興隆車仔麵 (已結業)

每次去到選六個餸（有菜又有肉）加個油麵，再送罐可樂，先$45，真係好抵食。係現今市區閒閒地就$50、60元一餐仲要沒野飲既情況下，哩間性價比真唔錯。而且有次臨收工20：00左右去到老板同員工都好心加多一份餸比我，好窩心，食得好飽，而且好溫暖，好感動！讚！…查看更多

〰️〰️〰️〰️〰️〰️〰️〰️〰️〰️〰️〰️〰️〰️🍜六餸車仔麵 $45 (包野飲，冷熱同價）🍜四餸車仔麵 $38 (包野飲，冷熱同價）TOTAL：$87〰️〰️〰️〰️〰️〰️〰️〰️〰️〰️〰️〰️〰️〰️lunch揀左紅磡置富嗰邊嘅food court, 依道嘅車仔麵好抵☺️, 湯底有辣汁、沙嗲汁、瑤柱鮑魚汁，我就揀左沙嗲汁，因為食過辣汁覺得麻麻🍜六餸車仔麵 $45 (包野飲）麵揀左油麵，餸揀左雞翼、雞翼尖、牛肚、豬紅、魚蛋、煎蛋，雞翼唔夠濃味，雞翼尖好好食，牛肚份量比超多、我個人就最鍾意牛肚，豬紅就冇咩特別，魚蛋似7仔嘅唔辣魚蛋🍜四餸車仔麵 $38 (包野飲）麵揀左油麵，餸揀左魚蛋、牛肚、紫菜、沙嗲牛肉，沙嗲牛肉配沙嗲湯依個套合又幾好食😂，紫菜都比得好多，似係紫菜湯嗰啲紫菜😚#sorriso_九龍 #sorriso_紅磡〰️〰️〰️〰️〰️〰️〰️〰️〰️〰️〰️〰️〰️〰️📍 興隆車仔麵紅磡都會道6-10號置富都會8樓美食廣場FC20號舖🕑冇寫😢/🙉我唔記得左post menu, 依邊打返字落去車仔麵優惠套餐二餸 $32, 三餸 $36, 四餸 $38, 六餸 $45 (都係包野飲）豬紅，豬腸，豬皮，牛肚，牛丸，雞腎，雞翼尖，雞翼，鳳爪，蘿蔔，冬菇，時菜，豆腐，紫菜，魚蛋，墨丸，貢丸，腸仔，餐肉，蝦條，雪菜肉絲，榨菜肉絲，沙嗲牛肉，香煎滑蛋，五香肉丁〰️〰️〰️〰️〰️〰️〰️〰️〰️〰️〰️〰️〰️〰️…查看更多

上個星期四，我本來想光顧「紅磡」「置富都會」商場裡面的美食廣場「起筷」，「起筷」裡面的港式「車仔麵」餐廳「興隆車仔麵」，可惜我來到的時候，「興隆車仔麵」偏偏沒有開門營業。結果我被迫暫時放棄光顧「興隆車仔麵」的計劃，改為光顧旁邊的「越南菜」餐廳。後來我對沒有開門營業的「興隆車仔麵」一直都念念不忘，希望有機會光顧「興隆車仔麵」，看看「興隆車仔麵」的「牛腩」口感味道如何。結果到了星期日，我再次在「西貢」乘坐巴士來到「置富都會」商場，再次徒步來到美食廣場「起筷」，結果我發現「興隆車仔麵」終於都有開門營業。可惜我一詢問「興隆車仔麵」門口看店的人之後，才知道「興隆車仔麵」裡面的「牛腩」又不幸宣布售罄。於是我能夠點比較簡單的「粗麵」麵底，加上「沙爹牛肉」跟「蘿蔔」。至於「車仔麵」的湯底，我本來選擇了「瑤柱鮑魚汁」，怎料「興隆車仔麵」店員又告訴我「瑤柱鮑魚汁」湯底都已經售罄，結果我只能夠選擇平日經常食到的「沙爹汁」。由於今次我在「興隆車仔麵」裡面享用的「車仔麵」，由湯底到餸菜全部都含有不少「汁爹汁」，「沙爹汁」偏偏有大量「花生」甜味，所以令到「車仔麵」的湯底整體味道，都含有來自「花生」的濃厚甜味。至於「興隆車仔麵」裡面的餸菜「沙爹牛肉」，牛肉已經完全剔除裡面的筋，所以「沙爹牛肉」實際製成品的口感，都偏向比較軟腍和不難咀嚼。就連浸在「沙爹汁」湯底裡面的「蘿蔔」，「蘿蔔」的實際味道除了逃不出「沙爹」湯底，也逃不出「花生」濃厚香味跟甜味範圍之外。「興隆車仔麵」裡面的「蘿蔔」實際口感感覺不差，恰巧「興隆車仔麵」「蘿蔔」裡面也沒有筋，所以「蘿蔔」的實際口感感覺頗為軟腍。最重要的是恰巧「蘿蔔」裡面也沒有筋，整體口感又軟，味道又甜。反而「粗麵」的實際口感，還是一般的「粗麵」麵條而已，口感偏腍但是偏偏吸收不到太多的「沙爹汁」，食完「車仔麵」後，我還是直接喝完「沙爹汁」湯底就算數了。其實我很想食「興隆車仔麵」裡面的「牛腩」，可惜「牛腩」一早售罄，讓長期住在「西貢」，不容易來到「紅磡」的我感覺有點失望。儘管「興隆車仔麵」味道不差，但是缺乏「牛腩」，令我下次光顧意慾大減。至於我非食不可的「牛腩」方面，我光顧享用完「興隆車仔麵」之後，轉往光顧旁邊的越南菜餐廳，「興隆車仔麵」雖然沒有「牛腩」，但是旁邊越南菜食店起碼還有「牛腩」食。…查看更多

