肉慾

突然好想食牛舌，同男友搵一搵就揀左呢間舖位位置都幾隱蔽，唔係係大街，係停車場既轉角位，舖面唔大得十個位左右，由煮食、落單、收用餐後的餐具，都由老細一腳踢，請俾少少耐性等候一下用餐日： 23/11/2025 （六）用餐時間： 約7點牛舌飯 $138牛舌 牛味濃極爽脆，生熟度完美但咸味少左啲啲，如果可以多少少鹽味道一定更好其實老細煮食用支鹽就係我面前，但佢太忙我都唔好意思問醬油漬蛋黃好好味，有適當的咸味，下次再食想加多一隻🤭臀肉蓋飯 $128整體唔差，牛味較少，肉質軟淋不過冇比較冇傷害，牛舌飯出色啲下次會試封門柳🍚飯量：女性可能多左少少，男性未必夠…查看更多

我真係好少入大西北食飯🤣🤣今次咁啱有朋友推介就試下！餐廳晏晝係Cafe，晚市就會搖身一變做丼飯，感覺好Chill，老細個feel更Chill，拎Payme code過嚟，叫我哋自己俾完就ok😂重點係！牛肉同牛舌都好好味，口感都好好～同埋個面係勁勁勁多蔥，愛蔥之人（我朋友）勁開心，哈哈🤣🤣🤣隻蛋撈埋落啲飯到食又係無得輸嘅組合～😆✨羨慕元朗嘅街坊，咁多好野食(๑>؂•̀๑) 推介俾多啲人試先得✨…查看更多

收工突然想起元朗呢間餐廳「肉慾」，因為厚切牛舌飯受到網民熱烈推捧，睇社交平台 都好吸引，所以決定試一試。同西鐵站都有點小距離，踏入餐廳都環境簡潔舒適，店員有2位。點了他們的招牌厚切牛舌飯同埋安格斯封門柳飯，滿心期待同網上面講既咁正。等候期間都留意下佢地整，好似好簡單咁係飯上面淋小小汁再放上啲肉再加蔥同蛋，女侍應生就負責最後步驟加少少胡椒係上面。不過品嚐後我對牛舌的質量感到有些失望。牛舌冇乜味道同埋切片既厚度、份量 我覺得有D不足。另外封門柳飯都味道中規中矩，比牛舌好小小。另一半食完都好似唔夠飽。所以應該都唔會有下次。…查看更多

我係見到啲大胃王挑戰特大碗飯先知呢間嘢嘅，無奈我食量唔算大，所以都係揀返啲正常人份量😂但係想講正常size嘅丼飯都係肉比飯多嘅程度，勁誇張！我揀咗牛舌芯丼飯，厚切牛舌幾爽彈，而且帶淡淡焦香，撈埋甜醬油同蛋汁食，真係幾滿足🤭但係個人更鍾意朋友揀嘅封門柳丼飯，淡粉紅色嘅牛肉每舊都軟嫩無筋，肉味都濃啲🫡P.S.肉慾嘅門口有啲唔起眼，我兜咗幾圈先揾到🤣🤣同埋就係佢淨係開夜晚，早上去Cafe嚟！！…查看更多

🍜 今日去元朗肉慾，小食牛舌彈牙香濃，經炙燒後保留了豐富肉汁， 問落去香噴噴，每一啖都散發著牛肉的原始魅力。安格斯封門柳烏冬則是靈魂的，入口即化、肉味濃郁， 重要不會堅硬 ， 因為有啲牛質素差少少會好硬， 他就不會剛剛好 非常想爽口， 搭配彈牙的烏冬麵條和濃郁日式醬汁，完美融合中西風味。整碗烏冬肉香與醬汁交織出令人回味的滋味。配上一杯冰茶， 簡直完美的配搭。💥元朗這家店絕對值得肉食愛好者一試！ 而且價錢合理 不會太貴 可以品嚐到有質素嘅食品…查看更多

前排去挑戰佢個大胃王明明寫係飯丼，但煮好整好哂，擺出黎先話係烏冬！煮個陣已經見到，我以為唔係我嘅碗野？？？.唔理係咩原因啦你突然將個飯轉做烏冬，都唔問過人，真係好差。.仲有！碗入面仲係浸哂水一路食，d烏冬根本一路吸哂d水，好唔fair...一定超過佢本身嘅白飯重量！而且個烏冬唔彈牙，食得出係劣嘅烏冬仲要冇調味...感覺超差！！！好似比佢呃左 400蚊去挑戰咁。。。如果係我自己因為個飯量食唔哂，係我自己嘅事丫，心甘命抵呀，但突然轉烏冬唔通知人仲要咁多水係碗底，真係唔係太合理！.我最後連個alarm 未響就已經走左，因為個烏冬太難食，然後我去左食甜品.好差嘅體驗！要咁樣呃客人，真係不知所謂！…查看更多

