聚星居

這間位於銅鑼灣樓上舖的中菜，不但可以睇到維港景色，晚上時間仲有live band添!餐廳有多款手工菜可以選擇，而且有D仲要預訂添!餐廳坐位唔算好多，但亦設有VIP房。餐牌上有多款食物可以選擇，我們點了幾款試試。雕王醉鄉蝦，醉蝦共有4隻，每隻都好大隻，蝦肉彈牙，酒味濃郁，蝦頭位置非常多膏，十分惹味!雙剁椒鳳凰鴿，鴿肉嫩滑入味，用上紅樣及黃椒，令乳鴿味道更香，而且乳鴿已起骨，食落啖啖肉!撈汁雙弄，呢款菜式用上花甲同埋花螺，醬汁味道微辣，除左適合同花甲及花螺一齊食，仲好適合拌飯同拌麵一齊食!花螺口感爽身，花甲味道鮮甜，味道能夠刺激味蕾!竹笙杞子浸菜苗，湯底味道清甜，竹笙非常大舊，吸收左湯嘅鮮味，而菜苗係菠菜，菠菜本身都已經好鮮甜，整個菜都好適合食完濃味菜式食!濃湯花膠稻庭烏冬，湯底味道非常濃郁，花膠大大舊，非常之夠骨膠原。烏冬口感煙煙韌韌又掛湯，非常惹味!鮑魚撈飯，用上鮑魚燒汁撈飯，味道非常濃郁，鮑魚口感爽彈，夠哂高貴又美味!…查看更多

found this new chinese resto in town with private rooms and live band performance which is a major win (not daily tho). the food was absolutely on point! 今次試咗呢間新開嘅中菜樣嘢真心高質，有私人房，好啱家庭朋友聚會，原來仲會有live band表演，不過咁啱我去嗰日冇:(🦪spicy marinated clams 撈汁花甲so juicy and had just the right level of spice花甲肉超飽滿鮮甜，醬汁調得剛剛好，只是輕微辣🦐drunken shrimp w huadiao wine 雕王醉鄉蝦hvn‘t had this dish in so long! the prawns were a bit small, but the shrimp roe was srsly good真係好耐無食過醉蝦，蝦身就細隻咗啲，但啲蝦膏真係好正☘️lemongrass crusted crispy squab 香茅脆皮乳鴿hands down one of the best i‘ve ever had. i LOVE the unique lemongrass crust—so fragrant and the skin was insanely crispy個香茅脆皮好獨特，皮脆肉香，超鍾意🍲braised baby greens w dried scallops 瑤柱扒菜苗the veggies were ok, but major points for presentation—loved how it came out piping hot, literally saw the sauce sizzling!正常味道啦，但夠晒熱辣辣，上枱時碟菜嘅醬汁仲滾緊🍚abalone rice bowl 鮑魚撈飯was the richest, most luxurious way to end the meal! ps this is one serving撈飯超級濃味，圖中顯示嘅係一人份量…查看更多

一間chill嘅中菜，一啲都唔簡單。“聚星居”，算係滿足晒所有條件。首先要有景，包括環境同景觀，呢度有包廂，有海景，枱嘅分布合理。跟住要有嘢食，呢度嘅種類多不勝數，最重要係質素高，一陣再講。當然唔少得服務，呢度上菜隻碟都係熱嘅，而且收碟快，亦會幫客人換碟，算係唔錯。聚星居焗蟹蓋 $168蟹肉香、洋蔥絲嘅份量合理。但以上都唔及蟹醋嘅威力。一個蟹醋可以將蟹蓋提升不只一個層次。脆蔥燒鮑魚 $128用脆蔥燒嘅效果係令到鮑魚本身嘅香味好突出，味道上都會有一絲絲嘅蒜蔥味。鮑魚本身已經切咗片，方便分享。香茅脆皮乳鴿 $138果然係用上香茅脆皮燒出嚟。首先香茅味突出，同乳鴿嘅味道好合襯。最重要係乳鴿嘅皮燒得香口，夠脆，亦有一定油份。呢度會提供埋手套同胡椒享用。陳皮黑毛豬叉燒 $268黑毛豬叉燒本來已經唔會輸，佢嘅肥瘦均秤同質感已經係一絕。但個人最欣賞係佢嘅蜜糖，因為加咗陳皮，令到佢更有層次，唔會好似一般酒樓得個甜字。鳳梨黑醋松阪肉 $148相當打卡嘅一道菜。黑醋本身嘅質素好高，甜酸得宜，令到松阪肉味道足。菠蘿喺度嘅作用係中和呢道菜同其他肉類嘅累贅感。椰汁雪燕桃膠 $60區區$60嘅甜品都可以打卡。表面充滿雪燕，原來桃膠嘅份量仲多。椰汁味唔算好突出，但亦唔會好甜。相比起環境或者服務，其實我更欣賞喺呢度嘢食嘅質素。以餐廳嘅定位，佢嘅中菜的確做得唔錯，難怪呢度幾個包廂都坐滿人！…查看更多

