花水木日本料理 (已結業)

為左完善表弟既增肥大計,我地黎左花水木食富貴放題,唔使同人迫呀嘛!酒店送出既豪華刺身拼盤: 秋刀魚刺身有D似咸魚, 但肉質爽脆, 口感特別大海膽有D令人失望,好耐冇係香港食過令人滿意既海膽了...三文魚, 吞拿魚,甜蝦質素一般...切得不厚, 魚香亦不算突出大海赤蝦件頭較大, 出奇地彈牙幼滑,很讚雪花蟹腳吃得到海水咸香,蟹肉亦算鮮甜,不過同自助餐任拿的無大分別...炸豆腐非常特別,爽嫰幼滑, 入口即溶,其餘炸物都只是一般放題質素,雖然熱力充足,但用料不見得高尚,尤其炸蠔, 炸蝦,皮厚肉汁不多,只係僅僅合格鵝肝件頭很大,在口中溶化的肝油脂像豆腐般令人陶醉,干脆的外層做到了很好既保護作用,鎖住了肉"質", GOOD!少有的蟹膏軍艦味道濃烈,就好像把整隻蟹的膏濃縮放入口中,不過份量不多, 有些礙事的青瓜在...HAAGEN DAZ雪糕火鍋,用上了不知那邊的朱古力,味道濃但可可味不足,雪糕依然有雪在上面,顯然是放置良久,雖然味道不錯, 但不夠好啊還有一D表弟最鐘意既色情書刊,兒童不宜呢…查看更多

少人，較靜，易搵位，因為唔想等位，所以選了這處。我們點了LUNCH SET，友人是平一點的烏冬，味道OK，好似幾滑。而我的LUNCH SET 是  pork chop with RICE. 先來湯，好普通的味噌湯，再來滇物，那可能是牛蒡的東西，自己很少弄來吃，味道特別，不錯。Ｄ炸pork chop 好好味，大大塊，唔油。不過太飽肚。我們又叫了串燒，牛舌、CHICKEN WING。散叫貴了一D，但燒來剛好，唔會好硬，好香又好食。唯一不好的是，LUNCH SET沒有跟TEA　or Coffee，不夠完美。…查看更多

一直以來都不太喜歡在香港食日本放題(二百零蚊個d), 原因係自己食得唔多又要限時限刻,大部份時間等野食多過食野時間,好食個D又勁多人...今次因要同女友慶祝又唔知食乜好,上網見到團購花水木放題d相幾吸引, 不過心想團購都唔方好得去邊la,相呢家野呢...好難作準,加上openrice d 食評又麻麻地...不過有個老友話個度之前果度換咗大廚,佢同客食過都話唔錯,咁我決定試一次la,輸晒都係幾舊水啫...一入去得幾台客,唔似其他放題人山人海,環境都okla。 一坐低就先o黍個幾骨子o既刺身拼盤,雪花蟹腳,前菜同沙律,最讚係D牡丹蝦,超甜,海膽仲有金薄,仲有唔知叫乜魚o既都好好食(後得知叫池魚),其他刺身都係靚貨,唔係坊間任食果d質數。另外餐廳送咗兩杯佢地自家制o既梅酒都好好味,少少甜啱啱好。之後再order都係一般放題都有的選擇, 不過牡丹蝦, 煎鵝肝質數高，任食超正，蟹腳都唔錯, 海膽就中級貨,另外燒羊架,炒和牛粒都值得推介。不過燒物就唔掂,可以唔點,甜品多選擇不過唔係樣樣都好食。今次團購價每人$388再加一,以食物同環境算係好低,到5星酒店食buffet起碼五六佰，的貨都應該比唔上呢度,雖然同高級日本料理差好遠,不過咁o既價錢都算好好ka la…查看更多

