興隆泰國美食

营业中

休息中

昨天和友人到九龍城食泰國菜，看到這間餐廳食客不少，於是就選擇了這裡用膳。店內有3個侍應，其中老闆娘態度很有問題。首先，我想點一杯凍青檸七，突然心裡怕點錯了，只想了解清楚是否跟青檸梳打一樣，該侍應便好不客氣的語氣跟我說話：「我喺度18年，冇聽過人會咁問問題，救命………..」似是想向全店顧客面前取笑我。我當時已經表示不好意思，我少飲泰式飲品唔係好了解，可唔可以了解下。之後該侍應仍然沒有解釋我知道，繼續好大聲的重覆剛才的說話。其實我只是想了解一下，而且我全程是很有禮貌的對她說話，我不明白她為什麼要這樣的態度，是否不懂泰國食物就不可以食泰菜嗎？至於食物方面，味道一般，還要接受這種服務態度，真令人失望。

今天收工時間比較夜，都差不多10點了，但是同太太又想食d宵夜，又揸住架車，於是就揸車去左九龍城嘅興隆泰國美食食宵夜。其實都唔係第一次去了，個樓面姐姐非常熱情，非常好傾。咁我地就點左以下菜式，青木瓜沙律，味道帶少辣，非常爽甜。之後便是是泰式咖哩蝦，它們店用的是較細隻的蝦，但都香咖哩味的，再配上蒜蓉包非常之夾。泰式炒通菜，非常之有鑊氣，備註了小辣，份量也不少，非常好吃。最後就是泰式豬肉炒河，完全是在泰國吃的味道，有鑊氣，有香氣，吃完我們就滿意地離開了。

今日又再去咗興隆泰國美食，試咗佢嘅炒金邊粉，真係好正！🍜金邊粉炒到香脆，唔油膩，味道十分入味，特別係加咗新鮮嘅芽菜同青葱，增加咗口感同層次感。😋 而且份量夠大，兩個人食都仲有剩。炒粉嘅調味剛好，唔會太鹹，反而有啲微微嘅甜味，令人一口接一口。👍配埋椰青，真係完美！🍹 如果你鍾意泰國菜，一定要試下呢個炒金邊粉！下次我仲想再返去食其他菜式，期待有新發現！✨

喺興隆泰國美食試過嘅海鮮炒飯，整體感覺唔錯。炒飯香氣撲鼻，米飯粒粒分明，唔會太油膩，保持咗泰式炒飯嘅特色。海鮮方面，蝦仁鮮嫩，墨魚片有嚼勁，帶出咗海鮮嘅鮮味。蔬菜如青豆同洋蔥，增加咗啲脆口嘅口感。調味方面，鹹淡適中，微辣嘅泰式風味令到炒飯更加開胃。呢道炒飯整體上做得幾好，適合鍾意泰國美食嘅朋友試下。

我為摯愛朋友慶祝生日，特意到九龍城興隆吃晚飯。我比較早到，拿着一盒生日蛋糕，未點菜前紮孖辮的老闆娘已經問我要不要把蛋糕放入雪櫃，她還說很歡迎在這裏慶祝生日。我趁朋友未來到前，點了泰式生蝦、泰式燒肉炒椰菜苗、泰式炸拼盤、泰式炒金邊粉（走芽菜）、青木瓜沙律，還有每人一份無糖青檸梳打。朋友來到後，剛好青木瓜沙律和泰式炒金邊粉上菜了，青木瓜沙律酸酸甜甜、爽口開胃，泰式炒金邊粉份量對兩個人來說比較多、麵質很彈牙。接着泰式生蝦和泰式燒肉炒椰菜苗都來了，生蝦是冰鎮的，肉質彈牙，伴着苦瓜和蒜頭粒來吃，味覺很刺激。泰式燒肉炒椰菜苗在香港不是常見的菜式，因為有賣泰式燒肉的舖頭不多，椰菜苗爽脆，加上泰式燒肉的香口和煙韌的質地，兩款食材都很相配。泰式炸拼盤最後也來了，份量比較多，適合三至四個人食用，有炸皮蛋、炸雞翼、炸蝦餅和炸蝦卷。如果怕肥膩的話，就不要點這一個，因為很熱氣和油膩，但我很喜歡炸皮蛋和炸蝦餅，因為都很有咬口和味道很上癮。我聽說不少人最初來到這店舖時，都覺得不懂得如何跟紮孖辮的老闆娘溝通，我覺得只是她接觸陌生人時會啟動自我防衛機制，當她與食客相熟之後，便會表露出善良和大情大性的一面。老闆娘很喜歡接

