6
4
2
以上资料只供参考,请与餐厅确认详情
影片
相片
雪糕香芒紫糯米饭+海盐雪糕
+101
+24
⸝⸝⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•ʔ ‧˚ 1️⃣ 榴梿小丸子捞($47)一上枱就闻到好浓烈嘅榴梿香味🤣榴梿肉绵密得嚟又creamy,配搭椰汁更加突显榴梿天然嘅甜味,证明真材实料,而唔系有人工添加嘅死甜味!小丸子Q弹有咬口,份量都几足够,食到最尾依然仲有好多粒小丸子。2️⃣芒果蛋白椰皇冻($68)用原个椰皇盛载,表面铺满鲜甜多汁嘅芒果,卖相精致。下层的蛋白椰皇冻相当有惊喜,口感好嫩滑,一入口就有清甜嘅椰香味,甜度恰到好处,食完成个都唔会感觉有负担。食到差唔多仲可以刮啲椰皇肉出嚟食,又有唔一样嘅口感🤣3️⃣炸开心果雪糕飞碟($55)有三款口味,包括芒果、榴梿同开心果,我哋拣咗而家最hit嘅开心果🤣🤣飞碟即叫即整,外层嘅饼皮炸得金黄酥脆,包住一大球开心果雪糕,冷热交融下更加显得外脆内软,相当过瘾。雪糕嘅开心果味几浓,再洒上粒粒果仁碎同幼滑嘅开心果酱,为整体嘅口感增添层次。4️⃣雪糕香芒紫糯米饭($44)海盐雪糕(+$5)我哋拣咗海盐味雪糕,相对比较少见,估唔到海盐味几出几清新。不过记得要快啲食,如果挂住影相会融得好快🥹平时多数食芒果糯米饭,今次转咗紫糯米更加健康,口感软糯得嚟有咬口,带有淡淡的香气,配合芒果嘅果香同椰奶嘅浓香,入口依然感觉清爽。5️⃣霸王甘露($57) 超级足料!!!!一眼已经望到超级大杯,原来配料几乎占咗大半杯🤣🤣🤣有芒果、西柚、西米、芋圆、小丸子、凉粉、珍珠,口感非常丰富,完全系烟韧控嘅福音🤤⸝⸝⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚🌟想知道更多美食🤪记得follow@mochicouple_hk啦😍🎉📸📍 长沙湾青山道195号恒辉楼地舖🚇 港铁长沙湾站A2站出口,步行约4分钟🕒 Mon-Sun:15:00-01:00
继续阅读
平时最钟意就系嚟呢度食雪糕西米冰,外卖又叫过,堂食又试过。够奶味好好食,但今次间铺唔知做咩,无通知就加咗啲百香果汁落去,仲要死口唔认落错咗,话系平时都有(明明平时完全无,我食咗成半年都无乜嘢百香果汁(仲要寻日先嚟过,食咗几十次都无试过有)。百香果味嘅雪糕西米冰好难食,建议大家唔好试。仲有,落单嘅时候要问清楚佢哋究竟想加啲咩汁落去(炸烧卖系OK好食的)错咗咪话错咗~乱咁讲一通仲衰~咁下次你求其落啲汁然后又话呢个系一般做法喇㖞?身为之前嘅忠实粉丝好失望
继续阅读
高质嘅甜品店😆钟意食芒果嘅必来 叫咗一个香芒忌廉小丸子呢捞小丸子相当烟靭 再加上面头嘅忌廉 其实有啲似云呢拿味道 亦都好香仲有一个芒果蛋白椰皇冻 椰子味好香 夹埋啲好甜嘅芒果 简直系完美😍😍😍
继续阅读
中午想食碗汤水由深水埗行到长沙湾先揾到一间开门铺仔细细都放咗好多张枱 当时无咩人包咗全场榴梿香芒西米露榴梿蓉好香芒果好熟唔会盖过芒果味夹芒果食好似燥上加燥杂果凉粉正常水准生果好甜铺头只招财猫好得意
继续阅读
今日叫咗一碗杂果哈密瓜捞,真系令人非常失望!首先,份量完全唔合理,碗入面嘅西米少到几乎数得清,其他全部都系水,完全冇甜品应有嘅浓稠感同满足感。本应系一碗令人开心嘅甜品,但呢碗嘢完全破坏咗我嘅心情。其次,味道亦都唔合格。糖水淡而无味,完全唔似系用心制作。价钱一啲都唔平,咁都要$45,质素竟然咁差,真系令人难以接受。而家哟店家成日话生意难做,希望佢哋可以认真检讨,改进份量同品质,否则真系唔使旨意有人帮衬!
继续阅读