臻味豬扒酸辣米線

今天和同事一起點外賣，所以就近點了這家，本人叫了秘制豬扒加豬膶大酸辣米線，因為前排食中辣感覺唔够辣。相隔半小時有多，好在米線在食時，不會太淋。這碗酸辣米線算得上合格——秘制豬扒厚度適中，煎得金黃微焦，肉質不柴，而且好軟熟，醃料味道剛剛好；豬膶處理得乾淨，口感嫩滑但少了點鮮味衝擊。湯底酸辣平衡，大辣仍然不够辣，酸菜提供基本風味，雖不驚豔但順口，加上有香脆花生，口感還是不錯的。米線吸湯能力普通，勝在分量實在。整體像街坊食堂的穩陣之作，適合不想冒險時填飽肚子，若加一勺辣椒油或許更能提味。…查看更多

香港人一向喜歡吃米線🍜各式各樣的米線舖開到成行成市，由傳統雲南風格到新式養生口味，每家都有獨門的特色湯底和配料👻而這間臻味豬扒酸辣米線，光看店名就知是以豬扒作主打🐽深得不少熟客歡心❣️———————————————————————坊間很多米線舖的湯底都非常重口味😵‍💫而且比較油膩，難免令人負擔感重😮‍💨而這家的招牌麻酸辣湯底，賣相相當清澈😳但味道並不清淡，鹹度適中👌🏻酸味主要來自店家的自家製酸菜，口感爽脆，酸度不會過份強烈🙂令湯底十分開胃。辣度方面我選了小辣🌶️辣味輕微但麻香味十分強勁🤯邊進食會邊感受到咀唇和舌頭逐漸麻痺😂完成整碗米線後我整個口腔都已完全麻掉，非常過癮😆豬扒有3-4件，份量充足👍🏻雖然唔算厚身但肉質不會太乾，口感鬆化軟腍😇而且豬扒本身都帶有麻辣味道，十分香口，果然是招牌菜😋米線較平常所見的粗，本身以為是因煮得太長時間而發脹所致🤨誰不知米線質感非常爽口彈牙🥰而且十分滑溜，非常出色🤩———————————————————————除了秘製豬扒外，鮮蠔仔🦪韭菜餃🥟亦得到不少食客推薦，下次光顧時一定要把它們一一品嘗清楚🤩…查看更多

身為米線狂熱的我 居然近期才試到這間的米線之前一直都有聽過這間米線非常好吃所以決定來吃吃看🥰🥹沒想到非常合我的口味⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯❤️豬扒酸辣米線 推薦👍🏻建議喜歡吃辣的姐妹 可以點中辣以上 一開始看見他的湯底 好像清湯一樣 以為不會太辣 但原來後勁很強 越吃越麻 一口接一口完全停不下來 很可惜湯底對我來說有點不夠酸但豬扒讓我非常驚艷 很軟很入味 非常好吃🥰❤️酥炸韭菜餃 推薦👍🏻這款一定是必點的 分量非常多 而且餃子皮很薄 炸得也非常酥脆 咬下去好像是薯片的口感 餃子餡非常香 飽滿多汁 拜託大家一定要點😭😭…查看更多

雖然日日熱到一個點，但始終都係中意食一碗湯米線但又唔想又食譚仔，於是再搵，終於搵到呢間我想試嘅米線！我行到去大概12點幾，唔洗等位即刻有得坐。睇左餐牌先發現原來個豬扒酸辣米線無得跟餐飲野！但天氣又熱到咁，我唯有用正價買杯凍檸茶… 由於我唔食得辣，碗米線我叫左清湯。d 豬排煎得唔錯，好好味，個湯其實無咩味，所以大家如果唔係唔食得辣的話都係叫返酸辣啦（我可能下次都係試返酸辣）另外佢有兩三舊蘿蔔，都無咩渣，口感唔錯。…查看更多

