聚豪軒

小弟係澳門人，早排7月份嚟香港玩，夜晚嚟到黃埔花園搵好嘢食兜咗一圈發現呢間酒樓好似都幾抵食我哋兩個人，嗌咗老虎斑、脆皮雞同埋乳鴿，雖然魚同雞都係雞特價，但都可以同時嗌三樣餸都唔錯，特別係炸嘅雞同乳鴿，夠脆夠香口、魚都唔錯，幾嫰滑…查看更多

Book左12人飲茶，去到只安排張8人枱，唔好話人坐，12張櫈都放唔落啦. 安排嘅職員有冇腦？然後隔左一陣隔離張四人枱埋單佢先比埋我地，個垃圾職員仲要態度差到爆.分開左兩張枱，然後分左單，我地走左之後又打黎話我地有張枱未比錢，我地第二日過去諗住解釋返，又話係佢地攪錯左，攪錯左係咪應該打返黎講聲呀？又累我屋企人白行一趟.從未試過去一間食肆服務態度過份到咁樣，由頭到尾所有行為都不負責任，食物質素差已經唔講，呢個體驗真係負分，簡直係趕客.…查看更多

飲酒業競爭大係好正常，上手走高檔路線但又唔係好食，汰弱留強係正常。二口子費事煮，試吓呢間得唔得？！叫咗個點形容？套餐？A龍蝦伊面拼炸子雞半隻，芝士加$30，同另加一個小炒皇。炸雞入口層皮香脆，肉唔「鞋」，但有小小偏鹹，真係小小，如果餸飯一齊食就ok。呢類一份份嘅「套餐」，唔會預期有好幾舊肉你食，二三舊加頭頭尾尾，正常，我都唔會有乜期望，求其過吓口癮，加埋伊麵食飽就算，講返碟嘢，「龍蝦球」無預期彈牙，但個芝士同伊麵又整得幾好食～收貨。最正都係呢味，材料豐富，大家睇都睇到，不過就孤寒咗啲比較細碟，我哋二條友都僅僅夠，如果一家四口，一人二口就無晒，但味到都幾好食～清碟。回頭度～5/10此終「中式」酒樓太多雜費加嚟加去，所以我哋真係甚少食酒家，飲茶就無問題。…查看更多

一行18人有老有嫩去到門口話我地冇訂位，show個電話記錄俾佢之後佢就甩晒水。D單一般水準我地都要求唔高，目前係冬至一家人聚一聚。菜單寫明豆苗就變咗西蘭花。臨尾紅豆沙賣晒話用唔知乜嘢柚子糕頂檔，結果話馬拉糕又話冇。仲話呢個時間臨收工有乜就食乜！結果上咗三款甜點時仲鞋口鞋面西口西面又串咀，強烈炳佢佢又甩笠水。車仔來回10次，叫人企超身俾車仔過路10次！呢間酒樓真係趣緻，極品！其實小漏小錯平常事，樓面經理唔願意主動擺平就有D過分！其實做唔往就真係唔好做，你又冇癮食客又辛苦。…查看更多

今日同家人去飲早茶，第一次試呢間叫左人參湯蝦餃，食落係幾創新，人參味都濃，但個湯汁略嫌太杰，整體偏咸！炒銀針粉個粉同料比例係9:1…但味道係ok既…個紅米腸嚇死我…個米皮都還好，但有點太過淋一pat野！入面係翻炸既油炸鬼索晒油，睇個價錢($30)仲以為會有蝦膠….成舊野勁油！杏汁鮮竹卷味道ok，杏汁食唔到係杏汁味，內餡係一pat野，建議整翻少少菜絲增加口感整體上好咸好油。感覺上而家大部分大酒樓既點心都好hea…反而小店仲會用心點…查看更多

今日同家人一齊去試開業冇幾耐的酒樓，早上10:00到酒樓等了10分鐘，剛好趕及10:30截單早茶優惠。的而且確有啲驚喜，份量用料以及味道都值得一讚。當中有一道叫做人蔘通蝦餃只是$8.8，上枱樣子好像是灌湯餃差不多，人蔘湯中有蟲草花，還有一些人蔘鬚，味道是有點人心味的，但以價錢來說還可以要求什麼？擂沙炸煎堆，亦是我推介之一，見到每枱都叫當然有原因我也不輸蝕來一客，奶奶大人也也說好味。其他點心味道也十分不錯，潮州粉果、香西牛肉腸粉、鳳爪、鳳爪排骨飯、柴魚花生粥、馬拉糕等等也可以在早茶優惠的餐單中找到的確不錯。而環境方面也是不錯的，座位不是太迫，而上菜時間亦相當快。四個大人，叫了10個點心大概$250以下ok，以這樣的價格絕對性價比高，所以我們一定會再來幫襯。…查看更多

諗唔到去邊度飲茶，屋企人話呢度開咗間新酒樓。入咗座之後先見到原來同屋企附近一間酒樓係同一集團，早知就唔使嚟咁遠。話雖如此，但係睇佢下午茶張紙有幾多唔同嘅特色嘢，咁就揀咗幾樣嚟試吓。紫薯鹹水角，食唔到紫薯味，但係都幾多餡又熱辣辣。個印度脆香沙律球，出邊脆卜卜幾得意，但係沙律裏便就剩係得生果就單調咗少少。個上湯蝦餃大大粒啲蝦肉都幾爽，不過個湯就冇乜味。另外個錦鹵雲吞裏便大大隻蝦肉，確係滿足嘅。不過如果有啲懷舊款式嘅錦鹵雲吞就好，即係啲醬裏面仲有其他材料，不過而家啲酒樓真係好少有。杏汁鮮竹卷，杏仁味唔算好出，對於唔好杏仁糊嘅我還係可以接受。香蕉包都幾特別，裏便疑似係香蕉蓉食落去口感幾淋滑。爽肚都好難得佢整得夠入味，出邊好多酒樓都係醬還醬，肚歸肚。個燒肉瀨粉啲燒肉下午茶嚟講，都夠脆身係值得一讚。不過個乾炒牛河就淡口少少冇乜鑊氣。最有驚喜反而係個陳皮紅豆糕，真係有陳皮味，唔太甜好似食咗碗紅豆沙落肚咁。不過就唔係好鍾意佢啲枱坐得好逼夾，一個枱號都分A B枱。…查看更多

家人共聚中秋，新開幕，試菜12人一席 $6688什果沙律蟹鉗非常咸及不新鮮龍蝦伊面淡而無味帶子珊瑚蚌少得可憐最令人驚訝，南非鮑魚是橙色的咬落去完全冇鮑魚味道還要很腥唔敢再食經理回覆是罐頭鮑魚，是這樣無下次…查看更多

誤打誤撞上嚟3樓飲茶，估唔到有驚喜，啱啱新開，環境都好乾淨闊落，店員都有禮貌，最欣賞係個乾炒牛河好有鑊氣小朋友成程最開心係望住隻船，啲枱凳都距離比較大闊落，啱晒小朋友一齊飲茶，值得一試…查看更多