艇王

湾仔船街新开咗间超有气氛嘅「艇王」，主打避风塘风味海鲜同镬气煲仔菜，一入去就俾佢怀旧渔港风装修吸引住，满满旧香港情怀，好似瞬间返咗去七八十年代嘅渔港咁 🛥️✨每道菜都落足心机💪🏻 我哋8个人食，人均$500左右，份量足又抵食，啱晒朋友或者家庭聚餐👨‍👩‍👧‍👦📍必试避风塘四重奏
🐚 避风塘南非鲍鱼仔 $88/只 - 爽口弹牙唔韧，外层酥脆内里鲜甜，一人一只真系唔够喉🦀 避风塘炒辣蟹 $980 - 蟹肉鲜甜结实，蒜香辣味完美包裹每寸蟹肉，食完连手指都啜埋
🍆 避风塘百花茄子 $68 - 中间酿入虾胶再炸，外脆内软，口感似升级版煎酿茄子，惊喜度爆灯
🍜 避风塘炒米粉 $128 - 干身爽口镬气足，蒜香四溢却唔会太油腻，完美演绎街头风味📍镬气小炒精选🐟 盐焗乌头 $298 - 鱼肉嫩滑鲜美，盐焗香气扑鼻，拆鱼过程更有视觉享受
🍗 大漠风沙鸡 全只 $328 - 鸡皮薄脆香口，肉质嫩滑唔过火，风沙蒜粒咸香惹味
🥩 黑椒金薯牛柳粒 $188 - 牛柳粒软腍入味，金薯外脆内软，蜜糖脆边令人回味
🌊 艇王XO酱小炒皇 $148 - 镬气十足，鲜味层次丰富，送酒一流
🍖 艇王三鲜蒸肉饼 $188 - 手剁肉饼松软多汁，鱼干、鱿鱼干、虾干三鲜汇聚，鲜味大爆发
🥢 白灼拼盘 $288 - 粉肠、猪脷、猪肚、吊桶、水鱿全部处理干净，最爱吊桶同水鱿爽弹唔韧🍜 艇王海鲜粥 $88/位 - 粥底煲到超绵滑，入口即化！每日新鲜海鲜落镬，带子、鲜虾、鱼片满满，食完热气小炒，饮返碗暖笠笠嘅海鲜粥， 超满足…Read More

湾仔开咗新中餐厅 特别同家姐lunch time黎试吓通常呢啲非连锁嘅酒楼 啲中厨都会出色啲12点即到唔使得闲等位迟多15分钟都满座了嗌完嘢食食前菜花生 难得前菜都好脆又无油膱味 即刻对佢啲野食有啲期待虾饺皮几透薄 起码有两只鲜虾馅 好丰富同弹牙食得出系即刻包唔系预制红米脆虾卷 虾多士 正正常常热气野不嬲都系饮茶必嗌 要提 佢有菊花/菊普拣 开心🍵啲海鲜野系超级出色椒盐鲜鱿好新鲜弹牙 厚肉 out of expectation! 个海鲜粥啲海鲜都好大件 食到虾/带子/鱿鱼粥底几棉 食完无口渴个芥兰煲本身觉得偏贵但上到枱又觉得都系心机货都值芥兰择得好嫩同埋好惹味下次黎会试佢多啲煲仔/小炒会想夜晚再黎试下隔离有堆游客人多啲佢地嗌咗避风塘炒蟹 碟𩠌超靓 侍应出菜行过台台都望住😆…Read More