以前公司係牛頭角，成日午餐都會同同事黎呢度食酸辣米線，想當年食飯時間一定要等位，不過都無阻決心要黎排隊食。上次去開呢頭，諗住再回憶久違咗既味道，可惜有點失望。酸辣味道係有嘅，不過湯麵料同米線都少左，韭菜餃細粒左勁多。手撕雞肉實質得好少，純粹其他配菜、花生同生菜墊底，令人第一眼感覺上睇落好多料咁。自從開咗咁多間分店，質素已經保持唔到以前咁，真係可惜。…查看更多

食開皇庭果邊果間，今日經過呢間，入去試下.臻味出名豬扒米線，不過我就鍾意食佢嘅韭菜餃米線多d😂😂.👇🏻韭菜餃麻酸辣米線 （$46） +凍檸茶 (+$3)湯底一定係揀麻酸辣，我叫咗少辣，佢嘅普通辣都幾辣下，少辣剛剛好。呢款湯底睇落清清地，麻味重，會食到個嘴唇痺痺地，好正，會成日掛住佢呢陣辣味😋 米線就比較粗d，軟硬適中至於韭菜餃，一碗有6隻，好夠食😆 同皇庭果間唔同，佢比較多餡d，韭菜味濃好多，餃皮就一樣又薄又滑！個人口味嚟講，我就偏好皇庭果款多d…查看更多

食過觀塘近皇庭個間係好ok,尋日因事去個邊就費事搵黎搵去，諗住都好耐冇食就去試吓，地方乾淨企理，服務OK，咁就照食返出名嘅豬扒酸辣米線加韭菜雲吞，碗米線上枱時賣相都算OK啦，但一食就立即「唉！」1️⃣最好嘅係個湯底，冇咩味精，夠清但唔算淡到冇味。2️⃣個豬扒都係個種勁冰凍後再用梳打粉化妝的成品，幸好係佢唔算乸到好重梳打粉味囉3️⃣個韭菜雲吞，唯一好處唔多肥豬肉碎，但係冇咩味，都係雪過籠，所以個雲吞頭係硬左一舊4️⃣酸菜都係冇咩味呢碗米線比到盡只值$50，去到$58兼冇野飲，真心唔值。果然係同名唔同味又一經典示範！…查看更多

今日天氣凍想食熱野，去開觀塘買完野見肚餓上網搵觀塘米線推介，見有人推介便順路一試呢間小店。一入去見到都唔少人食，但啲位按排得有啲奇怪，店員無打招呼我隨心搵左個位坐。第一次食當然食佢既招牌豬扒麻辣湯米線，我叫左少小辣，真係落單唔夠五分鐘碗米線就到，非常有效率，第一淡試湯，好夠麻好正😳，豬扒有三件，肉質唔韌，整體來說份量適中，有少少花生做配菜，呢碗米線對於我一個女仔黎講，唔細食都ok飽既。依家天氣凍，食完全身成暖笠笠，過左幾個鐘都唔口渴，👍，$44有咁既質素算唔錯。總結：下次黎再試埋其他野☺️，雖然餐廳啲位分配得有啲奇怪，不過唔怪得佢，地方淺窄係咁，如果有水主動提供就更加分啦。…查看更多

成日經過依間臻味豬扒酸辣米線 鋪，觀塘唔止一間分店，作為一個熱愛食米線嘅愛好者，今日決定試一試依間小店。豬什撈米線$54 豬扒米線小辣$44豬肚上湯米線$42凍檸茶 $16普遍一碗米線都係$40-$60，雖然價錢較平但係味道就比較普通，湯底無論辣定唔辣，都比較清淡，米線有香口嘅花生做配料，辣口味米線主要都係以麻為主 ，食完咀唇同條脷都持續感到麻痹。食完沒有滿足感，略為失望，覺得太普通，不過配料都多嘅，但下次不用試。…查看更多