銅鑼灣V Point 「聚星居 Sing Garden」，坐落大廈28樓樓層，環境一流可以飽覽維港夜景，主打頂級粵菜及海鮮火鍋，主廚楊師傅擅長粵菜、上海、川菜、准扬菜等等，而且曾獲廚神獎項，怪不得每晚高朋滿座！喜歡食中菜嘅我，今晚和朋友特意來品嚐，對菜式超級期待，平日嘅晚上都可以全場爆滿，真係好厲害，而且仲有主場樂手和歌手獻唱耳熟能詳嘅廣東歌，非常好氣氛🫰▪️雙剁椒鳳凰鴿 $ 188中山妙齡鴿以雙色剁椒蒸焗，已經去骨啖啖肉，鴿胸粉嫩多汁，辣度溫和作為頭盤，非常開胃▪️陳皮黑毛豬叉燒 $ 268肉質柔軟，脂肪分布適度，肥瘦層次恰到好處，酥脆甜香味道適中，外酥內嫩每一口都非常多肉汁，超級推介超好食▪️蔥燒脆蔥指天翅 $ 148我真係孤陋寡聞，原來指天翅係是龍躉菜最矜貴的部位之一，魚鰭啖啖膠質，這道菜魚皮帶點香脆，肉質超級腍滑味美，加上惹味的蔥燒脆蔥，愛吃魚嘅朋友真係唔可以錯過▪️脆米和牛鬆炒飯 $ 268用瓦煲出場新鮮滾熱辣，份量大得驚人，炒得粒粒分明好有鑊氣，而且仲帶點焦脆，炒飯夾雜和牛鬆、菜脯、椰菜和香蔥粒，香口惹味▪️椰汁雪燕桃膠 $ 60用雪榚杯盛載非常足料，每一啖都係滿滿，雪燕桃膠，甜度適中口感細滑，滋補養顏之選…查看更多

聚星居裝潢時尚優雅，落地大玻璃，引入自然光，可無死角飽覽維港海景。柔和的燈光設計，設有私密的包廂，還有KTV音響設備，適合大伙兒聚餐。座位舒適寬敞，盡情享受美食，十分寫意。雕王醉鄉蝦 (158)醉蝦色澤鮮艷，蝦頭飽滿晶瑩，肉質彈牙、紮實，加上花雕酒，散發純純花雕酒香，令人垂涎。鳳梨黑醋黑松板肉 (148)松板肉肉質軟嫩，外皮微脆，掛滿甜酸黑醋醬汁，油脂豐富，搭配鳳梨，清新怡人，開胃解膩。酥香烤籽魚 (148)魚塊烤得酥香可口，表面帶焦糖甜香，咀嚼間散發麻香味道，香以不辣，加上芝麻粒粒，滋味更加升華。燶邊叉燒豉油王炒麵 (188)炒麵香氣四溢，麵條充滿豉油的鮮美，加上燶邊厚切的叉燒，香口軟腍，加上青蔥及銀芽，口感豐富。濃湯花膠稻庭烏冬 (88)湯頭奶白清甜，呷一口鮮甜味突出，稻庭烏冬十分滑溜，花膠口感黏糯，充滿骨膠原，啖啖滋味! 椰汁雪燕桃膠 (60)最後來一碗桃膠湯水，椰汁散發純樸甜香，清新濃郁，雪燕滑不溜口，配上晶瑩桃膠，甜度天然柔和，養顏窩心。…查看更多