前兩年老公話生日想起花水木吃自助餐. 我看了看價錢, 要差不多$400吃日式放題, 與當時外面盛行的日式放題只需$200差太遠了, 於是我拒絕了, 但我並沒有忘記老公的一個未了心願.今年他又生日了. (為什麼你的生日慶祝有這麼多多多???...)但能每年為你慶祝也很願意的...買了花木水下午套餐的團購, $88加一, 埋單每位$96.8, 在大酒店吃午飯, 很划算.難得老公星期一放假, 平日吃不用我專程出外一趙. 一到午飯便衝到君怡酒店大堂, 直上2樓. 中午時候食客不多, 直到下午2時仍然是3枱人. 可能大家都認為在酒店午餐太奢侈啦!花木水每週轉款A, B, C, D總數20個套餐選擇, 而今天是D區.置身於充滿千羽鶴的店內, 很優雅.開揚街景, 吃得人心情偷快!奉上兩杯熱茶, 杯子上刻了花木水三個大字. 鍋燒烏冬定食跟稻荷壽司等了約15分鐘食物來了~~感覺瓦鍋好燙手呢!! 烏冬料有半生熟的三文魚, 一隻炸蝦. 半生熟雞蛋作攪拌. 有什菜. 感覺好大鍋呀, 同老公share.這類半生熟三文魚好少吃到, 咬開裡面有點刺身feel, 老公都讚好而稻荷壽司就是港人說的腐皮壽司. 飯少少, 腐皮大大, 好味. 澳洲羊鞍七味燒定食以為老公會因為D set冇得選壽司飯而不高興, 怎知他說更喜歡羊鞍一set兩件, 是5成熟但沒有滲血, 等了差不多25mins才上菜.羊嫩肉汁多, 用七味燒唔辣, 仲可以自己加多次七味粉, 會更惹味!以上的鍋物及羊鞍是每人可選一款, 其餘的食品每個餐均有附上的. 鵝肝海鮮蒸蛋海鮮就看不到, 鵝肝就有一小粒.蒸蛋好夠味, 而且好滑. 老公就喜歡鵝肝, 但我覺得沒什麼味. 芒果布甸份量一口吃完, 但基於已飽到動彈不得, 沒所謂啦.芒果味道是有點假, 像在日本吃到的味道, 不是港式芒果布甸.套餐還有每人一客蕃茄雞絲濃湯, 前菜, 漬物, 和風沙律配柚子汁, 餐飲等, 都不過不失.總之就好滿意, 100元值得!…查看更多

幾個月前喺網上買咗餐券, 在上星期六和班同事訂咗枱一齊食日本放題, 之前已經喺呢間餐廳食過一次放題都OK喇! 今次喺第二次幫襯!:) 值得一提嘅係上一次去食同今次有啲唔同咗, 上次啲壽司d飯入口感覺硬咗小小及無乜味, (其他食物大至上都滿意), 當時我地都有同o個度嘅侍應反影過話啲飯硬咗d, 今次食落又真係唔同哂…… d飯又暖又軟再加埋啲刺身配搭真係非常好味!!!!!! 好開心覺得佢地真係有聽取我哋既意見去改善o左｡ 另外今次個menu增加o左好多款唔同嘅菜式, 唔會覺得悶及都食得幾開心…………不過我認為最好每人送番杯飲品就更加正!…查看更多

最近上網有好多團購賣任食放題, 我和老公同、大伯和奶奶一齊去酒店到食，因價錢唔貴，menu內list的食物款式又多，所以當晚訂了七點幾鈡去到全埸爆滿:(。今次一行四人走去食，主要替奶奶慶祝生日，今晚食D嘢喺其它料理都無出過，好多款式每款我們都不會放過， 除了食得好之外，最難得同屋企人一齊食特別開心。我們已經食了2個幾3個鈡，又影了幾張相放上blog到，hehe。嚟緊有同事生日，我會提議他們一齊再到這間酒店食多次，因最重要呢到啲侍應，唔會覺得我哋狂入單而感覺好麻煩，她們又好禮貌和好傾，還主動介紹好多好食物比我哋知，今晚真係好鬼開心~ yummy… yummy。…查看更多

