膳心小館

🇭🇰💛膳心小館 出名熱心助人 👩🏻第一次去原來就係平時淘大後邊上段長樓梯就到 人愈大愈愛懷舊小食加上係🇭🇰香港既本土野更加大大力懲罰-原味蛋卷 (💰$89)蛋卷望落去唔太整齊 反而有人手製的人情味食落去🥚香口得黎唔會太甜 冇故意落香精香味都係好天然 又唔會甜膩蛋卷每層都做得薄如紙 脆得黎唔係🍪餅乾個厚厚硬脆估唔到黃店都搵到呢種手藝😍😍-鳳凰卷 (💰$89)其實就係蛋卷既進化版 👩🏻👧🏻本身都冇食過鳳凰卷落訂既時代都驚中伏 估唔到出到黎好有驚喜🤭強烈建議大家要買鳳凰卷 雖然佢包裝冇蛋卷咁有色彩🌈但佢入邊既餡真係好正 帶甜甜的一打開已經聞到好香花生芝麻味真心覺得佢地家的花生🥜白芝麻做得很香 很不錯 感覺就好似食緊有🥚蛋香好脆既糖蔥餅‼️but in a way better version😍-黑芝麻花生糖(💰$58)唔好睇佢細細粒 一粒已經好夠一咬落去勁濃既芝麻既香味係口入邊爆出入邊除左黑芝麻 仲有花生碎🥜 & 白芝麻花生🥜既香味都好正 增加左成個口感👍🏻 而且係帶甜的 唔洗怕估芝麻本身苦澀味好勁但甜度岩岩好 食哂成粒都唔會膩到你想飲水反而令你想keep住芝麻個陣香氣係口腔入邊…查看更多

食過呢間嘢嘅原味蛋卷，佢唔係鬆嗰隻蛋卷，係屬於較脆身嘅蛋卷，好味，夠香，唔太甜。咖啡味都好味，香，值得買。黑糖馬仔好味。唔會太多糖膠或太甜。建議買。鳳凰卷麻麻地。椰絲太多。杏仁餅真心好難食。完全冇杏仁味，但又有浸好怪嘅味。仲要硬。同事表示似食緊牆灰(但佢亦表示自己未食過牆灰)。一舊都食唔落，掉左半舊落垃圾筒。仲有成大包，唔知點處置好。總結：買蛋卷，同馬仔。…查看更多

看到有post話好好食山長水遠咁去試下只買了蛋卷，鳳凰卷和馬仔蛋卷係脆 有丁點牛油味 沒有蛋味 口感較單薄 沒有日日日記咁好食 性價比一般 當支持下 好在份量唔多 真的一陣間就食完 馬仔係好食嘅 雖然話係黑糖 但食唔出鳳凰卷未開…查看更多

友人網上訂了月餅，於是我倆下班後到了膳心小館換領。膳心小館前鋪是排隊換領月餅及蛋捲，後鋪是餐廳供應晚飯。換領後見下大雨，於是我們留在小館晚飯。由於晚飯時間，我們等了20分鐘才有位。今日點了即叫即炒套餐，$148任選兩款，配上例湯及絲苗白飯。最後，還奉上2杯熱飲，轉凍飲另加$4。粟米龍脷柳，香煎龍脷魚柳軟滑，沒有腥味，加上粟米蓉，這個餸配白飯更佳。菠蘿咕嚕肉，甜酸味適中，炸咕嚕肉非常香口，加上菠蘿，三色椒配搭，十分開胃。最後原味雞蛋捲已售罄，我買了抹茶味雞蛋卷。…查看更多

一直支持黃店，苦心經營！今日地鐵故障，又塞車又落雨都刻意轉的士去<膳心小館>支持一吓！可惜有少少失望😔😔！堂食食物質素一般般之外(已經晤想講😭)，主要想去買月餅🥮同蛋卷，雖然門市買比網上買會貴D，但係見網上評論話好食😋，一於試試！好多想買嘅種類都沒貨，所以只係買咗紫薯蛋卷和雙黃白蓮蓉月餅🥮！一行入店舖，沒有人理會，感覺好似淘寶取貨一樣冷漠，唯有自行找找店員查詢，但對答毫無誠意，超失望！…查看更多

朋友話馬仔好好食，所以買俾我試下，我地自己mix 咗原味同黑糖, 一包四件，有獨立包裝, 後面仲有ingredient , 對於我嚟講藍黃其實唔係好重要，但made in Hong Kong 係值得支持💪。入囗都幾香幾鬆化，不過有啲偏油，其實黑糖都唔太甜，甜在心嘅係朋友嘅心意。🥰…查看更多

