花園餐廳 (西洋菜南街)

花園餐廳的鐵板牛扒，應該好多人都試過，上桌時滋滋作響的聲效與撲鼻焦香，已先聲奪人！牛扒選材不俗，點了七成熟，外層微焦脆口，內裡仍保持粉嫩肉質，咬下肉汁豐盈，黑椒醬汁濃郁惹味，與牛扒非常匹配。鐵板熱力持久，讓每一口都保持溫熱，配菜如薯條、蕃茄仔，小棠菜等吸收肉汁後更顯鮮甜。整體份量十足，性價比高，雖非頂級肉質，但以這價位而言，絕對是誠意之作，滿足了大口吃肉的快感！羅宋湯一上桌味道是經典的港式風味，有番茄，蔬菜，牛肉，椰菜、紅蘿蔔和洋蔥，味道不過不失，口感尚算十足。湯頭濃稠度不會過分糊口，與附送的牛油餐包更是絕配。…查看更多

旺角花園餐廳的鐵板牛扒，是街坊心中無可替代的經典。伙計放上枱時，鐵板仍滋滋作響，黑椒醬汁撞擊的香氣瞬間撲鼻而來。牛扒選料實惠，雖非頂級肉質，但醃製得相當入味，切開後呈現小小粉紅色。肉嚼勁十足卻不乾柴，與濃郁的醬汁是天作之合，配上炸得外脆內軟的薯條和經典羅宋湯，是極具滿足感的港式扒餐。環境喧鬧卻充滿人情味，百餘元就能享受到的這種豪邁風味，正是其十多年不敗的魅力所在。記住用餐巾遮住，如果唔係D油一身都係。…查看更多

好耐無黎，焗飯係好食，但扒就真係。。。午市叫左個70蚊牛扒配薯菜，紅湯紅湯只有蔬菜味，同熟食中心翠苑個牛肉紅湯差好遠。午市套餐由一個餐包縮到得一塊嘉頓梳打餅。我收到個時以為係醫院派小食。佢地既餐包只會俾點正價套餐客人。薯條Keep到依然用波浪粗薯條，金黃蘇脆。份量方面，個人覺係唔夠，唔係因為薯條唔夠，而係因為1/3塊扒都係筋。可以食用部份，有部份過生4成熟，部份有9成熟，直頭鞋口。我下次都係去樓上個間食。起碼個汁香d，肉又厚d。…查看更多

今日去咗太子附近嘅花園餐廳。 呢間餐廳已經有好多年歷史。入到去， 佢嘅裝修同幾十年前都冇變。 餐牌就稍為貴咗少少， 人數唔算多。餐廳侍應都足夠嘅， 我同朋友點咗牛脷意粉， 牛脷薯菜，肉醬意粉等。佢好特別餐湯係跟咗一包梳打餅。 以前嘅餐包唔見咗。 唔知係唔係為咗慳皮牛利比想象中差 肉質地怪怪的，似乎系落咗太多梳打粉。意粉，亦都唔好味， 粉粉的，所以都要做比較失望。 但係佢哋係咪以呢個價錢可以食到咁大碟都算係 抵食嘅，但味道就真係麻麻了。 記得佢以前有送甜品， 宜家到無了。埋單 每位大概70蚊。 喺太子呢個地方可以有呢個價錢算抵食。但係 唔算係好食，所以應該都唔會去幫襯了。…查看更多

記得小時候，家人喜歡去酒樓飲茶，所以很少去食西餐，唯一去食的西餐，就是俗稱叫「豉油西餐」的食店。😊前幾日外甥女忽然話想去食花園餐廳，想起也很多年也沒有去食過了，那就一於去懷舊一番。😬我和太太分別點了「蜜汁德國咸豬手拼意大利腸配薯菜」、「香烤挪威比目魚柳配薯菜」及熱檸檬水。香烤挪威比目魚柳配薯菜～比目魚肉質嫩滑，口感鬆軟，外皮黏上厚厚的脆粉，食落香脆但偏油膩，薯菜微脆帶粉，保留當年懷舊的風味！🤭想去懷舊一下，這是一個很不錯的地點！🤔#蜜汁德國咸豬手拼意大利腸配薯菜#香烤挪威比目魚柳配薯菜#熱檸檬水#花園餐廳(香港)地址: 香港太子西洋菜南街218-220號地庫電話: +852 23932522…查看更多

