肥姐小食店

营业中

休息中

呢間肥姐每次經過都大排長龍老實講佢真係好食嘅尤其是細生腸我同老公都覺得係最好味好爽👍🏻覺得佢都整得好乾淨同埋因為太多人幫襯嘅關係一定好新鮮不過每次細生腸好快就賣晒唔係成日可以食到今日又食唔到啦因為同老公去睇戲買飛同入場中間嗰段時間唔知去邊度遊蕩就知道嚟呢度買嘢食排隊得來時間剛剛好🤣雖然細生腸賣晒不過佢嘅鴨腎都好正👍🏻其實佢嘅賣點仲有啲醬汁介辣醬同甜醬混合埋一齊真係冇得彈😋今日仲發現好多都係國內遊客嚟幫襯😱

細細個已幫襯🤗🤗 有成30年前系旺角讀中學' 放學搭車返屯門經過實買來食! 真係好好味🍢🍢宜家會專登出去食肥姐!必食_ 一個人食六串👍🏻👍🏻👍🏻墨魚 ，腎，豬利，豬心生腸~ 軟硬度適中，入味' 🤗🤗豬耳~ 爽脆' 🤩🤗肥姐好少出鋪頭只見佢囡囡及員工!做左幾十年真係滷水專家!👍🏻👍🏻味道剛剛好，軟硬度適中，鹵水唔鹹，甜醬同芥辣簡直一流，🤗🙄🤗🙄 買完就企喺舖頭側邊度食·唔介意'

我諗香港無人唔識呢間店掛！每次同朋友黎到旺角都一定會食，然後食完再去附近買番杯野飲果頭真係掃街一條龍！呢度既小食串，一直都係好爽無雪味，試過食其他店，都好難避免到有陣雪味。價錢唔算貴，平既$8有一串，最貴都係$13一串，重點係雖然好多人排隊，但條隊去得好快！基本上5分鐘內就排到！最愛係墨魚$13同豬頸肉$8，每次黎最少會食呢兩串，配上黃芥辣同甜醬，簡直無比爽！因為唔會食到飽，所以可以叫好多串黎食，有時會叫埋雞腎黎食，都係唔錯架！不過係條街食真係要非常非常小心，一黎果邊人流不嬲爆多，有時行都行唔到，比人撞一撞成件衫就可以dum了，二黎D醬真係好多，但得張紙包住，好易會漏同滴，所以都要小心唔好對住鞋食

去旺角一定食的街頭小吃：肥姐小吃。不去不知道，生意真的無敵火爆。即使在有非常多同類型小吃店鋪的旺角，肥姐依然是大姐大位置。開門時間：14：00，但開鋪前15分鐘已經排起了長龍（打之餅地一直繞了兩圈）給人一種「每晚來5分鐘多排半小時」的感覺，對比其他店鋪，方位比肥姐好的有，早就開了，但生意確實沒那麼好，也就沒去嘗味對比啦~況且這裡沒有老闆在攬客，和旁邊的已經喊得聲音沙啞的牛雜大姐不一樣。來說重點，味道體驗~我們點了大皇牌和小皇牌和鹵豬心~差別其實就在於大生腸和小生腸，另兩串是大墨魚和火雞腎，紙包裝的很街頭很有市井味~沒有桌椅，站在路邊直接開餐，每一樣都做得很入味！汁還給得蠻多的，站在路邊吃要小心一點哦，滴衣服上就是那個悔恨莫及，昂見墨魚是冷的囗感，爽爽脆脆噠非常好吃！原本不確定自己能否接受生腸的味道，其實擔心過多，不會有奇怪的味道，也是爽脆囗感的，不油膩！鹵水火雞腎很入味，爽囗又彈牙～豬心也是爽爽滴！黃芥未醬恰好給舌尖微微一點刺激，鹵水的會淋上甜醬。

已經吃了好多年, 難得食物仍然能夠保持水準, 透過冷凍可以冰鎮食物,從而達到每串滷味仍然那麼冰爽, 之後再加上鹵水汁,甜醬,芥末,又咸又甜又辣,百感交雜,實在太過癮啦 雖然價錢一年比一年貴, 排隊的人龍一年比一年長,但無礙我對此店滷味的情意結