我之前已經食咗4 罐蛋卷加1罐鳳凰卷，真係好好食， 好鬆化， 蛋味好濃~ 當然仲有濃濃嘅人情味啦~之前同friend講開， 佢話朱古力味好好食， 咁我又點會執輸呢？！ 一可以出返關就即刻訂蛋卷我除咗朱古力味之外， 仲訂埋黑芝麻蛋卷~ 諗起都想食. 今次訂蛋卷， 唔駛點等， 好快有得拎~ 返到屋企一開個罐， 好香嘅朱古力味即刻撲鼻而來，香噴噴的~ 朱古力味蛋卷比起原味蛋卷實淨d, 冇咁易碎， 食到最底都冇乜碎。。。。 仲諗住用匙羹"筆"嚟食添， 點知個底咁乾淨。。。 哈哈哈哈我個friend冇介紹黑芝麻蛋卷， 我買嚟食嗰陣都冇諗咁多， 點知。。。 好有驚喜呀！！ 芝麻味超級香， 仲香過朱古力， 又好似原味咁鬆化， 每條都有勁多芝麻， 平均咁散佈響每一條蛋卷度， 好香口！！我個人嚟講，覺得黑芝麻蛋卷好食d, 不過朱古力味蛋卷一d都唔差，我。。。 都會食晒佢下次睇吓再買咩味嚟試先~ 黑芝麻蛋卷可以encore~…查看更多

膳心小館以前食過一次, 最近知道佢被打壓要收返個鋪位真係覺得好過份. 要知道膳心多年黎一直幫助當區既老人家, 如果被逼走的話咁啲老人家點算?? 😢相約朋友再去食飯, 除咗食飯另外重點當然係佢既蛋卷, 見到個個都讚真係好想試! 因為星期六關係怕等位所以約5點半去到, 入座後即刻去買蛋卷,另外買咗紅莓牛油曲奇&炭燒豬肉乾.紅莓牛油曲奇唔錯偏乾身, 炭燒豬肉乾好好味, 原味/椰汁蛋卷好鬆脆, 紫薯強卷就比較實心, 屋企人鍾意椰汁但我就勁鍾意紫薯!!! 😍講返堂食先, 上次食過好回味今次再encore既鹹蛋黃雞翼, 不切不割豬扒炒烏冬, 另外點咗menu入面既薑蔥爆牛肉 & 魚香茄子. 佢既小炒真係好夠味又好味.係餐廳入面不時會聞到好香既咖啡味, 所以就點咗杯Caffe Mocha. 同朋友談天說地飯後意猶未盡, 望望甜品櫃是日有幾款蛋糕, 我揀咗個 New York Chesse Cake, 估唔到碟上重有小圖畫, 重點蛋糕好好食, 芝士味夠濃質感亦都好讚, 如果唔係已經好飽一定會再點多件!!!😋…查看更多

上次食過膳心小館嘅蛋卷同鳳凰卷， 我買咗兩罐， 超快已經食晒~ 今次見d fd都食得7788, 我地又可以訂喇~ 我今次訂3 罐， 可以慢慢食佢唔知訂夠幾多罐就有摺紙送，摸落好硬淨， 我地今次送兩份， 但係上次嘅摺紙都未摺， 大家都放棄。。。。 今次都係唔好浪費， 等佢地送俾其他會摺嘅人啦~我地今次買成10 罐， $77.7 一罐~ 抵食 仲好好味， 好鬆化~ 又唔會太甜， 好香蛋味~ 正！！！我有另一個fd去到我屋企見到我d罐， 我地先相認， 佢原來都有買， 佢仲推介話朱古力味好好食~ 等我下次訂朱古力味先…查看更多

·勁好食嘅蛋卷💛分開左成個月食都仲係咁脆咁香～·手足黃色雞蛋卷 $88.8———不專業評分💯食物指數🍴: 💛💛💛💛💛環境指數⛱: 💛💛💛🤍🤍抵食指數🤑: 💛💛💛💛🤍推薦指數👾: 💛💛💛💛🤍———📍 膳心小館（牛頭角）牛頭角彩霞道55號彩頤居地舖💛罷市、店內張貼文宣、支援手足@agapegardenhk———#ewhk牛頭角 #ewhk黃店 #ewhk餅店 #黃色經濟圈…查看更多

上次食完膳心出品之後，都冇食過咁好質素既馬仔， 今次經過， 緊係又要買啦~ 黑糖馬仔又嚟喇我之前經過奇華都有買佢既馬仔， 但係奇華真係好差。。。 一包4件， 但係一開咗成包要食晒， 一次過食4件真係太多。。。。 膳心好好， 佢既馬仔出品都係一包4 件， 但係獨立包4 件響個zip bag入面， 冇乜多餘既包裝，簡單就夠. 奇華唔係獨立包裝， 但係你唔好以為佢用少好多包裝， 佢係一個膠袋， 入住個膠tray放住4 件馬仔。。。。 d膠都冇用少到， 但係又唔friendly, 要人一次過食晒4 舊。。 又或者自己入密實袋，咁咪仲衰。。。 仲用多咗膠， 真係太唔環保喇。。。。。所以膳心係抵贊既~ 仲有多一份香港人既味道添~…查看更多

