老馮茶居

【油尖旺區】【老馮茶居】食過佢哋大埔店，覺得麻麻，不過之後凌霄哥同馬鮫哥約呢間，我心緒不寧之下就冇乜所謂。用 QR Code 落單，見到佢哋餐牌都好多錯別字，我尊重菜式名所以就唔修改直出，希望各位讀者明白。首先有 $8 嘅「茶介」，揀咗普洱嚟飲，正正常常，冇特別。我覺得 $38 嘅「老馮鮮蝦餃」同 $26 嘅「豉汁蒸鳳爪」幾好，而 $36 嘅「蟹子燒賣皇」、$26 嘅「古法牛肉球」、$35 嘅「咖哩蒸魷魚」同 $35 嘅「金牌魚翅餃」就略為失望，比較一般。反而 $32 嘅「蜆介鯪魚球」肉質幾實，個醬又香，我哋覺得唔錯。之後 $30 嘅「鮮蝦腐皮卷」、$38 嘅「懷舊蝦多士」、$23 嘅「香煎蘿白糕」、$35 嘅「沙嗲豬大腸」同 $28 嘅「古法千層糕」都冇乜特別，連埋馬鮫哥嗰杯 $18 嘅「凍檸檬茶」，埋單 $466。只能夠講，裝修係有情懷嘅，不過食物味道就唔算好大驚喜。。。（地址：旺角奶路臣街17號THE FOREST 2樓203-205號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：大埔區分店：1am1118#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #旺角 #旺角東 #老馮茶居 #茶介 #老馮鮮蝦餃 #蟹子燒賣皇 #豉汁蒸鳳爪 #古法牛肉球 #咖哩蒸魷魚 #金牌魚翅餃 #蜆介鯪魚球 #鮮蝦腐皮卷 #懷舊蝦多士 #香煎蘿白糕 #凍檸檬茶 #沙嗲豬大腸 #古法千層糕 #1am1799 #1ambackup…查看更多

之前去過元朗同荃灣老馮，覺得都OK，今次來買旺角哩間比較新的鋪試下。系The Forest 二樓，算方便，裝修和寬敞比另外兩間好。服務(3分)- book左位，個40歲左右啊姐無乜禮貌- 其他後生伙計態度吾錯- 限時90分鐘，基本上OK，要吹水可能要搵其他，但點心鋪價錢，算唔錯。味道3分- 分量吾細-來老馮梗系希望食到老餅點心，咁都可以話吾少，好似  -沙爹豬大腸($35)     無臭味，夠”淋”,沙爹吾辣但夠香  -咖哩魷魚($35)    咖哩香得來吾辣，魷魚吾硬，  -牛腩腸粉 ($42)    - 比較少見，牛腩夠入味，吾黐牙，腸粉好滑  -糯米包($30)    除了形狀好似扁左D,味道都好似以前。  -蝦醬蒸腩仔飯($45)    哩個系貴小小，但腩仔分量夠，吾會太肥，蝦醬香得來吾咸-其他普通點心  -鯪魚球($26)    表面好似有D硬化，魚肉味吾夠   -牛肉球($26)      牛肉味吾夠，肉比較實   -蝦餃($38)     蝦吾夠爽，亦吾算大隻，但皮幾薄   -菜心($20)      中上水平抵食(3分)- 位置，裝修，環境，價錢加起來性價比還是不錯。- 兩個原因拉低分 - 要收10%服務費就好似吾值得 - 茶錢$8一位，但茶味欠奉。…查看更多

羅漢齋腸粉，食得出的手工拉腸，腸皮是較厚身有米味，結結實實，一碟會半飽個款，餡料好足，上碟3大條粗身款，甜醬油調得剛好，非常好食。腸粉堅好食，我淨叫米皇腸外賣自私食四寶雞扎，大大件，魚肚冬菇厚切配豬肚雞件，軟冧汁濃， 但我建議將豬肚片改為包裹芋頭更佳。鳳爪， 經典嘅醬料味道，穩打穩紮，這家改用齋根襯底，我覺得普遍用豆卜襯底，更能吸塑醬汁， 我今日食到嘅齋根底有啲厚實，怕是蒸唔透。。。炸芋角，不俗，含肉碎餡。手工點心，樣樣鮮製，環境還好，空氣流通但座位不算太舒適，還望改善；另收費系統自動進一（*即無小數位）。在同區點心店性價比高，支持本地食肆，港人嘴刁，識貨自來。…查看更多

太耐冇上The forest, 本來想食原址…. 但原來都已經結咗業，咁見依間好似幾有特色，同埋食點心都OK，咁入去試吓….. 佢哋要咗兩邊鋪，但係今晚只係開咗一邊…… 都見都滿八成人，雖然係平日晚上……啲裝修懷舊設計有八九十年代上環啲舊樓咁，又有啲九龍城寨feel，值得欣賞……. 食物方面都係傳統點心都叫咗五個點心，咁質素上唔會太差，其實唔想飲熱茶，咁是但叫普洱…另外叫咗凍飲….叫左鵪鶉蛋燒賣皇，四贅滑雞扎，蜆介鯪魚球，老馮金沙米皇腸，古法千層糕…全部啲味道都唔錯⋯⋯佢喺旺角中心位置開中式點心其實亦都係一個好嘗試，價錢都算合理，大家有機會去試吓….…查看更多

