花羨沐嵐

警世！見到半價$16杯就試下，點知冇得走冰都算，而且抹茶奶蓋得個甜字，下面既抹茶完全冇奶味，似係溝左少少抹茶粉既糖水，成世人未飲過咁難飲既抹茶，要即刻掉落垃圾桶…查看更多

沒得選甜度沒關係，想說說不定黃金比例更佳，抱着一試的心態就點了這杯青龍波霸奶蓋。（青龍=抹茶）黑糖珍珠甜可理解，但抹茶也是甜到不要不要的。甜上甜再加上奶蓋的甜膩，整杯失去平衡。很失望🥴…查看更多

又黎到荃灣路德圍呢條美食街😍見到花羨沐嵐出左新系列就緊係要試吓☺️野飲好足料而且配搭新鮮😉一杯野飲有齊唔同口感，大滿足😎今次一次過試左三杯野飲：🧋芋泥波波奶茶（$36）🥭牛乳芋泥芒芒（$34）🥤鮮芋牛乳西米撈（$36）芋泥口感綿滑，唔會太稠，好容易撈均😊珍珠彈牙煙韌，牛奶味好香濃🤗芋泥芒芒好清新🤠全部都好值得試🫶🏻/📌花羨沐嵐荃灣荃興徑14號富榮大廈地下A號舖/😋食物質素：7/10💰性價比：7/10👣回頭率：7/10…查看更多

#新產品#期間限定#鮮芋系列#芋泥波波奶茶#鮮芋牛乳西米撈#牛乳芋泥芒芒#花羨沐嵐呢幾日突然之間凍咗咁多，出街隻手都凍到僵咗🥺🥺經過茶飲店要買返杯暖飲，暖吓手仔再順便氹自己開心😬💖見到花羨沐嵐✨出咗期間限定嘅三款鮮芋系列，係我最愛嘅芋泥💋💋即刻買返兩杯先🤟🏻🔹芋泥波波奶茶唔知芋泥配奶茶係咩味嘅呢👀👀估唔到飲落去味道都幾夾😝奶茶香醇潤滑、芋泥軟糯綿密，加埋煙煙韌韌嘅芋圓，好飲得又有咬口🥳熱飲又可以暖一暖胃🔥🔹牛乳芋泥芒芒朋友揀咗杯牛乳芋泥配芒果蓉🥭飲落滿口濃厚芋香，選用鮮牛乳特別香滑滋味❤️配埋香甜濃滑嘅芒果蓉，提升味道層次💗🔹鮮芋牛乳西米撈另外仲有款西米撈，等我下次有試吓再同大家分享😋花羨沐嵐✨📍荃灣荃興徑14號富榮大廈地下A號舖…查看更多

🚩荃灣路德圍🚩行到好熱，於是想買返杯野飲涼下降溫，見到路德圍有間花羨沐嵐，見到佢有杯奇異果沙冰好似好好飲咁，即刻去買。奇異果沙冰 $36以為佢只會全部奇異果打碎成沙冰，點知佢仲會加返兩塊奇異果上面😍😍仲要咁岩奇異果唔太酸，甜度岩岩好🤪📍 花羨沐嵐 （荃灣）🗺️ 荃灣荃興徑14號富榮大廈地下A號舖…查看更多

放假去荃灣掃街，路德圍入面有間開咗好耐嘅茶飲店花羨沐嵐，叫咗兩杯野飲。 芝芝芒芒芝芝芒芒呢個口味咁多年都係人氣之選，芝士奶蓋甜得黎有奶香，芒果汁夠足料，仲有少少果肉粒，有d咬口🤩特調飲品-寶礦力白玉鮮柚呢個crossover 真係好驚喜，一開始都唔知寶礦力會同柚子咁夾，飲落去真係好開胃😂柚子嘅酸味同白玉嘅清新口感真係好啱香港嘅天氣，雖然未入夏，但係掃街食得多熱氣野飲返杯都好爽🤭如果試下啲新口味嘅茶飲，寶礦力白玉鮮柚值得一試👍🏻…查看更多

