胡同

营业中

休息中

維港風景滿分，DJ打碟又滿分，滿到落單都聽唔到。見到侍應哥哥的殷勤招待，不過比哂隔離幾張枱，符合哂好客之道，全部外國人，幫助香港振興旅遊業，刺激來港消費，可能疫情已經過去，毋須港人在港消費，全部變晒透明人。有感覺沒有土豪式的消費、飲cocktails 而冇開紅酒已經受到歧視，其他內容亦不想再提，淨係想講一句香港人支持番香港人。

簡單講，今次係餐廳搬地址後第一次黎食飯。印象中雖然食物不算出色，但裝修同景觀係好靚，服務也正常。所以一直都想再黎。但我對今次體驗非常失望。餐廳收高價位但服務態度連普通cafe都不如。首先request窗邊枱冇窗邊枱（都明白既，一定讓俾人數多既枱既🙃）。然後，唔知係唔係我哋冇叫set又點得唔多呢？食飯過程中即使俾足眼神，舉手，接近揮手，都難以搵到一個人黎serve，真係茶記感覺都良好過呢到。知道你哋侍應會負責唔同枱，又好忙，但見到有客keep住冇人理，都可以俾啲回應掛？唔好俾我哋感覺到你哋望到都扮睇唔到又黑曬面呀？😂為茶壺添水後放係枱面仲要幾大聲下…唉..成餐飯最滿意係片皮鴨，除咗味道「正常」，主要係負責師傅態度好好，值得一讚。呢度夜景仍然好靚，但已經唔會再吸引到我黎了🥲

好朋友生日訂了房間安排了2枱用餐，搞了個小型生日派對🥰 一來到新址H Zentre 頂樓，已經比佈置吸引了，掛起了一排排整齊的紅燈籠，混入了四合院的傳統元素，很有中式感，加上晚餐時間都黑暗暗的，地方又大，超好氣氛。餐廳主打是北方中菜，全部菜色都好精緻又有派頭，特別是片皮鴨，暫時是我在香港吃過最好吃的。有機會要再帶家人一起來感受下♥️✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ▫️胡同📍地址：香港尖沙咀中間道15號 H Zentre 18樓✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿

我特意在家人生日這天訂的這間餐廳，在平台預定時特意寫的主題為生日🎂，並將生日的姓名寫上了，一般餐廳都會送個小祝福，但這家餐廳知道我在平台上訂位置後，就說比預定提前了，讓我在吧台喝東西等一下，後來快速安排了一個餐位開始點餐吃飯。但直到結帳買單，也沒在平台上確認我的訂位信息，仍是“等待確認”所以根本沒看我寫的生日主題，我當晚兩個人花了2000多，應該說是高級餐廳了，結果服務完全不到位，就是收錢比較積極

📍香港📍尖沙咀📍胡同📍尖沙咀中間道15號H Zentre18樓📍星期一至五 12:00~15:00 & 17:30-00:00 ；星期六及日 11:30-16:00 & 17:30-00:00超好氣氛嘅中菜廳🥢雖然定價比較高，但食物質素穩定好食，望住成個海景環境好靚，真系好岩慶祝影相打卡📸 夜景冇得輸！帶女朋友黎實開心🥳 有Cocktail飲仲有靚女DJ打碟💃🏼 餐廳燈光比較昏暗。如果想坐窗邊位記得要提早book，侍應都有提及坐窗邊位嘅用餐時間係比較少，自行留意。切餅費比較貴，按人頭計$75一位🎂 不過待應都好好，唔夠時間喺窗邊位食埋個蛋糕都安排咗出邊嘅房仔俾我哋👍🏻🦄 火焰胡椒片皮鴨半隻 $490🦄 評分: 9/10基本上每枱都會叫。師傅不停系我地身邊帶住一隻又一隻鴨走黎走去😂 相當有睇頭既火焰片鴨，師傅會系你面前點燃俾你打卡。外皮香脆，鴨味濃肉質嫩，唔會好肥。跟配京蔥青瓜，鴨醬調味岩岩好。餅皮上枱熱辣辣👍🏻添左一次無額外收費😂🦄 聖旨到 $388🦄 評分: 8.5/10呢個名好搞笑，我諗左一陣系咩黎。蟶子新鮮大隻，大量蒜蓉加埋惹味醬汁，好食😋🦄 麻辣蝦 $388🦄 評分: 8/10

