花鮮甲精品海鮮花甲粉專門店 (啟德零售館1)

【美食篇】。𝕂𝕒𝕚 𝕋𝕒𝕜✨同朋友仔行啟德零售館行到最高嗰層係ғᴏᴏᴅ ᴄᴏᴜʀᴛғᴏᴏᴅ ᴄᴏᴜʀᴛ各款美食店包羅萬有😳最後選擇了「花鮮甲精品海鮮花甲粉專門店」😋點選了,頭抽龍躉羊肚菌煲仔飯😁當職員幫忙拎煲仔飯過來時已經聞到浸浸香味☺️熱辣辣煲仔飯,煲底飯焦脆香可口香氣撲鼻☺️大大件龍躉😳魚肉鮮甜,冇魚骨刺,軟腍腍啖啖肉羊肚菌軟腍腍,口感好爽口,濃郁香菇🍄‍🟫味加上店舖高質毒製醬油拌飯,味道果然一流👍🏻👍🏻#喜歡食煲仔飯的我相當滿意😄鮮花甲粉🍲少少辣🌶️選擇了粉絲,配上濃濃鮮豬骨湯味道更濃郁🤤花甲蜆一鍋都有10多幾隻😳每隻蜆都有肉的😳絕對冇揸流攤😗😗內裏有好多金菇,好好味😋招牌焗蠔(2隻)少辣🌶️蠔🦪肉肥美飽滿,鮮嫩多汁,爆多蒜蓉😳香氣可口花椒烤乳鴿乳鴿香脆可口啖啖肉🤤肉質嫩肉多汁,帶着浸浸花椒香味,好好食😋食煲仔飯花甲粉緊係要飲罐糖可口可樂啹一啹好爽🤪好正🤪職員們服務態度好好又好親切😊絕對值得食完再食😋店舖多款選擇實有一款岩食🙂假如去啟德睇演唱會或者行街可以考慮嚟呢度食😊📌花鮮甲精品海鮮花甲粉專門店 (九龍城) @freshandfresh.official 九龍城啟德承啟道38-39號啟德體育園啟德零售館1 2樓M1-209, M1-210, M1-211, M1-212, M1-213 & M1-214號舖Food Gala內🔖 𝔹𝕐: 小編𝕄🍄…查看更多

花甲好多沙，又無味，數量又少。鮑魚一般，少少鮮味，都算可以。湯底嘛，应该係预製，正常嘅。加埋油浸蒜蓉茄瓜及Zero可樂，盛惠$133。味道最OK嘅，应该係罐Zero😂😂p.s.:中午食晏时間真係要等好耐，大概15～20分鐘，因為得一个廚師大哥做花甲粉，😒😒…查看更多

clam vermicelli pot starting at HKD$69 in Kai Tak ⁉️ @freshandfresh.official specializes in clam and seafood vermicelli and Chongqing-style pots 🍲 umami, spicy, and loaded with toppings 🌶️ also offers claypot rice and a variety of snacks and sides like baked seafood and roasted squab🍢香港啟德海鮮花甲粉專門店 $69 起⁉️ 花鮮甲 @freshandfresh.official 主打海鮮花甲粉及渝味湯鍋🍲 麻辣鮮香 配料豐富 🌶️ 還有海鮮煲仔飯及特色小食，包括焗蠔、焗北寄貝及花椒烤乳鴿 🍢🥘 金銀蒜魷魚羊肚菌煲仔飯 HKD$118fresh squid and morel mushroom claypot rice魷魚彈牙 配羊肚菌 滑嫩濃郁粉絲滑嫩 飯底有鍋巴 需約20分鐘🍲 鮮蟶子花甲粉 (豬骨湯、酸辣) HKD$99fresh razor clams and clam vermicelli蟶子彈牙 花甲鮮嫩 粉絲吸湯 香辣惹味🐚 蒜蓉焗北寄貝 HKD$79 / 2 隻baked surf clam with garlic蒜濃鹹香 貝肉厚實 彈牙多汁🦪 招牌焗蠔 baked oysters HKD$49 / 2 隻蠔肉滑嫩 甘甜多汁 蒜蓉香濃🦆 花椒烤乳鴿 套餐 + HKD$39roasted squab with sichuan peppercorn外皮酥脆 肉質細嫩 花椒油香🎋 果汁先生竹蔗馬蹄 (套餐包括)🍐 果汁先生蜂蜜雪梨 (套餐包括)📍九龍城啟德承啟道38-39號啟德體育園啟德零售館1 2樓M1-209, M1-210, M1-211, M1-212, M1-213 & M1-214號舖Food Gala內🇭🇰*…查看更多