.#哈比四圍食 #銅鑼灣 #銅鑼灣美食 今次同大家介紹呢間位於銅鑼灣登龍街嘅手工小菜，每款小菜都靚靚上枱，而且每款食菜都係老闆親自挑選，必對係唔靚唔賣，除咗有美食，仲有好靚嘅維港夜景，好彩嘅話仲有靚歌聽🥰🦐雕王醉鄉蝦大大隻大頭蝦，酒味香濃但入口好鮮甜，每隻蝦頭都好爆膏，真係可以encore呢個前菜🦆雙剁椒鳳凰鴿呢個手工菜好精緻，將乳鴿去骨，再切片排返靚靚，肉質仍然保持鮮嫩🐚撈汁雙弄好驚喜嘅小菜，花甲+花螺 超新鮮，醬汁嘅味道調配得好好，甜甜地辣辣地，但係又好開胃🥢濃湯花膠稻庭烏冬嘩😳大大嚿花膠咁上枱，湯底係白雪雪嘅香湯雞湯，真係忍唔住飲哂啲湯🍚 鮑魚撈飯如果同屋企人嚟食，每人一客都唔過份，好濃郁嘅鮑魚汁撈飯，鮑魚大大隻又好入味又淋…查看更多

近期新開嘅「聚星居」已吸引唔少名人光顧。餐廳主打精緻粵菜，高層位置以落地玻璃展現開揚維港景色。部分招牌菜需要預訂，今次臨時到訪，就由服務員推薦揀咗幾款熱門菜式。▪️鳳梨黑醋松板肉 ($148)松板肉取自豬頸兩側，算係比較貴價嘅豬肉部位。今次嘅豬肉肉質脂肪分佈均勻，肉質軟腍，掛滿香甜微酸嘅黑醋汁，平衡到豬肉嘅油脂感開。鳳梨亦有解膩效果，兩者酸甜開胃。▪️撈汁雙弄（花甲+花螺） （$328）花甲和花螺吸滿花椒汁，微辣入味，花螺爽脆並已去殼。▪️黑胡椒海中蝦 ($288/6隻)海蝦肥美且肉質彈牙，黑胡椒汁鹹香惹味但不辣。餐廳已細心處理切開蝦身，方便享用。▪️紅酒和牛面頰 ($328)牛面頰份量足，肉味濃郁。不過火候略嫌過熟，咬落去偏靭。▪️豆漿翡翠銀杏百合杞子浸菜苗 ($248)以豆漿做湯底，加入銀杏、百合及杞子，湯底清甜健康，菜苗鮮嫩，屬養生滋補之選。▪️脆米和牛鬆炒飯 （$268）炒飯粒粒分明不油膩，和牛鬆鹹香突出，加入脆米提升咀嚼層次。▪️桃膠燉奶 （$60）燉奶滑溜，桃膠清甜，整道甜品香甜而不膩。▪️椰汁雪燕桃膠（$60）以椰汁配雪燕及桃膠，甜香滑口，清新怡人，適合作結尾甜品。…查看更多

聚星居 Sing Garden🌟 高空景觀＋粵菜新演繹，打卡＋味蕾雙重享受！- 撈汁雙弄（花甲 + 花螺）🐚🧄：鮮味撈汁，啫喱口感，花甲嫩滑、花螺爽口，雙重海味交織，開胃一流！- 油潑厚切豬 🐖🔥：豬潤厚切不腥，油潑香氣撲鼻，入口嫩滑，麻香微辣，令人回味。- 海參蝦籽撈粗麵 🍜🦐：海參彈牙、蝦籽鮮香，粗麵掛汁力強，每一口都是鮮味與口感的完美結合。 #聚星居 #銅鑼灣美食 #高空粵菜 #花甲花螺 #油潑厚切豬 #海參蝦籽麵 #打卡餐廳 #香港美食 #港式精緻料理 #SingGarden #登龍街美食 …查看更多