三餸車仔麵🍜 $34菜甫蛋🍳嫩滑既蛋卷不過菜甫失蹤左🙈 蘿蔔有三舊兩舊淋甜無渣🤤一舊有渣甜味食得出係人工既🤔不過可以接受 牛肚🐮軟硬適中👍🏻有嚼勁之餘唔會太韌咬唔到亦唔會因為煮得太淋失去口感可惜牛腥味頗出❌ 米粉睇量份量唔算多但食極都仲有🈵米粉保持到硬度條條分明💯有咬口唔會因為煮太耐而糊左✅…查看更多

呢間車仔麵平時lunch time 會排長龍，呢排疫情嚴重好多寫字樓都work from home所以唔駛點排，之前試過食6餸太多食唔晒（6餸仲要送菜），所以買4餸就剛剛好，4餸連飲品$36（外賣就$38）。嗰度起碼有二十款餸菜選擇，我最鍾意揀牛肚蘿蔔加辣汁，蘿蔔好清甜，辣汁好惹味。…查看更多

紅磡都唔係一個多嘢食嘅地方，喺條街行到身水身汗，唯有行入個商場度搵吓嘢食，去到美食廣場，來來去去都係常見嗰幾間。行到尾俾我發現有間車仔麵，唔諗，就食佢啦！六餸車仔麵，叫咗豆腐，沙嗲牛肉，雞翼，牛腩，生菜，髮菜，碗麵真係盤滿缽滿，見到咁多嘢果下真係好滿足嘅，但食落口就發現，真係麻麻地。不過好彩個湯頭有味，加返少少辣椒油調下味就更好。豆腐係滷豆腐嚟嘅，都幾入味，但係個沙嗲牛肉係凍嘅，奇奇怪怪咁，不過好唔好嘅都係一餐，唯有醫左個肚就算:)…查看更多

同朋友講deadline講到攰又肚餓就順便喺附近食埋晚餐。比我地發現左超抵食車仔面！ 43蚊六個餸仲有油菜嘢飲💕好多配料揀💕🤤我面底揀咗油面💕咁先似食緊車仔面咁我揀左鳳爪， 山根， 豆腐 ，豬紅 ，煎蛋 ，沙嗲牛肉。鳳爪豬紅都事先醃過超入味豆腐係炸豆腐好正。沙嗲牛肉令到成個湯底都有沙嗲味好香仲可以叫佢幫你加咖喱汁辣汁或者沙嗲汁都可以。事頭婆？定員工超好人最重要仲係黃店💛🤤估唔到趕緊deadline仲食到好西…查看更多

紅磡站一出既置富都會food court係好多poly既同學過來食 好多唔同既餐廳開左係度 但唯獨一間車仔麵冇乜人排隊 我於是咪試下🤪🤪43蚊包六個送 首先講講先 我問距一個送唔要換加底🉐️唔🉐️距話唔🉐️ 固定左😅😅 不過都算 加底4蚊姐其次係雖然話係6個送 但個份量真係少到離晒譜雞翼🉐️一隻 豬腸 2-3舊 雞腎2-3舊 ......味道係OK既 但唔知點解我食完等於冇食咁 究竟有冇加底架 $47 我不如去譚仔叫個過橋米線🍜仲冇咁嬲呢間真係一次🈶️多 唔會再來😖😖…查看更多

