圓仔記

真系越做越差！！！唔要芋泥球 俾芋泥球，要地瓜圆 俾茶味芋圆要冬瓜茶底俾黑糖汁其实你冇心做不如唔好做，老板态度又串又冇礼貌，服务业唔系咁做嫁，仲要卖咁贵，好失望以前都唔系咁既质素…查看更多

收工经过旺中睇下有咩好食医肚，见到依间卖芋圆糖水嘅小店几精致咁就买嚟食下。排队落单见到好多人都嗌左佢地嘅手抓饼，忍唔住买埋一份🤣最后买左份芋泥手抓饼同招牌芋圆糖水。手抓饼即叫即整，热辣辣好脆！芋泥好香好软绵绵，好食！芋圆大大粒好烟un 都唔错。不过自己一个食唔哂，最后都系要打包返屋企食🤣…查看更多

今日同朋友黎到旺角扫街。经过一间叫圆仔记嘅店铺。见到佢地嘅冰糖葫芦整得好靓。谂住买黎试下。一咬落去，真系惊讶到我。佢𠮶糖吾会好厚 咬落去系脆脆色 。加埋入面啲生果。食得出好新鲜。提子好好味。好难可以系香港食到咁正宗同好食嘅冰糖葫芦。大家经过记得一定要试吓。啲员工态度都好好，喺出边仲可以见到佢哋整嘅过程，非常专业同卫生！…查看更多

上一间唔小心食到啲太辣嘅嘢，所以就试咗呢一间嘅甜品嚟解辣，今次试咗$49招牌包心三色芋圆，佢有得自己拣糖水底，糖水底选择都好多，最后拣咗牛奶底。首先食咗佢最大嚿嘅橙色芋圆，睇落去个样都几大粒，一啖咬落去入边系满满嘅芋泥，芋泥味都好重好真材实料，出边嘅芋圆外皮亦都好浓番薯味，下便有啲芋泥蓉，试咗一啖竟然发现系酸嘅！佢同橙色芋圆包住嘅芋泥味道完全唔一样，呢一种芋泥蓉嘅味道好漏，佢嘅酸味就好似过咗期咁，咬咗几啖芋泥已经开始失望，虽然对芋泥失望，但系都试咗佢嘅紫薯芋圆，冇乜烟靭嘅感觉但有满口嘅紫薯味，呢一间嘅芋圆大部份都系只有味道冇烟靭，几真材实料，但如果钟意烟靭嘅就可能会失望，牛奶底味道都正常，只系要特登避开啲酸味嘅芋泥，本人比较钟意烟靭嘅芋圆，所以呢一间嘅芋圆可能唔会太啱我，整体上比期待中失望。…查看更多

见到人哋咁多好评 D糖水个样又靓靓仔仔 就谂住专登去试下 食完三粒芋圆 劲难食 一啲芋圆味都冇 黑糖水系得少少味既水 系得个芋泥稍为好少少 但系都系我成世食过最难食嘅糖水 都唔明点解可以整得难食…查看更多