膳坊

午餐食呢间，皆因有位剩唔算太多人。环境 ok 啦，唔算太逼的，阿姨都几好笑容。午市套餐 17 款，以中式小菜同日式居多，价钱约五十几至六十几不等。斋睇 menu 都几啱食既。天气开始凉凉地，我叫左个全场最贵，个名水蛇春咁长的 2 号餐 「北芪党参龙眼肉杞子炖鸡 （跟泰国香米饭一碗）」$68。全因佢个 description 够夸张又补气又安神咁，咁啱我又要补一补。套餐是咁的，有一盎汤，睇得出不是原盎炖，气势都输蚀了。呢个价钱，唔太值。多鸡多料，唔算滑啰。同埋都几多油，要撇吓先掂。饮得出冇乜味精，不过唔算太老火。饮到底，又真系几多树枝型药材既。有几条烚菜，同柠水，basic 野。会再来，但试其他菜色啰。…查看更多

打工仔真可怜，返工啫，等 lift 都要排长龙。今日老细放假，我又顺便 relax 吓，叹个早餐先啦⋯⋯避开人龙，去左呢间膳坊。早餐选择唔算太多，价钱合理，唔算平亦唔太贵，20-30 之间啦。最后我拣左 A 餐，油占猪仔饱，配热饮 $23 咋。话咁快上枱，猪仔饱翻热左都热烘烘。奶茶系正宗香港口味，似加左练奶，就算冇加糖都几甜，我就一般啫。虽然系简单的油占猪，但睇出果酱系真材实料。有士多啤梨架。坐位都唔错，楼底够高。最重要系位置好，望见电梯人龙散去，再施施然埋单，几爽！…查看更多

观塘午餐时间间餐厅都爆满，如果唔想排队的话，可以晏小小食下午茶餐，其实唔需要等到太晏，因为今日帮亲呢间餐厅的下午茶时段2:00就有得食。呢间餐厅位于观塘道创纪之城一期地下，餐厅叫膳坊。入到去间餐厅叫咗个冬阴公肥牛金边粉再加杯热架啡，盛惠$42。碗金边粉的汤底唔错，冬阴公味好够，又有海鲜味，肥牛都可以，但是金边粉就林咗小小，而份量都十足，顶得肚下。另外，杯热架啡就一般。总结，如果想快又饱肚的话，可以去试下。…查看更多

每逢打风落雨喺商业大厦楼下的食店就系最多人帮衬，☔️⛈💦🚶🏼‍♀️🚶🏼今日冇打风落雨，但系初一、十五，信仰令到我呢两日需要食素。🥒🥕🌽🥗近近地所以就落楼下叫咗个外卖自取嘅日式杂菌野菜炒乌冬$45，🍀☘️🍄🍄🍝🍝返嚟一打开个股东变动份量真系比较少之余，仲系得一两块杂菜🍃🍃⋯同两皮菇⋯🍄🍄想揾多啲菜式都揾唔到🤦🏻‍♀️🤦🏻‍♀️🙈🙈，由于肚饿关系，竟然只用了4分钟我就食完呢个炒乌冬！证明份量真的太少了🤣🤣😅😅…查看更多

d职员态度劲差，叫佢落单，佢话未得闲，跟著走去休息室做自己嘢，而并非忙著其他顾客，那个早上只有几位顾客都可以咁，呢个系咩服务？可怕！以后不会再去。而且食物麻麻！…查看更多