自家燒吧

和小朋友在附近工厦開party，完左後到駱駝漆大廈一座5樓的自家燒吧，任食任飲自助串燒，串燒識自轉唔洗煩要人手反轉，仲有小單可以剔額外食品飲品，認真不錯。由於我哋第一次去呢間，店員好細心有禮地解釋d野食放邊，有咩可以額外落單叫，每款醬料都講一次係幾時落，及咩味道。最開心係有腐乳通菜或蒜蓉唐生菜任叫任食，雖然唔洗另外加錢，味道卻好食！串燒好熱氣，多謝店家提供即煮蔬菜美中不足係環境不是太整潔，牆邊好多塵⋯…查看更多

當日下午先即時打去BOOK台都有位, 我地食9點至11點時段, 價錢都算合理上到去即刻可以入座, 有肉類, 疏菜類, 熟食同甜品等等, 雖然每類選擇都唔算多, 但勝在味道都不錯 !仲有一D需要收費既食物可以選擇, 飲品方面, 有多款熱飲, 岩哂我呢類唔飲凍飲既人!員工及經理既態度都好好, 間中會上前提示你既串燒已夠熟可食用, 又教你點睇已經熟左未仲有張台都好闊落, 坐得幾舒服, 冷氣都夠, 因為個爐都幾熱, 最怕冷氣唔夠會好焗促, 餐廳整體環境都唔錯~洗手間環境可以接受但可以更好下次都會再黎幫襯 !…查看更多

朋友介紹官塘工厦BBQ放題！而且網上見好多人讚好！為食既我當然要搵朋友一齊試吓啦！佢有分幾段時間！岩晒唔同時段嘅朋友！嘩！超多野食！而且除左紙包同罐裝飲品外！另外仲有其他特飲！簡直好過去燒烤場！仲有個重點係！你會發覺有好新穎感覺！先講環境同食品！每樣食品有清晰說明（唔係間間放題食店會咁做）而且擺放衛生！呢樣已經夠抵讚！另一大大賣點！係完全唔使用手定位燒烤！簡直好似有人服侍一樣！佢有一座自轉式燒烤爐！一邊自己自轉式燒烤！自己又可以無負擔式狂食！超開心！而且服務又細心！不時會留意火爐控制！抵讚！…查看更多

冬節食飯，今年我地特別D，唔去酒樓食飯，而係去自家燒吧BBQ，自家燒吧位於官塘駱駝漆大廈，由官塘地鐵站步行只需5分鐘左右，方便就腳。6:00到達，已經9成滿座，不用等位直接入座。餐廳燒烤爐係用發熱管，所以成間餐廳都不會好煙，太大陣味，而且食完最緊要唔會太熱氣。食物種類有成十幾二十款，腸仔、午餐肉、黑椒牛柳、雞串、車厘茄、棉花糖、菠蘿、台灣腸、菇類、羊肉、燒賣、粟米等等，另外仲有甜品、冷盤有蝦、青口。格離仲有熟食，有雞翼、炸雞塊、菜等等，枱上點餐紙，都有好多款食物選擇，仲要任食架，有炒粉麵、黑松露薯條、炸餃子、炸雞中翼蒜蓉焗生蠔等等。飲品有紙包飲品同即沖飲品好方便，已經串好一串，轉幾分鐘就食得，仲有3隻醬比你搽，有辣醬、蜜糖、燒汁蜜糖，而我最鐘意就係加孜然粉，有辣味、花生味、原味，3款都好香好惹味睇下蜜糖雞翼燒得幾靚，仲有必食燒菠蘿又甜又多汁甜品細細杯，可以食多幾杯…查看更多