如果你鐘意海鮮又想食得滋味，e間餐廳真係必去😋🌸鮮蟶子花甲粉，花甲同蟶子肉質鮮嫩，味道勁鮮味🥰份量都好多，同埋係蟶子皇黎🤤用上爽滑粉絲吸晒鮮甜豬骨湯底同海鮮嘅鮮甜味，食落好香，暖笠笠🤤🌸頭抽龍躉羊肚菌煲仔飯，飯焦香脆，龍躉厚切滑溜，羊肚菌帶出陣陣菌香，加埋頭抽做到提鮮嘅味道😍飯香粒粒分明👍🏻🌸蒜蓉焗北寄貝香氣撲鼻，蒜蓉微焦帶脆，北寄貝肉厚彈牙，味道鮮甜😚熱辣辣🙌🏻🌸花雕醉豬手就係另一驚喜，酒香濃郁但唔搶味，豬手炆得夠腍，皮爽肉滑，口感好有層次🌸蜂蜜雪梨，清甜潤喉😍…查看更多

鮮鮑魚花甲粉啖啖鮮味，鮑魚爽口彈牙 🐚，花甲肉質鮮甜，配上粉絲吸盡湯汁精華，入口滿是海洋味道 🌊。鮮豬骨湯底濃郁而唔膩，帶少少香辣 🌶️，啱晒鍾意層次感嘅食客。蒜泥白肉（+29），肥瘦均勻，食落好滋味！頭抽鮮魷羊肚菌煲仔飯 🍚呢個真係全晚驚喜。煲仔飯底部焦香飯焦脆卜卜，散發陣陣醬油香氣，鮮魷夠爽，羊肚菌味道濃郁🍄，同飯粒一齊入口，質感層次豐富，令人一試愛上。每一啖都滲透住煙韌與鮮香，仲帶住頭抽嘅鹹香，十分惹味招牌焗蠔🦪蠔肉肥美飽滿，焗到啱啱好，仍然保持鮮嫩多汁，咬落去滿口海水鹹香同蠔嘅濃郁鮮味 🌊。再加上蒜蓉同調味融合，好香口啱晒愛海鮮嘅朋友。呢一餐每一道菜式都各有驚喜，無論係海鮮嘅鮮味、煲仔飯嘅香氣，定係焗蠔嘅濃郁，都展現咗餐廳嘅用心同水準 👍。如果要推薦，呢幾款真係值得一試…查看更多

去到呢間花甲餐廳，最吸睛一定係「珍寶鮮魚湯肥牛花甲粉配白飯」。一上枱就見到用錫紙包住，帶住自然魚香。入口順滑，膠質感突出，冇多餘腥味，反而鮮味拖得長。 花甲大粒，肉質彈牙，咸鮮啱啱好，配合肥牛薄片，油香滲入湯底，令鮮魚湯更厚身。米粉浸過後仍然有彈性，吸晒湯汁精華，每口都實在。旁邊仲有白飯，可以揀跟湯拌食或配牛肉，滿足感加倍。 飲品方面選咗「鴻福堂咸柑桔」，鹹香加柑橘酸甜，清清地中和咗整碗粉嘅濃郁；飲完仲潤喉，完全做到解膩作用。 呢餐食落充滿家常氣息，但用料同火候明顯用心，湯、肉、海鮮互相拉拔，最後仲有一杯柑桔茶收尾，整體感覺舒服又滿足。…查看更多