隱藏銅鑼灣的粵菜館🤍 在vpoint 時代廣場附近 環境低調但味道挺驚艷的✨ 我覺得適合紀念日慶祝/商務event! 🌟雕皇香醉蝦聽說是鎮店冷盤必點！花雕酒香醇而不嗆🍶 蝦肉鮮甜彈牙 酒香滲透每一絲肉質 完美平衡酒香和醬香🐚鮑魚撈飯不是炒飯！而是醬油撈飯 看着其實蠻普通的 但每粒米都裹滿濃香醬汁 濕潤度滿分 鮑魚是軟軟糯糯的 乆吃🍷紅酒和牛臉頰本期MVP‼️入口即化 我不是誇張！慢燉出的和牛臉頰肉 帶著膠質黏唇感 紅酒香氣深入肌理 literally在嘴裡化開😮‍💨…查看更多

銅鑼灣高空精緻粵菜☆聚星居.ᐟ.ᐟ一入去就有180度大玻璃窗，見到超靚日落海景✨超推介鳳梨黑醋松板肉($148)💛切到整齊四方，松板肉炸過，外脆肉嫩彈牙，鳳梨嘅清新果香，中和左肉嘅油膩，黑醋酸甜開胃＋白飯＝完美組合雙剁椒鳳凰鴿，鴿肉切得好細嫩，剁椒雙重辣度，酸辣得黎好過癮！紅酒和牛面頰中西合璧！紅酒醬汁濃郁卻吾搶味，但牛面頰略嫌韌左少少～雙皮奶凍食都滑嫩細膩，奶香濃郁，重點吾太甜！環境高雅有格調，仲可以包箱，好適合一大班朋友聚餐或情侶約會♡★ 雙剁椒鳳凰鴿 $188 ♥︎♥︎♥︎♥︎♡★ 鳳梨黑醋松板肉 $148 ♥︎♥︎♥︎♥︎♥︎★ 紅酒和牛面頰 $328 ♥︎♥︎♥︎♡♡★ 豬油渣炒銀川菜心 $168 ♥︎♥︎♥︎♥︎♡★ 雙皮奶 $50 ♥︎♥︎♥︎♥︎♡°. ⑅♡⑅ °. +. °. ⑅♡⑅ °. +. °. ⑅♡⑅ °. °. ⑅♡⑅ °. +…查看更多

餐廳喺今年五月開業後一直非常好生意👏🏼有得叫餸食飯亦有得打邊爐 有朋友直程已經嚟過幾次主廚楊智明師傅准揚菜耍家 亦擅長各種菜系當晚幾款前菜都出色☺️茉莉花燻燕子倉同老四川燈影牛肉都係必點講到重頭戲就當然喺飛天琵琶鵝🤤完全冇失望‼️ 外皮焗得超脆口 鵝肉亦醃得非常入味同平時食開嘅燒鵝唔同飛天琵琶鵝要先將鵝吊起風乾 再喺焗爐烤焗酥脆嘅鵝皮加上啖啖鵝油香 好滋味😋另一必點主菜喺金湯有米伴東星🤩鮮甜嘅金湯配上肉厚嘅東星班同埋煮透嘅蘿蔔最後灑上脆米 口感多層次 香甜暖心🥰如果人多嘅話建議包房 房內唱K音響都好唔錯🎤_📸🔸沙薑蟶子皇🌟🔸雙剁椒鳳凰鴿🔸老四川燈影牛肉🌟🔸茉莉花燻燕子倉🌟🔸翡翠滕椒萵苣扇🔸飛天琵琶鵝🌟🔸金湯有米伴東星🌟🔸桂花瑤柱炒松葉蟹伴空氣盞🔸蜜汁脆皮燒鱔🔸香茅脆皮乳鴿🔸馬友蒸肉餅🔸鮮准山百花羊肚菌🔸啫啫生菜煲🔸⾖漿翡翠銀杏百合杞⼦浸菜苗…查看更多

