膳坊

午餐食呢間，皆因有位剩唔算太多人。環境 ok 啦，唔算太逼的，阿姨都幾好笑容。午市套餐 17 款，以中式小菜同日式居多，價錢約五十幾至六十幾不等。齋睇 menu 都幾啱食既。天氣開始涼涼地，我叫左個全場最貴，個名水蛇春咁長的 2 號餐 「北芪黨參龍眼肉杞子燉雞 （跟泰國香米飯一碗）」$68。全因佢個 description 夠誇張又補氣又安神咁，咁啱我又要補一補。套餐是咁的，有一盎湯，睇得出不是原盎燉，氣勢都輸蝕了。呢個價錢，唔太值。多雞多料，唔算滑囉。同埋都幾多油，要撇吓先掂。飲得出冇乜味精，不過唔算太老火。飲到底，又真係幾多樹枝型藥材既。有幾條烚菜，同檸水，basic 野。會再來，但試其他菜色囉。…查看更多

打工仔真可憐，返工啫，等 lift 都要排長龍。今日老細放假，我又順便 relax 吓，歎個早餐先啦⋯⋯避開人龍，去左呢間膳坊。早餐選擇唔算太多，價錢合理，唔算平亦唔太貴，20-30 之間啦。最後我揀左 A 餐，油占豬仔飽，配熱飲 $23 咋。話咁快上枱，豬仔飽翻熱左都熱烘烘。奶茶係正宗香港口味，似加左練奶，就算冇加糖都幾甜，我就一般啫。雖然係簡單的油占豬，但睇出果醬係真材實料。有士多啤梨架。坐位都唔錯，樓底夠高。最重要係位置好，望見電梯人龍散去，再施施然埋單，幾爽！…查看更多

觀塘午餐時間間餐廳都爆滿，如果唔想排隊的話，可以晏小小食下午茶餐，其實唔需要等到太晏，因為今日帮親呢間餐廳的下午茶時段2:00就有得食。呢間餐廳位於觀塘道創紀之城一期地下，餐廳叫膳坊。入到去間餐廳叫咗個冬陰公肥牛金邊粉再加杯熱架啡，盛惠$42。碗金邊粉的湯底唔錯，冬陰公味好夠，又有海鮮味，肥牛都可以，但是金邊粉就林咗小小，而份量都十足，頂得肚下。另外，杯熱架啡就一般。總結，如果想快又飽肚的話，可以去試下。…查看更多

每逢打風落雨喺商業大廈樓下的食店就係最多人幫襯，☔️⛈💦🚶🏼‍♀️🚶🏼今日冇打風落雨，但係初一、十五，信仰令到我呢兩日需要食素。🥒🥕🌽🥗近近地所以就落樓下叫咗個外賣自取嘅日式雜菌野菜炒烏冬$45，🍀☘️🍄🍄🍝🍝返嚟一打開個股東變動份量真係比較少之餘，仲係得一兩塊雜菜🍃🍃⋯同兩皮菇⋯🍄🍄想搵多啲菜式都搵唔到🤦🏻‍♀️🤦🏻‍♀️🙈🙈，由於肚餓關係，竟然只用了4分鐘我就食完呢個炒烏冬！證明份量真的太少了🤣🤣😅😅…查看更多

d職員態度勁差，叫佢落單，佢話未得閒，跟著走去休息室做自己嘢，而並非忙著其他顧客，那個早上只有幾位顧客都可以咁，呢個係咩服務？可怕！以後不會再去。而且食物麻麻！…查看更多

幫襯咗呢間店都有好幾年, 之前只有中西日試既菜式, 每次都會食日式定食, 因為附近大部份都係茶記多或飯堂多, 變相呢到會比較吃香, 加上喺創紀有利位置, 所以人流一定多, 呢到冇得訂位, 要自己去攞位, 繁忙時間多數要等位, 4位以上會再耐啲, 2位就比較容易等位, 如果係熟客仔(一星期最少惠顧一次, 就有得電話訂位, 當然我係打電話去訂位, 好彩就可以留定枱, 唔好彩去到都要等一陣, 只係優先比枱啫, 環境都算舒適, 唔會困聲所以唔會好嘈, 侍應姐姐個個都好好招呼, 最近新推出咗喇沙類同冬蔭公類菜式, 今次有機會試試雞翼大蝦喇沙金邊粉 - 賣相都唔差, 湯底好重椰香味, 辣味係會喺口裡慢慢咁出, 如果唔食得辣既人就唔太啱啦, 雞翼肉質鮮嫩, 大蝦爽口, 有半邊半熟蛋, 粉麵都係好入味海鮮喇沙金邊粉 - 有蝦有魷魚有豆卜, 仲有半邊半熟蛋, 湯底好重椰香味, 金邊粉好入味咖喱雞飯 - 米飯軟熟, 咖喱汁帶點椰香, 雞肉肉質嫩口豚肉生薑定食 - 前菜有螺肉, 麵豉湯, 米飯軟熟面層仲有黑芝麻好香口, 豚肉好爽口, 味道不錯總結 : 由於轉咗新菜式既關係, 價錢又再提高咗2蚊, 再加上呢到有加一收費, 所以價錢都係中上價, 食得太多茶記食下呢到都可以既…查看更多