燒野食唔一定要去燒烤場，室內都可以燒野食。冬天一定會去燒野食，今次比我發現了有室內燒野食，即刻約埋老公去。一入餐廳唔會有好煙好焗既感覺，餐廳好多座位，有二人，四人，六人座位，張枱夠大，夠闊落，坐得舒服食物一邊是串好一串串既食物，另一邊凍櫃有甜品、冷盤、生果，海鮮。除左BBQ，仲有熟食，靚湯飲，枱上亦有點餐紙可以點食，都係免費架。食物已經串好，只要放在燒烤爐上，就會自轉，連反都唔駛反，岩晒我以d懶人，燒烤爐旁有3款醬汁，可以加落食物到，仲有3款調味粉，燒出黎已經好香好香。食物方面，醃左既肉夠入味，由其黑椒牛肉粒，牛肉粒軟腍，黑椒味濃，辣味雞肉入味，好滑最後食埋甜品，就完美啦。…查看更多

突然想燒嘢食，但上網搵好多燒烤場都淨係得晚市，同埋要4人以上。搵到呢間有午市，2人以上，係OpenRice 仲有coupon 共收$136/人，買左$88 coupon, 到時比$48 服務費，早一日whatsapp訂位，燒3 hrs👍🏻有沙律，熟食，飲品，雪糕，湯食物都幾多款式，肉、牛、羊、蔬菜、菠蘿都有最緊要有棉花糖👍🏻👍🏻👍🏻Bbq最鍾意就係最尾燒棉花糖😻自轉形式燒，擺左落去就唔洗理佢😄燒一陣拎起就食得，佢仲有3種醬汁提供平時bbq最驚燒得唔均勻，又唔知幾時要反下d食物，呢個設計幾好！可能因為我地閒平lunch去，唔係幾多人，不過岩晒我同朋友靜靜地傾下計😀另外佢仲有啲點餐紙，有價錢嗰啲要額外收費，冇價錢既就唔洗加錢平時收費都合理👍🏻$136/人 燒3小時都幾抵，最緊要係人少少兩個都ok👍🏻如果飲品有涼茶/無糖飲品就更適合bbq飲…查看更多

