聆渢咖啡廳

一向喜歡這酒店餐廳的園林燒烤自助餐，這晚和幾位朋友來到吃自助晚餐，原來正值餐廳推出了為慶祝新加坡國慶為主題的自助餐，正好讓我們在品嚐這裡美味的燒烤以外，更能嚐到新加坡的多款特色美食，一舉兩得。這酒店自助餐最煞食的地方，毫無疑問一定是它的戶外園林美景和在美景中設置的現場即時燒烤美食。當中最吸引的要算是只在周末和周日才供應，由專人即烤的「烤乳豬」，此外，還有同樣即場燒烤的「烤大蝦」、「烤雞翼」、「烤羊架」、「烤茄子」、「烤菠蘿」等和由前「沙嗲軒」師傅主理的「沙嗲豬肉串」。即場燒烤的乳豬皮脆肉嫩，好吃自不待言，彈牙的大蝦、滋味的雞翼、軟熟的羊架、惹味的茄子、多汁的菠蘿，同樣相當好吃。至於那「沙嗲豬肉串」，肉質極好，配以香濃味美的沙嗲醬，讓我不禁回憶起昔日「沙嗲軒」的精彩美食。在餐廳內供應的「慢燒和牛肩胛肉」和「燒蜜餞火腿」，我只試了前者，肉質嫩而不嚡，澆以少許燒汁和芥辣，好吃。這裡的刺身和凍海鮮的種類不少，而且相當新鮮，特別是我喜愛的「油甘魚刺身」，更是好味。  熱盤方面，我這饞咀貓兒最喜歡的，自然是那魚肉又嫩又滑，蒸魚豉油又好味道的「清蒸原條石斑」。為慶祝新加坡60周年國慶而增添的多款充滿南洋風味的食品和菜式，好像「羅惹沙律」、「白胡椒肉骨茶」、「海南雞飯」、「麥皮蝦」、「班蘭班㦸」等，全都味道不錯，值得一試。至於最有星加坡風味的飲品，就非甜美可口，大人小朋友都啱的「美祿恐龍」莫屬。值得一讚的還有湯，無論是火候老到，味道清甜的「姬松茸火腿燉豬腱」還是酸爽開胃的西式「蕃茄湯」，都是水準之作。其實這裡的「和牛壽喜燒」都挺吸引，不過這天我實在吃得很太多美食，到我想起它時已經吃得很飽，就唯有留待將來有機會才吃了。最後，雖然這自助餐的甜品不太多，不過美味的「斑蘭班㦸」、「黑森林蛋糕」、「芒果拿破侖」和「葡撻」等，已能滿足我的甜胃了。這裡的自助餐如果在網上預訂，最高可以享用到買一送一的優惠，實在非常抵食呢！…查看更多