啱啱見到呢個小店賣肉丼，叫咗牛舌同埋牛板建！🍴厚切澳洲字格斯牛舌芯$138牛舌都爽口彈牙，都有牛味嘅，不過份量比想像中少啲，唔算話好多🍴美國精選牛扳鍵 $118反而牛扳鍵有驚喜食落去係三成熟有肉味，口感軟腍腍，醬油漬蛋黃鹹鹹地啱晒撈飯好多蔥啱晒送飯增加了香味！個飯都好足好夠食，有燒汁調左味。推薦指數: 7/10…查看更多

這裏早上是cafe 晚上就變成了賣日式燒肉飯的小店😆所以肉慾是晚市限定的餐廳🍽️食物種類不算多 只有四個飯選擇～小店位置也不多 大概有10個座位左右🪑但好處是每個飯都是即叫即整 熱辣辣的🫶🏻📌白燒鰻魚鰻魚外皮很脆！絕對不會腥 愈食愈上癮🥹📌厚切澳洲安格斯牛舌心超厚切！整整1cm厚！口感偏爽口不會韌😆份量也是很足 餐牌寫明有5大塊牛舌的份量～📌美國安格斯封門柳牛肉味很足夠 整個飯的份量也很足！超多葱配搭醬油漬蛋黃吃 真的超有滿足感💞…查看更多

元朗人有福啦🥳 可以得閒就去食下！餐廳應該日頭係cafe 夜晚就賣牛肉飯（？）小店只有11個位 每個飯都係新鮮即叫即整 熱辣辣🔥 所以上菜會有少少耐 但絕對係值得😋 美國安格斯封門柳🥩 ($118)食到第一啖真係覺得自己好幸福🤍✌🏻封門柳好淋 牛味好出 牛肉偏瘦 但係好juicy！調味方面主要都係用左黑椒、牛肉燒汁 重點係個隻蘭王蛋🥚 好滑 令到塊牛肉味道更豐富 再配埋大量蔥調味🫶🏻 送飯就一流！🍚(+$68) 牛舌心3片👅牛舌燒得好香 肉汁滿滿 重要好淋 厚度適中（大概1cm口感最佳）好彈牙 但唔會韌👍🏻😬難得入到來一定要叫埋！味道：🍚🍚🍚🍚.75/5 📍肉慾 (元朗)地址：元朗建德街71號地舖…查看更多

呢間嘢最近成日都見到，搵咗一日去試😁間嘢實在太偏僻，搵咗好耐先搵到，當時大概6:20左右，已經有人喺度排隊😮6:30準時入座，因為係小店啲位都比較擠迫我叫咗一份封門柳 + 一份牛舌，嘢飲叫咗話梅梳打，一共$211牛肉平時食開五成，佢呢份牛對我嚟講有啲生😂不過都可以接受，封門柳肉都唔會太韌，不過如果多少少鹽就好味啦啲個人比較鍾意牛舌，十分爽口，封門柳就牛肉味重啲。肉嘅份量都OK唔少，食完會好飽😆我覺得最正就係佢個蔥嘅份量夠多，愛蔥人士超愛❤️！但個汁個味比較淡，重口味人士覺得如果再鹹啲啲就好🤔嘢飲我就覺得麻麻哋。整體嚟講，呢間值得一試不過個位置實在太偏僻🤣真係隱世小店…查看更多

好老實講，我係睇到有社交媒體介紹呢一間只有限定晚市才會有牛舌飯，身為肉肉獸當然要嚟試食🧏🏻‍♀️晚上大約七點左右到步，店內情況已滿座，仲有幾張枱凳等入，不過等待時間尚算接受得到，大約15分鐘我便入座。🚘店舖喺停車場隔離，如果有揸車嘅朋友，唔怕冇位泊，而且入面可以完全望到出面情況‼️‼️我點了一碗🍚封滿柳$118，老公就點了🍚牛舌飯$138呢個價錢嚟講性價比好高😈***牛舌無影到***😿…查看更多

高質有心小店🌻🌻🌻一開始見到有大胃王挑戰就去試下，雖然失敗左，但係好食到我成日返去再食！！已經變左我既飯堂😎😎😎老細燒肉好有功架🥸白鱔啲皮係脆卜卜既！！封門柳同牛舌都燒得岩岩好，外面香裏面軟淋淋🤤🤤🤤講起都想食…查看更多

