老虎岩(第6座)潮式粉麵咖啡

因事到了大埔區，記起同事提及過牛腩蛋治，於是來此潮汕麵家一試。先來一碗雲吞河粉，屬於中型的晒士。見到河粉之上浮沉著四顆雲吞，食完一顆，只覺普通不已，蝦不算十分爽彈，豬肉亦未夠綿嫩。湯底淡而無味，連帶河粉亦然，必需加豉油辣油，方可入口。見到有芝士蛋牛腩三文治，小人覺得新奇，一於叫來一試，原來還可以拼燒賣的！約莫等了十多分鐘，熱辣辣的三文治抵達。麵包烘得脆，有牛油香，牛腩卻只是勁腍的牛肉，芝士和蛋味都很薄弱；燒賣同樣過腍，而且偏鹹。所謂的牛腩芝蛋治，試過便算。…查看更多

因為2年前食過一次覺得幾好..所以今次特登再黎食～～～唔知係轉左手定點…今次我直頭用難食黎形容我地叫左腩河同腩面，全日餐，同燒賣拼盤腩河腩面 … 連個湯底都唔好👎🏿面唔好食 河粉唔好食 腩唔好食 完全日餐（3粒燒賣加半份三文治🥪） 燒賣極難食…又唔彈牙又唔熱…一睇就係蒸左全日果啲款 燒賣拼盤炸燒賣 原味燒賣 芫茜燒賣 炸左果隻仲會彈牙香口啲 其餘兩隻燒賣…睇見都冇食慾！全程得三文治叫做好啲如果大家係為左食手工燒賣黎…真係可以不了…查看更多

喺網上搵大埔有咩美食，睇到呢間餐廳話有手工燒賣，就來試吓。餐廳非常細小，冇裝修嘅茶餐廳樣貌。 牛腩蛋芝士治 名字好有新鮮感，就點來試下。來到嘅賣相好唔靚同埋唔討好，食落去亦都係一個好普通嘅蛋治，完全食唔到牛腩嘅味道，亦都食唔到芝士味。十分普通，唔明點解睇之前d 評論會推介。燒賣拼盤 燒賣拼盤有芫荽燒賣、普通燒賣、同埋炸燒賣。先講蒸燒賣，個質地非常之唔彈牙，質地好軟淋淋冇口感，亦都食唔到魚味。除左芫荽燒賣就真係食到芫荽味，但係除此亦都冇咩好食嘅點。個質地同口感有d 伏，唔推介。反而炸燒賣外皮脆脆地，係成碟嘢比較好味嘅。🤔黑松露雲吞普通嘅廣東式雲吞，蝦同肉嘅質地唔算特別爽彈。黑松露嘅味道亦都唔突出。好普通。沙茶牛肉飯 $59好鹹好鹹！太多醬！同埋啲醬攝咗喺牛肉入邊撈埋一齊，啲牛肉勁鹹 ! 本來小店就儘量唔想比負評，但......真係樣樣都咁求其。難得來大埔想搵下地區美食，食完好有失落感。…查看更多

老虎岩在大埔己經開了幾年，主打潮汕食品，近日有新攪作，提供靚茶+點心梗係要第一時間去試吓靚茶$18起跳，要咗壺普洱，提供茶盅，懷舊feel返晒來，品質直迫陸羽，蓮香要咗兩蒸兩炸點心咖哩角+春卷，香脆可口，味道一流蝦餃好過晒一般中央厨房出品，爽肚直的十分爽，味道微la辣好到不得了重有價格十分合理，為此，營業時間延長至晚上九時…查看更多

早排專登嚟到大埔，就係想試下兩間出名嘅燒賣，根據傳媒喺2022年嘅報導，呢一間舖頭嘅燒賣，其實係師承區內另外一間出名嘅小食檔嘅燒賣，但係呢個徒弟好好，避免去用同一樣嘅食材去製造燒賣，呢度主打嘅係芫茜燒賣。唔使擔心，因為我都係好怕食啲太勁芫茜味嘅人，呢度嘅芫茜燒賣唔係非常重口味嗰款，反而有一種陣陣嘅清香，感覺非常之清新。（可能重口味嘅人士就會覺得唔夠喉喇）最重要嘅係鯪魚肉同芫茜係夾到嘅。如果真係真係好驚芫茜嘅話，佢哋呢度都有走芫茜嘅版本可以畀你食。…查看更多

