圓仔記

真係越做越差！！！唔要芋泥球 俾芋泥球，要地瓜圓 俾茶味芋圓要冬瓜茶底俾黑糖汁其實你冇心做不如唔好做，老板態度又串又冇禮貌，服務業唔係咁做嫁，仲要賣咁貴，好失望以前都唔係咁既質素…查看更多

收工經過旺中睇下有咩好食醫肚，見到依間賣芋圓糖水嘅小店幾精緻咁就買嚟食下。排隊落單見到好多人都嗌左佢地嘅手抓餅，忍唔住買埋一份🤣最後買左份芋泥手抓餅同招牌芋圓糖水。手抓餅即叫即整，熱辣辣好脆！芋泥好香好軟綿綿，好食！芋圓大大粒好煙un 都唔錯。不過自己一個食唔哂，最後都係要打包返屋企食🤣…查看更多

今日同朋友黎到旺角掃街。經過一間叫圓仔記嘅店鋪。見到佢地嘅冰糖葫蘆整得好靚。諗住買黎試下。一咬落去，真係驚訝到我。佢嗰糖吾會好厚 咬落去系脆脆色 。加埋入面啲生果。食得出好新鮮。提子好好味。好難可以系香港食到咁正宗同好食嘅冰糖葫蘆。大家經過記得一定要試吓。啲員工態度都好好，喺出邊仲可以見到佢哋整嘅過程，非常專業同衛生！…查看更多

上一間唔小心食到啲太辣嘅嘢，所以就試咗呢一間嘅甜品嚟解辣，今次試咗$49招牌包心三色芋圓，佢有得自己揀糖水底，糖水底選擇都好多，最後揀咗牛奶底。首先食咗佢最大嚿嘅橙色芋圓，睇落去個樣都幾大粒，一啖咬落去入邊係滿滿嘅芋泥，芋泥味都好重好真材實料，出邊嘅芋圓外皮亦都好濃番薯味，下便有啲芋泥蓉，試咗一啖竟然發現係酸嘅！佢同橙色芋圓包住嘅芋泥味道完全唔一樣，呢一種芋泥蓉嘅味道好漏，佢嘅酸味就好似過咗期咁，咬咗幾啖芋泥已經開始失望，雖然對芋泥失望，但係都試咗佢嘅紫薯芋圓，冇乜煙靭嘅感覺但有滿口嘅紫薯味，呢一間嘅芋圓大部份都係只有味道冇煙靭，幾真材實料，但如果鍾意煙靭嘅就可能會失望，牛奶底味道都正常，只係要特登避開啲酸味嘅芋泥，本人比較鍾意煙靭嘅芋圓，所以呢一間嘅芋圓可能唔會太啱我，整體上比期待中失望。…查看更多

見到人哋咁多好評 D糖水個樣又靚靚仔仔 就諗住專登去試下 食完三粒芋圓 勁難食 一啲芋圓味都冇 黑糖水係得少少味既水 係得個芋泥稍為好少少 但係都係我成世食過最難食嘅糖水 都唔明點解可以整得難食…查看更多

同friend子食完飯想食返啲甜嘢 但係又唔想太Heavy所以決定食番串冰糖水果過下癮😚咁首先講吓佢個冰糖士多啤梨 士多啤梨個味道都OK甜嘅 但係又唔係去到當造時期嗰種好甜嘅士多啤梨嘅味道而冰糖青提嘅青提其實都幾甜 但係口感就冇好爽脆（個人鍾意爽脆嘅青提）overall嚟講覺得佢出邊嘅糖落得太多，所以都會蓋過咗水果本身嘅味道 都唔係好balance 所以食落太過甜膩 唔飲水都唔得佢哋提供嘅冰糖水果都好少得士多啤梨同埋青提呢兩個選擇題外話 之前有食過佢哋嘅魚糕其實係幾好味 如果大家有經過都可以試吓！…查看更多

仙草紫米三色芋圓 $42第一次食，味道一般。openrice食評吹奏得太勁，而且睇返menu加價加得好快。42蚊又吾係大碗，覺得份量吾多。可能要試下特色茶味芋圓，三色比較普通。糖水食過一次就夠。唯一讚係店員細心，會抹返碗邊，吾洗你整污糟手。…查看更多

➸✨招牌包心三色芋圓 $48番薯圓同芋圓都幾煙韌，食得出係手打不過如果個皮可以薄啲會更加好👍反而自己超鐘意芋泥，超級重芋頭味，仲要綿滑得嚟微甜，真係不得了！😍…查看更多

