膳心小館 (已結業)

上篇食評提到，我同老公喺14-5-2026（Sat）晚，喺呢喥食完晚飯後，就買咗兩個$55.00嘅雙黃蓮蓉月餅同$100.00一罐嘅原味蛋卷。翌日朝，老公話食一個，農曆五月二十已經食月餅，月餅係貓頭造型，佢7.5厘米長，7厘米闊，3.5厘米高。老公切佢隻耳仔，睇見有好大舊耳垢（黃），佢嘅面皮薄，食吓先，佢嘅肉（蓮蓉）滑有香味，味道對版，耳垢多油但偏鹹。比起我第一次幫趁佢哋嘅非傳統月餅好（食評係2022年9月3日提交嘅呢篇： https://www.openrice.com/zh/hongkong/review/yeah-%E6%9C%88%E9%A4%85%E8%A6%81%E6%94%B9%E9%80%B2-e4524365）。到今（20-6-2025 Fri）晚，同老公食完飯後，口痕搵嘢食，就開原味蛋卷食，佢用膠封實，而個蓋好密實，好難開，終於打開後，嗅到一陣椰絲嘅味道，我心諗，唔係有椰絲啩？睇到，佢又長又粗身，打側睇，佢唔太厚身，食吓先，蛋味好夠，鹹淡適中，口感鬆化。…查看更多

幾日前，得知房署唔再同呢間嘢續租，我同老公喺大前日（14-6-2025 Sat）晏晝，由尖沙咀過嚟堂食，點知話冇嘢食，要6：00pm，我哋就去第二喥坐，坐到6：00pm再過嚟，但話6：30pm至有嘢食，啊，原來出𡁵到會，唔怪得。咁我哋坐住等，等到夠鐘就出去買飛。等咗咁耐，我哋都諗定食咩先，我哋要兩個都係$50.00送例湯嘅乾炒牛河同乾炒豬扒烏冬，另各加$6.00要可樂同凍奶茶。但係買飛嘅時候，收銀話冇河粉，我就先買咗我嘅烏冬，之後老公就出去再排隊睇下要乜嘢 ，佢就揀咗都係$50.00嘅黑椒牛肉炒意粉。買完飛就拎個牌仔返埋位坐等送餐，可樂就可以自己攞，我咗10分鐘，凍奶茶至到，我飲吓先，奶同茶味都有，唔會太濃同澀，好味。5分等多6分鐘，黑椒牛肉炒意粉同例湯到嚟，老公食意粉先，我飲例湯，今日係霸王花甘筍煲豬骨，一飲，味道好夠濃，好味，雖然飲到陳皮味，但唔太濃，接受到。5分老公食咗半碟黑椒牛肉炒意粉後，我就食吓，牛肉鬆軟，黑椒味恰到好處，可惜我熱氣，唔可以再食，所以只食咗一啖就唔食。老公俾4.5分而我嘅乾炒豬扒烏冬好耐都未到，再等8分鐘至到，但，點解係牛肉？就俾張單問店員，店員睇，俾錯咗隔離嘅客人，而客人已經食𡁵，問我啱唔啱食？老公答我唔食得牛，唯有好抱歉地，請佢哋整過。佢哋整返出嚟，見到係豬扒喇，但冇揀走牛肉，我就將牛肉夾出俾老公食，夾咗出嚟睇，原來份量唔少，烏冬腍，豬扒都好鬆軟唔柴皮，厚度正常，成個又唔太鹹。4分之後我哋見佢將蛋卷同鳳凰卷上架，於是走時睇睇，就買咗$100.00一罐原味蛋卷，老公要$55.00嘅貓咪造型月餅，就賣剩雙黃蓮蓉月餅，就照要呢兩個，食評留到下回分解。環境：有啲位比較熱，但闊落。3.5分上次食評係2022年9月3日提交嘅呢篇： https://www.openrice.com/zh/hongkong/review/yeah-%E6%9C%88%E9%A4%85%E8%A6%81%E6%94%B9%E9%80%B2-e4524365…查看更多

今屆貓展見到小館檔口，自家工房製造，買盒陳皮豆沙月來嚐嚐，陳皮甘香，豆沙清甜，十分可口!貓貓包裝圖案亦可愛非常！同埸有賣蛋黃白蓮蓉月餅和黃蓮蓉月餅，藍色方盒，印刷精美。職員介紹豆沙月較低糖，果然甜度適中，啱個人口味。…查看更多