女生總是發愛黏在一起，就連去廁所也想找同行人。所以聚會都特別多、慶生又多，所以呢度有得玩又有得食，寓晚飯於娛樂，絕對適合聚會同慶生亦都好岩忙碌的都市人可以放鬆一下。畢竟辛苦工作一整天，下班當然要善待自己，與朋友晚飯輕鬆下，聚一聚，今晚選了觀塘的【自家燒吧】。【自家燒吧】位於觀塘駱駝漆大廈1座，離地鐵站近近地，上到去冇Book位既關係等左一陣就可以入座啦。話時話呢度真係幾多人黎食，可能真係貪得意得黎野食又唔差吧！唔洗自己落手反轉肉串，最啱晒懶鬼呀！入面非常闊落，以為一眼望晒點知轉彎都有位又有野食！呢度座位主要以卡位為主，多是長凳，不會太逼。可以放好多碟野食。BTW串燒BBQ放題，每張枱都有自轉燒烤爐、醬汁同調味粉。.店內有3款醬汁，包括自家製蜜糖燒汁、酸辣醬和番茄檸檬醬，我偏好蜜糖燒汁，蜜糖加左落去，可令肉類味道香甜。就好似平時BBQ咁呀。至於調味粉分別是原味孜然粉、麻辣孜然粉和花生芝麻孜然粉。我就覺得麻辣孜然粉就最Match，辣辣地但又食到D肉味好正！.🌟店舖設有兩個開放式凍櫃，一邊放滿了生的串燒，款式約30款，如牛肋肉、雞翼、豬腩肉、羊肉，以及粟米、脆肉瓜等蔬菜。BTW當中肉類其實真係好多，所以不同肉類都貼有卡配置以作識別。🌟另一邊凍櫃就係頭盤咁，細細件既前菜同埋細細件既甜品、仲有D海鮮同生果集於一個凍櫃。有蝦沙律、三文魚沙律和鰻魚沙律。可以由頭食到落尾架～🌟轉彎位有D熟食，好似蒜蓉焗生蠔、餃子、炸雞翼、薯圈、西蘭花等熟食可任食只要放下串燒就可以等開餐，真正既食住先！不過食物質素都唔差架！燒蠔雖不算飽滿，但惹味得來能嘗到蠔鮮，如果於熱盤區自取的蒜蓉燒蠔，若然被人掃清光的話，也可下單再點。拎晒想食既野埋位啦，所有串燒都會以金屬籤串好，只要將籤上花邊位置卡進爐邊，即可自動旋轉，我為串燒塗上醬汁，其實呢3隻味...都各有各好，等候約3-7分鐘左加因為實係要視乎不同食物，熟透就可食用啦。🌟食食下都想飲野，任飲汽水、紙包飲品仲可以散叫其他飲品既！汽水、檸檬茶、菊花茶、柚子蜜和蜜桃紅茶均是任飲，特飲需另外加錢，$7-10一杯。埋位見野食都差唔多食得，牛肋條、牛肩肉串、雞中翼串、豬腩肉串、新疆羊肉串、叉燒、豬肉串等，我有幾款都推介架！牛肋肉、牛舌、雞中翼串都好唔錯，簡單燒起便是皮脆肉嫩，肉汁多多。新疆羊肉加孜然粉會令肉味更突出。另外包心丸內有流心芝士，烟韌滋味。牛肋條、牛舌、多汁味濃特別有口感，彈牙多汁加上燒汁的甜香，非常惹味。甜品，我當燒棉花糖就係啦，因為燒棉花糖真係好正，食完充滿幸福感。不過用左自轉燒烤其實不會怕燒焦棉花糖，係會令燒到棉花糖外脆內軟。係我燒到過左小小龍～BTW甜品種類不多，但雪糕也是任飲任食有牛奶樂和各款雀巢牛奶公司雪糕。另外有士多啤梨奶凍、藍莓奶凍、啫喱、雪糕和雪條。好豐富。整體而言，自轉燒爐的熱力平均，容易掌握，故串燒都可保有肉汁，不過要註意一次過不能放太多串燒，否則自轉時會互相卡住呀而且成晚店員也會Refill，速度都會好快，最後提一提最好黎食野Book一Book位會好D，因為等既話有機會都等好耐架！新鮮配料滋味享受，環境舒適寬敞，岩晒一家大細、三五知己聚會喔。..<5:00-7:00pm $188* 任飲任食2小時(3人同行1人半價 , 6人同行1人免費)平均每位$157起*🤗🤗>.<7:00-9:00pm $218* 任飲任食2小時><9:00-11:00pm $188* 任飲任食2小時(3人同行1人半價 , 6人同行1人免費)平均每位$157起*🤗🤗>.*另收正價加一服務費*星期五六日及公眾假期加$20…查看更多

在觀塘區看到這食店，主打食串燒放題，於是走入食店內，環境尚算整潔，坐下先點了一些熟食，蒜蓉焗蠔、魷魚圈等，味道不錯，而在自助吧有燉煮牛尾，牛尾滑及軟身，串燒種類也算多選擇，唯部份在點餐紙上標明另需費用，如鷄軟骨串，海蝦等這有點美中不足…查看更多

之前都已經好想試依間自家燒吧，特別秋天真係好想BBQ。而且地方都好近觀塘地鐵站，價錢大約$208 +1，我覺得都算幾唔錯。一入到去環境都好舒適，裝修都幾特別，有好多放喺牆嘅相同車牌。而且就算係二人嘅位置都好大。我餐廳好細心咁樣配有三種醬料，包括左泰式辣醬，茄汁同埋蜜糖燒汁。等你去燒嘅時候仲可以用唔同嘅醬料，調出自己鍾意嘅味道。串燒嘅種類非常多，基本上你諗到嘅都會有。我比較推薦係燒牛肉同埋燒叉燒。而且佢係放題可以任食！ 等嘅時候你仲可以試埋熟食，佢哋嘅吉列魚餅，蜜糖雞翼都超級好食另外仲有冷盤 包括有青口同埋凍蝦，當然唔少得仲有芒果布丁同埋啫喱等等嘅甜品。另外佢哋仲有三張放題嘅點餐紙，款式都好多，而且仲要係免費。我覺得腐乳通菜同埋蒜蓉焗豪都好抵食！一邊食住豐富嘅食物，一邊等佢自己燒嘢食，絕對回到本呀！我覺得佢自動燒野食真係好方便, 方便嘅原因唔使講啦，你只係要放想食嘅嘢，佢就會自動咁樣平均地轉動，所以燒嘅嘢食，火侯都智岩岩好！趁着冬天要去食多幾次啊！…查看更多