新加坡是我想都未想過去的地方因為實在太熱了！但對於當地的美食我是很喜歡的，可幸的是身在香港的我們都可以品嚐到獅城美食，這夜就約上朋友瘋狂吃一場豐富自助餐。上星期日晚跟好友去到香港黃金海岸酒店的Cafe Lagoon吃自助餐！原來為慶祝新加坡60周年國慶推出了獅城美食主題，當中是星馬迷的好友開心到不得了。先帶大家看一看自助餐主題獅城風味巡禮的美食！獅城美食包括有肉骨茶、麥皮脆蝦、咖喱牛腩、香辣星洲炒飯及海南雞㰷，這些都是比較家傳戶曉的星加坡美食。往前走去到西式熱葷區！打頭陣有慢燒和牛肩胛肉及燒密餞火腿，緊接著還有韓式燒雞、黑松露薯蓉、紅酒燉和牛面頰、三文魚頭及番茄湯。這個美食檔位供應超級引的和牛壽喜燒好此品者不容錯過。中式熱食有清蒸原條石斑、金華火腿娃娃菜、黃金鳳尾蝦、咕嚕肉、鮮蝦荷葉飯及姬松茸火腿燉豬展湯。再往前走還有肉桂南瓜、泰式魚餅及炸洋蔥圈等異國風味美食。現成沙律選擇有不少而且質素亦很不錯！包括有蜜糖芥茉薯仔雞蛋沙律、羅惹沙律、韓式涼拌茄子、泰式粉絲扎肉沙律及南瓜沙律。喜歡吃芝士的朋友也有三款選擇，另外還有我喜歡吃的巴馬火腿、蜜瓜、挪威煙三文魚及沙律吧。來到大家期的冰鎮海鮮區！有白蜆、海蝦、扇貝、雪花蟹腳、翡翠螺及青口任均選擇。日式專區亦供應不少新鮮的刺身！有甜蝦、馬刀貝、赤背、鯛魚、油甘魚及三文魚，另外還有多款壽司及卷物可供選擇。有看過我介紹這兒的自助餐必定會記得有戶外燒烤區！現在逢星期六、日及公眾假期就可以品嚐到一系列充滿炭火香氣的美食。當中包括有炭燒乳豬、炭燒雞翼、炭燒羊架、炭燒大蝦、燒菠蘿、燒茄子及腸仔，另外還有我最喜歡的雞肉沙嗲。想健康的話還可以品嚐即叫即灼的新鮮蔬菜，最後還有飽腹的夏威夷薄餅供應。來到甜品區一系列甜品已經藏身於凍櫃之中！包括有黑森林蛋糕、椰香黑糯米、雜莓慕絲蛋糕、熱情果慕絲蛋糕、南瓜撻及士多啤梨拿破崙。轉過彎還有葡撻、香噴噴的即製斑蘭窩夫、Häagen-Dazs雪糕杯及新鮮切件水果。另一邊的甜品Corner還有小朋友最愛的朱古力噴泉、椰絲彩虹啫喱糖、杯子蛋糕、黑糖黑芝麻大福、芒果布甸及焦糖爆谷。任飲專區包括有生啤、美祿恐龍、冰水、冰茶、新鮮檸檬片、罐裝汽水及自助咖啡機，想飲什麼自己決定還可以無限暢飲太開心喇。終於行完一個圈肚子已經投訴了是時候要開餐喇！先來杯凍檸茶走甜清爽一番。首先來一碟自選的前菜沙律碟！超級豐富最合用作打底一會兒便不用吃得那麼兇，冰鎮海鮮夠新鮮最愛當然是雪花蟹腳梳梳鮮甜蟹肉非常鮮美，另外羅惹沙律也是我這天的Favourite，充滿新加坡風味非常切合主題。刺身充滿光澤感看見已知道新鮮！當中的赤貝尤其爽脆鮮甜真好吃喔。熱食先來一碗新加坡風味的白肉骨茶，味道正宗帶上胡椒香辣好暖胃，海南雞皮爽肉嫩油飯香濃真的好吃，來多一件地道的麥皮蝦夠晒滿足。接著就要品嚐我最喜歡的BBQ美食！這兒的炭烤乳豬我還是第一次品嚐，芝麻皮香氣十足但我更喜歡多汁的肉肉。這兒的燒雞翼是我吃過最喜歡的出品！充滿炭火香氣雞皮帶點蜜味肉質鮮嫩又多汁，兩隻吃下仍有點意猶未盡，其他的BBQ美食也是高水準之物，雞肉沙嗲也是不能錯過的美食。這一刻來碗姬松茸火腿燉豬展湯！湯頭濃郁味道香甜有胃納的話真的要喝番盅。來到這刻已經有點滿足！但見到剛剛新出的原條清蒸石斑忍不住取了少許，魚肉質感很嫩滑估不到自助餐蒸魚也炮製得相當有水準。西式美食意思意思取了三文魚頭及我喜歡的薯蓉品嚐，但最有驚喜是那碗非常濃郁的番茄湯，味道酸酸甜甜非常開胃好喝喔。來到甜品環節我真的滿足到投降了！只跟友人分享一件斑蘭窩夫配雲呢拿雪糕，冷熱交融的口感實在太誘惑又要增磅了。現在吃自助餐的客人更可以六折購買手工「旺來酥」$138，我之前已經品嚐過金黃酥脆酸甜可口味道真心不錯的。新加坡鑽禧盛典限定自助晚餐星期一至五$738/位、星期六、日及公眾假期 $798/位，凡於酒店網上預訂及全數付款可享買1送1優惠(數量有限、售完即止)，Weekend折後淨價只需$478.8/位真的超級抵吃，由即日起至8月31日供應。…查看更多

