影片
营业时间
今日营业
12:30 - 21:30
星期一至日
12:30 - 21:30
以上资料只供参考，请与餐厅确认详情
呢间野开咗好多年，想试好耐，因为佢好似芋泥专门店，我好钟意食芋圆，而且觉得开得咁耐应该都唔差先生存到咁耐。终于有机会扚起心肝去买咗碗，点知超难食，都算系数一数二食过难食嘅芋圆。巨无霸芋圆自选配料个名就叫巨无霸芋圆，系大粒嘅，但系得两粒，少到。。。后尾睇返OpenRice其他相，人哋有3-4粒，都系偏少，但两粒真系太离谱，另外就系佢好似未煮熟咁，个心系粉同硬，痴线咖都唔知食紧乜自选配料: 仙草冻，小汤丸，粉粿，芋头- 仙草冻好似罐头凉粉，份量最多，但我而家系叫大芋圆唔系叫仙草冻呀大佬(佢menu另有仙草冻糖水)- 小汤圆系小丸子，几款之中食落最正常- 粉粿食落还好，但萤光黄色卖相有啲吓人- 芋头好差，好似炆𩠌𠮶啲咁炆到腍晒，千祈唔好幻想系鲜芋仙蜜芋头个种，我就系以为系𠮶种，超级失望汤底拣咗黑糖鲜奶，正正常常冇话太甜都ok
继续阅读
我讲出我想食嘅嘢，职员唔帮手提议可以以咩组合，个餐牌讲极都表达唔到，问系咪真系一定要咁样拼，佢哋又答唔到。外卖烧仙草，返到去碗嘢仲热，出晒烟，但系烧仙草变咗固体，成碗好似食啫喱咁。
继续阅读
口痕想食饭后甜品就嚟咗旺角呢头买糖水呢排想食芋圆 转角就见到呢间 佢menu 就比咗好多选择啦 但我觉得佢menu写得好差😂😂有啲唔够清楚我想食啲啫喱类嘅野就叫咗自选 叫咗仙草 布丁 同红豆有样野佢几好系 你叫冻佢会送两样料比你 所以其实系5份料 布丁几好甜同埋有奶味我要咗黑糖鲜奶嘅芋圆 我会话味道正常嘅 芋头都有芋头味😂 但就正正常常啦 冇话好好食 都唔会话难食值得一赞嘅系包装几好 唔会漏
继续阅读
因为冇谂住写食评所以冇影相真系好一般，从来唔写食评今次都要讲下叫咗巨无霸芋圆1号，配料有芋头+红豆+波霸，芋圆本身有啲寒天粒同粉条。汤底拣咗黑糖鲜奶，个人觉得偏甜三倍大芋圆系噱头，只有芋圆同蕃薯圆，冇紫薯圆。成碗得三粒大芋圆/蕃薯圆，另外有啲普通大小嘅。芋圆一咬开就feel到系好多木薯粉，肉眼所见有透明木薯粉，得少少芋头碎。蕃薯圆食落好大阵鱼肝油味，觉得应该系落太多鱼胶粉，细粒嘅蕃薯圆就好似冇哩阵味。波霸中间偏硬，好似煮唔透咁，但又唔系粉粉啲果种。粉条同寒天就正常。总之就系中伏，唔会再买。
继续阅读
昨天好想食芋圆，咁念住收工去买返屋企食。同事又话呢间好食……咁收工过去买都只不过行10分钟就到。行到过到去见counter冇人，仲有个牌写住话过隔离珍珠奶茶𠮶边揾人帮手，好……过到隔离个四眼妹收银招呼完个外籍人仕就行返入入边，行嚟行去，又唔系帮手冲茶，又唔系帮手出order, 见到我企系到成5,6分钟都唔行番出嚟问我要咩（我后面都有人排紧队），到有出茶同事见我企系到先问我要咩……我话要买芋圆系唔系系呢到比钱？佢就话‘’你过番隔离等，叫同事（金毛男）帮你’‘……好……又过返隔离。因为第一次买，又见到餐牌有一set set卖，咁咪念住叫3个餐……“我要3个餐-芋圆1，2，4餐”跟住问我要咩汤底……吓要选汤底……咁我比后面𠮶个买先我睇吓有咩汤底选…………后面𠮶个买完，到我买就话芋圆卖哂顶……有冇搅错呀，头先𠮶个买咗3盒就话卖哂，咁大间舖，𠮶时只不过系6点几半，就话卖哂，间舖要嚟做装饰㗎，买嘢又冇人系到，收咗一个人钱就话卖哂，唔想做生意就咪鬼开啦……佢哋唔洗准备定d食材嚟卖㗎……呢间仲要系地舖……顶下次有几想食都唔会帮衬呢间嘢。
继续阅读
您可能会有兴趣的...