價錢地址詳情…㩒呢度❣️-#ay啟德- 話說前排同班friend一齊去啟德睇演唱會🎤，入場前個個話要搵間抵食又好味嘅餐廳填飽個肚先💪。喺嗰度嘅food court行咗一圈，見到呢間店舖人龍長到不得了🐉，即刻覺得「有排隊一定有料到！」😎 呢間主打花甲粉同石鍋米線，仲有雞煲、川味小食、涼拌同甜品，價錢超親民，花甲粉最平$59起💸，真係抵到喊！😍 以下同大家分享我哋點咗嘅幾款菜式同食後感，包你睇完即刻想去試！🍴✏️ 頭抽龍躉羊肚菌煲仔飯 配 可口可樂 $138 🐟🍚一入到餐廳，個陣聞到陣陣煲仔飯嘅香氣，簡直係勾魂級數！😋 呢個頭抽龍躉羊肚菌煲仔飯一上枱，個陣真心覺得值回票價！💯 首先，個煲仔飯熱辣辣，啱啱煲好，飯面仲有啲微焦嘅飯粒，香到不得了！🔥 龍躉魚肉好新鮮，入口滑嫩，完全無腥味🐟，每啖都係滿滿嘅鮮味！😍 羊肚菌就更加係亮點，菇味濃郁，咬落有啲爽口嘅質感，配上頭抽嘅鹹香，簡直係天作之合！🍄✨飯底仲有啲鍋巴，脆卜卜，食落有種小時候屋企煲飯嘅回憶🏡。✏️ 鮮鮑魚花甲粉 配 竹蔗馬蹄 $138 🦪🍜講到呢間嘅招牌，點可以唔試花甲粉呀！😜 我哋揀咗鮮鮑魚花甲粉，仲有得揀湯底同辣度，選擇多到有啲眼花！👀 我揀咗香辣微辣嘅湯底，因為唔係好食得辣🌶️，但又想試吓嗰種麻辣嘅刺激感。結果真是一個字：正！👍首先講花甲，粒粒都好新鮮，啖啖肉，無一粒係空殼！🦪 鮑魚就更加係驚喜，切成薄片，入口軟嫩又帶點嚼勁，吸晒湯底嘅精華，食到停唔下來！😍 米線好滑溜，掛滿咗湯汁，每條都好入味，份量仲好足，絕對夠飽！🍜 湯底嘅香辣味好濃，帶點花椒嘅麻香，微辣程度啱啱好，唔會辣到咳🌶️，但又夠惹味！😋 竹蔗馬蹄飲品好清甜，飲落好似幫個胃降咗溫，完美平衡咗辣味🥤🌿。✏️ 花椒烤乳鴿 $39🕊️🔥乳鴿係我哋即興加點嘅小食，$39一隻真心抵到笑！😂 上枱時見到隻鴿烤到金黃色，表面仲有啲油光，真是一個字：靚！😍 呢隻花椒烤乳鴿真係不得了！🕊️ 皮脆到「啪啪聲」，一咬落去，肉質嫩滑多汁，帶住陣陣花椒嘅麻香，簡直係味蕾嘅享受！🌶️✨ 花椒嘅調味好到位，麻中帶點辣，唔會蓋過乳鴿本身嘅鮮味，仲有種獨特嘅香氣！✏️ 蒜蓉焗北寄貝🦪🧄呢道蒜蓉焗北寄貝一上枱，個香氣已經令人流晒口水！🤤 北寄貝好大隻，肉質肥美，焗得啱啱好，保留咗鮮嫩嘅口感！🦪 蒜蓉醬汁好濃郁，蒜香同牛油嘅味道完美融合，入口即化！🧈😍 上面仲有啲香脆嘅蒜粒同蔥花，增添咗口感同層次感！🌿 食落完全感受到師傅嘅用心，每一啖都係享受！✨ --📍花鮮甲精品海鮮花甲粉專門店 (啟德) @freshandfresh.official 九龍城啟德承啟道38-39號啟德體育園啟德零售館1 2樓M1-209, M1-210, M1-211, M1-212, M1-213 & M1-214號舖Food Gala內---#啟德美食 #啟德 #啟德必食 #香港晚市 #香港 #香港小店 #港式菜館 #啟德 #啟德小店 #香港大排檔 #必食港式料理 #啟德必食下午茶 #下午茶 #晚餐 #早餐 #啟德下午茶 #啟德晚餐 #啟德西餐 #啟德午餐 #私房菜 #放題 #香港放題 #啟德放題 #平價放題 #香港放題 #香港平價放題 #啟德抵食 #啟德探店 #香港人必食-…查看更多

