花莉廚房

星期日放假....好想嘆個靚早餐, 就醒起附近有間..良心小店當日ORDER 左份ALL IN.... 廚師好有心,  知我唔食蛋, 將雞蛋轉成其他食材。花莉廚房位於青衣的一個角落, 外觀設計簡約而不失禮, 走進餐廳，讓人瞬間感到放鬆。老板兼廚師非常親切, 在點餐過程中, 對菜單的介紹詳盡周到, 耐心解答我每一個問題, 感受到對客人的需求保持敏感。千層薯...薯蓉.... 芝士.. ...無得頂... …查看更多

輕型（$68）酸種麵包，有一片，微微烘過，塗上少量牛油，有咬口。煙肉，有一片，唔太咸。腸，有一條，脆皮，有彈性。雞蛋，可選炒蛋、太陽蛋、煎熟蛋，有兩隻，要咗煎熟蛋，正常。另外附送三粒車厘茄，微微烤過。曬冷（$128）自家製千層薯，有一件，外層微脆，薯味足酸種麵包，有四片。煙肉，有兩片，呢兩片就乾啲所以有啲硬。腸，有一條。哈羅米芝士，有一片，兩面煎香，芝士味淡。燒烤菇，有一個，仍 juicy。車厘茄，有五粒。牛油果，布半個，切片，洒上少量黑胡椒，軟身夠熟。雞蛋，可選炒蛋、太陽蛋、煎熟蛋，要咗炒蛋，炒得唔錯，無過老。Dirty（$30）第一次試，味道可以，夠滑，咖啡味不錯。Iced Mocha（$35）朱古力味一般，味道可以。總括嚟講，食物製作用心，味道可以，室內環境及裝修普通，收費不便宜，地點不方便。主要做區內生意，小店要加倍努力。…查看更多

之前見有青衣街坊介紹呢間新Cafe，bookmark咗。 今日有時間就同媽咪來試吓，我哋試咗明太子卡邦尼意粉同芫荽青醬粗管粉，平日lunch set免費送梳打水，我哋揀咗蘋果梳打同埋荔枝梳打，兩個都好味！蘋果梳打味道就較為突出！兩個意粉都好有誠意！ 賣相好靚！ 本人比較鍾意芫荽青醬粗管粉，因為上面有芝士更香，粗管粉係煮到煙煙韌韌嘅程度，好有咬口，perfect ! 下次會想試埋個泡菜意粉！青衣街坊值得一試💪🏻…查看更多

入座後要自行去收銀處點餐，暫時只收Payme同現金。小店經營，人手不多，預左要等一輪。如果裝修有焦點和座位舒服一點，可做特色咖啡屋。全日早餐不包飲品，雞肉牛油果三文治就大件算抵食，可惜三文治無烘底，口感差了一點點。酸種麵包幾好味又夠脆，不過食唔出有芝士，雙葱份量又太過少，三文魚口感都唔錯；只是整體份量太細，做早餐就可能唔夠，下午茶應該比較適合。抹茶味淡了一點，不過就IGable🤣。整體食物算合格，可間唔中去下當支持小店。…查看更多

涌尾最近想搵間餐廳都難。。。青衣南難得有間小西餐😋簡簡單單環境芫荽青醬粗管通粉🌱蘋果梳打🍎今日冇飲咖啡，但聞到好香，下次真係要試一試如果通粉入面可以加小小火腿就更好啦！…查看更多

今次係第二次想去呢間Cafe。佢喺之前串燒店嘅位置。上次星期日去，12:00先開舖，一開舖就好多日。今日平日lunch嘅時候去堂食其實冇乜人。嗌咗個明太子意粉65蚊。 加咗$15要塊雞扒。因為咖啡要加錢，所以就冇嗌到。不過天時咁熱。佢送嘅嘢飲都夠飲嘅。 同上次一樣，雞扒一樣係孜然味好嫩滑好味嘅。$15加$1都OK。今次個明太子意粉好夠味道。明太子白汁好好食。意粉質地煮得啱啱好。唔太林亦唔太晏。 個溫泉蛋都煮得好好。略嫌個份量細咗少少。 送嘅檸檬梳打都refresh嘅。總括嚟講呢一餐都食得幾開心。 見到佢哋都有買自家製嘅小蛋糕。$15.1嚿。下次去試吓先。…查看更多