今日去食個貴野先。。今日係我老豆嘅生日大日子。。所以就去左食。。呢間中菜有幾道菜要提早同佢講要叫嘅。。所以打去ᗷOOK位嘅時候要訂埋對野食。。咁就一定有得食啦👍🏼👍🏼我好鍾意食扁皮鴨。。所以呢道菜我係有預訂。。仲有樣我都有架。。就係京城羊肉。。佢用左好多工序去整呢道菜。。同要醃幾日。。所以一定要預訂。。講真係幾好食。。夠晒淋身。。口落去好有層次感。。必叫。。講番片皮鴨。。佢係會有個廚師企出黎燒一燒同切畀大家睇。。個個都會攞個相機影相。。都幾震撼架😏😏仲有呀。。佢個菜都好正架‼️整到成朵花咁樣。。超靚囉。。貴就貴左啲。。間唔時一餐都冇乜所謂👍🏼👍🏼..🍤龍蝦帶子脆多士🐑胡同羊肉🐷送嫁🦆火焰胡椒片皮鴨🥦小魚菜苗🥬咸肉津白..📍 胡同 (尖沙咀)尖沙咀中間道15號H Zentre18樓..@hutonghk..=•=•=•=•=•=•=•=•=•=•=•=•=•=•=•=•=•=•=•=•=•=•=#cafe#cafehopping#cafehoppinghk#coffeeshop#coffeeshopcorner#coffeeshopvibes#discoverhongkong#foodie

我地預約佐窗邊位置，到佐後話全部窗邊位被人booked佐，waitress 無任何sorry，同時話佢地就係無窗邊位啦，睇下要唔要，或者去其他地方。態度好差，但因帶住老人家唔方便走動，景色又好，都係度食。但我地食完午餐，成個lunch time 全部窗邊位都無人坐，點解就唔可以坐？態度好就話理解下，態度感差，幾靚景都心情差We made the reservation for the table by window. Unfortunately, when we got there, the waitress said the window table were all booked . And the attitude make me feel uncomfortable. No sorry and said you can go somewhere else with the good view.But after we finished our lunch. All the table by the window are empty for the whole lunch t

媽媽節晚餐@胡同之前同朋友食過好幾次 每一次啲嘢食都好好味 服務員態度亦好好 所以成日想同爸媽一齊嚟食難得媽媽節見指定dinner set岩食 所以穩陣起見都係book番胡同🤭因經open rice book位時忘記要求窗口位所以幾日後補左個電話去要求 服務員態度好好咁覆會盡量安排 所因當晚比教full未必安排到最後去到服務員係有幫忙安排窗口位俾我哋🙇‍♀️原本諗住媽媽節食指定餐應該都係一般般 但每一道菜都可以保持水準 真心抵讚👍🏻👍🏻👍🏻雖然依家搬左冇以前北京道一號個境咁靚 但食物質素依舊 所以亦會繼續幫襯🥰🥰🥰

一早book左黎慶祝朋友生日，要比信用卡先可以hold枱。🙈海景一流 望住成個維港，裝修就中式為主。但某部分食物質素好似同價錢唔成正比，主要食環境偏多。個brunch主要分2part, 第1part係unlimited點心，會全部款式上一次比你試左先。之後你鍾意既可以再refill。推薦香酥脆茄子，泡椒瑕餃同竹炭魚香咸水角👍🏻👍🏻第2part係hot dishes ,每枱可以8款選3款。豆酥鱈魚同金蒜汁燒牛小排比較普通。推薦大紅燈籠高高掛😋

胡同 餐廳走暗黑風格非常型格，落地大玻璃襯托維景海景氣勢十足奪目耀眼。加上周到的服務水準，燈光和音樂，只能夠說值得這個價。我一班舊同學都好鐘意呢間餐廳，片皮鴨有師傅即場表演刀法，見到咁特別當然要試下啦好好味！唔會好肥同埋好香(幾乎每枱都會叫呢個片皮鴨)去到一定要試下另外印象最深刻就係個水煮魚太辣，大家要睇下頂唔頂得住先至好order。仲叫咗個花椒金湯桂花魚，朋友唔食得辣，無叫到酸菜魚桂花魚味道方面我覺得都唔錯唔係好辣 ，都值得一試。烤鴨、特別是海鹽朱古力糯米糍值得一試！感覺香港真的需要這種高水準中式餐廳的存在去這間餐廳絕對會encore同朋友或者家人一路食飯一路睇夜景，再品嚐，聊了一小時。是一個與朋友、家人聚餐值得推薦的地方。

一家集北京菜和川菜一体的餐厅印象深刻是菜的分量很大大颗的虎虾球，很有弹性，吃下去很满足烤鸭的上菜方式比较炫过了火焰像表演一样哈哈但吃起来和北京楼的差不多环境一流，美丽的海景很浪漫

我和4位朋友最近光顧了一家名為「胡同」的新潮中菜餐廳，這是一個非常特別的體驗。這家餐廳位於面對海景的大廈高樓層，讓人可以欣賞到360度的海景。除此之外，胡同餐廳還有DJ現場打碟，氣氛非常良好。我們叫了一些菜式，包括特色cocktail、會着火的北京烤鴨、炸蝦球、燈籠牛肉薄片、蛋白炒飯和甜品。所有的菜式都非常精緻，而且味道質素也平均不錯。特別是北京烤鴨，烤得恰到好處，肉質鮮美，搭配上薄薄的餅皮、蔬菜和甜酱，非常美味。另外，炸蝦球和燈籠牛肉薄片也非常棒，炸蝦球外脆內嫩，燈籠牛肉薄片口感柔嫩，肉質鮮美。蛋白炒飯也炒得十分香口。此外，餐廳裝修非常有特色，中西合璧的風格讓人感到非常新鮮。特別是海景餐廳的環境，我們坐了窗邊位置，讓人可以在用餐的同時欣賞到美麗的海景和對岸燈飾，非常舒適和愉悅。雖然「胡同」是一家價位中上的餐廳，但是菜食物質素穩定，環境也非常舒適，加上DJ現場打碟的氣氛，讓整個用餐體驗非常特別和難忘。