🌟餐廳：花羨沐嵐📍地址：荃灣荃興徑14號富榮大廈地下A號舖💰價位：～$50荃灣係個小食集中地，又多茶飲店選擇，岩哂行街行到攰買番杯嘢飲抖一抖～今日就揀咗呢間「花羨沐嵐」試吓～除咗個名夠晒特別之外，嘢飲嘅款式口味又夠多～———————————————————🔹寶礦力白玉鮮柚朋友揀咗呢杯新出既飲品，顏色賣相好靚，粉紅色夠可愛～用咗好多鮮柚肉再加入寶礦力調製而成，甜度適中好解渴，而且仲有助消化，夠健康～加埋白玉，煙煙韌韌口感一流，飲落好滿足～———————————————————🔹芝芝黑葡萄我就最鍾意呢杯有芝士奶蓋既芝芝黑葡萄～賣相固然好靚，上層既芝士奶蓋夠晒厚身綿滑，飲落好香濃～黑葡萄用上新鮮葡萄調制，飲落仲有一粒葡萄果肉，酸酸甜甜又夠清爽，解渴一流～———————————————————😋味道：4/5🏢環境：4/5💁🏻‍♀️服務：4/5💵價錢：4/5🤟🏻性價比：4/5———————————————————👅整體小總結坊間嘅茶飲店選擇眾多～呢間花羨沐嵐大部分採用入口水果，店主每日都會親自選購新鮮生果，確保水果新鮮優質，再調製而成特飲，用料豐富製作認真，而且價錢大眾化～茶飲則採用嚴選高山茶葉，熱泡好後即冷凍處理，可減少咖啡因及丹寧酸等不良成分産生，令茶湯減少苦澀味，更保障顧客健康，真係好有HEART!…查看更多

超級飲意飲甜野，每見新店都心思思想試下，今次就試試係荃灣鬧市既呢間‘花羨沐嵐’🦄。呢間茶湯店以台灣鮮果茶為出發點，使用台灣茶葉以及鮮果為品牌主要概念，花羨沐嵐呢個名好eye-catching 細心留意下佢地既單張，原來呢個名靈感來自中國文化花木蘭花麗出征既氣派，同店舖logo既駿馬同出一轍，好有心思❤️。聽店長講佢地採用嚴選高山茶葉，熱泡好後即冷凍處理，可減少咖啡因及丹寧酸等不良成分産生，令茶湯減少苦澀味，更保障顧客的健康，咁日日飲都唔怕了😆。而水果茶方面，大部都分採用入口水果，店主每日都親自選購新鮮生果，確保水果質素，唔怪得杯金鑽菠蘿咁香甜啦。今次同朋友仔飲左傳單推介既金鑽菠蘿冰茶同埋百香果綠茶，係鮮菠蘿呀，好香甜，菠蘿揸到溶晒咁滯，有茶香但唔會太濃太澀，飲到d菠蘿渣，真係好有口感，而百香果綠茶，茶味果味恰到好處，酸酸甜甜好清新，唔飲太甜既記得order微甜就完美了，仲有好多水果口味既茶都想試，佢地既分店分別係荃灣，沙田同大角咀，記得去試下啦，本人極度推薦，好飲，絕對一試難忘!…查看更多

尋日係荃灣同啲同事食飯，食飯之前就周圍行下，行到咁上下就搵個地方抖一抖先😊經過見到呢間「花羨沐嵐」就買返杯嘢飲休息下，咁就可以行更遠嘅路😂見到舖頭有一個Top 10人氣之選嘅龍虎榜，咁就梗係參考吓啦，見到人氣之選嘅第一位就係葡萄柚綠茶，咁當然就第一時間叫呢杯啦😬葡萄柚綠茶 $34芝芝芒果 $28啲職員唔講都唔知丫，原來店舖用嘅係嚴選高山茶葉，熱泡好之後即刻將佢冷凍處理，咁做原來係可以減少咖啡因 同埋 丹寧酸等不良成分産生，令茶湯減少苦澀味道，同埋 可以保障我哋嘅健康！小編又長知識😬又學到嘢啦😂同埋 店內大部分採用入口水果，而店主每日都會親自去選購新鮮嘅生果，確保生果嘅優良品質👍…查看更多

係路德圍食完晚餐，當然要係附近買杯台飲😍花羨沐嵐我都係第一次飲。店員推介咗我飲鮮果寶礦力🤤一款係併百香果椰果，另一款係併西柚寒天晶球🫧✪ 百香果椰果寶礦力 有好多百香果粒粒，感覺好健康。加上椰果，彈牙有咬口。整體味道唔會太甜。真係唔錯。✪ 西柚寒天晶球寶礦力 好靚嘅水果茶。係杯底見到好多西柚果肉，好真材實料👍🏻 西柚酸酸地，好醒胃。寒天晶球好有嚼口。果香之中又滲透出寶礦力味道。唔覺唔覺就飲完一杯。【 花羨沐嵐 】📌荃灣荃興徑14號富榮大廈地下A號舖…查看更多