特登從港過來支持一下，我入到去無人會理你，行了個圈問職員可否坐下，也要自己去找餐牌。好多客都好迷惘，坐入面房的客不只一人出來求助，叫了蜜糖雞冀和炒烏冬，蜜糖是放上的，很多很甜，我用湯浸浸才能吃個菜先至極品，好明顯係湯渣，除了草青味，一D味都無唔怪得蛋捲噤好賣，因為正正常常囉!…查看更多

呢間餐廳唔單止平時派飯幫基層長者，仲請左好多手足、中年人士同長者，但最近房協唔同佢地續約，九龍灣店只係做到11月，希望大家可以趁呢幾個月支持下，幫老闆喺附近另覓新址重開。週末晚飯時間黎好多人，排左半個鐘左右先有位。除左堂食外，佢地仲有賣蛋捲、花生糖、馬仔等小食同茶包。黑芝麻蛋捲/朱古力蛋捲:凈係見到個連豬盒已經心心眼，每種味道嘅盒都有唔同設計，除左呢兩款外仲有原味、抹茶同椰汁等款式，最好上網預訂定，當日我地晚飯時間去有啲味已經賣曬，買到兩隻味已經好好彩。蛋捲每盒三層約20條，黑芝麻蛋捲原來唔係甜蛋捲加芝麻粒，而係帶啲鹹味，質感偏實淨但都夠鬆脆，有蛋香，朱古力味唔太甜，但味道可以再濃啲。 777D 良知龍利柳(涼瓜枝竹炒龍利柳)/777TG 蝦醬菜心炒牛肉/777X 亂棍怒爆保黃雞(欖菜四季豆爆雞柳)/京都一字骨:叫左3個$77.7抵 DEAL 套餐，啲菜名名好有創意，相信港人會有共鳴。套餐包指定凍熱飲品同白飯，見佢呢個價錢以為好細碟，但黎到份量都唔少，好經濟實惠。佢地每個套餐都有菜有肉，一個人黎都可以食得均衡啲。老老實實就係一般住家菜嘅味道，無味精但偏鹹，無網上嘅評論講到咁出色。母親大人話自己煮得好食啲，但幾欣賞杯香滑嘅鮮奶咖啡。我見隔離檯個椒鹽豬扒賣相唔錯，可能佢地做煎炸野比較出色。我就比較推薦佢地嘅蛋捲，詳見之前嘅post。…查看更多

椒鹽豬扒友人推介而又見佢喺餐廳嘅出現率都幾高，一於嚟一個。平時食開嘅椒鹽炸物，感覺好熱氣，好油炸，佢呢款冇咁嘅感覺。唔油膩但又香口。佢肉質唔錯，唔會炸完之後好韌，一件好易分兩啖咁食。菠蘿咕嚕肉正常水準，唔知係咪炸漿較厚定唔夠熱。不過，個汁都唔錯。蒜蓉炒西蘭花估唔到呢個較突出。西蘭花軟硬適中，仲好爽口。而且蒜蓉都炒得好啱時候。鹹蛋黃雞翼咬落啖啖鹹蛋黃嘅香，但唔會好膩。而且雞翼好大隻，真係啖啖肉。櫻花蝦攬炒麻婆豆腐豆腐好滑呀，帶少少辣味，用嚟伴白飯，一流。Dirty Coffee值得一試再試。…查看更多

問題1: 九龍灣店點去?答: 由淘大近KFC附近樓梯向上行,5分鐘左右到,好熱,注意健康有每天精選套餐飯可選或固定餐牌新分店會就腳好多,最近加埋預售月餅蛋卷同鳳凰卷基本上都係只有少量現貨同指定口味想食既朋友要留意抹茶味,朱古力味,原味蛋卷三款馬仔就長期有現貨 $18 一包4件,有黑糖同原味香而不油,甜而不膩炭燒豬肉乾 果汁豬肉乾 黑椒豬肉乾  原味花生糖黑芝麻花生糖 雙黃黃蓮蓉(預售) 雙黃白蓮蓉(預售) 五仁月餅(預售)晚市6PM開始,今次早到沒機會食,下次先試小菜好食,上次食過,今天有椒鹽雞中翼,豉油排骨,時菜雞柳,配老火湯 $48一位咁上次黎就買左外賣食,48蚊蒸排骨粉絲,排骨肉多嫩滑,加埋粉絲吸汁一流配埋一份蔬菜,健康滿分,老火湯無味精,健康不油膩,順口清甜分店牛頭角彩霞道55號彩頤居地舖石硤尾白田街13號石硤尾邨美葵樓地下G06號舖…查看更多