湾仔呢个美食卧虎藏龙嘅地方，由高级餐厅到地道大牌档，总有一间啱你心水。今次我哋就同班friend直捣黄龙，试下呢间听闻好有镬气、主打镬气小炒同海鲜嘅「艇王」，睇下佢究竟系咪真系好似个名咁，做到称王称霸！—🦀 避风塘系列，金蒜见真章！一间主打镬气小炒嘅餐厅，「避风塘」系列绝对系试金石。我哋今次点咗几味，睇下佢啲「金沙」（炸蒜）功力有几深厚！避风塘炒辣蟹 ($980)： 呢个价钱一睇就知系成晚嘅重头戏！只蟹一上枱，个蒜香、辣香、豆豉香即刻攻陷全场。炸蒜干身香脆，色泽金黄，唔会过㶶带苦味，辣度啱啱好，惹味到飞起！蟹肉鲜甜结实，索晒啲蒜香味，成班人食到啜晒手指，绝对系物有所值嘅镇店之宝！避风塘南非鲍鱼仔 ($616/7只): 呢个系按人头计，每人一只，够晒均真。鲍鱼仔处理得好，肉质爽口弹牙，一啲都唔韧。面头铺满嘅避风塘金沙同炒蟹嘅系同一风格，但配搭鲍鱼仔，更显得鲍鱼本身嘅鲜味。一口一只，极致享受！避风塘百花茄子 ($68): 呢个系一个惊喜！平平无奇嘅炸茄子，中间酿咗虾胶再炸，外脆内软。茄子本身吸油，但呢度处理得唔错，唔会成口油。配埋少少避风塘蒜蓉，即刻升华成一道惹味小食，性价比极高！— 🔥 招牌镬气与剧场感满分之选！除咗避风塘，其他小炒都系镬气十足，但最估唔到嘅系，连食条鱼都可以咁有「睇头」！盐焗乌头 ($298): 呢味菜直头系一场视觉同味觉嘅盛宴！侍应捧住一个「盐团」上枱，然后即场喺盐壳上面点火，蓝色嘅火焰围住盐山燃烧，成个场即刻哗哗声，相机食先是必须的！烧完火，侍应再用槌仔「铿铿声」咁敲开厚厚嘅盐壳，热气同鱼嘅鲜香一嘢爆出嚟！师傅再细心咁帮我哋将鱼分好，鱼肉嫩滑到极点，鱼油嘅甘香完全被锁喺入面，点少少潮州豆酱，简直系人间极品！呢个show加埋顶级嘅味道，绝对值回票价！大漠风沙鸡 (全只 $328）: 成只鸡上，够晒排场！鸡皮炸到纸咁薄、脆卜卜，但鸡肉依然保持到嫩滑多汁，完全冇过火。面头嘅「风沙」蒜粒比避风塘嘅更幼细，咸香惹味，送酒一流！🍻黑椒金薯牛柳粒 ($188): 牛柳粒肉味浓郁，口感软腍，黑椒汁够香够惹味。最特别系加入咗金薯，炸过嘅金薯外脆内甜，正好中和咗黑椒嘅辛辣感，令成道菜嘅味道层次更加丰富。艇王XO酱小炒皇 ($148): 大排档经典菜式，呢度都做得出色。韭菜花、虾干、鱿鱼、腰果等配料丰富，用自家制XO酱爆炒，镬气十足，香口得嚟又唔会太咸，绝对系水准之作。—🍲 家常手工菜 & 饱肚主食食完咁多浓味嘢，都要啲家常菜同主食平衡下。呢度嘅主食同家常菜绝对唔系配角，样样都有惊喜！白灼拼盘 ($288): 呢个拼盘最考师傅处理食材嘅基本功！入面有粉肠、猪脷、猪肚、吊桶同水鱿，全部都处理得非常干净，冇半点腥臊味。火喉掌握得啱啱好，粉肠软糯、猪脷爽口、猪肚有嚼劲，连吊桶同水鱿都渌得爽弹唔韧。简单点埋辣椒豉油已经系极品，食得出食材嘅新鲜原味。艇王三鲜蒸肉饼 ($188): 手剁肉饼口感松软有肉汁，面头嘅「三鲜」终于揭晓，原来系用咗鱼干、鱿鱼干同虾干，三种干货嘅咸香精华渗入肉饼之中，鲜味倍增，捞饭一流！避风塘炒米粉 ($128): 估唔到连炒米粉都可以用避风塘方式演绎！呢碟米粉炒得极度干身，条条分明，完全唔油腻，镬气十足。香脆嘅炸蒜同辣椒碎同米粉非常夹，惹味得嚟又唔会盖过米粉本身嘅米香，食到停唔到口！古法烧鹅河 : 呢个系隐藏嘅高手！烧鹅标榜古法秘制，鹅皮烧得香脆，皮下脂肪甘香丰腴，鹅肉嫩滑入味。配埋清甜嘅大地鱼汤底同滑溜嘅河粉，成碗食落去非常满足，水准绝对拍得住烧味专门店！艇王海鲜粥 ($616/7位): 呢个粥系成餐饭嘅完美收尾！侍应会将一大锅粥料推到你面前，即席开火再煮，保证你食到嘅每一啖都系热辣辣、最鲜味嘅状态！粥底煲到开花，非常绵滑，而且用料十足，清楚见到有鲜虾、带子、鱼片等海鲜，鲜甜味完全融入粥底，喺食完一轮热气嘢之后，食返碗暖笠笠嘅粥，成个胃即刻舒服晒。…Read More

。【湾仔新餐厅镬气十足避风塘「艇王」引爆味蕾黄金风暴⚡️】🦐【海鲜盛宴】 充满香港味道👅►豉油王海中虾 »虾肉够晒鲜甜弹牙►剁椒蒸鱼头 » 辣得嚟鱼肉滑溜溜►白灼拼盘 » 原汁原味最鲜甜🌶️【椒盐盛宴】✨金沙豆腐粒 » 咸蛋黄暴击超邪恶✨椒盐九肚鱼 » 脆皮包住啲嫩滑鱼肉✨避风塘炒蟹 » 蒜香攻陷成只蟹✨南非鲍鱼仔 » 黄金脆壳咬落充满烟韧感🍲【老饕私藏】▪️泥鯭粥 » 绵滑到呢，鲜甜到震▪️三鲜蒸肉饼 »海鲜嘅咸香原来同肉饼咁夹▪️豉油皇炒面 »镬气炒面够晒火候🐷【fusion惊喜】🔸黑椒金薯牛柳粒 » 外脆内软嘅甘薯配搭多汁牛柳粒🔸酥炸德国咸猪手 »咸香香脆嘅猪手𩠌饭一流🔸XO酱小炒皇 »韭菜同肉片一齐炒香🍚避风塘炒米粉 »香甜蟹肉配搭微辣米粉🍮香芒布甸 »芒果香甜口感Q弹…Read More

由拥有超过三十年中菜经验嘅贵哥主理，「艇王」主打避风塘海鲜、镬气小炒同煲仔菜，以真火候同新鲜食材呈现最地道嘅港式风味🇭🇰✨黎到当然要食避风塘菜式！餐厅以大量蒜酥、辣椒等爆炒海鲜，烹调出香气浓郁、口感酥脆嘅避风塘风味🔥 个人尤其钟意【避风塘南非鲍鱼】，师傅制作时有特别切纹，一食真系超弹超好口感！另外全枱一致认同【艇王XO酱小炒王】好出色！将多款食材同自家XO酱用大火快炒后镬气十足，令人越食越上瘾🔥 情怀嚟讲【艇王三鲜蒸肉饼】系真系好有旧时家常菜vibe，咸香又鲜嫩🤎 我哋今次一行12人食咗16款菜式饱到癫人均都唔洗$800，仲要系有濑尿虾、南非鲍鱼呢啲食材，真心性价比好唔错！一班人食饭又多个好选择😆…Read More