今次買咗兩杯野飲，其中一杯加珍珠，收咗錢又冇比到珍珠我。同員工反映，之後態度極差，完全冇反應，咁我就要求退錢！另外一杯叫微甜少冰，一飲落去勁甜，全糖黎既！行番轉頭要求換過一杯，員工又對住我西面，之後唔係重新整過一杯，而係倒一半再加一半茶俾我，真心好無奈！！咁樣做野，真係冇下次！特別投訴！眼細細狐狸眼戈個同事，睇心情做野！買幾次都係西口西面，好難再幫襯，附近幾間鋪頭都買過，呢間係服務態度最差！！成日整錯都算，咪換番啱比人囉，啲糖喺杯底，倒一半咪又係好甜，有咩分別啫，好地地換一杯新既比人咪得，態度又惡劣！！極差極差！！！真係貼錢買難受！！絕對吾會再幫襯！！！…查看更多

黑龍波霸奶蓋（熱）🐄 $34 M到嘅日子繼續只可以飲熱飲~冇幾多間飲品舖可以熱飲有奶蓋🔥行到嚟花羨沐嵐竟然有！所以就買了呢杯好快就嚟了，攞上手好熱！好驚奶蓋好快溶咗，所以要快啲揭開個蓋飲，啲奶蓋好香奶味，口感厚實😍😍呢杯嘢飲嘅糖度係取自波霸🧋如果叫少糖就會少咗波霸，所以都係叫返正常就算，好彩冇叫少波霸，啲波霸好香黑糖味，咬耐咗入邊仲有焦糖嘅味道，不過今日有啲夜買，可能啲波霸放耐咗有少少硬🫢🫢就扣咗少少分，新鮮出煲嘅應該好正要注意嘅係，加熱咗嘅鮮奶特別濃，飲咗少少已經好滯，差啲飲唔曬成杯🤡🤡…查看更多

估唔到買一杯凍野飲收一蚊 最離譜嘅係前一個買野飲嘅人要個袋 唔收錢 下一個買野飲正正要個袋 問一句介唔介意收一蚊呢 甘我就話 點解前一個買家唔收錢 離哂譜 講平唔係平過其他鋪 唔會有下一次幫襯…查看更多

呢日去新界西拜山之後，同屋企人搭小巴落荃灣搵地方醫醫肚朋友介紹一間係路德圍嘅韓國餐廳等枱期間四周圍行吓睇吓呢日天氣都有啲熱，屋企人記得喺附近有一間飲品舖，飲過佢嘅”葡萄柚綠茶”，啱哂解渴～🔸 葡萄柚綠茶飲品份量有得揀M或者LOrder 咗杯L 同屋企人開心share😊🧊冰量🧊：揀咗正常🍬甜度🍬：揀咗微糖飲品到手～～～👀望落都幾吸引，葡萄柚果肉粒嘅份量接近¼杯，飲品中間仲有片圓轆轆嘅葡萄柚飄浮住🫧🫧👅啖啖葡萄柚果肉，果肉多汁，又無苦澀味我偏好少甜嘅飲品，覺得呢個甜度啱啱好不過鍾意甜少少嘅可以揀半糖飲完杯解暑解渴嘅葡萄柚綠茶，咁啱餐廳就有檯喇～…查看更多

🎊荃灣掃街 | 第四彈.食左咁多小食係時候要飲返杯野😝路德圍呢度賣飲品既鋪頭唔算好多選擇，所以見到呢間又未試過就決定試呢間🤭我就揀左呢杯寒天白桃烏龍（$27、少甜少冰）呢杯好清爽，茶味亦都好香，仲有淡淡既白桃味🍑有埋寒天有啲咬口令到杯野飲口感豐富😍天氣熱一飲真係舒服晒🤤不過下次會叫半糖或者微糖，少甜都係太甜🤣/📌花羨沐嵐荃灣荃興徑14號富榮大廈地下A號舖/😋食物質素：6.5/10💰性價比：6.5/10👣回頭率：6.5/10…查看更多