話說今晚一家四口諗住開開心心食個飯之前已經食過，知道事頭婆態度麻麻但食物唔錯，都encore過幾次但今晚之後，真係唔會再嚟話說今晚一家五口諗住開開心心食個飯嚟到見到有張五個吉位，正路入到去同個女伙記講四位(小朋友8個月大)然後無人理，都算忽然有對Couple 行入黎，我同佢地示意話我有四位諗住應該點都係我先點知兩位新人理都無理就坐左落去與此同時事頭婆又番左嚟我就話我入嚟先，四位佢就點頭示意叫我望下隔離仲有兩個位就埋單好我都算，行番出去等一陣，反正都就埋單點知事頭婆好L寸咁行出黎，問我你嗰四位呢我就話齊晒人喺晒度然後佢拎左一句撻我：嗰兩個食左我十幾年，我都唔識你，你叫我俾邊個先？聽完呢句，無名火起，D7完佢就拉隊去第二間食。睇唔起人，注定你都被人睇唔起，正8婆！

食到成肚氣，服務態度超級差，食餐飯仲要俾佢串😡俾錢買難受另外，有個後生男人，同佢講咗幾次椰青未上，都唔拎黎，想問拎個椰青有幾難？雪櫃就喺佢隔離態度差到一個點😡

服务态度超级差 食物味道更差店员态度超级恶略 西口西面 冬阴功自己摞即食汤包兑都好食过佢 生菜包得个辣 d肉碎除咗辣无闻无味通菜又软bie bie d 烤肉串中规中矩 只能讲唔难食一味问饮唔饮嘢 得椰子水 可乐雪碧气泡水 想饮杯泰奶都无 无点 又西口西面 总之千期唔好帮衬！！！！

估唔到食物質素同服務態度一致，差到一個點！咖哩如水一樣，燒牛肉燒雞翼柴咁，連最簡單嘅Garlic bread都衰到冇人有，炒飯我諗連我老婆都炒得好食過佢！我勸大家入去之前諗一諗，無謂晒咗D卡路里quota

服務差，食物差串燒雞及雞翼：無味又唔熱，沙嗲汁超唔掂青咖喱牛：又稀又無青咖喱味燒豬頸肉：同樣無味，汁味道淡淡蝦餅及波蘿炒飯👌 最好吃是炒菜阿姐態度欠佳，吃到一肚火雖然價錢公道，但坐又唔舒服，無理由比錢出嚟受氣絕對無下次

完全係比錢買難受！特登開戶口黎留言警世1. 當客人係畜生：- 我點了一個青咖喱($58)+ 飯($10)，佢收左我$72。我去問佢點解係$72 ，佢態度超級惡劣咁講（佢原句）：「個盒唔使錢㗎？可以唔收你錢嘅，你俾返個盒我，我攞個膠袋裝俾你囉！」2. 食物同店員求其敷衍我落完外賣order後，佢求其喺隔離檯攞袋嘢，話啱啱整好，但係袋嘢其實少凍，咁我見佢咁堅持都算，反正我返屋企都有一段路程3.比錯食物當時燈光暗同我攞住幾袋嘢，所以我當時無即刻check個飯係咪啱，行到光D 嘅地方我開黎睇下，點知發現佢比果袋係黃咖哩🙄🙄可惜比唔到0星千祈唔好幫襯！千祈唔好幫襯！千祈唔好幫襯！

