聚豪軒

小弟系澳门人，早排7月份嚟香港玩，夜晚嚟到黄埔花园揾好嘢食兜咗一圈发现呢间酒楼好似都几抵食我哋两个人，嗌咗老虎斑、脆皮鸡同埋乳鸽，虽然鱼同鸡都系鸡特价，但都可以同时嗌三样𩠌都唔错，特别系炸嘅鸡同乳鸽，够脆够香口、鱼都唔错，几嫰滑…查看更多

Book左12人饮茶，去到只安排张8人枱，唔好话人坐，12张櫈都放唔落啦. 安排嘅职员有冇脑？然后隔左一阵隔离张四人枱埋单佢先比埋我地，个垃圾职员仲要态度差到爆.分开左两张枱，然后分左单，我地走左之后又打黎话我地有张枱未比钱，我地第二日过去谂住解释返，又话系佢地搅错左，搅错左系咪应该打返黎讲声呀？又累我屋企人白行一趟.从未试过去一间食肆服务态度过份到咁样，由头到尾所有行为都不负责任，食物质素差已经唔讲，呢个体验真系负分，简直系赶客.…查看更多

饮酒业竞争大系好正常，上手走高档路线但又唔系好食，汰弱留强系正常。二口子费事煮，试吓呢间得唔得？！叫咗个点形容？套餐？A龙虾伊面拼炸子鸡半只，芝士加$30，同另加一个小炒皇。炸鸡入口层皮香脆，肉唔「鞋」，但有小小偏咸，真系小小，如果𩠌饭一齐食就ok。呢类一份份嘅「套餐」，唔会预期有好几旧肉你食，二三旧加头头尾尾，正常，我都唔会有乜期望，求其过吓口瘾，加埋伊面食饱就算，讲返碟嘢，「龙虾球」无预期弹牙，但个芝士同伊面又整得几好食～收货。最正都系呢味，材料丰富，大家睇都睇到，不过就孤寒咗啲比较细碟，我哋二条友都仅仅够，如果一家四口，一人二口就无晒，但味到都几好食～清碟。回头度～5/10此终「中式」酒楼太多杂费加嚟加去，所以我哋真系甚少食酒家，饮茶就无问题。…查看更多

一行18人有老有嫩去到门口话我地冇订位，show个电话记录俾佢之后佢就甩晒水。D单一般水准我地都要求唔高，目前系冬至一家人聚一聚。菜单写明豆苗就变咗西兰花。临尾红豆沙卖晒话用唔知乜嘢柚子糕顶档，结果话马拉糕又话冇。仲话呢个时间临收工有乜就食乜！结果上咗三款甜点时仲鞋口鞋面西口西面又串咀，强烈炳佢佢又甩笠水。车仔来回10次，叫人企超身俾车仔过路10次！呢间酒楼真系趣致，极品！其实小漏小错平常事，楼面经理唔愿意主动摆平就有D过分！其实做唔往就真系唔好做，你又冇瘾食客又辛苦。…查看更多

今日同家人去饮早茶，第一次试呢间叫左人参汤虾饺，食落系几创新，人参味都浓，但个汤汁略嫌太杰，整体偏咸！炒银针粉个粉同料比例系9:1…但味道系ok既…个红米肠吓死我…个米皮都还好，但有点太过淋一pat野！入面系翻炸既油炸鬼索晒油，睇个价钱($30)仲以为会有虾胶….成旧野劲油！杏汁鲜竹卷味道ok，杏汁食唔到系杏汁味，内馅系一pat野，建议整翻少少菜丝增加口感整体上好咸好油。感觉上而家大部分大酒楼既点心都好hea…反而小店仲会用心点…查看更多