艾堡餐廳

营业中

休息中

去完沙灘見依間餐廳望落去都正正常常就4個人去食晏,我地叫咗,1.招牌漢堡×12.海鮮意大利扁麪×23.焗白汁磨菇雞肉扁麪×13.秘製雞翼×1招牌漢堡味道唔差,但個包就凍咗小小,而薯條就炸得好香脆海鮮意大利扁麪青口好新鮮,蝦冇味,成碟意粉得小小醬,食唔出有咩味xd,如果加多D醬會更加好味焗白汁磨菇雞肉扁麪磨菇大大個幾好味,而且扁麪都焗徥啱啱好秘製雞翼係有4隻,而廚師就係將每一件切一半,即係單骨雞翼,雞翼係炸嘅,唔油膩,再點埋佢比嘅又甜又酸辣嘅醬汁就更好味

唔知係咪因為唔係假期，遊客比較少，今晚嘅menu比較寡，連我最想食嘅大蜆都冇得食，有啲失望，雖然係長洲掃街已經食到七成飽。於是我哋決定試下個招牌焗豬手，侍應話要等25分鐘，但隔離檯唔知係咪因為訂座時落定單，我哋等咗陣未到，佢哋一坐低已經成檯嘢，當中已經有豬手啦，下次去或者可以book定先，慳返唔少時間。的確係等足25分鐘個豬手先到好大隻，肉質鬆軟又juice，可以配芥辣食，會更有層次感，但其實個豬手本身都有醃製過，味道很夠。而我哋覺得最好食嘅係個層皮，精華所在，皮脂係高溫焗製後仍保持油滑，外皮卻很脆，口感一流，順便一提，個豬手一個人enjoy太full啦，適合三兩好友share。由於肚子七成飽，所以冇叫意粉，order咗份炸薯條，普通貨色，熱辣辣，唔係炸定等出。招牌豬手加25蚊有一杯draft beer，味道比較淡，適合女士們。餐廳裝潢很有外國風味，不過座位唔多，想係假期人多嘅時候食到最好訂座啦。

慢活是一種對生活態度，也是都市人舒緩壓力的態度，今日我家三個八婆組成一個八婆團入長洲小遊，眾多離島我比較喜歡長洲，吃喝玩樂非常集中，我們日間去山晚上醫肚選址是好有外國色彩艾堡餐廳🍴沙律菜都是以新鮮爽口為主👍不錯燒雞是招牌菜要預早落柯打，想食就記得預定，個人應為值得一試，剛剛燒起上檯皮脆肉嫩多汁，手撕開一陣陣香噴噴味道蜂擁而出 $148獨家代理啤酒，酸酸甜甜！爽啤酒豬手絕配👍不過招牌豬手就太乾身有點鞋口 $188大大件肉眼扒好有肉味，下次應該叫五成熟可能更好食 $268另類啤酒配搭！就在這小島上放下所有，細談趣事讓時間一分一秒地過去多瀟灑，不過 10:30 開船我們還是踏實點奔向碼頭吧！長洲再見了！

入黑之後嘅長洲，細舖開始慢慢收檔，人流亦都愈來愈少，我地行咗成日都攰攰地，又唔想出到市區先再搵餐廳食晚餐，再決定嚮長洲解決。呢間餐廳就座落於去海灘嘅路上，幾有外國情調，就好似啲海邊嘅小餐館咁～座位嘅空間亦都幾大幾舒適～我地點咗兩款主菜同一款主食，都係我最鍾意嘅：香炸魷魚鬚 HKD40好香脆可口，最岩用黎送啤酒～椒鹽軟殼蟹 HKD80惹味～！不過份量就比較細。招牌焗豬手 HKD188焗豬手外皮香脫，而內層嘅肉就好鬆軟，鬆軟到只需要輕輕力，就可以將肉撕成一條條纖維咁，味道鹹鹹鮮鮮，唔錯唔錯～

假日入黎長洲hea一hea，一落船已經肚仔打晒鼓，即刻搵嘢食，其實長洲真係好細行一個圈都行完，行到近沙灘嘅位置見到呢間餐廳，喺長洲來講都叫做特別，見到好多外國人都坐係入面飲啤酒，於是就入咗去坐低啦，由於室內位置爆曬棚，我哋唯有坐出邊，仲好啦，一啲都唔介意🤗🤗🤗🤗坐低即刻叫返支啤酒飲下先，然後就嗌咗啲小食，我哋帶咗Fish N‘ Chips同埋珍寶菇，個Fish N‘ Chips就冇乜特別，個魚好細舊囉，同埋啲炸粉好厚呀，至於個珍寶菇就普通到唔普通，兩舊歌就成為90幾蚊，有啲over🙅🏻‍♀️🙅🏻‍♀️🙅🏻‍♀️不過冇辦法啦呢度係食環境唔係食質素。

