老馮茶居

【油尖旺区】【老冯茶居】食过佢哋大埔店，觉得麻麻，不过之后凌霄哥同马鲛哥约呢间，我心绪不宁之下就冇乜所谓。用 QR Code 落单，见到佢哋餐牌都好多错别字，我尊重菜式名所以就唔修改直出，希望各位读者明白。首先有 $8 嘅「茶介」，拣咗普洱嚟饮，正正常常，冇特别。我觉得 $38 嘅「老冯鲜虾饺」同 $26 嘅「豉汁蒸凤爪」几好，而 $36 嘅「蟹子烧卖皇」、$26 嘅「古法牛肉球」、$35 嘅「咖哩蒸鱿鱼」同 $35 嘅「金牌鱼翅饺」就略为失望，比较一般。反而 $32 嘅「蚬介鲮鱼球」肉质几实，个酱又香，我哋觉得唔错。之后 $30 嘅「鲜虾腐皮卷」、$38 嘅「怀旧虾多士」、$23 嘅「香煎萝白糕」、$35 嘅「沙嗲猪大肠」同 $28 嘅「古法千层糕」都冇乜特别，连埋马鲛哥𠮶杯 $18 嘅「冻柠檬茶」，埋单 $466。只能够讲，装修系有情怀嘅，不过食物味道就唔算好大惊喜。。。（地址：旺角奶路臣街17号THE FOREST 2楼203-205号舖）呢间餐厅我写过其他分店嘅用餐体验以及食物，如果想睇，可以打以下 hashtag 搜寻返𠮶次嘅用餐体验记录：大埔区分店：1am1118#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺区 #旺角 #旺角东 #老冯茶居 #茶介 #老冯鲜虾饺 #蟹子烧卖皇 #豉汁蒸凤爪 #古法牛肉球 #咖哩蒸鱿鱼 #金牌鱼翅饺 #蚬介鲮鱼球 #鲜虾腐皮卷 #怀旧虾多士 #香煎萝白糕 #冻柠檬茶 #沙嗲猪大肠 #古法千层糕 #1am1799 #1ambackup…查看更多

之前去过元朗同荃湾老冯，觉得都OK，今次来买旺角哩间比较新的铺试下。系The Forest 二楼，算方便，装修和宽敞比另外两间好。服务(3分)- book左位，个40岁左右啊姐无乜礼貌- 其他后生伙计态度吾错- 限时90分钟，基本上OK，要吹水可能要揾其他，但点心铺价钱，算唔错。味道3分- 分量吾细-来老冯梗系希望食到老饼点心，咁都可以话吾少，好似  -沙爹猪大肠($35)     无臭味，够”淋”,沙爹吾辣但够香  -咖哩鱿鱼($35)    咖哩香得来吾辣，鱿鱼吾硬，  -牛腩肠粉 ($42)    - 比较少见，牛腩够入味，吾黐牙，肠粉好滑  -糯米包($30)    除了形状好似扁左D,味道都好似以前。  -虾酱蒸腩仔饭($45)    哩个系贵小小，但腩仔分量够，吾会太肥，虾酱香得来吾咸-其他普通点心  -鲮鱼球($26)    表面好似有D硬化，鱼肉味吾够   -牛肉球($26)      牛肉味吾够，肉比较实   -虾饺($38)     虾吾够爽，亦吾算大只，但皮几薄   -菜心($20)      中上水平抵食(3分)- 位置，装修，环境，价钱加起来性价比还是不错。- 两个原因拉低分 - 要收10%服务费就好似吾值得 - 茶钱$8一位，但茶味欠奉。…查看更多

罗汉斋肠粉，食得出的手工拉肠，肠皮是较厚身有米味，结结实实，一碟会半饱个款，馅料好足，上碟3大条粗身款，甜酱油调得刚好，非常好食。肠粉坚好食，我净叫米皇肠外卖自私食四宝鸡扎，大大件，鱼肚冬菇厚切配猪肚鸡件，软冧汁浓， 但我建议将猪肚片改为包裹芋头更佳。凤爪， 经典嘅酱料味道，稳打稳扎，这家改用斋根衬底，我觉得普遍用豆卜衬底，更能吸塑酱汁， 我今日食到嘅斋根底有啲厚实，怕是蒸唔透。。。炸芋角，不俗，含肉碎馅。手工点心，样样鲜制，环境还好，空气流通但座位不算太舒适，还望改善；另收费系统自动进一（*即无小数位）。在同区点心店性价比高，支持本地食肆，港人嘴刁，识货自来。…查看更多

太耐冇上The forest, 本来想食原址…. 但原来都已经结咗业，咁见依间好似几有特色，同埋食点心都OK，咁入去试吓….. 佢哋要咗两边铺，但系今晚只系开咗一边…… 都见都满八成人，虽然系平日晚上……啲装修怀旧设计有八九十年代上环啲旧楼咁，又有啲九龙城寨feel，值得欣赏……. 食物方面都系传统点心都叫咗五个点心，咁质素上唔会太差，其实唔想饮热茶，咁是但叫普洱…另外叫咗冻饮….叫左鹌鹑蛋烧卖皇，四赘滑鸡扎，蚬介鲮鱼球，老冯金沙米皇肠，古法千层糕…全部啲味道都唔错⋯⋯佢喺旺角中心位置开中式点心其实亦都系一个好尝试，价钱都算合理，大家有机会去试吓….…查看更多

本人第一次去老冯饮茶，因为天气好热😰，又有毛孩🐶，所以拣一个毛孩可以去嘅地方食饭🍛，早上订位时候已经确认90分钟用膳时间，到咗之后，都等咗10分钟，不过冇所谓，点知原来去柜台攞位嘅时候已经开始计时，足足冇咗10分钟用膳时间，5+ 1人坐4人枱，非常挤迫，本来以为佢会计返入座时间，点知食咗60分钟之后，职员行过嚟，话用膳只剩10分钟，我吔都好愕然，当然我哋据理力争，职员坚持讲，用餐时间只有75分钟，当然你一句，我一句⋯⋯，交涉之间，职员态度非常不友善。最后我哋成功争取返90分钟用膳时间。当结帐嘅时候，职员态度也非常一般。总结，食物价钱可以，座位空间非常狭窄，职员态度一般水平以下．不会再去，完。 ps:嬲到连相都冇影。…查看更多