至尊雲吞麵雞煲

营业中

休息中

至尊雲吞麵雞煲 地址: 屯門青海圍8號屯景大廈地下D號舖電話: 26185092又返入屯門探屋企人，住左咁多年呢間任食架雞煲邊爐出曬名抵食，平日星期一至四晚收$148一個人，六點幾去已排曬隊人頭湧湧啦雞煲個醬都7隻味，仲可無限添加encore, 店家上第一轉已比勁大煲雞啦，兩個人食飽到上心口，醬汁好惹味。由於想打埋邊爐就無再encore,示意店員幫手加湯開始打邊爐至於邊爐料用紙剔，成近60-70多款，牛豬雞肉魚丸菜都有唔可以錯過佢架炸饅頭，炸到黃金簡脆架小饅頭，點煉奶食食足兩個鐘，包埋任飲無酒精飲品,食完埋單仲有好多客等緊入坐架，區內人氣抵食之選

住附近咁耐第一次品嚐至尊雲吞雞煲放題，平日都好多人一定有原因嘅😜價錢方面都好抵，平日＄148全包任飲任食仲有檸茶檸水咖啡，茶餐廳系列嘅飲品，豆漿同涼茶添，啤酒要自費鍋底都好多選擇，當然會首選至尊惹味雞煲，膽粗粗試咗中辣，果然真係幾辣，基本即叫即炒非常香！這會用指天椒夠辣就唔會太油啦，食多啲都冇罪惡感，而且雞肉好嫩滑惹味，雞皮還是焦香的👍配菜方面選擇唔算太多，想食嘅都齊晒啦特別鍾意肩胛肥牛片，口感唔錯，而且肉味都幾濃，而且仲一啲都唔肥添，豚肉都係另外一個好選擇，幾秒就食得，非常正🤤🤤仲有我最喜歡鯇魚腩添，牛腸牛柏葉必點😜😜台台都會食炸饅頭，就點一個啦果然好好味，外表脆卜卜唔會太油，唔怪得知會啲點啦😬性價比好高質素唔錯仲好有氣氛添

這家雞煲已吃過不下十次每次晚上黃金時間都會人山人海今次決定為他們寫一篇食評這裡雞煲火鍋放題價錢相宜雖說雞煲加火鍋但這裡最主打是雞煲他們的雞煲絕對不是任食質素調味香口惹味愈食愈開胃雞肉經烹煮後仍保持多汁嫩滑吃罷一盤仍可以無限追加大辣小辣bb辣各有風味吃完雞煲加湯再打邊爐打邊爐材料都是基本肉類丸類等質素不過不失沒太大驚喜這裡另一名物是炸饅頭坊間少見的炸饅頭竟然也是任食饅頭即叫即炸沾煉奶食無得輸下次再來至尊要多約幾個朋友

呢間雞煲屯門街坊一定好熟悉，星期一至四都只係$148位/2小時，星期五至日、假期同前夕$158位/2小時，免加一兼且可以無限加雞午市都有雞煲放題，仲平多20蚊雞煲濃郁入味，嫩滑多汁，朋友唔係太食得辣都食到小辣，而且份量好多，我地兩個女仔食完一round雞都未開始打邊爐已經飽咗七成食完雞煲就可以加湯打邊爐，雖然係茶餐廳，但呢到火鍋配料都有超過60款咁多，由於我地都食到好飽，所以唔係嗌咗好多，個人推介肩胛肥牛片、海鮮沙律丸、魚榚同羽衣甘藍小食必叫炸饅頭酥脆得嚟完全唔油膩，配煉奶超正飲品方面，除咗普通汽水之外，當然唔少得茶記特式飲品，檸茶、咖啡、奶茶通通任飲，仲有羅漢果杞子菊花茶同豆漿