我已經一段時間沒有食牛腩蛋治但今日一試，超級進步拉絲芝士好夾牛腩的香三文治烘底，烘得剛剛好，熱的上枱，一試難忘可以再來encore加上一杯黑糖仙草奶茶（熱的）帶給我很滿足的上午…查看更多

老虎岩是一家以全日餐（茶餐）聞名的餐廳，他們的菜單中有一些經典美食值得推薦。首先，他們的蒸原味芫茜燒賣是一道必試的點心。這款燒賣以鮮嫩多汁的豬肉為主，加入了芫茜的香氣，口感豐富。此外，他們的手工燒賣也是非常受歡迎的選擇。無論是蒸的還是炸的，這些手工燒賣都有著香氣四溢的內餡和酥脆的外皮，讓人垂涎欲滴。另外，老虎岩的金茶王奶茶是一杯不能錯過的飲品。這杯奶茶擁有濃郁的茶香和順滑的口感，甜度適中，非常好喝。不僅如此，老虎岩的奶茶還具有獨特的口感和香氣，讓人一喝難忘。總而言之，老虎岩的全日餐點心和奶茶無論是口味還是品質都非常出色。無論你是想品嚐道地的香港茶餐廳美食還是喝一杯濃郁的奶茶，老虎岩都是一個不錯的選擇。…查看更多

進入老虎岩，點左份手打魚肉燒賣，首先就係賣相吸引到我👀。鮮豔既蒸籠裡頭嘅燒賣圓滾滾、煙騰騰，仲撲鼻而來嗰股野真係勁香呀！一口咬落去，魚肉香味十足，肉質鮮美得黎彈牙，豬肉嘅香味亦都相當濃郁。啲燒賣汁水多，好惹味都唔滯口😋。配埋個辣椒油更加係錦上添花，辣得啱啱好，一啖咬落去過後喉嚨暖笠笠嘅，完全唔會辣辣地搞到人辣死辣活。每啖食落都覺得好滿足，真係少少癮口。同桌隔籬嘅熟客見我咁投入，仲笑住同我講：「呢度嘅燒賣，真係好似你食得咁，叫做勁正！」咁樣真材實料、有傳統味道嘅燒賣，真係唔俗👍！呢間舖頭真係掂爆，味道正，份量又夠，下次有時間一定仲要再黎試埋其他招牌。有得食咁正宗嘅港式點心，真係幸福到講唔出！…查看更多

［老虎岩(第6座)潮式粉麵咖啡］好耐冇食過老虎岩🙂🙂之前好鍾意食佢的牛饕河(牛腩、牛三寶、汕頭牛丸)😙😙我印象中佢係有早餐就去食下啦🐮🐮招牌牛三寶河- 有牛孖筋、金錢肚、牛膀今次食真係有D失望🙁唔知點解碗麵咁咸既牛三寶就正常發揮冇左以前個種好好食的感覺🥹🥹原味燒賣- 不嬲都知佢地的燒賣係手打的👍🏻今次點解好似隔左夜咁🙁同埋以前覺得彈牙, 但而家覺得係有D膠膠地咁同埋上枱好似唔夠熱有D失望🥹🥹期望佢變返以前的水準🙂🙂回頭指數(10分) : 5分✓ ✓ ✓ ✓ ✓價錢(5分):💰💰💰味道(5分):😋😋打卡(5分):😊😊…查看更多

今日諗住去食蔡潤記，點知已經打烊了，見到老虎岩就去睇下，冇人但都可以試下，第一次去，冇諗過叫左個魚饕麵，一來到就比左個未煮開既麵餅加三粒魚蛋（厚實）唔知點解又比左魚角和炸燒賣（其實係寫炸魚皮）響諸多不滿既情況下，一食就覺得中伏！以後都唔會再來！原本個餐係$49 包杯免費既茶走！初時冇講，我哋後來睇到追埋杯茶走，點知又係一杯勁失望既茶走🥹🥹我們今次去食既味道真的不可一，也不可再🙈🙈🙏🏻🙏🏻…查看更多