本人第一次去老馮飲茶，因為天氣好熱😰，又有毛孩🐶，所以揀一個毛孩可以去嘅地方食飯🍛，早上訂位時候已經確認90分鐘用膳時間，到咗之後，都等咗10分鐘，不過冇所謂，點知原來去櫃檯攞位嘅時候已經開始計時，足足冇咗10分鐘用膳時間，5+ 1人坐4人枱，非常擠迫，本來以為佢會計返入座時間，點知食咗60分鐘之後，職員行過嚟，話用膳只剩10分鐘，我吔都好愕然，當然我哋據理力爭，職員堅持講，用餐時間只有75分鐘，當然你一句，我一句⋯⋯，交涉之間，職員態度非常不友善。最後我哋成功爭取返90分鐘用膳時間。當結帳嘅時候，職員態度也非常一般。總結，食物價錢可以，座位空間非常狹窄，職員態度一般水平以下．不會再去，完。 ps:嬲到連相都冇影。…查看更多

2個人叫了以下5樣食物：蜆介鯪魚球 $32煎釀虎皮尖椒 $30老馮鮮蝦腸 $30臘腸滑雞飯 $41高湯菜心 $20共$153，茶介2位共$24 （每人$12)，另加一服務費$17.7，埋單$195，即係食物外，要比多27%，茶介有點貴，我哋叫嘅係菊花茶，但冇菊花味，好似飲緊清水，另要加一，唔係好值，如果要做平民價，要加一唔係好理想，如果要做中高檔，食物水準又未到。食物普通，服務一般，可以講係冇，收銀位阿姐冇咩禮貌，旺角區有好多選擇，冇特別，唔會有下次。…查看更多

已經係第四次嚟到老馮茶居聚餐，呢度無論講食物質素或者服務我覺得都做得好好講到食物有幾款係我特別鍾意同埋想推介畀大家：馬拉糕、章魚肉餅飯、蝦多士、酥炸芋角、蝦餃、燒賣、 鵪鶉蛋燒賣，以上呢幾款都係我嘅至愛誠意推介畀大家可以去試吓講到服務我留意到老馮茶居裡面有好多年青有活力嘅員工，見到佢哋每一個都非常勤奮，就算幾忙都好都係笑住做，見到食客呼叫亦都係馬上回應，十分讚老馮茶居環境寬敞適合一大班人去聚餐，而且地點非常就腳，喺旺角已經有一間…查看更多

呢間點心店有好幾間分店，咁啱到旺角做嘢，一於lunch 試下佢。 入座/等位：平日中午十二點幾黎，都已經滿哂人。要攞飛仔等，咁啱四人位有人食完，等左五分鐘左右。 等嘅期間，可以寫定食咩。 環境：我會形容為半開放式空間，基本上成間店係無“牆”嘅。 都係一啲印左傳統店鋪嘅裝飾，應該係想營造露天大牌檔feel 嘅餐廳。感覺空間感幾好。 食物：鮮蝦腐皮卷，$30。 好脆同埋入面嘅肉係實嘅，食落唔空虛。牛肉腸，$28。 腸粉底食落唔會有工業膠感，就算放涼左都唔會變厚底，感覺到係新鮮整。肉都好好，唔會有一種一般牛肉腸嘅“腥”味。時菜，$20。 無咩特別，正常。 魷香肉餅飯，$39。好香，飯唔會太乾，十分適撈豉油同肉！ 肉餅都唔會過咸，成個醬油肉餅同飯配合得好好。 黑椒牛仔骨，$38。牛仔骨正常。 老馮鮮蝦餃，$38。皮唔穿有汁有滿足感，完全做到哂，無令我失望。 蟹子燒賣皇，$36。 食落豬肉份量肥瘦適中，我本身好鍾意呢款有嚼口但唔油嘅肉質。總結：我覺得呢間CP值係高嘅，特別放係旺角呢個地段。但多人黎食就真係要早啲攞位。 …查看更多

去開荃灣 老馮茶居 ，今次嚟到旺角 ，當然都試下啦，睇下乜嘢唔同。 正如我的標題所講，可能呢度租貴，所以要加一。喺地圖去搵原來我都兜咗幾個大圈，問街坊點紅點綠終於嚟到。不過原來呢度 ，就唔係好似荃灣咁， 呢度 係唔收查錢㗎。食咗個荃灣冇得食嘅 芋蓉 西米布甸， 30蚊有啲失望 ，好似冇乜料，味道真係唔敢食第二次。20蚊灼生菜又 okay 喎，做得好過荃灣。我多口問下夥記，係咪每一間老鳳都係差唔多？ 有一位阿姐話，佢哋基本上點心都係真係差唔多。 但係呢度性在打卡點多同埋啲位冇咁窄…查看更多