今晚收工，女朋友心血來潮話自從搬咗元朗，都未食過雞煲，想搵間試下過口癮。上網做完資料搜集，就嚟到置樂呢間雞煲店。發現夜晚好多人排隊等位，疫情下都咁多人等，實在係難得一見。等咗大約10 分鐘左右才能安排入座。店舖本身似係一間茶餐廳，而亦見到小炒餐牌。呢到嘅雞煲有7種口味選擇，有辣有唔辣。而我地就㨂咗個BB辣嘅至尊惹味雞煲。店員將個Gas爐放上枱，及後就放上雞煲，而且好快就食得。雞件份量都好多，肉質鮮嫰，而且醬汁十分惹味，我地兩個人最後都食唔晒啲雞。食到咁上下，就叫店員加湯，開始下一Part 火鍋環節。枱上提供餐紙及筆自助式選料，而且上菜速度很快，幾乎一收完紙都唔需要等就食得。由於我係牛魔王，就叫晒兩款牛肉嚟試下。肩胛肥牛片，薄切但大塊，油脂香都幾正！鮮牛肉就牛味徧濃，比較有嚼口。估唔到呢到有羽衣甘藍，放晌到鍋到吸收埋雞煲醬汁嘅鮮味，簡直一絕。除咗火鍋配料，呢到嘅名物仲有炸饅頭！外皮炸得極之香脆，配上練奶真係無得輸！我同女友都不斷encore，幾乎停唔到口。而餐廳亦免費供應飲料，除了汽水、豆漿外，仲可以Order水吧要檸茶之類！

見廣告話呢間個雞煲可以無限加雞，都係$148一位任飲任食，咁抵，就同朋友黎試下。晚上黎係勁多人等位，哈哈，直接放棄了，改晏晝黎食，果然平日下午無咁多人，直入唔使等呀，午市仲減20蚊，好抵呀好抵呀！有七款鍋底選擇，唔使諗梗係重慶雞煲啦，要左小辣。等左陣就上枱啦，店員話即刻食得唔使等㗎。二人份都幾多雞喎，雞件細細件好易食。雞件都幾入味呀，麻麻辣辣夠惹味，越食越辣，應該係一路煲住啲辣椒嘅關係？我覺得辣左仲好味左。怕痴底可以叫店員加少少水，好大煙呀，哈哈～食夠雞就加湯打邊爐，店員會加入一壺湯，雞湯？鹹鹹地咁囉。羽衣甘藍必食，吸左雞油好好味，連唔食菜嘅朋友都話正。叫左肥牛，餃子，丸，饗鈴等。仲有豬腩片，菇，萵筍，粟米，油炸鬼等。食完再點第二輪。基本上無漏單，上菜都幾快，唔可以講話好靚料，而且一盤過無乜好打卡，不過咁先似任食嘅打邊爐嘛。另外又係必食嘅炸饅頭，好香脆，仲要爆多煉奶，正！另一個賣點就係除左汽水，仲有奶茶咖啡都任飲㗎，凍奶茶凍檸茶都勁正，唔覺唔覺飲左三杯，哈哈。鍾意食雞煲唔好錯過啦，超抵食！

嚟到屯門任食雞煲！屯門人必食，性價比超高既任食雞煲。假日七點已經爆曬要喺門口等位，專登平日黎，都好多人。一開始先叫個雞煲先，揀左bb辣，雞件好嫩滑，醬汁香濃，好入味。淨係兩個人我地都要加幾次雞。食雞煲食到飽就可以加湯轉打邊爐！店員係會直接用你雞煲個湯底然後加水做你辣味湯底。火鍋配料任你揀，肥肉、丸類、菜類梯樣有。特別推介有炸饅頭，外脆內軟，熱辣辣，仲有煉奶可以點。真係不是到到有。所以個個食客都會嗌炸饅頭！