減緊重都好想食甜品✨呢個會係個比較健康嘅組合食圓仔記當然要試吓佢哋嘅手工芋圓同芋泥球🩷其他配料選擇都係較低卡‼️芋圓DIY（紫薯圓 芋泥球 仙草 愛玉凍 寒天晶球 蘆薈 配桂花糖水）配桂花糖水 健康養顏得嚟又低卡‼️我自己好鍾意芋泥 綿密得嚟微甜🫶🏻仲有大大嚿嫩滑愛玉🩷…查看更多

被特色的焙茶芋圆吸引菜单上还有伯爵茶芋圆，绿茶芋圆这类不太常见的点了焙茶芋圆，地瓜包心芋泥球，爱玉，豆花，仙草，选了冬瓜茶地瓜包心芋泥球也蛮好吃的，很香的芋泥味道其他的就不太推荐，感觉只来点特色的芋圆就挺好…查看更多

回頭度🍪8.5/10｜人均消費💰~$40-50-🤍自己話事自選芋圓 $40起✨伯爵茶味芋圓&地瓜圓 各款$9✨仙草&愛玉凍&紫米 各款$8✨椰奶底芋圓口感非堂煙靭又夠大粒🍡伯爵茶味芋圓 咬落即有微微茶香☕️好特別仙草同愛玉凍滑溜嘅口感🍮解滯一流紫米份量都比好多 兩個人share都冇問題🥳-味道🌕🌕🌕🌕🌗抵食🌕🌕🌕🌕🌑…查看更多

講起台灣美食，相信手抓餅係一個不意外嘅選擇！今次係旺中搵食，見到呢間小店係專賣台灣嘢食，有芋圓、台灣腸、鹽酥雞等等，而我最後揀咗自選手抓餅，分別揀咗雞蛋、芝士同蟹柳，要蛋黃醬。落單之後係即整，但因為前面都仲有單等緊，所以都等得稍為有點耐，但一拎上手超級熱辣辣嘅滿足感可以彌補到等待時間，果然好嘢係要等！手抓餅煎得十分香脆，芝士係會拉絲嘅Mozzarella，雞蛋係手抓餅嘅靈魂，加埋蛋黃醬夾埋真係味道嘅天堂，不過蟹柳切左一粒粒夾就有點唔太方便，原本係期待蟹柳絲嘅狀態，不過見到選用嘅蟹柳類型就覺得有啲可惜，下次會揀火腿/咸牛肉代替！係等食期間見到鋪頭有地瓜包心芋泥球都幾特別幾吸引，下轉去旺中決定再試試佢！…查看更多

圓仔記地址： 旺角彌敦道688號旺角中心第一座2樓SB05號鋪港鐵太子站B2出口，港鐵旺角站D2出口，港鐵旺角東站B出口電話： 65818344開單時間：2024-04-06 19:22:531芝士1漢堡扒0.001鹹牛肉0.001任選3款配料0.001 BBQ醬總計： $36.00這間店芝士好好味，漢堡扒好好食、好鬆軟，鹹牛肉好味，有好多餸好抵食，配B BQ醬好好食，食物好吸引，地點方便，好值得推介店舖，－定要試吓…查看更多

去開旺角就會心思思想食甜品 今日買左招牌包心三色芋圓 ($48)糖水底可以自己簡我簡左冬瓜茶底芋圓 口感幾好 煙韌柔軟 番薯圓 同芋圓差唔多食得出係手打 芋圓甜，芋頭味比較淡芋泥球 可以另上 唔會溶晒落糖水度 口感滑包心芋圓 鐘意佢係芋泥餡 因為我唔識紅豆同其他味 外層的芋圓有d 太厚 不過都好好食❤️仙草 有d 碎 如果多啲好啲📍圓仔記 (旺角)旺角彌敦道688號旺角中心第一座2樓SB05號舖…查看更多

作為一個奇怪嘅人，我係勁憎食芋頭，但係好鍾意食芋圓嘅人。一直以嚟我都唔鍾意食芋泥，因為覺得勁重芋頭味。但係打破呢一個「魔咒」嘅，就真係剩係得圓仔記嘅包心芋圓。初時見到大家推薦，我都係諗住試一試無妨嘅心態去買。作為外賣店嚟講，佢嘅價錢唔算得好平。見到佢嘅包心芋泥個個都讚好，咁我就諗住試一試啦。點知一試就真係愛上了，如果你問我個特別之處係乜嘢，我會講話佢嘅芋泥真係好重奶味，好香。我覺得佢嗰種奶嘅香味重過芋頭味太多，唔知係咪加咗奶嘅緣故，食落口嘅時候口感十分之滑溜，滑捋捋勁舒服。趁凍食嘅話真係超正，食完之後真係忘記唔到，我都冇試過喺第二間舖頭食過令到我咁鍾意咁上癮嘅芋泥，不過我諗好鍾意食芋頭嘅朋友就會有啲失望。…查看更多