約了住觀塘的好友吃晚飯，她說秋高氣爽，最好去燒烤，就帶我來了自家燒吧。原來是家放題式的餐廳，顧名思義，選喜歡的食物，自家燒烤。食物已預先以金屬簽枝串好，有齒輪的一邊，放在軌道的凹位，燒物就會自轉。大約轉動5-6分鐘就可吃了，隨個人喜好加上調味料，操作容易，頗有趣!這種燒烤爐，不需明火，以旁邊的發熱暖管把食物烤熟，熱力均勻，感覺也較不易上火。下面放了清水，食物爆開時油份會滴在水中，完全沒有油煙。有三種醬汁: 蜜糖燒汁、檸檬茄醬、泰式燒汁。三種孜然粉，分別是原味、辣味和花生味。自助任選的食物包括燒物、沙律、冷盤、熟食、湯品、生果、甜點，另外還有可以點選的。個別較特色的小食、燒物和飲品需要額外收費， 其他都是不另收費任點任食的。點了自家製菊花茶，夠清熱，最喜歡它無糖，飲得放心，不怕多吃了糖。叉燒、豬肉串、番茄牛柳、肉質都不錯，加些蜜糖燒汁，更香口又有點甜蜜味。包心丸內有流心芝士，烟韌滋味。青芥末丸，芥末味不太濃，但有魚味!較喜歡龍蝦丸，爽口彈牙，灑上少許孜然粉更惹味!烤菌類時蔬，翠玉瓜、秋葵、冬菇、蕃茄，爽!點了熟食，魚肉豆腐內有芝士，好味。蒜蓉焗生蠔也不錯。西瓜、菠蘿總是受歡迎的。自助的熱盤有幾款，焗西蘭花椰菜花矮瓜、紅蘿蔔白蘿蔔炆豬骨。多蔬菜，炆得夠腍及入味。金沙骨啖啖肉。除了燒物之外，還有沙律吧、水果、熟食和多款甜品 。青瓜沙律、中華沙律 ，清涼醒胃。泰式鳳爪，酸辣、爽口而腍軟!近收銀處還有個雪櫃 !可以任吃雪糕和雪條!晚餐2 小時放題，按時段收費，星期一至四 : 5-7 : $188 , 7-9 $ 218 9-11 $188。星期五六日、公眾假期及前夕，分别是$208 , $238, $208。小童有優惠，價錢由 $98至$148 不等。…查看更多

唔會搞到個身臭崩崩嘅串串燒🔥(為食評分：6/10) (整體評分：7/10)。Lunch放題($78/1hr)環境舒服，位置寬敞重點：不會大油煙味！自助式拎野食，再有員工細心教點燒👍🏻。除左串串燒仲有好多熟食係任你order！熟食天使麵🔥超級好吃😋推介芝士焗蠔也不錯👌🏻仲有沙律，多款前菜，水果和甜品都係任食，呢個價錢性價比真係超高！。不過唯一是串燒肉類比較鹹，較為重口味如果味道淡一點，再自由加味粉或醬料感覺會好味好多🤤。特飲又靚又好味💓整體都幾好！推介大家來試下🥰…查看更多