朋友就黎結婚, 前幾日放假陪佢去o左尖沙咀金巴利道附近睇婚紗, 睇到6點幾鐘, 已經差唔多天黑, 開始有D肚餓行到好攰, 行到君怡酒店對面,見到外牆上層玻璃寫住花水木, 個朋友就話o係依間野食過lunch, 話d野食都唔錯, 我地已經唔想再行, 就上o左去lu!去到間餐廳個waitress就安排我地座位, 問我地係唔係食放題, (咁我問佢, 你地有做放題咩? ,但個waitress回應, 有, 不過放題是要預先上網買的), 因我地冇買唯有選擇o左單點｡我地叫o左壽司併盤, 雜錦刺身, 大蝦天婦羅及和牛肉眼扒等等…手握壽司 – d飯好軟熟, 好好味!雜錦刺身 –新鮮夠厚, 鯛魚薄切認真Ichiban!!!大蝦天婦羅 – 蝦好大隻及好酥脆!和牛肉眼扒 – 香噴噴, 嫩滑多汁, 牛肉味好香濃, 超正正正!!!:)我地食得好飽, 差唔多9點幾10點先埋單, 朋友見我成日陪佢睇婚紗, 所以佢請我食o左依餐極豐富o既dinner, 多謝哂Josephine!!!!:)…查看更多

早幾個月前因買了團購就跟家人來食,當時真感覺十分失望後悔,食物質素很差,因有一位家人沒來,多了一張票,我為了不浪費,又獨自來吃,今次只吃剌身,其他所謂熟食不敢恭維,因剌身款式很少,食來食去都是那些,只得甜蝦及三文魚可以入口,其他都唔新鮮無味,如果不是那張票,我一定一定不會再入去食,去一般日本餐廳以相同價錢已經是好好,不會再買團購:(…查看更多

朋友從北京來港做巡迴戲劇表演，正好入住君怡，雖然是星期天，但剛要趕交freelance，累到hihi的我，他也是剛完成表演，太家都不想到處去，幸好朋友說想吃日本菜，而這裡剛巧就有花水木！酒店餐廳，不用多說就是夠企理，乾乾淨淨，明明亮亮，不擠湧，正好讓累透的我們靜靜地用餐，淡淡地攀談。吃得日本菜，那少得刺身呢？我這位朋友是少有極喜歡吃魚生的北京人，上年的這個時候，我們常常一起在北京找好吃的日本料理，然後大吃一頓！呀，真令人懷念！說回這店的刺身，皆因我們喜歡吃，也就每人叫了一碟，我的主要是三文魚和甜蝦，這是他的，甚麼都有，比較好看。刺身夠新鮮就好吃，不用狂沾wasabi，因為真夠鮮，wasabi會搶哂所有味！好吃好吃，2分鐘清了><我不愛吃炸物，這是朋友叫的，他很欣賞，因為蝦「很爽很爽」他如是說，我就這樣寫好了！這羊架是我要的，味道好是好，可惜有點過熟。。。這3碟是店員推介的，都很可口！我最愛雞翼，外脆內滑super good！吃東西也許很講心情，有朋自遠方來，大家又剛好辛苦工作完，都渴望可以悠悠然吃一餐，而這一餐，好吃之餘，又能安坐漫談，感覺超讚的說！…查看更多

前幾日, 同幾個老死出黎食飯聚o下舊, 今次我地去o左尖沙咀君怡酒店入面既日本餐廳食放題｡ 間餐廳有日本feel, 但設計簡潔, 不過都有d特色｡ 一坐底班老死就叫o左好多冷盤, 有刺身､壽司… 但我唔係咁鍾意食生冷野, 所以我都係叫熱食為主, 本人覺得最好食係金茹肥牛卷, 同埋牛柳粒, d牛肉幾好味又多汁, 食落去口感唔錯, 味道啱啱好! (可能因為自己係食肉獸, 又鍾意食牛肉既關係), 而其他要推薦既就係明太子雞翼同海蝦天婦羅, 炸得好酥脆好好味! 埋單o個陣, 因老死已經買o左團購飛, 搭棚都係兩舊幾水, o係酒店黎講, 哩個價錢又唔限時間, 都幾低食, 值得一試!:)…查看更多