因為怕人多，有好幾年沒來長洲了。今日心血來潮到長洲走一趟，遊長洲南部，終點為東灣。走完兩小時的路真要坐下來歇一歇，嘆一嘆啤酒！行到近東灣的一家西餐廳，剛好有啤酒配小食餐，所以就選好這家。向店員表示想坐在外面，就安排我們三個到四人枱。餐牌上的啤酒餐有六款，我們比較喜歡黑啤，所以選了比較就酒精濃度的澳洲黑啤。好快食物就到，炸薯條及炸洋蔥圈剛炸起非常燙手，要放一陣再食。而兩者都意外地好食，薯條有鹽及香草 ; 洋蔥圈沒有殘留炸粉漿，也沒有洋蔥跟炸皮分開。還有沙律醬也好重要，味道調得很好，絕不馬虎另外點份手製意大利雪糕，今日只有綠茶味，由於小朋友想食所以都點一份。海報上明明是筒裝，但來到竟是杯裝，而且非常細球，超級失望

店員態度差，個個都係粗聲粗氣食物質素差，order咗炸魷魚+焗蠔($30+$40)，講真呢個係廚餘質素。等咗差唔多半個鐘先有得拎，仲要唔熱嘅，都算。魷魚除咗咸之外都係咸，而隻蠔就更加唔洗講，可以睇圖。最後我想講，入得長洲做遊客生意嘅地方都預咗，但食咁多間呢間真係最低質，永遠blacklist，大家唔好去俾錢買難受。

自從有一天見到餐廳做推廣便買了一隻焗雞回家便一試難忘。而每次到長洲我都會帶我的朋友來此處進餐。焗雞皮脆肉滑，肉質唔乾。沒附上汁，因為所有香草醬汁和半隻檸檬都巳鎖進雞胸腔內。切開時醬汁才慢慢流出。把握時間切下皮脆肉滑的雞髀 ，大快朵頤。今次也點了厚切薯條， Austria beer and mock tail. 此店會入 Austria beer and drinks, 有興趣可試吓。朋友點的austria beer 很易入口，連我這個完全唔飲得的人也可大啖飲。因為今日只有兩個女生，點得不多。但店內推介也有 德國豬手和德國腸。 店內環境也挺方便傾計。

長洲比人感覺是鄉下地方，時至今日已經不再是窮鄉僻樣，假期還擠擁至水洩不通。就連新興的市集、B&B住宿、飲食文化都大有不同，有原居民造的特色大魚蛋、糯米糍、海鮮等。不過今次要分享令人感動的德國風情，真的令人回味無窮走到這一段路，眼前的食店已滿座，剛剛有一張二人枱，店員即刻問是否坐下沒有位子啦，心理上快速坐下以免等太久或再周圍搵。餐牌亦有不少選擇，我們便問店員今天有咩介紹，他二話不說「燒雞或豬手」快些落單要45分鐘，即叫即製便叫了燒雞、凱撒沙律、特飲：提子梳打和ginger beer... 之後店員推薦白灼鮮蝦，是剛剛釣上來的，頗新鮮，就即管試試看。果然鮮甜，沙律菜亦fresh，等了很久的燒雞終於到了，賣相一流，已流口水了，食落果然巧巧味，店員說用八小時醬汁預備rosemary & lemon、高溫烤焗，真的想再試豬手，可惜沒有兩個胃呢行到夜晚心思思再去，又被吸引過來，最後都是坐下，繼續沙律、德國腸和炸魚、雞翼、洋蔥圈，當然少不了啤酒，店員推薦了青檸啤酒真是絶世好吃可惜吃不到豬手，賣完了，店員說是浸了啤酒經過4小時做的，下次去長洲一定再來

腐皮! 如果想去d有情調既地方，同女神/女朋友/重要既人，千奇唔好選擇依度! 依度真係得個樣會呃到人去，點解咁講? 因為去食野唔單單係食物，服務質素都好緊要，如果唔係點解唔食個m記就算? 依間野既服務表面好似幾好，但實際係好差，收費又不清晰，如果你希望幫你影下相，或者叫佢解釋一下餐牌上面d食物係咩來（例如咩叫貓步、7星伴月），佢會變得好唔耐煩，好無禮貌。仲有，想借個火機點爉燭會俾說話你聽，例如話自己唔食煙之類等等奇怪說話，聽落有骨，想找負責人跟，又無人理 叫到負責人，但對你既反映完全無視。仲之覺得食得唔開心，真係非常失望。食物上，唔明點解雞翼可以有魚味，有咩可能收得咁貴都魚同雞唔分開整，低級錯誤。唯一係薯條ok。