社畜小編今晚又做到夜一夜，返到元朗其實已經冇乜選擇，剩返啲連鎖餐廳，好彩小編近排聽講有間新餐廳 @mformeathk 開業，而且淨係做晚市，夜晚6:30做到11點，就過嚟試下。佢嘅位置比較偏僻，要喺建德街中間轉右入去先見到。住喺附近嘅街坊都知道呢個舖位本身係一間咖啡店，但咖啡店就唔做晚市。夜晚就交比呢間新餐廳，所以佢咖啡店嘅裝修仲保留喺度，如果舖位本身比較狹窄，所以都要等位。呢度主要係食燒肉丼飯，款式唔多，亦都可以另外加小食。我哋就試咗呢兩個：➡️ 澳洲安格斯厚切牛舌 $138餐牌寫明牛舌會有五整舊，但佢會再切開，所以最後會有十嚿以上嘅厚切牛舌芯。牛舌非常厚身，燒得好靚，外表會有燶燶哋嘅地方，但入邊仍然保持粉嫩。而呢度嘅牛舌爽中帶腍，油脂豐富，咬落去嘅時候會有油咇出嚟咁，油香四溢。不過間中都有一兩嚿韌韌哋，同食耐咗多少有啲膩，如果有啲檸檬汁中和下可能會好啲？至於呢度嘅飯係用珍珠米，灑上大量蔥花加少少燒肉汁，同附送一粒醬油漬蛋黃。所以唔使擔心個飯冇乜味，如果你將呢幾樣嘢撈埋，就咁食飯已經好好味。味道：8.4/10➡️美國安格斯封門柳 $118一嚟到賣相好靚仔，牛柳呈現鮮嫩嘅粉紅色，配搭蔥花同醬油漬蛋黃，整體成個飯嘅顏色已經令到人好開胃。配料同牛舌飯大同小異，都係配上大量蔥花、醬汁同埋一隻醬油漬蛋黃，米飯則吸收了肉汁的精華，口感更加豐富。安格斯牛柳切片厚實但唔韌，有好香濃嘅肉味，令人驚喜。小編鍾意佢淨係用鹽同胡椒調味，令到肉味更加突出，牛肉的鮮味與米飯相輔相成，令人不會覺得好油膩。味道：8.8/10服務：6.8/10抵食: 7.4/10環境：7/10📍肉慾 (元朗)元朗建德街71號地舖🈺18:30-23:00；22:30 last order#香港必食 #香港美食 #食評 #香港食評 #香港生活 #小紅書 #hkig #hkfood #hkfoodie #hkeat #yuenlong #封門柳 #yuenlongfood #元朗 #元朗美食 #丼 #丼飯 #燒肉 #牛舌 #焼肉 #やきにく #焼き肉 #牛タン #厚切りタン #安格斯 #tenderloin #oxtongue #宵夜…查看更多

見廣告吹大食挑戰咁有趣就去試下本想挑戰三碗牛肉飯，但後來居然改活動，但唔緊要呢碗價值460元的，大大碗雜肉飯，其成本比盡都應該只值$60除左牛肉細碗牛肉少，整碗配料僅僅鋪滿碗面之後整碗都係飯，飯煮得唔夠軟熟，有點硬好難食，牛吞好韌，咬好耐！牛肉佔比少仲要筋位豬腩肉太肥又大舊460一碗佔比最多的居然係唔值錢既豬腩肉似呼是想佔空間想清貨多啲，唯一可以食既只有鰻魚，總括而言，去挑戰都預左比錢，但要物配價值，460元有大半的係白飯，肉質又不是靚如果好食都會值得推介比朋友，但現在碗飯只係想用飯去塞飽盡量令你食唔哂食材都係無誠意 460碗飯差過100幾既牛肉 ，唔會再來了～…查看更多

放工返到元朗，見到呢間日式小店新開，又試吓囉，呢個位以前係cafe，都幾好味架，竟然執咗笠😩食物種類唔多，只有四個飯揀！我地揀咗白燒鰻魚🐟同埋美國安格斯封門柳🐂，兩個都走蔥，見到佢啲相原本應該勁多蔥嘅🤪🤪🐂牛柳有口感，入味，幾香，份量足👍🏻🐟鰻魚皮夠脆，不過略嫌燶咗少少，食落去有啲燶味😅🥚醬油漬蛋黃可以再濃味啲，我用嚟撈飯覺得唔太夠味😛🥤糖漬話梅梳打，幾好，唔太甜，大大粒靚話梅，飲完好舒服👍🏻埋單時老闆有問覺得野食ok嗎？ 用心嘅店主👍🏻👍🏻…查看更多