今天食個快lunch, 便到就近food court 吃車仔麵，這間車仔麵的價錢在生活指數高的香港來說，已是非常抵食，四餸只是$36連飲品， 一分錢一分貨，食物沒有令人驚艷的地方，只求裹腹，今天點了豬紅：沒甚味道午歺肉：該是梅林牌吧雪菜肉絲：較好，亦不會太咸冬菇：也是幾乎沒有味湯底衣是淡戊戊！反而凍檸水香甜，有三片🍋！今餐最好是飲品…查看更多

Super convenient place to eat and lots of choices! You can choose what type of noodles you want - instant noodles, ho fun, thick noodles, etc. Then you get to choose a number of accompaniments to go with the noodles - with a good number of choices to choose from. Literally choices good for breakfast lunch or dinner. For lunch I went for fish skin, luncheon meat and veg - very homely vibe! Simple, quick and cheap. Nothing more you can ask for! …查看更多

今日要去紅磡火車站接屋企人，weekday，早咗成半個鐘到，正正下午茶時段，想飲杯奶茶。念住去火車站food court食啲嘢，上到去睇，完全唔掂，得間burger king可以接受，正想買嘅時候，聽到前面條友問有冇奶茶，個counter職員話呢間嘢，咖啡奶茶欠逢，得汽水之類，即刻要走頭。行行吓醒起過隔離個唔記得叫嘜Q商場裡面有個food court。去到行咗一個圈，得呢間可以接受，又平又有奶茶。叫兩餸平平哋，有奶茶fit哂。叫咗猪皮，牛肚，油麵。第一時間飲吓嗰湯先，嘩有料到，有細個嗰時嗰種味。話說小弟，讀書時期，經常幫襯附近車仔麵。大個之後，食暈哂出門嗰幾間，一間近time squares嗰間話雞翼尖好食，另一間近NewwayCEO嗰間話湯底好。我成日食都覺得不外如是，反而，呢間嘢流流哋，都啱我口味。…查看更多

一碗令人回味的車仔麵，$40，6餸麵，還要送幾條菜，加埋熱飲，底食。湯底清，蘿蔔甜，最難得有真正豬紅，入口鬆化，鹵水蛋及雞翼都入味，還有，豬皮軟硬適中，一個字形容，正。杯檸茶都不俗，起碼唔澀。員工態度好，有禮貌。亂打亂撞，食到一餐咁滿意的午餐，不枉此行。…查看更多

次次去親紅磡睇concert 都會去最近既置富都會搵野食, 食飽飽再去enjoy the show, 今次亦都唔例外見到電梯上面果層係food court, 諗住求祈搵d 野食填肚就算見到呢間車仔麵, 6餸都只係40蚊, 仲送埋野飲, 即叫即食啦唔洗諗咁多, 港式車仔麵冇得輸…查看更多

樓面兩個阿姐態度極差，一開始問人要咩冇乜禮貌。揀完麵類再揀餸，愈多餸價值愈貴。不停催人要咩，又唔多客，想趕人走咁，講遲一兩秒已經唔理你，亂夾Ｄ餸俾你，我話唔係要個樣，就鬧人唔早講，佢根本冇聽人講野。見佢又鬧其他客未揀好就唔好叫，但大家都係正常速度落order，反應慢Ｄ都俾佢地鬧。食完難食又唔飽！！湯底冇味，食物份量少，得個碗大。麵量少又硬，求其用熱水過幾下就算。餸一樣睇落好多選擇，但每樣得一兩件俾人，每件切到勁細舊。食左蘿蔔，豬皮等等，又生又凍又硬。只有飲品係正常。總而言之，俾錢食野又受氣，Ｄ野難食成咁仲可以咁串，服務＆食物質素與價錢不成正比，已決定永不幫襯。…查看更多

上深圳睇戰狼2，諗住去置富都會飲餐茶，點知彩福皇宴執咗，搞到煌府同景逸軒爆哂人龍...結果去Food court食興隆車仔麵。間檔口人氣唔錯，傳統車仔麵流水作業，一個淥麵一個加餸一個加汁同收錢，而且位位企檔阿姐都幾好口，38蚊6餸麵送菜連汽水，而且可以揀牛肚、雞中翼、沙爹牛肉等上價食材，仲有煎蛋豬腸豬紅蘿蔔麵筋等傳統嘢揀，都算相當抵食。今餐叫咗無糖可樂同幼麵加底，配魚蛋豬皮牛肚餐肉腸仔鹵水蛋。魚蛋雖無魚味但算彈牙，豬皮牛肚都腍，雖然每樣兩三件，但出面好多車仔麵，兩三件餸都夠膽收五蚊，而呢間加底只需加三蚊，相比之下，就抵食好多。順帶一提，個辣椒油仲非常惹味，的確係一個趕時間的唔錯選擇。…查看更多