第一次嚟到啟德體育園，都唔知呢度原來有個food court，朋友同我都想食花甲粉，所以就試吓呢間😎餐廳主打花甲粉同埋各色嘅煲仔飯，全部嘢都即叫即整，好似好正咁🔥🔥頭抽龍躉羊肚菌煲仔飯 🍚🍄🐟 用上高質頭抽醬油拌飯，香氣濃郁入味，煲仔飯底脆脆的，搭配嫩滑鮮甜嘅龍躉魚肉同珍貴羊肚菌，菌香同魚鮮完美融合，口感層次豐富，最難得嘅係魚肉完全冇骨，非常容易食🤩🤩鮮蟶子鮮魚湯酸辣花甲粉 🍜🐚🔥 湯底以鮮魚熬製，再加入酸辣調味，帶來刺激鮮美感。蟶子鮮嫩彈牙，花甲細滑爽口，酸辣味突出但唔過喉，可以揀粉絲米線或者白飯，我揀咗米線泡椒雞腳 🍗🌶️ 雞腳浸泡醃製入味，伴隨泡椒酸辣味，辣度夠勁刺激但唔會搶走雞腳本身嘅膠質香嫩。酸辣交織，非常開胃，而且只係加$29 ，份量都不少💪招牌焗蠔 🦪🔥 大隻蠔肉質肥美多汁，焗到表面微焦金黃，焗料濃郁帶鮮甜，香氣撲鼻。蠔味十足，而且上面嘅蒜蓉一啲都唔手軟，超香…查看更多

夜晚喺啟德附近搵嘢食，呢個food court好多嘢食，今次睇中咗呢間花甲粉專門店。除咗花甲之外，佢仲有其他海鮮或者肉類嘅配搭，我哋今次叫咗蟶子花甲粉，加咗一個酸辣土豆絲，花椒乳鴿，兩隻焗蠔，同埋蒜蓉娃娃菜。花甲粉好大兜，用錫紙包住幾有特色，花甲同蟶子嘅份量都唔少，好有鮮味，入面仲有金菇，兩個人食呢兜粉都有啲飽。另外叫咗蒜蓉娃娃菜，兩個湯底應該係差唔多嘅湯底，不過比較之下花甲粉嘅味道就比較淡味啲，下次可以試吓加少少辣，可能會好味啲。酸辣土豆絲， 廿幾蚊，份量適中，好酸辣，作為開胃小菜，好好味，而且好爽口， 10分推薦。花椒炸乳鴿，有驚喜，炸得好脆，而且真係食到有少少花椒味，幾有特色，啲肉質都幾嫩口，不過可惜嘅係佢冇提供配乳鴿嘅准鹽同埋喼汁，如果有嘅就更加好。最後仲有兩隻焗蠔，佢個蒜蓉都好好味，蠔都好大隻，燒得幾出色，可以encore。…查看更多

今日同老公專程過嚟啟德睇《中年好聲音3》演唱會，未入場前就喺啟德零售館1 的 Food Gala 搵地方醫肚，選咗出名食花甲粉嘅「花鮮甲」。我哋揀咗一客 $99 鮮龍躉片花甲粉，用魚湯底配粉絲，仲送埋一支細樽裝飲品，價錢算合理。花甲好鮮甜，龍躉片厚身滑嫩，粉絲吸收晒湯底味道，整體配搭相當出色。不過略嫌蒜蓉落得過多，遮蓋咗魚湯本身嘅鮮味。食完花甲粉我哋覺得唔夠喉，再叫咗一隻 $39 花椒烤乳鴿。乳鴿香口、肉質嫩滑又 juicy，花椒香氣撲鼻，但我第一次試花椒醃製，食落去有少少麻感，幾特別不過講返一段唔太開心嘅插曲 — 我老公見到可以加 $9 換紅油抄手但要 follow IG，可惜佢冇 IG Account；落完單先話我知，我就返去問個女落單員（長頭髮帶粗邊黑框眼鏡），佢態度好唔友善，佢話「下次」一定要係落單時加，咁我就以為佢會俾我加啦！跟住佢又話要我是但買樣食品，最平都要買一罐可樂，因為佢嘅理由係落唔到單… 但我自己都係做飲食業，知道其實 POS 隨時可以人手修改。我都忍咗唔想同呢啲黑口黑面嘅人一般見識，影響我去睇演唱會的心情💬 整體感受：花鮮甲啲食物確實有驚喜，食材新鮮、味道夠誠意，唯獨員工服務態度差及表達能力差，影響整體用餐體驗。🔶利申：以上食評內容純屬本人當日個人之真實體驗及感受，並無意針對任何人士或商戶。如有不同看法，敬請略過。…查看更多