我係食 秘製酸辣豬扒米線我唔太食得辣 佢都盡量比最少啦我 一開頭諗住豬扒米線味道應該都係普普通通嘅 但係食落去米線同湯非常之夾 應該係話佢嘅湯 酸得來好開胃 再加埋花生啊 酸菜 芫荽 呢一啲調味 就算冇佢嘅豬扒 就咁食米線都好好食 好開胃 至於佢嘅豬扒 一開始以為會好韌 結果佢嘅豬扒都係偏腍而且食落口就知道有醃製過好有味 但有少少鹹 不過但係佢豬扒比較腍呢一點 就覺得果然係放喺餐單嘅第一位但我有少少唔理解🥲 除咗佢套餐嗰四個跟嘢飲係加$3之外 其他米線都係要加$1x先有一杯嘢飲 但弊在嗰四個米線套餐都唔太啱我胃口🥲至於店面嚟講 雖然環境唔大 但都坐得舒服嘅 不過夏天要小心啲係咪坐冷氣機風口位可能會一直吹住個頭 但店員望起嚟有時都未必可以招呼到你🤔…查看更多

外賣等左45分鐘， 餐廳入而冧晒檔， 門口廿十人等緊外賣。只係識不斷接單， 三大平台都接，另外再門市外賣。完全做唔切下都照入單。 問佢點解後面啲單出晒都未有， 佢話係咁，入面啲單亂出。同佢講想取消， 佢話唔關佢事， 您自己搵客服咁樣做生意都幾好👍 …查看更多

有日去觀塘做野，咁啱想搵下有咩食，之後就去咗呢間舖頭食米線，估唔到又真係幾好味。個辣有啲麻，好開胃，加啲酸菜就最好啦另外食物方面都叫咗蠔仔（+$8），成件事即刻又升華咗…查看更多

平時午餐好多人排隊，今日早少少去可以直入👍🏻食過好幾次招牌豬扒酸辣粉🍽️都覺得🥩豬扒份量好足👍🏻👍🏻，🍜湯底好好味👍🏻👍🏻👍🏻今次黎想試下其他餸，揀左魚肉雲吞，結果好後悔🙃🙃🙃酸辣湯底米線就如常好味開胃，雲吞亦俾好多粒滿晒個碗面，但係全部都係好扁好細範圍，細乎5毫子既體積！注意係體積🤣！搞到好齋食緊一碗麵粉皮咁🫠🫠🫠建議喜歡食肉既朋友都係揀返有肉既餸🤭🤭🤭…查看更多

呢間臻味好耐以前都已經嚟過，這次再去，因為有工程要在附近買東西，於是就來到牛頭角這邊，水晶粉好像紅薯粉差不多，比較煙靭，帶點硬身，有點嚼勁的質感，其他配料都以前試過，這次都是要返最普通的豬扒，豬扒大大塊，夠大夠香，即炸，內裏不算太乾，保留少許肉汁，本身味道不會太辣。這種粉本身沒有什麼味道，不過有點兒咬口，有點兒彈性，除了大大粒酸菜之外，還有些辣椒，當然，撈了酸辣粉的辣汁以及酸菜，就會令到它有點兒辣味。這酸辣粉的味道，辣得來不會令你滿頭大汗，但是又夠味，可說是啱啱好的辣味，一流水準。…查看更多

🍊 餐廳名稱：臻味豬扒酸辣米線 🐝 味道：8.5/10環境：7/10整體分數：8.5/10/💰人均：$50-100———————————————————喜歡辣、重口味既朋友唔可以錯過！平民價又想食好西，除左譚仔其實依間都係一個十分唔錯既選擇。秘製豬扒酸辣米線 💰$42豬扒唔會炸到好乾，都有小許肉汁，而且好吸到酸辣既味道，好惹味。另外佢地酸辣湯底配上蔥花同埋花生令米線相當開胃，佢唔會話好辣，如果你食到10小辣都肯定接受到，不過！如果唔鍾意食辣可以叫辣另外上。米線軟硬適中，咀嚼感岩岩好呀。酥炸韭菜餃 💰$34份量可以話毫無吝嗇，成左山咁。炸到金黃色嘅韭菜餃皮脆，但裡面保持鮮嫩，邪惡至極。…查看更多