脷記小館

一間平平無奇既小菜館，卻帶黎小小驚喜🤤Menu 上有好多特色小菜（例如：鮮菠蘿炆鴨），不過我地得2個人。試唔到好多野～介紹下先：南乳蓮藕豬扒～南乳味唔係特別濃、蓮藕切成薄片食落好爽口、豬扒好軟淋。無諗過南乳同豬扒咁夾～味道剛好，下飯一流😋豉油皇鵝腸～真心驚喜😍係用鮮鵝腸，帶少少肥膏。真係好耐無食過用鮮鵝腸炒～真心好食，諗起都流口水呀🤤🤤🤤梅菜蒸鯇魚～梅菜先炒香，後同魚一齊蒸。蒸出黎剛好～有梅菜既香味同埋甜味，加埋魚既鮮甜真係好正🤤😋有位叔叔仲推介我地飲凍鴛鴦～佢自己親手沖。真係幾好飲，唔會有酸味👍…查看更多

朋友生日介紹呢間聚腳地，大家都覺得鴨脷洲好遠，唔想去，原來搭地鐵喺金鐘轉車過去好近好方便。訂枱嗰陣時同老闆講，預算幾多，佢幫我哋諗食啲咩餸, 同埋問我哋有咩要求。今次大家想食海鮮，老闆講明海鮮係時價，會盡量配合，我哋分開咗2張枱食，重有個哥仔專門為我們服務，真係唔好睇少舖仔嘅食力同服務力！ 做街坊生意，環境各樣無得要求，你哋明白嘅!其實而家啲花蟹好貴，呢碟唔大隻，都有咬口， 肉嫩滑仲有少少蟹膏添。亦都係全部ko晒。扇貝味道ok，但係蒸過籠，小小有啲韌， 粉絲多同吸晒扇貝啲鮮味。魚蒸得嫩滑。細條嘅魚一向都比大魚好食呀。啫啫生菜，肉多過菜，裡面有鹹魚添，鹹咗少少， 多番啲 菜就好喇！鹹菜豉椒鵝腸，鵝腸配料非常多，飽到食唔晒，打包都要攞走，你話好唔好食呢！黑松露蛋白炒飯，嘩 ..香味非常，炒起即出就係會咁，見到粒粒飯，唔會一嚿嚿，好味。…查看更多

首先講下店舖環境先！我望到店內嘅枱布就令我諗起家嘅感覺，佢係用家用布料枱布。重點應該係杯奶茶先啱！我自己就鍾意奶多嘅奶茶，所以我幾鍾意飲，再到個雞飯到咗，老細突然同我講句不如加啲汁，我就已經覺得呢餐午飯$40就真係太「低」「調」啦。…查看更多

啱啱搬嚟鴨脷洲，係大街揀舖頭同老公食晚飯,見佢d炒粉麵飯唔太貴,坐低叫咗個叻沙肉片炒金邊粉同埋鹹魚雞粒炒飯,蒜頭炒西洋菜。落單後聽到廚房“洪洪”開爐炒嘢聲,心諗掂喇！鑊氣應該好夠。兩碟嘢出到嚟，好得!炒飯好香,唔太咸,雞粒都係靚料,似雞脾肉,但唔肯定。炒金邊粉,炒得好乾身,d芽菜係靚芽菜,肥嘟嘟芽菜,香港好小機會食得到,係之前係馬來西亞食過。碟菜都好正,但係碟炒飯炒粉驚喜d.我又唔係好識食佢有冇味精,不過就算有都一定唔多,因為食完都唔算太口渴…查看更多

店小膽大,味蕾的桃戰由海鮮到小炒,明顯見到店主的極上要求,要食裝修和排場的請不要繼續看下去.擠出個味來 : 炒蜆惹味,蜆肥且鮮,大碟低食,蒜茸蒸象拔蚌,蒸的時間剛好,可見大廚功力,薑蔥炒蟹👍👍👍無得輸,黑椒薯仔牛柳粒建議必需上枱即食,勝過不少名牌大舖,平日不喜食蟹的我亦encore了次,椒鹽鮮魷我只試了一件轉頭碟已清😛反而招牌雲吞雞可能期望太高,味道是好但覺得仍有進步空間(店主勿插,實話實說才可提升嘛😁)知道仍有其他👍的菜式,下次再試,側聞開店未足一個1個月已擴充營業,難道想打造第二條東大街,建議自行命名為南大街,想必能成鴨脷洲地標(只怕到時候連帶扯高租金就被人鬧了😅)…查看更多

今日同一大班朋友去試菜，雖然店舖小小，但通常店小先可以保持水準，仲有人情味。街坊生意，全部大大碟，鑊氣好足，好抵食打頭炮 - 雲吞雞成個洗水盤咁大蒸扇貝強烈推介 - 蜜餞金薯牛柳粒椒鹽雞軟骨蒸紅鮋 - 好滑豉椒炒聖子 - 好多時出街食炒聖子都縮水，但呢間真係好足料，好大碟豉油王海花蝦黑松露蛋白炒飯 - 粒粒分明泰式沙爹炒金邊粉蒸籃花蟹 - 好多膏呀新菜 - 蝦醬豬頸肉，比較濃味，送飯一流椒鹽賴尿蝦 - 好大隻呀食完一d 都唔口渴，果然無味精！…查看更多

職員態度良好 凍檸檬茶採用新鮮檸檬制做 今次係第二次幫襯 第一次叫左喇沙肥牛讚岐烏冬 加三隻炸雞翼 加埋凍LT 都係50蚊 今次就嗌左魚香茄子炆米 42蚊好大碟夠濕夠足料 等候時間大概5分鐘 今次仲試埋春卷 10蚊3條 好脆口 值得一試 聽講隨後會有更多款👍🏻 期待另外仲有代客充電服務 可貴！…查看更多