🟡茶介每位$8，店內嘅裝潢充滿懷舊氣息，有舊時香港嘅舖頭設計，讓人彷彿回到從前充滿故事嘅年代，無論係同朋友聚會，定係獨自一人享受一杯茶，亦都係一個好好嘅選擇🤤🥰🌿環境：4.5/5🔔服務：5/5🌟推介指數：5/5…查看更多

自費呢間位於旺角嘅主打懷舊中式茶樓我覺得都幾唔錯嘅佢有好多各式各樣唔同特色嘅點心我哋亦都嗌咗糖水嗌咗鯪魚肉佢嘅牛肉球都係幾好食都係佢哋嘅主打嚟嘅佢個環境真係勁靚，好似去咗中國懷舊風味咁樣，所以我覺得佢哋都好有心思做得好靚環境好好我都覺得好唔錯嘅我都幾鍾意佢哋呢間餐廳㗎服務質素高叫識點就已經有得食好快已經有得食㗎啦唔使等好耐㗎佢哋嘅茶葉都係好好飲嘅好有味道好有茶味我覺得價錢唔錯呀都適合嘅如果有興趣食點心都可以揀…查看更多

放工落樓下食老馮茶居，裝修懷舊，好多打卡位，又用公雞碗筷，紅膠盤洗碗碟，好有舊式茶樓嘅味道。飲茶蝦餃燒賣腸粉蒸飯，基本點心唔少得，雖然唔似酒樓有咁多選擇，但樣樣都有一定水準。點心當中竟然有鮑汁柚皮鴨腳扎，已經唔係好多茶樓有得食 竟然喺呢度搵到真係有啲意外。柚皮處理得幾好，極度入味，冇乜渣，鴨腳入味，腐皮入邊係包蝦滑，經過好推薦試下！另外，蒸飯都好足料，米飯都蒸得好靚，算係粒粒分明。仲有燉湯都唔錯，試晒兩款，個人推介椰子燉鱷魚肉湯，唔似味精湯，好足料，亦好夠味道，可以一試。無論環境，食物同服務都好好，下次經過我諗我都會再食。…查看更多

Yumcha and dimsums go hand in hand & when we’re in 🇭🇰 we can’t not have some right! 🤗. We visited @oldfung_tea_house in @theforesthk the other day and loved the decor and nostalgia that this place brings. The food was reasonably priced and taste overall was decent. The fried prawn in bean curd wrapped in rice rolls was amazing - definitely a must try 🤤.It’s a great place to sit & catch up, plus you get to enjoy some great dimsums 😊...#openricehk #foodsafari #hongkong #hklife #hkfood #hkfoodie #hkig #hkeats #hkfoodblogger #foodie #foodporn #foodpics #foodlover #foodstyle #cameraeatsfirst #相機食先 #yolo…查看更多

今天到旺角FOREST新開的點心店吃午餐，此店確實讓人眼前一亮，不僅裝潢充滿香港懷舊風情，點心的質素也相當出色。全日供應多款傳統手點心，食材非常新鮮，即叫即製，而且價錢經濟，還有蒸飯、甜品、燉湯、飲品等。每一個角落都非常有特色，裝修行香港懷舊風情路線，座位闊落，空間感十足，我們立即瘋狂打卡。蝦餃餃皮非常薄，透亮且富有彈性，內餡的蝦肉新鮮爽口，份量十足。四寶滑雞紥口感豐富。雞肉滑嫩。老馮鯪魚球鯪魚球外層煎得微脆，內裡魚肉鮮嫩，口感彈牙。金牌叉燒包叉燒包的包皮鬆軟，內餡的叉燒肥瘦適中，醬汁香甜而不膩。鮮蝦腐皮卷腐皮炸得金黃酥脆，內裡的蝦仁飽滿多汁，口感層次豐富。香脆的外皮與鮮甜的蝦肉完美結合。招牌牛腩腸粉腸粉的質地滑嫩，牛腩燉得軟爛入味，醬汁濃郁但不搶味，非常特別的腸粉。蝦醬蒸腩仔飯蒸飯的蝦醬味道濃郁，腩仔肉肥而不膩，入口即化。米飯吸收了蝦醬和腩仔的香味，吃起來非常入味。最後，我們還叫了凍奶茶。估不到這間茶居還有甜品和凍飲呢。點心質素相當高，食材新鮮，味道傳統卻不失創新，價錢也非常合理。加上店內的懷舊裝潢，確實是一個適合打卡和享受美食的好地方。…查看更多

朋友介紹，第一次去食滿心期待，我沒有驚喜不特止，點心味精太重😞，食完後我飲到六七杯水以上，懷舊款式款不太多，食物份量比少而且價錢昂貴，店舖裝修以懷舊做主題可以值得打卡嘅，但服務一般,因為場內有位，但沒有人理會沒有人安排入座直到我親自問職員才注意到你😔…查看更多