老虎冰室

营业中

休息中

一直都幾鍾情老虎冰室的風格，當屯市的茶記漸漸被連鎖店取代，老虎冰室仍然保持當初進駐時的風格，即使有時食物，水準有些飄忽，但仍是同區較好的茶記。這天下午茶時段來到，雖然可以選擇下午茶套餐，但仍被他的常餐所吸引，只因霖迪的最愛就是這家的撈麵系列，而且瑞士雞翼幾乎是每次必食的。瑞士雞翼撈丁常餐($65)，曾經在老虎冰室消失過一段時間，如今終於復出了！四隻豐滿肥美的巴西雞翼，被甜惹的瑞士汁炆煮入味，咬下油花四濺，一點也不乾柴。唯一的缺點是這次的瑞士汁，有點走火入魔，太甜膩了，是冰糖下得太多？用來撈麵太甜也不是好事，但總的而言，還是霖迪鍾情的口味，但若然是偏向清淡的客人，這款撈麪還是慎選吧。常餐包括火腿奄列和丹麥多士，火腿奄列半熟的炒蛋配上暖暖的火腿，是水準之上，更欣賞的是用上丹麥多士，帶點牛油香氣，比起白麪包已經好有誠意，但如果能夠抹上一點牛油就更理想。老虎冰室的凍檸茶是新派港式風味，茶底偏向濃郁用的是真．檸檬，從來都是穩陣不出錯。雖然老虎冰室的定價稍高，但始終是購物商場餐廳，環境亦尚算舒服，親民餐廳來說個人十分推薦。

放假同屋企人行吓街食吓飯！ 晚上嚟到屯門V City 一樓嘅 - 老虎冰室😋餐廳全部以卡位設計，闊落舒適，原來呢間冰室食物選擇都幾豐富，唔單止有鐵板餐，仲有鑊氣小炒，炒粉麵，撈麵，西餐，秘製咖喱🥘，小食，湯粉麵，樣樣都齊今晚同屋企人試吓個雜扒餐先！🔸老虎雜扒（餐）🔸老虎雜扒，用鐵板奉上，客人面前淋上黑椒汁，吱吱聲香氣撲鼻非常吸引🤩，令人食慾大增，食物豐富，包括豬扒、雞扒、煙肉、焗薯🥔、西蘭花🥦、蕃茄🍅配黑椒汁，一個人絕對食唔晒😜🔸日式粟米湯🌽🥣🔸跟餐附送日式粟米湯，🌽粟米粒粒清甜，味道夠濃郁🔸薄荷青檸梳打🔸食完咁多肉，飲番杯特飲薄荷青檸🍋‍🟩梳打，解渴又減膩👍🏻🔸二世祖（撈丁）🔸呢款撈丁真係好夠料啊！材料有鮑魚、帶子及花菇，撈丁豉油及鮑汁鹹香適中，非常惹味🔸菠蘿冰🍍🔸配返個冰凍嘅菠蘿冰，夏天飲就最啱，仲有粒粒菠蘿🍍邊食邊飲🔸芝心🧀蝦多士（6件）🔸蝦多士即叫即做，炸到脆卜卜，上面鋪滿彈牙蝦膠，咬開中間仲有流心芝士，非常邪惡，但又好好味🔸懷舊鴛鴦飯🔸唔係好多地方有呢款鴛鴦炒飯食，一個炒飯有兩款味道，一邊係忌廉白汁大蝦炒飯，另一邊係茄汁雞柳炒飯，好滿足呀！🔸無味精老火湯 🔸今日老火湯喺西洋菜

