花園餐廳 (金百利廣場)

叫咗西冷牛扒五成熟，睇相以為靚，點知切開入面係全生肉，血水四溢，完全唔似五成熟。肉質硬繃繃，完全無牛味，我諗就算叫佢再煎熟啲都唔會救得返。薯條一樣災難，凍冰冰又無味，連麥當勞隔夜薯條都完勝佢十倍。唯一勉強過關係羅宋湯，味道夠濃，但竟然唔熱，飲落去似室溫微暖湯。整體體驗極差，貼錢買難受，永久blacklist❌呢間老牌餐廳沒落唔係冇原因，員工服務態度差、食物又差，難怪生意都愈嚟愈差，都係早執早著罷啦。…查看更多

夜晚忽然間好想鋸扒就去咗銅鑼灣花園餐廳鋸一個港式扒夜晚八點去到人流唔算好多一入到去，侍應好快安排到座位俾我地之後就落單我就叫咗個晚餐A 鐵板帶骨西冷牛扒配薯菜 ($125)朋友就叫咗呢度出名嘅蝴蝶型肉眼牛扒 ($149)兩個餐分別都配餐湯同埋咖啡茶一落完單好快就上埋餐湯同餐包俾我地餐包配忌廉湯好好食而鐵板扒上到一如既往都係熱辣辣侍應喺你面前淋汁但係講真我覺得兩款肉嘅味道其實差唔多肉質都係淋唔太食得出牛味可能落嘅醃料其實一樣所以我唔太食得出分別咁嘅價錢鋸到扒，算唔錯呀～…查看更多

今日行完街之後就突然諗起好耐無食過花園餐廳細細個已經好鍾意食😍一上到黎好有懷舊feel，感覺好親切😝 餐廳設計舒適，燈光柔和我嗌左鐵板羊扒羊扒多汁，肉質又唔會有膻味同好鬆軟再嗌多左個特色海陸空(有肉眼扒、香草燒乳鴿半隻及南中國大虎蝦)肉眼扒肉質鮮嫩多汁加埋黑椒汁，增加咗肉質嘅鮮味燒乳鴿好多汁又啖啖肉虎蝦外皮香脆，蝦肉爽口，肉質亦好新鮮…查看更多

今次和同事到花園餐廳午餐，來一趟懷舊之旅。環境保持住八九十年代茶餐廳風味，令人感到親切。我點了魚柳鐵板燒，原本對味道無乜期望，但結果中規中矩，魚柳炸得唔算脆，調味平平，幸好配菜夠熱，整體不失為一個飽肚選擇。反而同事叫的牛扒令人驚喜，肉質嫩滑，醬汁濃郁，佢食到停唔到口。配餐包出奇地鬆軟，暖暖地送上枱，搽少少牛油就已經好味。飲品方面是一般茶餐廳水準，唔算突出，但夠熱。值得一提的是服務員態度好親切，無論落單定加嘢都好有禮貌，令整個用餐體驗加分不少。總括而言，雖然主菜未至於令人驚艷，但餐廳氣氛與服務都令人滿意，是一個適合平日輕鬆聚餐的地方。…查看更多

新年仲有午餐下午茶提供，套餐包餐湯餐包。重點係價錢上邊只有+1冇另外的服務費。今次嗌咗個鐵板肉眼，鐵板夠熱，肉嘅份量亦夠多。但係肉嘅質素就始終一般般，但以唔夠$100嚟講係一個唔錯嘅選擇。…查看更多

有人話服務差,食物差,即本來試下!🤪午餐時段,九成滿座,有男有女,氣氛熱鬧,坐低即點餐,黎得花園餐廳就梗係食鐵板啦....點左鐵板肉眼牛,跟餐飲品/餐包好快就到,餐湯亦緊隨上枱,全部正常水準!輪到主菜,鐵板夠哂熱,當面淋上黑椒汁,職員叮囑收起枱面手机,拎起餐巾擋汁,落汁之時,吱吱咋咋兼冒晒煙,氣氛十足....肉眼牛扒入口軟腍,味道不错,整體合格,員工工作亦勤快,只是欠缺笑容,食餐飲啫,唔好要求咁高啦!😋…查看更多

想吃牛扒，又不想大破慳囊，花園餐廳是你最佳的選擇，亦是第一樣在我心頭中想起的那種餐廳。裏面也是一樣的格局，不要預計他是很乾淨，或是很新的裝潢，就是那種較舊的暗暗的餐廳。侍應也是非常之有性格，感覺就是你求他給你一點東西吃的，今次嘗試了牛扒餐，正常的來說我很喜歡他那種餐包配上羅宋湯的味道，有種開胃的感覺，然而今次他竟然給了我一種梳打餅去取代那以前的餐包，兩者並不是很配搭。重點的牛扒非常重的鬆肉粉的味道，真的比較失望哦。…查看更多

晚上嚟到花園餐廳，平日中午好多人喺樓下等𨋢上去，但晚上食飯相對上少啲人等𨋢，所以好快去到門口，而且唔需要等直接入座。環境一般，由於晚市冇乜人，所以相對上坐得舒服啲。叫咗晚餐蝴蝶肉眼鐵板跟羅宋湯，凍飲加$3。好快已經上咗餐包同紅湯，餐包正常，紅湯夠味。食完餐飽及紅湯之後好快亦都上埋鐵板肉眼，一體size好大份，差唔多遮住晒成塊鐵板😯😯自己選擇黑椒汁或者蒜蓉汁，識揀嘅一定揀黑椒汁😋😋蝴蝶肉眼大份抵食，但係肉味唔夠濃，如果想食肉味濃啲嘅話可以選擇牛柳。最後埋單肉眼加凍飲， $148 +1。如果想過下口癮嘅話都可以接受😁…查看更多