叫咗一個魚蛋幼面，個碗面黎到個店員已經成隻手指公插在碗入邊。 d 幼面 一Pat 野咁，煮到過晒龍🌚🌚🌚🌚🌚🌚 個面超難食 ，個湯又無味 得4粒魚蛋 仲要有陣膠味唔會再食…查看更多

已經光顧了數次的老虎岩潮式粉麵，一直出名嘅係手打魚肉燒賣。在試過牛腩粉麵後發覺牛腩粉麵亦相當不錯。牛腩入味，肉質柔軟，湯底濃味亦可選擇多牛腩汁。今日亦點了一個炸燒賣，手打燒賣品質一如既往，能嘗到豬油的味道！…查看更多

早排在電視上看到節目，介紹這間店舖的芫荽燒賣及辣椒油，今日專登去試一試！首先，看到餐牌上的燒賣是有芫荽的，但是原來文字上是沒有寫上，我就是沒有看到文字，那就中伏了！食物飲品到齊可以試試，燒賣算是飽滿，但味道不夠，辣椒油不是想像中那般香，只有死咸！不過炒蛋牛腩芝士多士算好食，有濃濃的牛油香味，熱度也足夠！最後凍奶茶，雖然未算難飲，但茶奶都不夠香，只是一般飲得入口！最後埋單順便問下，反正來了，辣椒油可以買走嗎？職員回答要自己帶器皿來盛載，我心諗那就不用了，反正又唔係太好食，仲要咁麻煩，慳番！本來好想劣評，但見份麵包都Ok！伙記態度又未至於太差，放你一馬！但下次經過都應該唔會光顧了！…查看更多

老虎岩本身係潮式粉麵舖主打滷水牛腩近年最出名仲有賣自家制芫茜手工燒賣😝今次難得入到大埔就試埋牛腩蛋芝士三文治🥪牛腩蛋芝士三文治（半份）手打魚肉燒賣3粒 $42🌟👼🏻牛腩蛋芝士三文治（半份）🥪一上枱已經聞到好香外表睇已經見到好足料😆包底有烘過勁脆卜卜食落好似炸過咁☺️牛腩粒屬於半肥瘦食落軟腍唔乾身味道唔會太濃味蓋過曬其他材料炒蛋嫩滑加埋新鮮嘅蕃茄同半溶芝士🧀食落口每一啖都好豐富好滿足🥯小編們當日已經有少少飽🤫但係都仲係食到停唔到口可見呢個三文治有幾正🥹👅味道:8.5/10🙋🏻‍♂️推薦:8.5/10👼🏻手打魚肉燒賣味道正正常常不過不失咁但外皮比外面食到嘅魚肉燒賣黏口唔知點解感覺上唔點豉油比較好食當三文治同燒賣放埋一齊比較燒賣比較失色🤔👅味道:6/10🙋🏻‍♂️推薦:5/10👼🏻芫荽燒賣4粒 $16食落芫茜味並無想中咁重芫茜控可能會有啲失望外皮同原味一樣係有少少黏整體黎講並唔係太特別價錢上都比較貴👅味道:6/10🙋🏻‍♂️推薦:6/10📌老虎岩嘅牛腩蛋芝士三文治真係好驚艷到小編，真係好推薦！🤩小編今次就無試到粉麵，下次要試埋好出名嘅牛饕河🫡‼️以上食評只反映當日食物質素及本人主觀感受…查看更多

呢一間店有一個出咗名嘅燒賣，芫茜燒賣我都係慕名而來。買咗2串8粒，16蚊一串嚟講性價比就唔算高，但味道就真係唔錯第一啖咬落去已經有濃郁嘅芫茜味，而且係一路食一路更加出味，肉質有啲似豬肉燒賣，而且佢蒸嘅時間都控制得好好，唔係嗰啲蒸到甩哂皮嘅，啲皮都仲爽身，煙靭。配番佢嘅豉油，濃而不鹹，辣椒油香而少辣。食到佢樣樣都係自己整出嚟。…查看更多