🇭🇰 屯門-老虎冰室Vcity有咁多餐廳！朋友仔突然話想食冰室～就一齊去咗呢間老虎冰室食，環境大，衛生都不錯，好多野都係自助去拎⋯⋯我覺得衛生啲又方便自己😌幾好！⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗👅 鮮蝦雲吞撈粗(⭐9/10)$66大大隻原隻鮮蝦，超級驚喜，皮薄餡靚調味仲好好食。面底唔會好乾，份量好足，最重要嘅係冇麵粉味，加埋辣椒油食仲一流～👅 西冷牛扒餐 (⭐8/10)$138牛扒大大塊，唔係乾柴嘅，食落有肉汁而且厚切，仲有濃濃嘅黑椒汁配搭～五成熟嘅肉啱啱好😗呢個餐仲有配有粟米湯㗎👅 老虎辣雞翼(⭐8/10)$76雞翼數量都幾多，而且大隻肥美，雞翼亦都整得好入味，不過辣味就略嫌較表面，因為佢啲辣粉淨係沈上面，所以辣味就唔係好出～👅 黑椒牛柳絲炒意粉(⭐8/10)$78呢個炒意粉炒得勁惹味喎，一嚟到已經香噴噴，而且佢用咗黑椒炒，有小小辣辣地嘅感覺，食落就更加令人停唔到😍大推！👅 懷舊香蕉船(⭐7/10)$42香蕉船有三色味雪糕～用嘅雪糕似係以前成日食既雀巢三色雪糕？😂😂係懷舊嘅味道 側邊兩旁就係Cream🤪成個香蕉船出到嚟都幾靚 啱打卡！⍗

【屯門vcity茶餐廳🐯老虎冰室】-收工係屯門食埋晚餐🥣食咗呢間街坊茶記『🐯老虎冰室』😙味道中規中矩，但勝在就腳同坐得舒服😌～-😋法蘭西多士🍯$48多士沾上蛋漿煎到金黃香脆，再淋上楓糖😍一切落去啲牛油好似瀑布流出嚟🤩肥死但小編都會照食🤪同埋佢嘅麵包仲厚身鬆軟🥯中間係搽咗有花生粒嘅花生醬🥜非常加分👍🏻好味指數：🌕🌕🌕🌕🌑-😋老虎雜扒🥩$108老虎雜扒有雞扒、牛扒、煙肉🥓同埋司華力腸，淋埋黑椒汁係鐵板滋滋滋🥳超香～焗薯落咗酸忌廉幾好食～跟餐送日式粟米湯🌽好味指數：🌕🌕🌕🌕🌑-😋老虎蟹避風塘炒麵 $98有軟殼蟹同虎蝦，個樣幾靚仔😙但蝦肉唔係咁新鮮～炒麵都有鍋氣炒得幾乾身好味指數：🌕🌕🌕🌑🌑-😋薑蔥牛肉撈粗 $62呢碗味道一般😐撈粗煮得有啲腍冇咩味🧐鹼水味都比較淡（不過茶餐廳又唔係麵檔，正常啦～牛肉撈粗包老火湯一碗，都幾足料，好多紅蘿蔔🥕飲落係熟悉嘅味精湯🤣好味指數：🌕🌕🌗🌑🌑-😋特飲 跟餐+$20小編同朋友分別嗌咗狂牛（雜果＋七喜+利賓納＋士多啤梨雪糕）同薄荷青檸梳打🍋‍🟩顏色好睇係小朋友會鐘意嘅味道👅好味指數：🌕🌕🌕🌑🌑-📍老虎冰室 (屯門)屯門屯門鄉事會路83號V City 1樓L1-1

本地冰室飲食趨向多元化，中西食物俱備，這間冰室位於屯門V city, 卡位好多，地方寬敞，中式小炒粉麵飯，西式小食扒餐都有，選擇多多，最喜歡這裏的茶餐和扒餐。生炸雞髀薯條炸雞髀好大隻， 外皮炸得金黃酥脆， 雞髀肉質鮮嫩多汁， 配搭香脆的薯條，點以茄汁，更是完美的配搭。生炸雞髀沙律什果沙律香甜清爽，和生炸雞髀的配搭相得益彰，正好平衡生炸雞髀的油膩感。二世祖西多（有鮑魚）配搭很有新鮮感，鮑魚的加入，使西多顯得更高級，鮑魚的鮮味和西多的甜香互相配合，口戚上加添了層次。老虎雜扒（餐）有牛扒、豬扒和雞扒，扒類外脆有質感，還有大塊煙肉、香腸和薯條，餐湯是日式粟米湯，真係好有份量。跟餐有飲品， 佢凍飲零含解渴。

叫左個下午茶，黑椒肥牛炒烏冬鹹到食唔到，汁多到以為整湯，黑椒汁太辣，價錢又唔係平，$58另要加一！飲品又要稀到水咁，不知所謂，以前新開幾好食，耐左就質素下降，失望。

