行过见到间新嘢，睇过份餐牌，见到都几好选择，决意试一试。叫咗～铁板肉眼扒 芒果沙冰 二人餐 蜜椒薯仔牛柳粒 黄金脆皮虾球 鲜茄炒滑蛋 石榴沙冰薯仔牛柳粒～薯仔正正常常，牛柳粒系淋但过咸，质素都几粗糙吓。睇系几正，食落去面头有层厚厚嘅『黄金浆』包住，入面啲虾仁系弹牙，但无虾味，真系一只起二只止。蕃茄炒蛋，最正常嘅一味𩠌，捞饭啱晒。黑椒肉眼扒，眼见咁多，明明menu 入面有薯角，上到嚟又无，真系悭皮，至于块扒，真系不敢恭维，又靭又鞋，最重要真系唔知系乜嘢肉，所以食扒真系要选啱地方，搅到「中」不成「西」不就⋯⋯佢啲嘢睇真系唔错，但如果食开炒𩠌嘅香港人，呢度啲相对「粗」啲，扒就更加唔使讲，可能真系俾啲『贵宾』食，就等于早年外国食中餐，俾啲鬼佬食「杂碎」。回头度～3/10真系见佢装修肆正至选择入去，但食物质素真系一般，除非年其他选择，否则真系唔会嚟。以上纯粹个人食后分享，绝无收受任何利益同优惠，亦愿意承担对以上所有责任。…查看更多
。中汤同西汤，中汤汤底清甜，火候十足，饮得出系用心熬制，冇味精，饮完唔会口渴。西汤，今日系罗宋汤，汤底口感细滑，饮落去酸甜清爽，层次丰富
。秘制肉骨茶配白饭，排骨煮得啱啱好，肉质软嫩，一咬就脱骨，仲吸满咗汤汁嘅精华，超级入味。汤底药材味香浓，但唔会太苦，饮落去好顺口，仲带少少甜味，好滋补:)。XO酱茄子排骨煲，茄子煮得软烂入味，吸晒XO酱嘅香辣精华，食落好惹味。排骨嫩滑，酱香味浓，同茄子嘅味道好夹。煲仔可以keep到温度，食几耐仲系热嘅
。荷叶金银蒜鲜鱿带子笼仔饭，鲜鱿同带子都好新鲜，弹牙得嚟又唔会韧，蒜蓉嘅味道更加提升咗海鲜嘅鲜味。饭粒吸满咗荷叶同蒜蓉嘅香味，口感软糯，仲有少少焦香，好正。整体份量十足，食完之后好满足
。