趕喺最後營業日之前過嚟支持。星洲炒米：比較似濕炒，味道唔似一般嘅星洲炒米，不過欣賞佢啲蝦係挑咗蝦腸，加埋紅豆沙同埋飲品真係飽到不得了。紅豆沙係有陳皮嘅，不過比較甜。期間聽到好多人叫霸王雞，應該係呢度嘅招牌菜 。有「善心」嘅一間小館，希望佢可以喺第二個地方繼續經營落去 。喺香港呢個乜都講錢嘅地方，仲有啲良心餐廳幫助弱勢社群，真係好難得 。…查看更多

通常獨自到膳心吃完公司三文治的我，順道買兩盒紅豆糯米糍才走🙋‍♀️。從來不好紅豆/豆沙食物的我，非常喜歡該店的紅豆的糯米糍! 比起其花生糯米糍，總覺得紅豆餡料的更好食😋😋😋😋😋。之前看到其 social media ，得悉受家暴的母親，堅決不申請社署的補助金，靠自己獨力撫養孩子，故務必去店買糯米糍支持🙋‍♀️。另，該店除了提供免費飯予有需幫助的老人家，亦會幫助流浪貓，對流浪毛孩盡些綿力👍👍👍👍 👍! 確是愛❤️滿滿的小店。小店製作多款副食/零食，蛋卷、馬仔、合桃酥、曲奇、凍點心等售賣; 出色! 蛋卷方面，其鳳凰卷一向出名，我怕甜😅; 反而喜歡其椰汁和黑芝麻蛋卷，味道香濃，非香精那種假香味。黑糖馬仔、鬆脆的合桃酥、咖啡曲奇、椰子曲奇等均是我的至愛! 其抹茶曲奇更是朋友的至愛，每每乃農曆新年我拜年的見面禮物。得知該店亦將快結業，約好友去店吃晚飯; 午市和晚市擠滿客人。晚上我們叫了下列菜式，大滿足，非常好食😋😋😋😋😋!1) 煮紅蝦: 大隻、鮮甜2) 炒蜆: 惹味3) 金沙雞中翼: 香口，蛋黃醬惹味，送飯一流4) 椒鹽瀨尿蝦: 份量多，吃極吃不完5) 煎封黃立倉: 大條，炸得脆口，肉嫩滑本來想食豉油雞，原來中午已賣光了! 此餐大滿足，滿分💯💯💯💯💯! 現時，經營餐廳一點也不容易。為了生存，該店亦製作毛孩零食售賣。結業前，會再去幫趁的🙋🙋🙋🙋🙋!  希望該店能重開，繼續幫助有需的老人家和毛孩🙏🙏🙏🙏🙏! …查看更多

膳心小館位於香港石硤尾邨，食過就知 小味精、有住家感覺，提供家常風味的港式料理。店內招牌菜如乾炒海鮮烏冬與美極生炒牛肉炒飯，均以樸實手法呈現地道風味，份量十足且價格親民，深受街坊與上班族喜愛。 乾炒海鮮烏冬烏冬選用急凍麵條，口感彈牙不軟爛，搭配鮮蝦等海鮮快炒，鑊氣十足。店家強調少油少鹽，以生抽、老抽調味，鹹香適中且無厚重油膩感，符合健康訴求。配料如洋蔥絲、蟹柳絲增添層次，最後撒上蔥花與芝麻粒提香，整體風味貼近家庭手作，展現「住家飯」的溫暖。 美極生炒牛肉炒飯這道炒飯以美極鮮醬油為靈魂炒牛肉碎，先以蠔油、生粉醃製，再與隔夜飯大火快炒。米粒乾爽分明，牛肉粒焦香入味，搭配芥蘭莖或菜心增添爽脆口感。調味僅用美極醬油、糖與魚露提鮮，避免過多添加物，突顯食材原味。部分食客更讚其「鑊氣足、不油膩」，堪稱「大件夾抵食」的代表。 膳心小館環境簡約，主打外帶服務，餐點價格實惠，且每日菜單變化豐富，皆以健康烹調為原則。若想品嚐少味精、份量足的住家風味，此店值得一試。…查看更多

家庭聚會，新年已經想訂到會，但新年休息，今日終於有機會訂到到會。首先講落單回應非常之有效率、清晰。送貨包裝非常安全又保暖，非常乾淨。食物有蜜椒薯仔一口牛、乾炒牛河、雞扒炒烏冬、瑤柱蛋炒飯、香芋地瓜、蒜蓉炒菜、日式蟹籽沙律、蜜糖雞中翼等。炒飯好乾身，整體所有的食物好味道。10-12人餐，份量足夠，味道不太咸、不油膩，啱晒我屋企的味道。…查看更多