太久沒有吃，吃完才記得沒有影相，但相信這些小食香港的大朋友是沒有人會忘記，雖然現在香港還有一些店有這些鹵味賣，但沒有這家肥姐小食咁好味，食到小時候的味道😋😋😋😋😋

係旺角做完按摩💆，又唔想食澱粉質，於是經過見到肥姐唔算好多人排隊等，一於買一兩串食吓。見到有肥姐推介大王牌：包括有墨魚🦑、大生腸、火雞腎，都只係$34。相對平啲，一於食呢個。佢哋啲食物好新鮮，賣得好快。原來係2018大眾點評有4粒星，唔怪得有一半排隊嘅人都係中國同胞。最近仲推出‘樣樣有$113’，有特快專線排隊，最啱幾個人一齊分享。總結：每次經過都有十幾個人排隊，大約等10分鐘就可以食到，經過這邊，值得試吓。

每次到旺角吃東西，想不到吃什麼的時候都會選擇掃街，而肥姐的滷水一定是其中一項。以前有細生腸選擇的時候，都會選擇王牌套餐，有細生腸、墨魚、雞腎。但是現在經常沒有細生腸，試過大生腸，但是味道實在太⋯⋯不適合我，所以今次選擇了兩串墨魚和雞腎。如果是初次來吃，真的建議選擇墨魚，因為口感爽脆，又沒有奇怪的味道。加上黃芥末和醬汁，非常滋味。現在的人流比以前多很多，有不少旅客都專成來吃，大家都會乖乖地排隊，如果有朋友從外地來香港，我也會建議他們來品嚐呢。

同事突然想食下小食，所以叫我幫佢哋買～老實講，自從報紙話肥姐污穢過廁所板...我已經小咗食，但間唔時都會食吓....今次平日下午二點幾去買，唔係好多人排隊啫～我為免排到去先諗咁急，已經諗好咗先排隊(因為嗰時唔多人)我要四串墨魚，兩串雞腎，兩串紅腸咁樣嘅組合要2盒跟住店員阿姐唔知係咪姨媽到，好惡咁話阿姐：即係”蚊”籤啦我：係啊阿姐：一個袋定兩個袋啊我：一個阿姐問咗我兩次要幾多個袋裝，我亦都答咗兩次之後佢就狠狠地啤住我發生咩事？我得罪咗佢啲咩？買嘢都要受佢氣？其實要”蚊”籤，我真係唔知要咁講，我都講咗要盒啦～至於一個袋定兩個袋，我都答得好清楚....做咩要咁惡呢⋯⋯今次感覺太差了，其實唔係唔好食我買嘢無啦啦比人發脾氣肥姐好食都唔好亂發人脾氣吖～傷害咗我弱小嘅心靈啊....

如果鐘意食滷水，一定一定一定要試左食肥姐先，不過因為實在太受歡迎，所以大部份時間條隊都好長，真係唔太趕時間先好排。食過其他滷水店嘅墨魚生腸，都係覺得肥姐好食D，今次見2~3PM 嘅時間人未至於好多，即排~條隊行得好快架，排嘅時侯好諗定要食啲乜，如果唔係企到嘅時候好大壓力架(哈哈哈~)今次點左墨魚生腸紅腸豬頸肉，全部滷味食物都用冰鎮著，可能係爽脆口感嘅原因，內臟處理的都很乾淨，新鮮又有嚼頭墨魚：爽口彈牙大生腸：爽脆得黎有嚼頭紅腸：鹹香豬頸肉：爽脆得黎有肉香配上肥姐秘製豉油、甜醬同埋芥辣，就係肥姐迷人之處。芥辣又夠辣而且小小攻鼻，鐘意就正嘅，不過平時唔係好食得辣嘅朋友，可能走芥辣會食得舒服D喇。另外有選擇困難症套餐：-細皇牌：一串腎， 一串墨魚， 一串細生腸($29)。 大皇牌：一串腎， 一串墨魚， 一串大生腸($34)。

