小辣落单时，店员问小辣定正常辣，我就答小辣，嚟到见到有好多金蒜，通菜系干蕹，食落，幼嫩冇渣，冇灼过龙嘅玻璃鱿鱼爽口，佢嘅辣酱都几辣，我只夹少少点缀就够惹味。5分3. $88.00优惠小食孖宝中嘅鱼仔酱捞啦啦咩叫捞啦啦？老公上网search，原来系蚬，咁就拣呢个，食吓先，啲蚬同样灼到啱啱好，熟得嚟滑，鱼仔酱都辣辣地，但佢嘅豉油又甜甜地，几好味，重要系所有蚬都冇沙。5分4. $22.00嘅热怡保白咖啡少甜少奶呢个老公饮，我冇饮到。5.正价叫一杯饮品，第二杯半价$11.00嘅热柠檬薏米水呢个甜中有柠檬味，又够热，冇问题。4.5分6. $58.00嘅榴梿多士饼配雪糕最后至补叫呢样，落完单都等得几耐至到，雪糕有云尼拿同朱古力味拣，我哋拣云尼拿。夹有榴梿酱嘅多士饼已切开一半，我哋分好就起动喇，一食，件多士饼外脆内软，榴梿酱味道正常，但成个系有惊喜，云尼拿雪糕就唔评啦。5分上次带爸爸嚟食已经系4年几前嘅事，原来𠮶次佢都饮热柠檬薏米水（食评系2020年11月14日刊登嘅呢篇：https://www.openrice.com/zh/hongkong/review/yeah-%E6%BF%83%E5%91%B3-e3864042）抵食系2.7分…查看更多