燒烤就試得多,上網發現d間串燒,近期做優惠(計番都唔算平)。橫掂都好耐都冇出街食,而且睇影片介紹都可以,咪試下上去幫親下啦。都知道響(工廠大廈)入面,一開就見到,都容易搵。唔知係咪同團購9點先入得,好少人😏,環境衛生可以。 坐低之後就有人講點開爐同埋點餐。(串燒凍櫃)櫃內有串燒串另一面有甜品(數量好少)有熱盆但冇嘢食,有飲品。....數量同款式唔太多,味道有d咸,又唔似影片上放唔同串燒一齊燒,浪費時間(限2小時)。服務就唔得,木口木面又冇禮貌,同佢講嘢冇反應都唔知收唔收到。最後,係我有我快樂便算!試問我又點會再幫親。(工廠大廈2佰幾1位,去邊都有啦)好伏囉…。…查看更多

懶人去的自轉燒烤💕覓食搵到去工廈！第一次玩擺上去自己轉既燒烤，室內唔會話好大煙，冷氣好足夠～所以唔會熱唔會焗！店員服務都好貼心，會主動教點樣用個爐，大概燒幾耐～食品：醬汁款式：1.蜜糖BBQ 2.泰式辣醬 3.檸檬茄汁調味粉：1.孜然粉 2.原味 3.花生🥜用得最多就係泰式辣醬、蜜糖，甜甜地辣辣地夠惹味，記得係未熟之前擦！轉到差唔多再擦多下串燒推介：蜜汁叉燒肉(燒完之後滴埋油真係香到不得了)雞畀菇(軟軟多汁好味道😆)泰式雞翼(入味而且好香～雖然要等耐D)棉花糖(軟綿綿又焦少少既時侯太吸引了)燒菠蘿🍍(多汁又酸甜)仲有好多款式你地自己發掘啦！一般串燒5分鐘左右就可以食～等待⌛️期間都可以去試下佢既熱盆，有炭燒豬頸肉、炸雞翅、蒜香生蠔等，味道全部都好入味，但可能一次出的份量比較多，所以擺擺下會凍左少少，如果考慮可以出少D或者加熱方面可以做得更加好冷盆方面都有凍螺、凍蝦🦐、煙薰三文魚沙律、水果🍉等提示：雖然一個架可以擺好多串燒，但避免互相自轉個陣會卡住，最好隔開擺！反正一次過都食唔到禁多🙈甜品：即場打卡會送水果冰，賣相以放題的質素黎講都有心機，有得自己加適量的🍓醬，唔會太甜，份量頗多，可能因為我串燒食得太飽😂如果唔夠仲有大量自取的甜品🍮…查看更多

哈哈哈我又食串燒啦，今次係78蚊一小時仼飲仼食 懶人自助燒烤！行過觀塘駱駝漆大廈，有人派傳單見到$78蚊午市放題咁抵就衝左上去啦。閒日午市黎講，生意算唔錯，見到有啲人氣，所以決定試試！除咗串燒之外，仲有啲熟食、沙律同甜品，款色選擇都幾多。雖然串燒係主打，但其他野食一啲都唔馬虎，大讚下個波羅雞粒炒飯，有泰國餐廳嘅感覺，炒得好好食！不過放題點可以食飯咁冇大志！所以同朋友share每人幾啖剛剛好。不得不推薦既當然係串燒，其實好好玩😂睇住佢一路自己轉轉轉，同朋友傾下計得閒搽下醬汁就食得啦。老闆仲好貼心行過嚟教我地燒菇嘅技巧整體來講CP值勁高！大推！！…查看更多

想食又想玩，可以考慮下呢間。本身打算過黎食burger，到左先發現星期日唔開。諗緊轉去食乜就俾下面既姐姐宣傳成功！佢既價錢又唔算貴，同埋都叫做任飲任食。我地叫左兩個鍾，不過我建議一個鍾都夠了，兩個原來太長！佢外面有唔同串燒拎，例如牛羊雞串，茹呀，秋葵呀，粟米等等。都有少少生果，沙律，麥樂雞等等可以夾。除此之外，都有啲小食紙可以叫。款式都算多，不過有啲要加錢。不過我覺得免費既都夠食。佢既串燒有個架俾你燒，識自己轉，好得意。有幾隻醬同粉俾大家調味。小食例子如下。埋尾有巢雀雪糕，不過我就prefer燒cotton candy，正正正！值得一試！…查看更多