今次食嘅呢間黃店係元朗同屯門嘅分店💛💛我哋今次係去屯門嘅分店所以我哋一定要去支持————————————佢哋係任飲任食嘅（兩個鐘）我哋琴晚去，所以係$148@1（星期五六日及公眾假期就係$158@1）真心幾抵食首先就講咗佢哋嘅雞煲先啦我覺得份量都算幾多嘅👍👍同埋啲雞煲食落去都好惹味而且又唔會好鞋颯颯（重點就係佢哋嘅雞煲係任食，如果食唔夠嘅話可以瘋狂加雞🤣🤣）咁之後再講下其他火鍋配料啦佢嘅肥牛食落去質素都OK嘅唔會太肥膩☺️☺️其他火鍋配料就同坊間嘅不相伯仲（而且佢有得揀油炸鬼）呢間舖頭都有啲嘢食係幾特別嘅（其他打邊爐嘅舖頭未必會有）例如係有炸饅頭可以嗌嚟食仲要真係熱辣辣炸起嘅😋😋所以真心幾有驚喜而且佢都有好多嘢飲可以揀（係其他打邊爐嘅舖頭都未必有嘅）例如凍朱古力、凍奶茶、豆漿嗰啲所以我都飲咗兩杯凍朱古力我自己覺得呢個價錢可以食到呢個水準嘅嘢食都真係算物超所值⭐️⭐️大家如果住嗰頭嘅話不妨多啲去幫襯（如果我比較得閒嘅話，都會再Enocre‼️‼️，因為真係幾正）

難得係都減肥放縱日，一於就去食返個雞煲慶祝一下！之前已經食過好多次喺置樂嘅至尊雲吞雞煲，相信好多人都有食過！任食兩個鐘，其實真係好快就已經食到飽飽！今次就叫咗個小辣嘅雞煲，至尊雞煲比較乾身，食落好香，好有鑊氣，有大排檔風味！另外一樣超級出名嘅嘢，大家係未食雞煲之前已經會落order嘅，就係呢度嘅炸饅頭！見到隔離每一台都係四個，六個，咁樣叫，真係未食雞就已經食飽！而另外一樣好鍾意嘅嘢，就係呢度係可以無限任飲奶茶咖啡同檸檬茶，唔係嗰種紙包或者罐裝飲品，而係茶餐廳式嘅港式飲品！平日食親任食都唔係好鍾意飲汽水，因為飲完之後好頂位，但係飲住奶茶食雞煲就真係正爆！而且呢度可以無限加雞，仲要可以自選辣度，啱晒大家來挑戰！至於一般打邊爐嘅選項都好多，比較特別就係呢一個oppa魚餅Size唔大，但係同韓國風味一樣菜方面比較特別有羽衣甘藍肉類亦都唔係嗰種平價肥牛整體各樣野都唔錯，而且店員非常之關切住每一張枱嘅需要，不停嚟收走枱面上面清空左嘅碟，服務唔錯！

相信屯門人一定食過置樂嘅雞煲放題今日同朋友經過置樂 决定帶朋友試下xd不過大家要留意返佢係無得book位㗎全部都要walk in 所以要預留下時間等位啊～平日夜晚七點幾八點 座位都已經接近八成滿可以見到真係好受屯門街坊歡迎xd -講返個雞煲放題先 今次嗌咗至尊惹味雞煲 中辣星期一至四 $148位/2小時星期五至日 同埋紅日就 $158位/2小時其實價錢方面真係比一般嘅雞煲放題專門店平好多 仲要唔洗加一～平日唔洗百五蚊就食到兩個鐘嘅雞煲放題‼️‼️重點係雞係無限量任添‼️‼️今次真係食雞都食到飽曬😋雞煲味道食落好惹味 同埋好有鑊氣加上今次係嗌咗中辣 辣味都幾出 幾刺激鍾意食辣嘅朋友真係可以試下 因為食落係會比原味雞煲更有層次另外佢嘅份量一啲都唔少食完一round都已經飽得七七八八之後仲可以加湯打邊爐 一舉兩得xdCP值高高高～今次火鍋配料我地只係嗌咗少量值得一提嘅係佢地嘅肩胛肥牛片 幾驚喜～牛味幾濃 比一般嘅雪花肥牛片好食好多！！-另外 除咗佢地嘅惹味雞煲係必叫外炸饅頭都係必叫之選炸饅頭都係至尊嘅招牌菜食落口 唔會太油 又會幾香脆會想瘋狂咁食食食！-秘制招牌鳳爪 $16味道同泰式鳳爪相若～酸酸地