炎炎夏日可以去綠意盅然的地方嘆下午茶最好不過！所以就約了好友一齊走到黃金海岸嘆了一場甜蜜的Afternoon Tea。每次去到屯門黃金海岸飲食必想起黃金海岸酒店！餐廳環境舒適不在話下食物質素亦相當有水準絕對不會伏吃，這次下午茶我們來到酒店內的Cafe Lagoon享用。酒店與共享汽車平台GoSwap合作推出以蜂蜜為主題的「花間蜜語下午茶」！以四鹹四甜點加上英式鬆餅組合而成，花俏之餘份量不細吃罷非常飽足。下午茶除了包配即磨咖啡或茶之外，更可另加$98升級兩杯氣泡茶，而且更有五款選擇之多喜歡清爽的我當然要升級啦。我選了玫瑰氣泡蝶豆花茶！氣泡喝下口感非常清爽加上清幽的花香這杯特飲我非常喜歡，而好友則選了柚子氣泡玄米茶！非常建議喜歡果香的朋友選這杯充斥柚子香氣的茶飲，最重要是兩款氣泡茶也不會過甜清爽又迷人。嘆過清爽飲品後這一刻要來品嚐美味下午茶點喇。四款鹹點看上去也非常吸引！當中有海鮮也不乏肉食大可滿足口腹之欲。煙三文魚玫瑰多士配蜜糖芥茉醬！軟滑油潤的煙三文魚味道鹹香，內裏藏著帶點刺激的蜜糖芥茉醬再綴以鹹鮮味濃的黑魚子，將大海的味道融為一體鮮味滿分。蜜餞鮑魚口感煙靭烹得入味，於鮮味之中帶有點點蜜香，這鮑魚擁有超誘人的「味」力。鴨肝醬慕絲華夫配蜜糖蘋果！紮實富蛋香的窩夫上塗滿香滑的鴨肝慕絲，跟爽口的蜜糖蘋果一起品嚐口感豐富之外更鹹香惹味。蜜糖燒烤汁雞肉卷！口感煙靭的薄餅內盡是香口的燒烤汁雞肉非常惹味，這驚喜的味道令我印象深刻太喜歡了。來到品嚐四款精緻的甜點，全部以蜜糖入饌帶給嘴巴甜蜜蜜的感覺。蜜糖鬆餅抹上Clotted Cream和士多啤梨果醬，這經典的吃法絕對不會輸喔。青檸蜜糖芝士蛋糕口感非常軟滑！鹹香的芝士蛋糕內滲出陣陣青檸蜜糖的酸甜味道，會令人不經不覺哋吃光光。燴梨配蜜糖泡芙！鬆軟的泡芙內藏有滿滿的蜜糖醬餡，面頭配搭爽甜的燴梨吃下味道挺清甜。香芒蜜糖慕絲蛋糕就最適合喜歡酸甜味道的朋友！芒果獨特的香加上綿密慕絲蛋糕真的非常可口。和風柚子蜜糖意式奶凍！柚子的酸甜清爽配襯滋潤蜜糖令奶凍更具個性，拼湊出非常討人歡喜的味道。於推廣期內享用這套下午茶還可獲贈GoSwap獨家禮物包乙份！內裏包括有蜂蜜汽車香薰、窩心暖氈及共享汽車平台GoSwap六折租車優惠券。花間蜜語下午茶收費為$628/2位！由即日起至6月30日供應，去酒店官網提前一天訂座和繳付全數就可享高達7折優惠抵食好多喔！…查看更多