講真食物同服務都係一流水平，由期係價錢性價比高，所以以食物來講我會非常推薦，但係如果你想享受額外嘅歡樂，就真係可能睇運氣。事源店會提供唱K，個人覺得唱得好唔好無所謂，最緊要盡興。但係最後有一班飲醉嘅人，又唔唱歌，又霸主個地方係度自high。重要店家完全無諗過控制個場面，由佢哋自high。之後我同班fd都無mood走。個人覺得，出來玩就互相尊重，飲完酒會失控我明，但係商家唔處理就佢哋問題。所以就算食再好食我都唔會再去。…查看更多

今次去左隱世餐廳食私房菜。以創新融合菜為主打，將各地食材同烹調手法重新演繹，有唔少驚喜！咁岩去嗰日仲有駐場歌手唱歌，好多人都係一圍圍既朋友聚餐～仲有幾間VIP房可以唱歌-鳳梨黑醋松板肉🍍松板肉肉質爽口彈牙，搭配自家調製的黑醋汁，酸甜開胃。鳳梨既果甜，同松板肉好夾，平衡咗肉類嘅油膩感。-堅果辣子羊肉🐏平時辣子雞就食得多，辣子羊肉真係第一次試！羊肉炸到外酥內嫩，一啲都唔羶。堅果香脆可口，辣得黎好惹味！有啲似返咗大陸嘅味道-酥香烤籽魚🐟外皮香脆，每一條都脆卜卜！勁啱配啤酒🍻雖然好熱氣，但係忍唔住係咁食-脆米和牛鬆炒飯🍚炒飯勁大煲！乾身夠鑊氣，和牛鬆油香十足，但最驚喜係加入咗脆米，食落口好有口感，層次感即刻提升！…查看更多

銅鑼灣 V point 是高檔餐廳的聚腳點，是夜到聚星居用餐，感覺高尚！這裏有多款巧手預訂菜式，不多地方可以品嚐到！環境高檔，享有海景，美不勝收！前菜來一份雕王醉鄉蝦（4隻）$158賣相高檔精美，花雕汁惹味，大蝦吸滿了花雕酒，更有效帶出鮮味，食到停不了口 😋😋主角紅酒和牛面頰 $328，烹煮需時，食好嘢就要有點耐性 😁😁牛面頰炆得軟腍入味，鵝肝凍粒在熱牛肉上慢慢溶化，裝飾調味兩相宜👍👍再來竹笙杞子浸菜苗 $188金黃色的湯汁，極吸睛！菠菜苗極嫩滑，竹笙肥大粗壯，正！主食點了叉燒豉油王炒麵 $188叉燒少少燶邊，更香口，麵條軟熟，豉油沾滿麵條，熱騰騰的，好味道！…查看更多

聚星居係開業冇幾耐嘅精緻高級粵菜餐廳，位於V Point 28樓，飽覽維港景色，逢星期三及星期六夜晚更設現場樂隊演奏，沉浸式享受佳餚美食❤️❤️❤️😍😍⭐雙剁椒鳳凰鴿：乳鴿嫩滑帶酒香，已經拆骨起肉，每一啖都食到乳鴿嘅鮮嫩滋味，紅椒及黃椒進一步突出乳鴿香氣，擺盤靚，味道好😍😍😆😆，有驚喜嘅一道前菜⭐油潑豬肝：豬肝煮到啱啱好熟, 廚師嘅火喉控制得非常準確，最大地保留到豬肝嘅滑溜口感👍🏻👍🏻，油潑香料同辣椒油進一步提升層次感，特別之處係加入咗新鮮嘅沙薑，味道有變化，細心之作⭐泰式立鱗馬頭：馬頭魚喺日式料理比較常見，立鱗燒亦係omakase常見烹調方式，兩者配合，再加上特色嘅泰國醬汁，味道酸酸辣辣，相當唔錯嘅fusion菜式😛😛😛⭐紅酒和牛面頰：牛面頰肉質細膩，經過長時間慢燉，吸收咗紅酒醇香🥳🥳，醬汁略帶甜味，更能突出和牛濃郁嘅脂香，而且份量十足，配白飯一流😊😊😊⭐椰汁雪燕桃膠：雪燕同桃膠都係滋補養顏嘅食材，配上清甜嘅椰汁，為豐富嘅呢餐作結聚星居Sing Garden銅鑼灣登龍街18號V Point 28樓…查看更多