上次食完成日心旭旭想再食肥姐， 今日趁有時間就去食個tea。😍😍 我一直都覺得，佢有咁多嘢食好難揀， 睇佢門面全部貼曬牌， 真係花多眼亂。。 但係阿姐好快手，就算排長龍都好快排到， 所以大家記得揀好、諗好先至行去排隊。。我最鍾意係細皇牌， 感覺上冇咁貴。。😂三串29蚊，有墨魚、雞腎、細生腸。。一定要記得要芥辣， 個芥辣好出色，好好味。👍 個人覺得如果唔落芥辣， 淨係得鹵水味，好似冇咁好味，有啲“寡“。。佢用隔油紙整咗一個兜仔，裝住三串食物。 論盡嘅人就真係要小心啲， 好容易食到好“呢hea“。。 😂 (白色衫已遭殃)

次次經過肥姐小食店都想食，但次次都排曬長龍。今日食完lunch經過，人龍竟然唔係太長，心情立即好興奮，當然買返串過下口癮啦。由於飯後飽肚，只係叫左一串大生腸。（其實好想食大王牌，因為當中包括有大墨魚，火雞腎，同埋大生腸，一次滿足三個口味，下次lunch 食小d,再嚟)放心，大生腸果然無令我失望。肉質厚身，而且煮同雪既時間啱啱好，口感又爽又涼快。配上店主嘅秘製醬汁，再加埋甜醬同芥辣，鹹甜適中，仲有小小辣味，果然信心保証。決定下次再排過

話說我真係好耐冇食過肥姐了～ 因為人真係太太太太太太多了🤒🤒🤒今次食到係因為見到條短短地～就去排喇！其實佢地既流量係好快！唔使等好耐就到我😬😬😬唔知食咩既朋友仔可以要佢地既套餐，佢哋將佢哋最好買嘅滷味Patrick一個套餐等大家唔使諗得咁辛苦😚😚《大皇牌套餐》 $34墨魚🦑 & 大生腸 & 火雞腎墨魚：好爽口彈牙大生腸：相對地冇墨魚咁爽口，比較稔身！火雞腎：雞腎本身有少少鹹鹹地嘅味道～爽口秘製豉油、甜醬同埋芥辣都係我食肥姐嘅原因～佢哋嘅豉油甜甜地，甜醬嘅味道唔係好似其他鋪頭咁有陣怪味！而芥辣又夠辣而且小小攻鼻～仲有其實佢哋個豬頭肉都好好食！唔知而家仲有冇得賣嚕🙂🙂最後，我覺得餐牌貼得太多，有啲混亂😂

每次去旺角同油麻地，對腳都，會自動行去肥姐果到。獨愛肥姐嘅墨魚🐙：新鮮、爽脆彈牙，加埋d甜醬芥辣，夾到無朋友，勁正👍👍👍今次一個人就order左4串，挑戰膽固醇極限😝

講起墨魚生腸， 就一定諗起肥姐。😍 食過返尋味， 試過其他小食店嘅生腸， 即刻覺得冇得比。😂今次係下午茶時段， 見人少少就即刻排隊。😂 實在太受歡迎， 長期都大排長龍。 今次叫咗細皇牌一串腎， 一串墨魚， 一串細生腸($29)。 其實叫set抵好多🤔。 另外佢有大皇牌，一串腎， 一串墨魚， 一串大生腸($34)。其實排隊嘅時間好短， 因為佢哋真係好快手。😂 最好用排隊嘅時間諗定要食啲乜， 咁就唔使塞住喺度。細皇牌3串：佢呢個用紙包嘅方法都幾特別😂 (個人覺得有啲危危乎， 拎嘅時候仲好容易hi到d醬) 味道方便真係冇得比， 佢個芥辣好好味， 唔會好攻。 另外食材方便，個腎同墨魚都好淋😍， 串生腸又唔肥又薄又脆。正👍