間中都會去石硤尾舖頭買蛋捲，雖然有啲重，不過支持吓小店。每罐百幾蚊，個盒幾得意，係貓貓樣有好多款味，我最鍾意係桂花，幾特別！欣賞佢一打開有個膠蓋方便夾住拎起身蛋捲超長，大盒，重味，好脆，少少甜有啲味道有減糖版㗎！網購有得送貨添…查看更多

跑步後經過，見有麥皮早餐入去試下，$33 有麥皮，整份吞拿魚生菜三文治，生菜多夠足料，仲有大杯即磨咖啡另見小店有個凍櫃，大大隻蝦餃、韮菜煎餃、牛肉球、燒賣….有機會再買嚟試下。 小店雖無特別靚裝修，幾張長枱，簡潔企理。…查看更多

喺香港試過買嚟食覺得好食，於是博一博買咗 12 盒船寄去英國，好嘢梗係同朋友分享架啦 🤭🤭寄咗先諗起應該入膠袋多一層防潮，但已經無得改變，唯有自求多福！過咗 2 個半月終於收到貨，收到打開嗰一刻都好緊張，12 盒蛋齊齊整整，即刻打開一罐試，無想像中碎喎，咬落口仍然脆卜卜，小朋友都爭住食，咁就放心開心 share 啦 😋😋😋我哋買咗原味，咖啡味，朱古力味同芝麻味，隻隻都好正，小朋友最愛原味同朱古力味，而我就最愛咖啡味，今次嘅成功下次返香港我可以再放膽入貨啦 😍😍😍…查看更多

想幫襯好耐的膳心小館，無奈一直0機會去石硤尾，終於咁橋同細細去美荷樓參加Workshop，又咁橋想玩大光麵個送碗遊戲，唔洗諗一定要去食。我同細細叫咗個XO醬豬扒撈麵，連熱飲$48，上檯時熱辣辣香噴噴，佢哋係用大光麵，炒起乾身唔黏、彈牙，豬扒份量好多，而且好淋好易咬，細細係食肉獸都幾乎食唔晒😅。XO醬惹味又唔會太辣，$48來講係非常抵食。可能因為人手唔夠，所以餐廳全部都用即棄餐具，另外環境亦係好簡單的地道食堂，比較特別係有好多Spiderman掛畫，所以我同細細特別行咗一圈去參觀。另外餐廳入面仲有佢哋自家食物賣，例如湯包、點心、蛋卷、糯米糍等等，全部都係搵老人家同媽媽製作，等佢哋可以有收入幫補生計，仲有就係幫啲貓貓籌醫藥費，所以真係好值得去幫襯支持一下。…查看更多

回憶我的中、小學片斷，無論早會或聖經課，禱文、聖經金句或老師們的講話，學校是一處讓我認識到聖經內容的地方！絕無意在此宣傳宗教，旨在帶出人生幾十年的路上， 當中聖經某些所載的，不知不覺摻合了我個人的成長體驗！確信不管在家庭、社會及世界，愛的重要性！儘管愛是難於掌握、表達和衡量，但無私的愛往往是改善、改變和美好轉向的良方！「膳心小館」是我平日在網絡上有留意的餐廳，全因她透過膳食來表達對貓咪和街坊的愛！這天特意來到「膳心小館」。甫進門，「膳心小館」予我的印象是一個小型的社區飯堂。右邊拼湊了兩行的長檯，而左邉僅餘的空間，擺放了一張供四人的桌子， 裝潢十分簡約，用餐者大多是中高齡的朋友仔，這趟大可充當一下年輕，哈哈！找到座位，坐下看看餐牌，有小菜和碟頭飯麵供應！而我們則看上了非常住家風味的兩款餸菜，兩餸飯更可選擇淨餸不要白飯，合乎我們晚餐盡量不吃飯的原則，兩淨餸才 HK$80。肚仔餓了，馬上前去收銀購票，再待送餐！先來的瑤柱肉鬆蒸水蛋，看似三大塊蛋磚，用匙羹盛起，蒸水蛋非常之挺身，蛋磚中間還隱隱露出肉碎和瑤柱絲！心想，如蛋磚的蒸水蛋會不會又老又硬，答案是不會。蒸水蛋雖然挺身，但內層仍保持 嫩滑，帶有水蛋應有的水嫩感，心想廚師是怎樣做出來的，而且味道恰好，不會過鹹，透出輕輕蛋香和肉香，我大口大口的吃著，超方便！另一款餸是南乳節瓜燜雞，雞件和節瓜的份量也挺多的，淡香和帶甜的南乳，拌飯不錯也！不吃白飯，兩人保留食力將半隻豉油雞 HK$88 吃光！雞肉嫩滑，連雞胸也不柴，雖然豉油油未算太香，但鹹中帶甜的味道不錯，加上入味程度佳，不止堂食，亦是斬料回家的首選！見大家吃得津津有味，也來追加一碗綠豆沙 HK$20！綠豆十分綿密，連同絕無欺場的海帶與臭草，認真是超級抵食，吃得兩人捧著肚子！同桌的伯伯非常識食，點餐時還指明要豉油雞脾飯，起碼六、七件大大的豉油雞，配上不少的白飯和兩條菜心，伯伯吃得不易樂乎，他表示每星期會有三晚在這裡用膳，這裡就是他的飯堂！當然豪吃的選擇，花不到 HK$200！以上分享未出街，昨又萌生再到「膳心小廚」的念頭。選了豉椒炒牛肉和清炒西蘭花作晚餐，兩款小菜套餐連白飯及綠豆沙，每款只是 HK$58，份量足兼享用舒服的家常味道，更看到支持者令食堂爆滿，是為最喜悅及滿足的事情！結尾才來介紹「膳心小館」店前一角的貨架位置，貨架堆滿了自家製的蛋卷、馬仔、月餅、湯包、豬肉乾等，記得食飽飽後選購心儀的小吃帶回家中！第一次買了紅豆陳皮月餅和鳯梨酥與友人分享，昨晚則買了豬肉乾和燒賣，這次準備家中獨享！Fill your mind with positive thoughts and your body with delicious food食物是人的基本需要，「膳心小館」不僅為街坊帶來價廉物美、暖胃又暖心的膳食重；她發放的愛更讓人燃起希望，重尋被尊重的存在價值，包括貓咪，又怎能不支持！…查看更多