-Café Lagoon in Hong Kong Gold Coast Hotel最近以戶外即烤佳餚聞名既自助晚餐既黄金海岸酒店推出全新主題 – 斧頭扒燒烤盛薈自助晚餐 仲做買一送一優惠必食推介🍖 炭燒澳洲斧頭扒 — 厚切十足 經炭火高溫燒表面焦香切開時肉汁即時湧出 肉味極濃 煙燻香氣撲鼻🍖 週末限定：原隻炭烤乳豬乳豬皮香脆又香口 唔怕會好油膩 豬肉嫩滑多汁 肥瘦分明每件乳豬都炭香濃郁 皮下脂肪入口即化精選熱食🥢即切脆皮燒腩肉 — 好少可會見唔係即切牛扒而係燒肉外皮烤得非常酥脆 肉層肥瘦分明 入口油香四溢但唔膩🥢壽喜燒 — 估唔到壽喜燒都可以全食 牛肉吸滿甜鹹日式醬汁 醬油香同牛脂香交織 🥢炭烤美食 — 包括雞翼、羊扒、虎蝦、燒菠蘿、沙嗲串等 全部炭香四溢 肉類多汁唔柴 虎蝦彈牙鮮甜🦐 海鮮．甜品．任食任點🥢日式磯燒鮑魚—以醬油炆煮 鹹香中帶鮮甜 鮑魚肉質彈牙細膩 鹹鮮同醬香完美融合仲有新鮮海鮮、刺身、精緻中西美饌任食任拎最後食個 斑斕格仔餅同Häagen-Dazs 雪糕杯作甜美收尾-🔉留意番 官網預訂即享買一送一優惠 人均$400就食到酒店級自助餐記得提前一日於官網預訂同預付先有優惠…查看更多

環境: 寧靜，優美，闊落交通: 泊車方便，不過近排由免費三小時後$50改為兩小時後$60 。一枱人有三架車，食食下要落去泊咪錶位。食物: 應有盡用，最欣賞燒烤區，燒羊架雞全翼好入味，仲有沙爹串燒，入口即溶。刺身新鮮，長腳蟹，蜆肉蝦肉大大隻。甜品蛋糕為主，有小童朱古力噴泉，哈根大師雪糕。酒有啤酒，水有基本汽水，檸茶檸水咖啡。…查看更多

網上見到買一送一優惠，近近哋試吓，成人人均【$450】左右，環境及枱之間都尚算寬闊，仲設有戶外區🔆自助區有刺身、凍海鮮、沙律區，熟食區，甜品區，飲品區🔆最欣賞就係有戶外燒烤區：有斧頭扒、羊架、蝦、串燒，粟米等等，啲醬汁都好好味，推介沙嗲醬、泰式酸辣醬整體食物款式都算多，但性價比我覺得可以再好啲如果買一送一，食環境都可以試吓，但如果正價就……大家諗諗🤭@foodie_forfood#foodie_forfood#hkfoodie#黃金海岸#自助餐#香港美食#買一送一#優惠#燒烤…查看更多

整體唔錯最近同朋友去咗黃金海岸酒店地下嘅風鈴咖啡廳食自助餐，因為有平台做緊買一送一，價錢即刻合理好多，唔使諗太多就book咗。食物種類算多，唔係話每樣都好食，但都有幾款值得一讚：• 黑松露薯蓉：真係幾滑，唔會太膩，松露味唔算濃但夠香。• 芒果拿破崙：甜品嚟講算有誠意，酥皮唔硬，芒果夠甜。• 燉湯：唔係得個名，真係有料，飲完暖晒。• 海南雞飯：雞肉滑，飯有油香，配醬都唔錯，值得encore。• 壽喜燒：湯底偏甜，啱口味嘅人會鍾意，肉質唔錯。• Häagen-Dazs雪糕：冇咩好講，穩陣之選，唔會出錯。環境方面就唔算豪華，但坐得舒服，冇壓迫感。服務OK，唔會太冷漠但都唔算特別熱情。總結：如果有優惠，呢餐係值得試；冇優惠就要睇你對自助餐有幾大期望。唔係每樣都驚喜，但有幾款真係唔錯，朋友聚餐、想hea住食一餐都係個唔錯選擇。…查看更多