喺香港 唔單止九龍城， 其他地方都食過好多間泰國菜餐廳。今次行開九龍城，買完拜神嘅花，諗住食埋飯先走。呢間餐廳其實行過好多次，今次終於入去試下。入去前見到應該冇乜冷氣，唔緊要！見佢門面好舊，應該開左好多年？應該有保證！結果中伏啦！！！一入到去，睇完一輪餐牌，都係例牌嘅泰國餸，冇乜特別。落order侍應嘅態度非常🙅🏻‍♀️！我2個人叫左5樣嘢。串燒 -2雞2牛2豬泰式酸辣鳳爪生菜肉碎包泰式炒粉絲燒鯽魚串燒雞 有酸味，豬 鞋 好乾，牛 算正常但都係鞋！沙嗲汁 好希 唔好食！泰式鳳爪應該係我食過最難食嘅泰式鳳爪！完全冇味！上到枱成碟野好似冇撈過咁！鳳爪完全係白雪雪！(圖中 係我自己撈完先食，但都係冇味！)生菜肉碎包生菜係好食 夠脆，但肉碎完全唔正宗！連最重要嘅豬皮都唔落泰式炒粉絲完全唔係嗰回事！佢用炒金邊粉嘅汁嚟炒粉絲！燒鯽魚最簡單 香茅都冇！燒得唔乾身！魚肉係梅嘅！簡單來講！我明白喺香港好難食到正宗嘅泰菜！但呢間嘢，絕對係經典！經典嘅難食！做出嚟嘅餸，可以講係Hea做！求求期期整俾你 你就食啦！我好鍾意食泰國菜，但係圖中係食淨嘅，因為實在食唔落！我諗佢係九龍城泰國菜之最！最Hea！最難食！題

燒鰂魚(8.75/10)：即叫即燒，保持了鮮嫩魚肉和肉汁，裡面釀了泰國香草（應該是泰國臭菜）去燒，令魚肉倍添鮮美。在泰國吃了幾次燒鰂魚，也未見勝於此處。Best of its kind in HK! 泰式炒椰菜苗 (8.25/10): 清新、爽口、惹味、有鑊氣生菜肉碎包(8.25/10)：用了半肥瘦的豬肉碎，有肉汁，調味恰好，不會過咸過辣，捲著生菜吃清新而不膩。———————————————————————————⭕️總評：個人至愛的九龍城泰國菜。屯馬線通車並沒請網紅搞gimmick，而是踏實做好正宗泰菜，一樣大把捧場客，值得欣賞。燒鰂魚非常出色。已多次翻食 ✅ 💵Budget: $150 pp (dinner)

個個都知道九龍城出名食泰國嘢，好多間出名嘅都試過，有時食飽行過啲橫街窄巷，俾我發現咗有依間門口成日都好多人排隊，佢價錢相對比較平，食物質素又做得幾好，燒野夠香口，冬陰功湯都好入味。

紅土人，每次有朋友約去九龍城食泰國菜我都介紹去呢度食事頭婆係善良嘅人，正能量每一日都喺度，老實做生意係靠自己雙手打拚嘅好例子每次食完都好滿足除左係食左好好食嘅生蝦同咖哩同埋好有獲氣嘅炒野之外聽到侍應之間泰文交談好忙好忙但仍非常有禮貌店舖look like 好拿渣但食物用具非常乾淨成件事都覺得特別 thai 最近去到見到事頭婆好攰無哂以前嘅活潑同開朗原來係因為每日只能開到10點賺錢時間比以前少左一半但佢依然對自己好有要求消毒一定要做好服務要更好，招呼要更有禮貌搞到自己好攰見到其他評論，有少少唔開心其實大家都知道，要坐得舒服，室內溫度同濕度都適中食物有獲氣，款式多，包裝好，炒粉要有雞花打格仔包住生蝦擺好中間仲要放個洋紫荊花，侍應著泰國衫，大家都知道要去邊度食你嘅一個負評，除左能夠表現你個人高級嘅品味之外同時可能一點一點地，令呢個城市變成你自己唔仲意嘅城市呢個店，可能無咩特別值得你好讚揚但希望大家學懂欣賞每一間店舖獨有的特色除左可以避免全香港的食店都係大財團統一管理之外亦希望大家都珍惜每一小個仲肯留喺呢個城市努力嘅人有咩食店，幾十年都無訂位系統仍然每日高朋滿座？可能唔啱你口味，但佢絕對有佢存