懷舊餐廳，抵食又好味😋前幾日出旺角辦下年貨，行到始創中心附近見到有花園餐廳，於是入去醫下肚仔😆餐廳喺地庫，入到餐廳環境感覺懷舊，有種置身於70年代嘅感覺😅自己叫咗份牛扒配薯條連熱飲$54(凍飲+$3），下午茶呢個價錢中規中矩，點知有驚喜，牛扒肉汁鮮嫩，唔會柴皮，正！👍推薦朋友叫咗咖哩牛腩飯，一上枱就問到陣香濃嘅咖哩味，醒神！醒神！份量都唔少，跟一般套餐一樣。另外仲叫咗一份馬來炒貴刁，材料十足，賣相吸引！下午茶加12蚊可以配餐湯，任君選擇！雖然係下午茶，但份量絕對唔會減少，食飽飽繼續行街街😝…查看更多

港式鐵板牛扒爸媽當年拍拖勝地👫🏼熱熱軟熟既餐包加上牛油🧈🧈再配埋紅湯(雜菜湯) 酸酸甜甜，好開胃🍅🍅🍅牛扒放到鐵板上，出曬煙上枱🥩🥩🥩Staff會拎住黑椒汁+蒜蓉洋蔥汁比你選擇，揀好就會直接幫你倒落牛扒成個過程好有feel🥰🥰🥰即使放係鐵板上，牛扒生熟度都唔會過火，岩岩好而且都有底味，加上黑椒汁，好惹味👍🏻👍🏻配埋薯菜墊底，薯角+配菜🍟🍟🍟記得要中途反薯菜 or 早D食如果唔係食到最後薯菜好易煎到燶咗🙈🙈🙈…查看更多

已經有好多年冇嚟花園餐廳食lunch，好懷念佢哋嘅啫啫鐵板牛，下晝一點半嚟到都唔須要等位，不過餐廳都坐滿好多人。同朋友叫咗兩個午餐，與以往唔同，依家個午餐已經唔見咗個牛油餐包，比塊餅乾代替算數，以前見好多食客都冇食個餐包，真係好浪費，家下用餅乾代替屬於慳皮又環保。羅宋湯味夠濃郁，但係肉味略為淡薄，亦唔多見到有牛肉喺湯裏面，不過比好多餐廳好味。芝士焗肉醬意粉無芝士嘅香味，而肉醬意粉味道好淡，差啲唔知道自己原來食緊肉醬意粉，水準同微波爐雪藏意粉相似，焗豬扒飯就好有問題，啲飯似有輕微炒過，豬扒睇落吸引，但食落有怪味，可能係肉質變壞，我都試咗一小啖，連我都食唔落，所以我朋友只食咗啲飯，而豬扒就成碟放低，話俾個侍應知啲豬扒有怪味，佢成碟攞返入廚房，之後餐廳一啲反應都冇，亦冇任何sorry嘅表示，今時今日咁樣做食肆都得㗎咩？感覺非常失望。至於檸檬茶就重檸檬味，顏色靚可惜茶味淡薄。餐廳設於地牢，空氣及衛生通常都比較差，花園餐廳屬於舊式食肆，而且位處旺角舊區，所以清潔衛生整體算勉勉強強，洗手間就比較差啲，使用時就要忍受一下。…查看更多

今次我想介紹一個超好味嘅海陸空扒餐，特別係蒜蓉西冷牛扒！牛扒煮得剛剛好，外面香脆，裡面嫩滑，蒜蓉味道濃郁，真係好開胃！再加埋啲配菜，色彩繽紛，食落去口感豐富，真係好滿足！呢個扒餐無論係肉食者定係海鮮迷，都會愛上，食完之後心情都好好…查看更多

超級懷舊嘅鋸扒餐廳！香港而家已經好少特色餐廳，呢間花園餐廳真係經典！入到去燈光昏暗超級浪漫😂連張梳化啲皮都已經爛晒，超有懷舊feel去得花園餐廳就梗係食鐵板餐!晚餐餐牌應該每個星期都會轉今次叫咗個澳洲西冷鐵板餐跟薯菜叫咗白湯，有餐包。效率速度超級快未食完個餐包都未開始飲湯，個扒就到咗😂仲快過啲快餐店…懷舊黑椒汁，加蒜蓉汁 餐廳會提供埋茄汁比你食薯條肉質鮮嫩，七成熟嘅西冷扒啱啱好包埋嘢飲埋單$300有找絕對要支持懷舊特色餐廳🥰…查看更多