今個八月，適逢新加坡建國60周年，阿妹一家已經到訪當地吃喝玩樂，可惜我有事在身，未能隨行。唔緊要，皆因黃金海岸酒店推出以新加坡鑽禧盛典為題的自助餐，俾我止止癮。呢個主題，係8月限定呀！做得呢個主題，自然是設有一個獅城美食角落，擺放多款星洲美饌。肉骨茶是經典的美食之一，湯頭胡椒味夠勁，是典型星洲版本，排骨鬆化易離骨，好有水準。配幾件油炸鬼，真係會一滴湯也要喝光。海南雞飯做成迷你份量，方便大家拎。皮爽肉嫩的海南雞，自行淋上三色醬，同樣好吃。印象中之前來吃自助餐，有印度咖喱供應，今云新加坡主題，則換上星洲風味的咖喱，大概更能迎合港人口味。另外仲有麥皮蝦、Rojak等，儼如置身新加坡。燒烤區向來是這裡的強項，首推是燒雞翼，大大隻，肉嫩多汁又香口，其餘的如燒羊架、燒菠蘿、茄子及腸仔等，都是炭火香滿滿，令人垂涎。每逢週末及公眾假期，更特別加推炭烤脆皮乳豬，即燒即切，香氣泗溢，極富風味。再要推介的是和牛壽喜燒，一小窩內包含兩片和牛、蔬菜及冬菇等，結合甜香的湯頭，坊間的自助餐很少機會嚐到。當然，其他常設的美食都會繼續，而且保持水準。中式燉湯清甜順喉，西式的番茄湯有夠開胃。再品嚐完一系列的凍海鮮、Cold Cut、蒸魚、熱蕈，係時候進入甜品環節。各式蛋糕賣相吸引，葡撻近年已成酒店自助餐常設甜點。要說最有星洲特色的甜品，就是即叫即做的斑蘭窩夫，外脆內軟，滲出絲絲斑蘭香，自行配一杯哈根大師雪糕，精彩！八月期間惠顧自助餐既食客，可以六折購旺來酥，菠蘿迷要留意了。依家裝上預訂自助餐，係買一送一呀~…查看更多

雖然夏日熱辣辣 但係我依然好想食BBQ嗰種炭燒出嚟嘅嘢食 同平時真係唔同上網搵到呢一間自助餐 而且而家仲買一送一 有戶外燒烤區 仲要有師傅燒埋唔使自己落手 正！啱啱嗰個星期日去 佢哋有即燒乳豬 雞全翼 大蝦 羊架 粟米 同埋我最鍾意嘅燒菠蘿！乳豬熱辣辣 個皮超級脆 而且仲有乳豬醬 菠蘿超甜 雞全翼應該係用咗香茅去醃 好香香茅味而且仲有雞肉串燒 配上沙嗲醬 聽職員講啲沙嗲醬係來自沙嗲軒 難怪咁好食餐廳適逢新加坡國慶 熟食中有好多都係來自新加坡嘅菜式 包括新加坡肉骨茶 海南雞飯 麥皮脆蝦 斑蘭格仔餅 肉骨茶胡椒味好重 麥皮脆蝦幾得意係甜甜地班蘭格仔餅即叫即整 好重斑蘭同埋蛋香味 我就比較貪心配埋Häagen-Dazs嘅雪糕 其他嘅凍海鮮同埋刺身都OK喎 以呢個價位嚟講都幾抵食 另外見到餐廳而家有賣一款小食叫做旺來酥 望落去好似迷你菠蘿包咁 自助餐之後都忍唔住用咗六折去買返公司口痕嘅時候就有野食啦…查看更多