雞煲 有得揀要唔辣/要幾辣叫左少辣 好香口 之前叫過唔辣但就唔夠香面頭有好多荽茜食雞煲可以轉打邊爐 炸饅頭呢度炸饅頭係大熱 每枱都叫 即炸係好食既真係-💭侍應禮貌好唔掂同完侍應姐姐講要邊款雞煲 姐姐就好快行走左我地見佢地忙 應該人手真係好唔夠所以等佢地傳完菜得閒少少先再落啦隔左一陣舉手想落埋野飲姐姐第一句就話 岩岩先落邊有咁快呀問號？我都未講要咩就比人話 可能好多客催佢地掛 唔知啦 但個下真係無奈呢度味道一流 基本禮貌係零分一肚氣 飽曬 幾好食都冇用

最鍾意嘅雞煲💛呢度嘅雞煲可以無限任添雞而佢哋隻雞係整得柔嫩又入味 🐓至尊惹味雞煲 兩個鐘任食 $148建議你叫返BB辣或者小辣 因為佢哋嘅中辣係超級辣 上次唔小心叫咗中辣 食到瘋狂飲飲品 個嘴紅晒🥵要對食辣有信心嘅朋友先好叫中辣啊🌶🌶比起雞煲佢哋打邊爐就比較遜色 所以通常我都係會瘋狂加雞 食到最後最後先會變打邊爐特別推薦嘅係佢哋嘅炸饅頭 真係超好食 炸饅頭個面好脆 之後咬入去又軟棉🤤🤤而且仲有煉奶係個饅頭隔離 每次都要食返三四個

我係道叫過幾次外賣，幾次都當場等左30 分鐘以上，有一次直情企係道等落左單35分鐘再同我講冇晒個個餐，不知所謂，明知整勁耐都拉人入去叫人幫襯，大家千其唔好再幫襯呢間野，垃圾!

尼間雞煲由入座時間計可以食兩小時 Y小姐同朋友今次嗌左小辣 佢嘅辣度對於Y小姐黎講就覺得五辣 不過Y小姐朋友食食下就話覺得有後勁 不過Y小姐就覺得今次d雞煲d雞同d火鍋湯底偏咸😅Y小姐食左十舊雞左右 已經飲完一罐汽水😅食完雞煲之後就可以叫姐姐加湯 開始打邊爐🍲最最最驚喜之處喺有炸饅頭食😚仲要喺即叫即炸 再沾上煉奶真喺正🤤🤤不過老實講 佢火鍋d料都好普遍 五會話有d嘢好驚喜嘅🤭 不過選擇都有幾多 而且價錢只喺$148 仲要五加一😃 同埋果日d姐姐都好好 好主動問我地洗五洗加湯👍🏻

第二次離食！好掛住呢度嘅雞煲，勁惹味！呢次叫左一煲小麻辣，同埋一煲唔辣嘅，各有滋味，不過個人覺得麻辣更加惹味！雞件好入味，夠鍋氣，麻辣之中滲出陣陣惹味，足以令人流曬口水🤤148蚊一個人好抵，而且係成隻雞咁比，量多又足料，唔似有d食雞煲嘅餐廳只係比雞髀肉食完呢間真係返唔到轉頭仲有原來d雞件係可以refill，好癲，唔推介真係唔得，又好味又抵食選擇又多。食完雞煲可以打埋邊爐，仲有必食炸炸饅頭，食完好滿足期待下一次再離食