今日又帶bb來啟德行下，因為行商場又得，行室外去零售館條路都好多野睇，bb睇到好開心就去零售館食飯！估唔到零售館原來有個地方叫food gala，就好似food court咁我見好多人食一個煲，裡面用鍚紙包住一座山型既食物，問完發覺原來佢地係食一間花甲粉絲專門店！！-鮮蠔仔花甲粉雖然話係蠔仔，但一D都唔細粒，每飯蠔都好飽滿，睇相就見到有幾肥美，加上大量花甲，成個湯頭食落好鮮甜鮮鮑魚花甲粉，估唔到佢既鮑魚有3大隻，鮑魚軟硬度適中，這個花甲粉性價比極高！-招牌焗蠔鋪滿蒜蓉，相當惹味，焗蠔亦能保持有肉汁花椒烤乳鴿，第一次foodcourt見到乳鴿，而且係高水準，食落皮脆肉嫩，同朋友一人share一半剛剛好-仲叫咗酥炸黑松露薯仔粒、手拍青瓜🥒估唔到喺foodcourt都可以食得咁豐盛、好似去咗中菜館咁，唔經唔覺點到成枱都係下次再來一定會再食花甲粉！…查看更多

最近又去咗啟德體育園啦，發現原來有個幾高質嘅food court，幾多區外小店都有喺度開分店～ 基本上每一枱都見到花甲粉嘅出現，所以我地都幫襯咗👉🏼 花鮮甲精品海鮮花甲粉專門店～ ➿ 手拍青瓜 (正價減$10👉🏼 $19)青瓜份量幾多🥒 每一嚿都幾大條！睇落個樣好辣，但係食落又覺得辣度溫和～➿ 蒜泥白肉 (正價減$10👉🏼 $29)同連鎖米線店嘅蒜泥白肉好唔同，呢度嘅蒜泥白肉感覺冇咁肥，冇蒜泥山，但係都入味嘅～➿ 鮮魷魚花甲粉 ($79)魷魚幾大嚿又厚身🦑 生熟度剛好～ 花甲好鮮味，又爽口～ 揀咗跟粉絲，勁重蒜味🧄🧄🧄 正！➿ 生燙肥牛湯鍋米線 ($69)用砂鍋上特別有風味～ 湯底酸酸辣辣幾惹味，肥牛、芽菜嘅份量都唔少～ ➿ 紅糖冰粉 ($19)山楂控表示開心見到冰粉上面有好多山楂餅粒粒～ 令到爽滑嘅冰粉除咗有紅糖漿嘅甜味，仲多咗酸酸嘅味道😆➿ 鴻福堂咸柑桔➿ 可口可樂 (+$5)每碗麵都會包一款嘢飲👍🏼…查看更多

聽講呢度嘅花甲粉幾出名，7:00左右已經有人排隊，多人食有信心啲就揀佢，位置就係喺美食廣場仲有煲仔小菜同米線🍜整體嚟講都唔錯價錢適中 本身想食烤魚 但係朋友話想食雞煲多啲當中最鍾意就係「鮮魷魚花甲粉」有種街頭小食嘅感覺魚湯味道溫和，花甲粉用錫紙包住，蒜味幾香，夠晒熱辣辣最估唔到連乳鴿、雞煲都有，我揀咗幾款食物share 雞煲加埋芫荽好惹味最後甜品方面揀咗爆漿糍粑夾心內餡和煙煙韌淋的口感好夾出餐好快就算趕時間都OK…查看更多

一向很喜歡這間花甲粉專門店個人最喜歡胡椒湯底香辣惹味，非常開胃今次選了花甲拼蠔仔粉絲兩款海鮮的數量也不少新鮮，處理得很好，不會有沙和腥味配菜金菇也很入味！跟餐附送可樂/樽裝/紙包飲品性價比極高！…查看更多

新開美食廣場當然要嚟試下呢度啲野食啦，一入嚟見到間花甲粉很吸引就試呢間💚無骨魚片花甲粉 $69（鮮魚湯、米線、小辣、道地烏龍茶）食物即叫即煮魚片較滑而花甲較細粒，份量可以湯底味道唔夠濃整體吃落份量足夠🌟Encore 指數：7.0/10…查看更多