一向喜歡吃日本菜的龍笑爺今日約左幾位食家朋友一齊去搵食，今次到尖沙咀嘆一嘆朋友推介多次的花水木！眼看之前的食評，我實在有必要出來為花水木平一平反！一早預約8:00進食，等左一陣順利坐低，我地享用左3.5小時價值$568的放題 (食家朋友識得人多，拎到折頭，最後每人拆左只係約$200多，非常抵食！）坐低望望個Menu，任食的刺身認真唔惹少！有港人最愛的三文魚、吞拿魚、海鯛魚、北寄貝，還有我最愛的甜蝦！刺身肥美、甘甜，入口有油香，最難得係真係可以不停追加:)！當然大前題係你要叫幾多食幾多，唔好浪費食物呀嘛！吃完一輪最愛的刺身，當然要Take個Brake，試一點較清淡的菜式，我選擇了鮮茄素麵凍湯，新鮮的蕃茄味道令我諗起尖沙咀星座冰室的超級香濃蕃茄湯，配上素麵，非一般的合襯，吃完感覺清新，把之前吃刺身的油膩感覺一掃而空，為接下來的主菜作好最好的準備！談笑風生一番後，主菜時間到！食家朋友大力推介梅子免治雞肉捧，我當然要試一試！本身對梅子興趣不大，梅子味混入雞肉當中，一口咬下去，感覺好清穎、特別，食完即刻想食多舊，但我當場會忍住口！因為仲要試其他野！火炙薄切他他牛肉凍 - 近年比較少吃牛肉，但眼看新鮮的他他牛，都係忍唔住口，食指大動！可能因為太耐冇食，真係覺得好好味，入口軟綿綿，肉味濃郁，最後都忍唔住食左幾塊！日式豬軟骨蘿蔔鍋 - 其實吸引我的並唔係豬軟骨，而係後者蘿蔔！真正好食的蘿蔔，煮法很考功夫，要選擇新鮮香甜的蘿蔔，再要烹調多個小時又會做到入味的效果，而這道蘿蔔略嫌唔夠味，朋友說我要求太高！哈哈青檸汁燒帶子 - 無論係帶子刺身、又或者係帶子，我都非常喜愛！燒帶子時間的拿捏非常重要，一過火位，點咬都咬唔爛，幸好今次食的帶子絕對冇過火位，相當不俗。吃過甜品後，我地就捧著個肚離開了，$200多，約3小時能享用酒店式的食物與服務，絕對抵食，有機會會再去！…查看更多

一早打左去約，所以唔等位。原先BOOK左19:00，但18:00去到問入唔入得，個侍應話入得。坐低望下有乜食，一張ORDER紙得六種食物，有六七張唔同既主題，共約四十多種野食，心諗成兩佰蚊得咁少野食，可能D野做得比較細心喇。於是一次旖叫晒所有款式，一一試下。首先黎左兩個湯，算叫可以，跟住黎左D壽司，嘩，D飯硬到呢，唔知雪左幾耐，一D都唔靚，又唔新鮮。三蚊件都好食過佢。:(之後就到魚生，D三文魚同吞拿魚多"跟"到冇朋友，食一次就夠，淨係D甜蝦可以ENCORE。到D熟食，D串燒都仲係熱架，雖然唔係太好食，但叫可以接受喇。而D炸物呢，一個字"油"，可以不食。鍋物第一個，白蘿蔔炆豬軟骨，D蘿蔔一D味都冇。差!差!差!:(最後食埋個和果子同雪糕，D和果子又係唔知雪左幾耐，硬到呢。:(半個鐘已經食晒一個ROUND，但又未飽，於是只係再ORDER返D叫做入得口果D一次。成兩佰蚊，食D咁既野，一D都唔值。…查看更多