老老實實，牛扒之家老字號花園餐廳真係令我心淡啲 😔 我都幫襯咗二十幾年啦，由細個跟阿爸阿媽去食到而家。對我嚟講唔係單單為咗個味，係為咗啲回憶呀！🥲牛扒嘅質素慢慢差咗，價錢就越嚟越貴，塊牛扒仲越嚟越細塊 😓 朋友成日話唔好再去啦，但我都堅持幫襯，因為對呢度有感情嘛 💖點知今次去到真係忍無可忍 😤 套餐嘅餐包竟然俾人換咗做一小包嘉頓梳打餅！要食鐵板同晚市先有餐包添！咁樣真係太過分啦！😡我明白加價、食物質量差咗、店員態度麻麻地都可以忍，但係而家連餐包都要慳，用梳打餅代替，實在太離譜啦！🤦‍♂️ 簡直係肉酸到極點！我忍唔住將個梳打餅退咗畀店員 🙅‍♂️ 以後都唔會再去幫襯喇。睇到香港啲老字號搞到咁，真係好心痛、好失望 💔 點解連少少嘅誠意都冇埋呢？唉，真係可惜啊！😢…查看更多

回頭度🍪7.5/10｜人均消費💰~$100-200-🤍黑椒牛柳（紐西蘭） $164今次叫咗七成熟😋但肉質依然嫩滑juicy完全冇筋 仲好重牛味🐮仲有兩大塊咁多🤩同埋都有啲薯菜🥔唔食辣可以將黑椒汁轉成蒜蓉汁🧄個鐵板好熱 所以都建議叫低啲熟度同埋鐵板落汁 都最好用紙巾擋擋件衫🤣呢個set仲包餐湯🥘麵包🥯同熱飲☕️個包仲係暖架🥰-味道🌕🌕🌕🌕🌑抵食🌕🌕🌕🌗🌑…查看更多

史上最差，人生最惡同同事食quick lunch，食食下食到隻曱甴。雖然佢free左我嗰餐，但我仲要我同事畀錢。雖然佢已經不斷道歉，但此風不可長。令我嘔吐已經不再話下，食曱甴嘅經驗令人生蒙上陰影。…查看更多

花園餐廳由我中學年代到現在屹立不倒，印象中最旺的年代，全香港九龍新界都有，現在好似剩返幾間以前去花園餐廳，感覺係一間中低價嘅扒房 / 餐廳，這麼多年仍然生存，現在變為同茶餐廳差不多的，當中也有一些牛扒價值會貴一點，現在還生存，原因可能係，因為抵食留意番：抵食唔代表好食今晚經過太子花園餐廳，朋友話好多年都未食過，不如今晚試吓落到去，見到九成枱都已經坐滿咗，但平均年齡相對比較大，見唔到什麼學生哥點餐後，好快就送上餐湯同麵包，麵包微溫的，比凍麵包還好，羅宋湯味道正常我哋兩個人：朋友叫了晚餐A$113牛仔柳，送到枱面時係有3塊牛柳，味道好似去燒烤場食的牛柳，好重的調味料味道，主要都係抵食我叫：西冷牛扒（紐西蘭）$146味道感覺似調咗味嘅燒烤牛扒，但係好多根，不過咁嘅價錢就冇乜異意餐飲凍奶茶凍咖啡少少都正常原來當時牛扒拍片所以沒有照片…查看更多

剛去過花園餐廳，影都唔洗影，直接講，完全係食得過癮！👌 首先，黑椒肉眼扒真係幾正！肉juicy，黑椒香夠喉，唔會太辣，同飯搭真係叫好食到舐舐脷。再講埋個羊架，哥哥，正到彈！肉味香濃，焗得啱啱好，滿嘴咸香。😍另外個鐵板意粉都一絕，意粉腍滑得嚟又帶啲咀嚼感，加上忌廉汁，流晒哂出嚟嘅汁液包圍住每條意粉，一言難盡嘅美味！唔好以為我哋唔講湯！啲湯真係暖笠笠咁，大碗飲到好滿足，重點係，連湯都免費送呀！真係食得多份開心。入到去有霎時驚覺人多咗，不過餐廳手快口快，清理枱仔都係快嘅咁滑㗎，貼心到不得了。總括嚟講，呢度係一間好正宗嘅香港扒房，食物味道、份量同埋服務都非常的地道，喺夜晚嚟個宵夜真係正中下懷！特登過嚟滿足下肚臍，絕對值得！👍🏼…查看更多