多數食假日晚餐，貪佢有外面燒烤，氣氛會好啲，今次就試佢自助午餐，refill得好慢，未到12點半就好多空碟，好在之後差唔多十分鐘都陸陸續續加番，但真係加得好慢，雪糕得牛奶公司，糖水就紅豆沙，如果以正價差唔多$500/人嘅話，就一定唔值，如有優惠半價嘅，嚟酒店住又唔想出去食，試吓無妨，如果特登入嚟食就免喇！…查看更多

本身趁住買一送一嘅優惠，人頭四百幾蚊特登入去屯門黃金海岸。刺身：已經切好放出嚟俾人夾，雖然有冰喺底下墊住，但係感覺唔係好衛生，好似擺咗喺度好耐😅。海鮮：有長腳蟹鮮蝦青口螺等等，長腳蟹都算新鮮。燒烤：燒雞翼🍖燒羊架燒粟米都是已經燒好放出嚟俾人夾。熟食：種類都幾多，大概有10幾款，但係都係普普通通冇咩特別令人留下深刻印象嘅款式肉類：只有西冷牛扒，醬汁同味道都係一般。甜品：有超多款式嘅芝士蛋糕🧀，但係其他甜品就一般般。飲品：檸檬茶咖啡啤酒汽水任飲。環境清靜，地方闊落，收枱嘅速度還算可以。…查看更多

最近同屋企人食多左好野😋，呢次近近地去黃金海岸酒店食buffet～有買一送一食都唔算貴，自助晚餐大約每人$450座位有分室內同室外，但因為室外有烤肉所以怕太大陣味又怕大風所以揀左室內坐～樓底唔太高，未算好光猛，不過都坐得舒服食物種類夠晒多，冷盤、熱盤、海鮮、甜品、生果都有大推羊架🐏同乳豬🐷！乳豬後面有師傅喺爐到不停燒，夠晒脆，又唔會太肥💯～另外butter chicken印度烤餅🇮🇳都好食，同平時出街食既地道印度菜餐廳風味一樣🤤海鮮就唔算好多選擇，甜品有crepe同haagen dazs&牛奶公司杯裝雪糕，蛋糕望落唔太吸引就無食💬整體就普普通通，熟食比較吸引，有即場燒烤就少見啲，大推乳豬同羊架😌，鐘意食甜品既就有其他更好既選擇🤣…查看更多

上一次都有黎過食午市自助餐感覺都還好有Movenpick雪糕～即整窩夫雖然食物種類唔多但今次再去午市自助餐失望之極雪糕又轉哂牛奶公司雪糕冇左窩夫食物種類少之又少連魚生區都冇擺一個人喺度仲要叫佢先會refill三文魚呢個價錢我去食放題都冇咁嬲無下次…查看更多

職員全都很友善：原本訂了室外，主動安排我們坐室內；會提供小童餐具；會主動斟水；夾唔到意大利飯落碟時會主動幫手；壽司負責人很親切；會有不同款式的熱盤推出；飲品負責人會幫我們沖熱飲……食物有壽司、刺身、沙律、芝士、湯、湯麵、熱盤、麵包、牛扒、多款印度咖哩……水果有橙、西瓜、哈密瓜、火龍果；雪糕有牛奶公司、haagen dazs朱古力、雲呢拿、士多啤梨；蛋糕勁多款，勁靚、勁吸引！整體非常滿意，過了非常愉快的一晚！（利申：早一日訂座有七五折。）…查看更多

第一次喺度食自助午餐，喺Klook上面買午市有優惠，環境舒服光猛，食物種類同味道都中上，食飽飽可以出去海旁嗰度行吓同睇吓船，收碟好快同職員都有禮貌，以後會再嚟。平日所以客人唔多，大堂好大，以後想試吓住埋房。出去可以去附近黃金海灘行吓，不過附近好似冇乜巴士小巴坐，交通方面就差啲，自己叫車酒店正門上落都好方便。屋企人食得好滿意，以後會再嚟，建議可以多啲牛扒種類，今日只有西冷同埋比較生同埋有啲難切，餐廳嘅刀唔係好好用。但係喺網上平台買嘅話性價比都好高。…查看更多