o係團購網買o左幾張coupon同fd慶祝生日, 之後上o左OpenRice睇o下依間野d食評, 話d冷氣壞o左十幾日, 唉…:(諗住搵過第二間啦, 但個fd生日就到, 趕唔切再搵其他餐廳, 最終我地都係去o左依間日本餐廳食放題｡琴晚我地一行六個人, 差唔多7點鐘到步, 入到去已經好多人食緊, feel 到有冷氣, 可能整返好啦, 跟住自己八掛下問一問侍應, 佢地都話d冷氣整返好啦, 呵!呵! 心諗, 我地好彩冇去第二間食, 哈哈哈!!!之後我地都order o左好多野食, d三文魚夠肥美, 魚生新鮮:), 壽司尚算可以, d飯硬o左少少, 蕃茄素麵凍湯好好味!!!夠清新, 消暑一流, I like it! 正!!! 我地個個都食到好飽, 十點鐘就走lu｡…查看更多

這是我第一次寫食評，真的是忍受不了，我希望和大家分享一下我難以接受的經驗.....為什麼會選擇花水木呢？因為yahoo團購，受到照片的吸引，上open rice查，評語不錯，而且位置在kimberly hotel，放題價雖然是$199，和其他日式放題的價錢差不多，但還是覺得"抵"，所以就決定是它了。可能就是因為有以上的期待，才會有後來的失望。還是因為是團購，所以才是這種質數？說真的，無論怎樣都不應該是這麼差的食物質數。現在香港的competition這麼大，不是應該做好點嗎？環境分面：一踏入餐廳的時候，我就預感這次可能出事了，那裏的裝修帶點舊式餐廳的感覺，用木椅木枱，拉開椅子的時候，會發出"衣"的一聲。冷氣不夠，坐了30分鐘才感覺到一點涼。食物方面：食物款式太少了，湯2款，選擇了海鮮湯，味道還可以。燒烤：燒雞軟骨，又肥又油，味道怪怪的。燒牛柳粒，又乾又硬。sushi：只有7,8款壽司的日式放題，一大"舊"飯加少少的一塊刺身，就是花水木的壽司了。刺身：第一次下單要的三文魚刺身3塊是厚切的，之後再下單的是薄切的，還要是亂片(很有style的)。可以接受的只有甜蝦。蒸蛋：以為很普通的蒸蛋，花水木都可以弄到一點都不普通，"黑蟹子松蓉蒸蛋"我不懂怎麼欣賞，sorry。甜品：香芋雪糕，只此一款，別無他款。這樣的食物質數，連半小時都待不了，還好意思大字標題，3.5小時任食。服務方面：有位waitress小姐的服務可以稱讚的，我們一直要她幫我拿飲料等東西，反應亦都很好。總括來說，我和我的朋友覺得這餐不值$199，以後都會記得花水木的食物質數"非常好"，令人望而卻步，真的是怕怕！！…查看更多

非常同意之前既食評@@冇諗過酒店餐廳水準甘差, 室內over 27度竟然無冷氣, 齋開風扇!!! 又熱又焗好似焗桑拿甘!!!!SUSHI吾知雪左幾耐連塊紫菜都梅晒>"< 刺身吾新鮮, 最愛既三文魚竟然有陣怪味!!!雞軟骨硬到咬吾到, 燒牛肉&吉列豬扒無肉味. 連鼓油都哀過人~~可以食落肚既只有: 甜蝦刺身, 和果子, 金菇牛肉卷, 雞亦.求其食2000yen都好過佢, 比200蚊甘既水準, 今次團購好失望!!!!以後吾會幫襯!!!! 其他想幫襯既人三思!!!! …查看更多