拎完月餅，順便食個下午茶叫左2個餐，分別係炸雞髀配沙律及乾炒牛河2個餐都包一杯熱飲，而乾炒牛河餐除左包熱飲外 更包一碗糖水炸髀，個雞肉幾滑唔乾而乾炒牛河就中規中矩，反而糖水幾出色，幾有陳皮味，不錯2個餐加埋$86 唔駛加一 性價比高…查看更多

位於石硤尾的社企餐廳「膳心小館」，現正推出特價外賣套餐，為區內街坊提供平價的早餐及兩餸飯，每天更有多款菜式可供選擇，絕對是區內平價飯之首選。早餐特備外賣優惠，有餐肉雞蛋麵配熱飲 或 餐肉雞蛋三文治配熱飲，價錢都只係$18元正，平時連淨買杯熱飲都唔得，真正抵到爛。早前決定去試吓，由石硤尾地鐵站行過去也不是太遠，大概6分鐘左右吧；門口乾淨企理，店內放有兩張長枱及一張四人枱，但因有其他客人，所以不便影相；坐下後叫了個「歐陸早餐」，包括：香煎豬扒、嫩滑炒蛋及多士、加錢轉薄荷菠蘿特飲 及 加多個迷你火腿通粉。食物中規中矩，但也絕對唔難食。最不解是想把普通多士，加錢改做奶油多被拒，那單叫一件奶油多又如何？原來只可叫多士配熱飲$25，那就有點奇怪了，難道要叫我飲兩杯熱飲？最後也只能放棄了。離開店前，見店內有多款食品，如不同味道的蛋卷、杏仁餅、鳳凰卷、月餅…等等；而月餅是可愛的貓咪造型，外型生動有趣，見其中有低糖雙黃白蓮蓉味道，那又一於買來試吓。價錢優惠，水準不差，絕對是良心食堂！#香煎豬扒 #嫩滑炒蛋 #多士 #薄荷菠蘿特飲 #迷你火腿通粉 #一板一眼 #不能更改 #良心食堂#膳心小館 地址: 石硤尾白田街13號石硤尾邨美葵樓地下G06號舖電話: 82002727…查看更多

之前未試過這間食店，見部分食評表示不太理想，今天抱著姑且一試的心態。午餐叫了豉油王蛋炒河（附送綠豆糖水）及全日早餐（歐陸早餐）：煎豬扒、炒滑蛋加油多士。炒河夠鑊氣份量亦足，炒蛋香滑（平日最喜歡吃炒蛋，此處炒蛋為水準之上👍🏻）、多士香脆😋，是熱乎乎的即烘麪包，豬扒份量亦足，還包飲品。以食物質素而言絕對超值🎉🎉🎉。小店內還有其他小食，糯米糍和蛋卷都好味而不會太甜，非常好的體驗！下次會再來試其他食物！…查看更多