今日去開屯門做嘢，咁啱經過vcity。咁就同媽咪一齊食下午茶，我見人又唔係好多，所以就即刻入咗去呢間店鋪。老虎冰室嘅食物中規中距，正常嘅味道唔會太差，又唔會太好，可以接受。

今日熱到痴肺，打完波想盡快去有冷氣嘅地方。揀咗V city呢間老虎冰室。因為太肚餓，嗱嗱聲即刻落單。叫咗個欖菜炒飯，乾炒牛河。老友見到有美祿即刻落單試吓。催咗兩次等咗接近25分鐘先至嚟齊啲嘢。見到隔籬枱遲過我哋都上晒。乾炒牛河牛肉算大塊都OK；齋啡都夠香。但個美祿好怪，稀瀨瀬唔知乜嚟。炒飯碎濕濕有少少燶嘅感覺。咁嘅價錢咁嘅質素，下次老虎蟹都唔會再嚟。

豬潤撈粗豬膶口感爽滑，依家好多餐廳都食唔到，軟腍且韌度剛剛好，濃郁既豬膶香氣。撈粗沒有鹼水既味道，扁薄又彈牙既粗身麵條!咸牛肉葱花炒蛋吐司烘過吐司，食落依舊鬆軟，多了一些咸牛肉味道，加入炒蛋香味，口感好豐富。黑椒肥牛撈意粉經典港式茶餐廳名菜， 放入肥牛及蒜蓉、洋蔥絲炒到好香，意粉爽滑，道融合了東西方既美食，熱辣辣又惹味！頭抽乾炒牛河乾炒牛河炒得較乾身，加入頭抽令河粉提升甜味，夠鑊氣又夠惹味!生炸雞脾配薯條用熱油炸到外皮脆卜卜，配上薄薄既炸粉，雞髀大隻且肉嫩滑，襯熱辣辣食就最好味道。瑞士雞翼精華係瑞士醬汁，味道夠晒入味又好香甜。懷舊香蕉船這款甜品喺冰室特式，香蕉切開兩邊，中間盛載三個雪糕球，有朱古力、雲呢拿、士多啤梨雪糕，雪糕香濃滑順，好滿足!

一向都鍾意去冰室食嘢，有經典嘅特飲同美食。同朋友去屯門站，VCity L1樓有老虎冰室，卡位好舒適，而且價錢較親民，主餐仲有熱飲送添！豬潤撈粗豬潤厚肉同份量挺多，食落新鮮帶鮮味兼爽口，仲有鑊氣！配搭爽口既撈麵，口感扎實帶嚼勁，香甜味道散發出來，浸落湯底食又有另一翻風味！超邪惡西多士黃金色澤嘅西多士，喺冰室最正又超邪惡既美食，麵包挺厚身外脆內軟，加上大塊牛油與熱辣辣嘅多士冰火交融，餡料有濃郁嘅花生醬料，食落口感酥脆😍。咖哩安格斯牛肉飯餐廳以安格斯牛肉作配料，軟嫩兼獨特既風味，配搭咖哩。 咖哩汁滲入牛肉，令肉質更加入味，與香濃咖哩汁搭配好惹味，撈飯食勁正。乾炒黑椒牛肉意粉牛肉要爽滑，再炒香洋蔥配菜，加埋黑胡椒碎超惹味，意粉乾爽彈，好夠鑊氣!狂牛特飲士多啤梨雪糕+七喜+利賓納+雜果，七喜激爽又夠，雪糕溶入飲品，好滋味。📍老虎冰室屯門鄉事會路83號V-city1樓L11舖