難得入到長洲就搵左個舒適休閒既地方坐底食午餐～相信近呢幾年入過長洲既朋友對呢間餐廳都唔會陌生，正正就位置係一個頗有名氣的渡假屋下面一入到去我地就被安排係靠牆既位置，作為一個兩人既座位枱面好大，有寬躺舒適嘅感覺～先黎湯同沙津，冇咩特別，所以唔多講啦首先係呢到既漢堡，size唔錯，可以做到一口咬到全部材料既感覺，滿滿既蔬菜令口感清新，漢堡排亦都結實，不過如果更juicy就更好。 薯條好粗亦炸得唔錯，唔會太乾既感覺整體黎講係一份唔錯既漢堡～跟住到羊架，叫左六成熟，出到黎都幾好唔會太熟同乾。🤔整份羊架有種精緻感，如果再大份啲的話會更好。無咩特別評價，合格既羊架最後其實我地仲有一個要求就係想食炸魷魚，原來糖食俾外賣貴，但係新鮮嘅炸魷魚感覺好juicy，不過記住加檸檬汁，因為有啲咸。整體黎講環境幾好，如果坐下飲下啤酒都係唔錯既選擇，入到長洲又突然想食西餐既你可以一試，行返出去既時候仲可以食甘永泰魚蛋Tim

輕易被呢間身處長州中心地帶既餐館吸引住！環境好靚！歐陸風情 最岩中意拍照既我！😁都好適合同朋友飲番杯傾下計環境好靚！特別中意有戶外 坐高椅子好寫意既感覺白色😍叫左burger set $98 跟個沙律 同咖啡/茶 但我選擇左加錢試下佢地既cocktail 點知係好細杯🙁味道都普通 椒鹽炸雞粒 $40 份量細 吾夠味 但炸得夠脆身 點埋個辣味沙律醬都ok的burger個汁幾好味！煙肉香脆 漢堡扒厚身 好香黑椒味 如果更多肉汁會更好 薯仔好好食！脆身 夠熱 又加上了調味 所以忍吾住叫多一客 😂（$30）呢間飲品 食物都一般但環境取勝值得一試

首先，環境不錯，最好訂左位先去呀 我地見成間餐廳室內得四張枱左右，全部都reserved。不過室外都有位的，但好凍喎跟餐有沙律或湯，我地一個湯一個沙律，沙律啲士多啤梨幾甜，沙律汁偏酸，菜咬耐啲會有少少苦澀味，不過都算OK。個湯係甘荀湯，其實係將甘荀薯仔薑等材料mix成的，食落都有啲咬口，味道ok。燒羊架，問我地幾成熟，7成啦。中規中矩，無羶味，份量好少，食完一定唔夠飽。燒豬手，皮脆，肉香，不過都未係最好食的豬手，以這個價錢來說，有點貴。不過都可以一試的。另外個酸菜有點太酸。跟餐會有個飲品，都係凍檸水茶嗰堆，唔講喇。

很久沒有去長洲再次去走一走，走到東堤沙灣附近見到這間餐廳入內試一下點了一客素春卷和海鮮扁麵，當素春卷送來時，頓時覺得自己唔喺香港即時遊客感覺嚟哂，三小條春卷30元我諗正常份量都有五六條卦，跟手扁麵嚟埋直頭去咗法國嗰份量你係一個拳頭細少少仲要係斷哂嘅麵而味道就比較濃(純個人口味)，最後沒有再點其他食物因為長洲還有很多食店。

身在長洲，美食當然有很多選擇，光是街邊小食就已經夠吃飽了吧？但如果想跟情人在這裡休息一晚，又想找個有情調的地方吃個晚餐或宵夜，這裡就是一個好選擇。這天跟男朋友在長洲玩累了，吃了很多小食之後就想找個地方休息一下，剛好經過這間非常注目的餐廳。在本土味非常重的長洲裡頭，居然有個小街道有著外國酒吧的氣氛，坐著一檯又一檯的外國人，感覺很新奇。跟一般酒吧不同的是，這裡並不會很嘈雜，相反給人感覺很舒服，很適合情侶或朋友來這裡聊聊天，RELAX一下。我和男朋友坐在餐廳外的高椅上，望著下午非常熱鬧的街道入黑後變得寧靜，有種繁忙過後的安定感，很特別。看見餐牌上有很多特別的啤酒，是在外頭沒有見過的，愛酒的我當然不能錯過。餐廳很貼心的已經先把啤酒杯冰好，讓啤酒倒下去之後就可以喝到冰凍的啤酒，我很喜歡這個小服務。男朋友選了瓶子很特別的一款，喝起來不會太苦澀，跟一般啤酒比起來入口多了一份清新，蠻適合男士飲用。而我就選了這款青檸味的啤酒，青檸味的芬香撲鼻，喝下去又不會有太假的檸檬味，相反非常容易入口，而且帶點檸檬味的香甜，去掉了啤酒味的感覺，很適合女生飲用。薄牛扒漢堡下午已經吃得太飽所以我們只是叫了一個漢堡分著吃。