上班附近, 不知道吃啥好,走遠一些, 就來到這家膳坊來打頓。看見餐單菜式款多, 飯麵, 西日式都有; 就點了一個咖喱石斑飯. 這裏的服務不錯, 一叫服務員或者看一眼, 服務員就知道我們有需要立刻過來。這裏的咖喱香濃, 辣味十足, 一端上香噴噴的咖喱味, 只聞也感覺到十分醒胃。伴飯會使飯更為惹味, 石斑魚2大塊, 煎好的石斑浸泡於咖喱裏, “軟淋淋”的感覺, 有少少韌, 不太好味; 而且魚肉吸收不了咖喱的味道, 味淡。如果石斑魚另上就感覺會更好一些。…查看更多

原來6pm就關門了，幸好最後10分鐘來到order。下午茶有包、小食、粉麵、日式拉麵、日式炒飯等等的套餐。我外賣了豬軟骨拉麵，包括飲品$31，味道可以｡佢地好細心，分開湯在另一盒內，不會令麵太淋。沒想到，佢地會有熱杏霜…查看更多

去開觀塘做野，一個人，經過呢度見到有間食日本野餐廳，就諗住求其入去醫下肚叫左個滑蛋豬扒飯d豬扒好硬。。。又無味麵豉湯應該係用粉沖出黎果d...好淡！好難飲！個朱古力又係無味！超淡！仲要唔平！早知食茶餐廳好過！…查看更多

有時食厭中式飯盒加上公司有日本人都會成日叫呢間外賣.拉面同飯都試過.我今日想講係沙律同豬扖包.我好鐘意佢D沙律係有雜菜,沙律醬另上.唔係茶記個種沙律醬浸雜果. 原來豬扖包好食WO. 好鐘意佢個包.唔係一般食到大型連鎖快餐店個種包.加上洋蔥.好味.…查看更多

成日經過呢間餐廳但都未食過, 今日就買左個早餐試下, 早餐menu選擇都有好多, 要左個D1 set, 有羅宋湯通粉, 煙肉炒蛋, 牛油多士同飲品~牛油多士烘左底, 而炒蛋炒得好滑, 咬開仲有小小蛋汁, 底下放左通粉, 外賣都唔怕淋~將通粉加入個羅宋湯就成為羅宋湯通粉la~ 但d通粉比較硬身, 而個湯亦淡而無味, 只有小小辣油味, 唔好食, 好辛苦先完成到一半, 羅宋湯入面有薯仔同雜菜, 薯仔幾粉幾好食, 但個羅宋湯通粉真係完全唔得, 下次都係買番d三文治+炒蛋餐比較穩陣~…查看更多

牛頭角附近除了茶記與幾間cafe，其他種類的食物非常少，尤其是日本菜。這是少有的一間，但地方亦非常小，而且就在高級寫字樓的大堂，所以經常要等位。一口牛定食 + 豬排定食，有點咸，食完很口乾。食物方面，質素的確比茶記好一點，價位大概在50-60元左右，性價比還可以。環境比一般茶記好一點，有點迫。…查看更多

即係咁……做得咁辛苦，都係想快快樂樂食餐飯啫食日本嘢本來個個同事都開心但食落口，個個同事都so sad.........我食滑蛋雞飯，未試過食到勁落七味粉淡到呢…隔離呢位呢位同事叫炒飯，都sad 到無朋友請問賣相同大排檔炒飯有咩分別…對面食烏冬仲慘，淡到無朋友…查看更多

去火炭前,就係觀塘搵食,LUNCH TIME真係好惡攪.好在搵到呢間茶記.但OPENRICE寫住係日本菜.咁即是一間日式茶餐廳,有拉麵,定食,港式食物所以我叫左XO醬牛肉炒河,炒得無鑊氣,而且極為油膩,我都體諒落左XO醬會更油,但係技巧上真的不足.而且XO醬既份量好少,河粉味道就像普通乾炒牛河,所以都幾失望.牛肉份量不少,算係唯一亮點抱住求其一餐既角度黎講,呢度我都不能給合格分數.BTW多謝上司請客…查看更多

平日上班四圍去，去到邊食到邊，但是最怕是日曬雨淋，不過有時候都會幾享受當中的樂趣。每次午餐，不想太過尋找食店，費時失竊，總是離不開個客戶公司附近。就像今天去了牛頭角站附近，最近的創紀之城第一期的膳坊，不用上樓。等位期間，就從問口的巨大餐牌看看，選好了就可以很快落單了。不過向接待員表明了一個人後，便很快就坐。侍者再拿來一個紅色的餐薄，詳細介妱了當中的食物，有日式便當和烏冬，有西式鋸扒和沙律，還有三文治和港式飲品，而且還有馬來咖啡，小食等等，可謂一應俱全。在７要了一個日式吉列豬扒飯，跟餐飲另加六個大洋。然而熱飲只需加三個大洋，特飲就另加十一個洋。近來的麵豉湯，由濃郁轉為淡口，這是一件好事，不用喝得太過濃味。麵豉最初沉在底部，但是一攪，底下的麵豉一湧而上，變成啡色。吉列豬扒飯。薄薄炸粉，包著厚切的豬扒，切開後內裡的白色豬扒表露無遺，炸粉被炸得脆口，豬扒雖不至於鬆化，但至少結實有咬口。凍奶茶貫徹了港式奶茶的傳統，茶香茶味也夠，而且順滑得來不會嚡口，已經是一杯不俗的奶茶了。每走到每一區，總是要先看看想吃甚麼，找不找到心水餐廳也好，好的不好吃的，始終只是過客，好吃的話就可返轉頭嘛。…查看更多