黑衫經理態度極差，叫佢埋單叫左兩次，第三次叫佢，佢話「咪等下囉」😵‍💫😵‍💫 我都係第一次比$400蚊食飯要無端白事受氣…..兩個人去食嘢，逐個落單啦，跟住侍應不斷插嘴問係咪兩份，大佬呀兩個人黎食嘢唔係一定會食一模一樣嘅嘢㗎.. 每講完一個item就問「係咪兩個」….叫凍奶茶黎左凍檸茶，同侍應講完之後佢第二次拎黎嘅都仲係凍檸茶.. 全間舖頭服務極差，食物一般，完全唔係一間餐廳應該有嘅質素同服務……查看更多

态度真是太差了 东西又不好吃 来之前没看点评 可千万别去这家店！！！！环境又不好 搞不懂这些服务员在拽些什么食物也不好吃 令人大失所望 还叫什么花园餐厅 一点都没有花园的感觉…查看更多

週末突然間想食港式嘅鐵板牛扒！喺銅鑼灣好自然諗起就去花園餐廳🍴已經唔知幾多年冇嚟過呢一間嘅花園裝修依然冇變過 滿滿嘅青春回憶意想不到係星期日嘅下午佢依然有下午茶餐啊🫣而且成個場都幾多人！！仲要$83就可以食到鐵板肉眼或者西冷，應該比起午餐或者晚餐抵食吧，仲要連餐湯同嘢飲🫢 .兩個人點咗兩份鐵板肉眼牛扒 $83份好快就上咗餐湯羅宋湯比忌廉湯出色很多西芹、紅蘿蔔、蕃茄好足料！最意想不到係仲有幾嚿牛腩碎肉呢度嘅麵包雖然只不過係用微波爐返叮，但總覺得滿滿嘅童年或者青春嘅回憶都依然咁好食😆😆兩份牛扒都點咗五成熟，但其實大家都知道港式牛扒唔會奢求太高🤣🤣，但塊扒真係好大塊！一餐當三餐都得！！！仲配兩條小棠菜，同埋薯條俾你，黑椒汁蒜蓉汁任你揀，我要咗黑椒汁，但唔算好辣，下面張相我已經切咗三份一份俾朋友，但佢都仲係咁大塊😂😂埋單合共$185，以呢個份量同價錢冇嘢可以挑剔，下午茶時間值得再嚟！…查看更多

看完花展，時間已到下午茶時段。離開維園，來到銅鑼灣的花園餐廳午膳。下午茶餐的鐵板只是$83免加一，非常超值。～羅宋湯配牛油餐包羅宋湯雖然菜蔬不多，但味道不錯，甜甜酸酸，即時提起色慾。熱騰騰餐包配牛油，入口鬆軟。～鐵板牛柳賣相不俗，選了五成熟的牛柳入口嫰滑，醃得入味，份量也不少。薯菜滲入了蒜茸汁，再配茄醬吃，非常入味。～鐵板雞扒拼豬扒雞扒皮煎得微焦，白肉沾上蒜蓉汁也不錯。大大片帶骨豬扒非常腍，完全不韌，味道適中。～飲品餐後來一杯熱檸茶或水，一解肉的膩，超滿足。…查看更多

➲ 銅鑼灣 花園餐廳港式餐廳嘅餐包都好難唔好食，即刻叮熱搽牛油，世一！餐湯個人偏好紅湯，唔酸分量多，食完都飽三成。花園餐廳係平民鋸扒之選，食過咁多之都一樣唔錯，排類大份，肉位靚唔多根，雞扒仲有兩大塊同薯菜，間唔時都會來。➳ 蝴蝶型肉眼牛扒 ⁽⁸/¹⁰⁾➳ 鑊仔牛柳 (紐西蘭) ⁽⁸/¹⁰⁾➳ 西冷牛扒 (紐西蘭) ⁽⁸/¹⁰⁾➳ A級肉眼牛扒 (紐西蘭) ⁽⁸/¹⁰⁾➳ 蒜茸香草雞扒 ⁽⁹/¹⁰⁾➳ 羅宋湯 ⁽⁸/¹⁰⁾➳ 餐包 ⁽⁸/¹⁰⁾⤵ 花園餐廳銅鑼灣記利佐治街1號金百利廣場4樓R2舖…查看更多

西冷牛扒非常鮮嫩。牛扒嘅肉質非常軟，入口即化。牛扒嘅油花分佈均勻，非常入味。牛扒嘅口感亦都非常有彈性。牛扒嘅肉質非常有嚼勁，非常美味。我覺得西冷牛扒係一款非常適合配搭羅宋湯嘅牛扒。羅宋湯嘅濃郁口感可以襯托出西冷牛扒嘅鮮嫩口感，非常美味。羅宋湯係非常岩秋冬嘅湯。羅宋湯嘅濃郁口感可以暖胃，番茄嘅酸甜味可以開胃 湯嘅口感亦都非常順滑。湯嘅質地非常細膩，非常入口。…查看更多

真的求求大家千萬不要來了，撇除完全沒有服務可言，食物咁冇誠意，憑咩收呢個價錢？真係好難食！吃到一吐氣，無心做生意，不如執咗佢，點解咁嘅質素都仲可以生存緊，不要再中伏了！一分都唔想比！！！！！！！要二百字先可以比劣評，有無搞錯！！！！！！！！！！！！！！！！！！！！！！！！！！！！！！！！！！！！！！！！！！！！！！！！真的求求大家千萬不要來了真的求求大家千萬不要來了真的求求大家千萬不要來了…查看更多