肯德基家鄉雞 (KFC)

諗住滿心歡喜試新推出嘅雞白湯扭扭粉，喺apps上面落單然後15分鐘之後就話可以取單，落到去先同我講話已經賣晒，點解唔直接喺apps同我講，等我唔使落去戇居居。本身樓下KFC啲食物質素已經好參差，今次真係失望…查看更多

鍾意食辣嘅朋友，近排一定要嚟KFC，因為有三個「辛勞口味．肯過癮系列」嘅辣雞腿包餐，梗有一款啱你🤩平時食開五小勒嘅我，今次嚟KFC挑戰新推出嘅《 墨西哥魔鬼辣椒雞腿包 》炸雞又辣又脆嘅口感，仲有新鮮生菜🥬蕃茄🍅辣得好刺激🥵配獨特嘅 格格脆薯塊，啖啖綿密薯仔🥔加埋汽水🥤好爽🌬️唔食薯塊嘅朋友可以轉 辣汁蘑菇香飯/家鄉雞皇飯/粟米杯、馬鈴薯等等..亦可以揀粗薯條配FING FING 芝士粉🧀 /辣粉⚠️注意三款辛勞口味．肯過癮系列喺山東街, 亞洲國際博覽館, 又一城, 啟德分店唔賣㗎！記得去啱分店啊😆各位鍾意試「辛」嘢嘅朋友，記得把握機會去KFC 試下啦, 絕對唔可以錯過!!…查看更多

呢間熱門快餐店, 長期都好多人喺外面等緊外賣, 坐低食嘅人就唔多！我諗係因為有時用apps嗌外賣嘅話佢個優惠會多啲, 而且大家都趕住買外賣之後就趕返屋企, 嗌外賣之後都要等一段時間先有㗎, 如果真係要食就要預少少時間！…查看更多

呢間KFC喺康城嚟講都真係好受歡迎，最緊要係價錢合理快靚正，不過假日嚟講人比較多，始終呢頭冇咩好選擇，整體嚟講佢啲炸雞同飯都係全部熱辣辣，員工都算nice, 如果經過呢頭又諗唔到食咩可以考慮呢間…查看更多

我永遠都唔會再食佢，諗住食個快餐，點知等咗成個鐘，原來佢整好又唔出number，個餐擺喺度擺到凍曬，難食到爆。我自己一個堂食，又冇可能離開個位睇佢份餐有冇出嚟，你唔㩒個number請問我點知幾時攞呀？ 如果你個系統唔work你就人手叫，而唔係睇住個餐擺喺度幾個字都唔理囉…查看更多

突然間好想食炸雞，口痕就去咗買，今次用嗰啲現金券，但係啲職員好似完全唔識郁咗幾次都讀唔到，好似有啲晦氣，😅😅😅態度有啲差，炸雞方面都正常鮮嫩滑溜，不過而家接近$50.一個餐到幾貴🥺…查看更多

今日嚟到康城又想食下kfc，見都好耐無食了，因為依家kfc真係又唔係周圍都係，都唔係咁容易搵到，咁就入去懷舊下食下佢😂叫咗新出嘅熱浪🐔，又真係幾正，同埋最中意嘅蘑菇雞飯…查看更多

今早起床突然諗起好耐未食過肯德基🐔早餐,就專程行去買份早餐來嘆一嘆😁🤤，鋪面燈光好光猛，我坐在長枱位置，環境地方都好整潔，職員態度又友善又親切，我點左一份醒神雞扒早餐,一刀切落去塊雞扒時，啲汁都流晒出嚟，食入口夠熱，肉質鮮嫩多汁，好有口感；份炒蛋又滑又香，好重蛋味；我將塊多士轉左要薯餅，薯餅又脆又香，配埋條脆皮腸，腸仔夠味又唔會太鹹，加上一杯即磨咖啡☕️，一個咁豐富嘅早餐👍👍只需$35，真係超值又好味😋😋😋…查看更多

Lohas kfc Kfc 炸雞，無人無食過，今次用埋積分換覺得超抵！炸雞好嘢！真係炸得好脆好入味！忍唔住食晒啲雞皮，雖然好熱氣，唔理得咁多啦平時經過見好多間kfc都有好嚴重衛生問題，可能因為人手不足，冇咁多人去清理清潔枱面，導致好多枱面都有好多食物殘渣，今次呢間KFC係尚算新開嘅，所以比較新淨，不過現場太多人，都係買返屋企食好了…查看更多

這個早上，點了kfc的早餐外賣回家食。實在有一段時間沒食肯德基kfc早餐，有點思念，於是就去kfc😁。Kfc的蜜糖鬆餅，經過7分鐘的回家路程還是暖暖的。這個鬆餅依然是我最愛。❤️ ，是我每次到KFC都必點的小食。因為烘焙得很鬆軟，蜜糖味好香。而鬆餅的左上角的脆薯餅，形狀大過手掌心，正，外形被炸到金黃色，依然脆卜卜♥️。薯餅旁邊的雞扒，就是kfc的主打，當然好滋味，而且好香，肉質肥美，多汁嫩口，少許蜜糖味，煎得剛剛好。😙鬆餅下面的腸仔，用一個焯的形式去煮，原先的肉汁被鎖住，正。😀旁邊的三角形的多士就要配上牛油，好食。主食還有碗餐肉蕃茄湯扭扭粉，份量剛剛好。餐肉圓圓的，大大塊，好厚身，讚。😁至於，蕃茄湯很濃但有點酸。最後配上一杯熱騰騰的熱朱古力，成就了一個美好的早餐。😄Kfc肯德基家鄉雞地址:將軍澳康城路1號日出康城4樓423號舖…查看更多

一心諗住去食全新嘅牛油雞同大阪燒雞，去到職員竟然話係無。康城都未至於係偏遠地區到咁呀😣😭之後咪唯有求其叫咗家鄉雞，燒雞同埋白汁雞皇飯個啲regular menu... overall雞好食，無乜油溢味，可能因為分店唔算營運咗好耐？職員態度都可以，希望管理層可以考慮吓有返seasonal menu😓…查看更多