#chowweisik鹹一🐾胡同片皮鴨｜$+398呢個應該屬於餐廳嘅招牌菜師傅會即場喺旁邊原隻鴨再燒脆個皮成件事好似升華咗咁外皮保持脆度但係味道相對較為失色鴨味比較淡～ 都真係幾失望半隻份量的話大概有14至16片鴨肉一🐾 魚子煎鵝肝燻蛋｜$依個都幾失望個蛋欠缺煙燻味道 好似普通流心蛋鵝肝嘅油脂香亦欠奉就算夾埋一齊食，都冇乜分別🫠一🐾胡椒軟殼蟹｜$胡椒再加乾蒜、洋蔥惹味嘅鑊氣菜式軟殼蟹都脆口 整體嘅味道都幾夾一🐾川汁北海道花枝片｜$依個辣味比想像中豐富譚仔嚟講算係二少辣再配搭埋青瓜整體口感辣得來都有清新嘅一🐾茴香雞粒蛋炒飯｜$適合鍾意重口味嘅人有一定嘅辣度一🐾龍井奶凍｜$口感creamy充滿龍井嘅茶香味✨一 🚏 胡同 (尖沙咀)尖沙咀中間道15號H Zentre18樓一今次係趁Restaurant week dinner menu 諗住試吓$568一個人，但係食物質素嚟講正價的話，都未必會再去～ 不過都適合用黎慶祝，因爲有海景🏙️值得留意，依間餐廳都需要smart elegant dress code 🤭

今日同朋友嚟咗食生日飯😋我哋由1點開始食3個小時嘅non-stop brunch (only food)Unlimited appetizers嘅食物會每樣都會上一次比你哋試晒 之後就可以任嗌你想食嘅食物，但基本上食晒一次就已經好飽😵‍💫首先，我哋食咗呢個椒鹽大墨，咬落去好彈牙同埋味道啱啱好 不過唔食得辣嘅人要小心啲辣椒🥵之後就係呢個炸茄子🍆！ 我係一個唔鍾意食茄子嘅人都覺得好好食 佢個口感好似食緊魚柳咁三色點心😋 個蝦餃會有小小辣 但好有泡椒味好特別😜 燒賣都好足料😋 不過蓮藕餃我就一般，佢味道似牛肉球但口感就爽口春卷我就覺得冇乜特別，但佢裏面嘅餡都好足夠叉燒包應該係最一般，覺得佢太甜所以唔太鍾意呢個咸水角，勁推薦！佢裏面嘅魚香真好香口😋一定要揀呢一個炸軟殼蟹！佢係有少少辣，但個味道係好match個軟殼蟹，仲要佢係勁多蟹肉勁大隻！🦀牛小排都幾好食不過稍為普通左d雞煲我就唔推薦，因為冇酒嘅香味同埋唔辣 同埋雞嘅肉質有啲鞋❌我哋加咗個片皮鴨，佢嘅皮都好薄同埋個鴨都好脆👍🏻最後就係廚師推介嘅甜品，糯米糍嘅餡係朱古力，不過個皮就有d厚🍫檸檬tart就正常唔會太甜🍋不過個朱古力tart就太甜所

❤️ 胡同📍 尖沙咀中間道15號H Zentre18樓------------------------------1️⃣ 火焰胡椒片皮鴨 $445（半隻）推薦指數：👍🏻👍🏻👍🏻👍🏻再一次食片皮鴨 保持水準☺️皮脆多汁 油香十足🤩2️⃣ 魚籽煎鵝肝燻蛋 $238推薦指數：👍🏻👍🏻👍🏻👍🏻👍🏻另一encore 食物 實在不錯🥰3️⃣ 茴香肉餃 $128推薦指數：👍🏻👍🏻👍🏻味道較普通 厚皮 餡料多😆4️⃣ 香醋骨 $338推薦指數：👍🏻👍🏻👍🏻👍🏻份量十足 一字骨烹調得入味軟腍🤩甜甜酸酸的醬汁非常開胃🤤5️⃣ 干燒蓮藕片 $198推薦指數：👍🏻👍🏻👍🏻👍🏻蓮藕片爽脆 雖然走辣 但味道依然惹味😋6️⃣ 龍井奶凍 $204推薦指數：👍🏻👍🏻👍🏻👍🏻👍🏻茶味香濃 奶凍非常滑🤩7️⃣ 椰汁石榴糕 $78推薦指數：👍🏻👍🏻👍🏻👍🏻口感清新🤩椰子味香 石榴味亦突出 兩者合併絲毫沒有違和感😆------------------------------再一次到餐廳慶生 食物水準依舊出色👍🏻惟服務員較少 想請服務員加水 拍照都比較難找人😆總評味道：⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️