[✨屯門老虎冰室 ]#老虎冰室 #屯門 🌟 西冷牛扒餐 $128牛扒都幾大份下，厚切得黎食落一啲都唔柴，仲有好多肉汁超好食！跟餐仲有粟米湯同飲品，CP值滿滿👍🌟叉燒撈粗 $67叉燒好有水準，外脆內嫩，加上絲絲甜味調配得岩岩好；撈粗彈牙有口感，撈埋啲叉燒汁真係食唔停口😍🌟西蘭花蝦仁帶子 $163跟餐配白飯，老火湯&一杯野飲。西蘭花帶蒜香味好新鮮，炒得好夠火侯；帶子大大粒，入口彈牙嫩口，整體水準好出色。🌟洋蔥芝士滑蛋炸熱狗 $42有驚喜嘅一份小食，外層炸到勁脆卜卜，芝士炒洋蔥蛋好香口惹味火，正！————————♡♡♡♡♡♡————————✨總結CP值好高嘅冰室餐廳，選擇都好多下，無論係中菜炒粉麵，定鐵板扒餐水準都好高，連啲小食都好正，係屯門區內唔錯嘅日常飯堂之選。📍老虎冰室🏠屯門屯門鄉事會路83號V City 1樓L1-11號舖@tigercafehk #jmhkfoodie #hkfoodie #香港美食 #香港食評 #香港餐廳 #屯門 #屯門美食 #屯門好去處 #屯門食好西 #屯門餐廳 #老虎冰室 #屯門美食 #香港美食 #香港必食 #香港探店 #香港打卡 #香港旅遊 #香港必喝 #屯

新潮裝修配傳統冰室美食，畀「今晚打老虎」🐅同一大隻老虎🐯嘅霓虹燈💡吸引咗！呢度嘅食字食品名真係盞鬼有趣🤪，用廣東話玩創意，夠晒新意！✨📌撈粗野系列撈乜都掂撈麵💯🐷🍜叉燒撈粗，麵條彈牙，叉燒好juicy撈得夠入味，食落真係正！📌晏晝食乜好🤔🍅🐷🍜🍳🍞蕃茄濃湯豬扒通粉，濃湯夠香，豬扒嫩滑配埋丹麥蘇多士同蔥花火腿炒蛋，份量夠多食到好滿足！📌老虎蟹避風塘炒麵🐯🦀🍜軟殼蟹同虎蝦炸到金黃酥脆，避風塘風味濃郁炒麵夠鑊氣，啖啖都係驚喜！📌Hello炒飯🦐🦐🦐🍛主角係蝦膏、蝦米同蝦球，炒飯粒粒分明蝦味爆棚，Ian嘅fans “hellosss” 一定鐘意！📌懷舊香蕉船🍨🍌香蕉配七彩顏色嘅雪糕，淋上朱古力醬同彩糖懷舊feel十足，甜品控必試！📌狂牛 （雜果 + 七喜+ 利賓納+ 士多啤梨雪糕）🍍🥭🥤🍨飲品好特別，雜果加雪糕，甜酸平衡飲完好refresh！📌雪糕紅豆冰🍨🫘🧊紅豆夠軟糯，雪糕香濃夏天飲啱晒！📌凍檸茶🧊🍋🍵夠凍夠醒神，茶味濃，唔會太甜啱晒我口味！📌凍即磨咖啡🧊☕咖啡香濃，冰涼順滑飲落精神曬！

今次去左vcity老虎冰室🐯聽朋友佢地嘅蝦多士 幾好食 所以同🐨去試試Menu嘅選擇都幾多 又有好多特色食品同飲品見到有幾款扒餐 都好吸引😍芝心蝦多士
外層炸得金黃酥脆 超香脆 蝦膠爽口帶彈牙芝士心一咬帶點拉絲 香濃唔膩口感層次豐富 調味突出鮮味份量適中得黎每啖都好好食✨南乳豬手撈粗
豬手燜得軟腍 份量又足南乳香濃入味配埋粗麵彈牙夠夾 撈汁微甜帶鹹跟湯飲落清甜 加埋撈粗一齊食更香西冷牛扒餐
跟餐粟米湯 清甜順口每啖都有香脆粟米粒 暖胃開餐👍🏻西冷牛扒熱辣辣鐵板上 今次揀五成熟熟度剛剛好 食落juicy嫩滑✨蒜蓉汁香氣濃郁配埋焗薯同面頭嘅沙律醬食落軟糯 成個餐份量夠哂滿足❤️薄荷青檸梳打
梳打清涼爽口薄荷嘅香味 同埋 青檸酸味好和諧易入口又夠清新氣泡感十足 甜度自然 冰凍入口好解渴簡單一杯有提神效果 熱天飲落好清涼😎狂牛
成杯雜果酸甜開胃七喜氣泡同利賓納混搭出層次士啤梨雪糕添奶香食落冰涼順滑 飲落夠清爽 熱天消暑一流✨

老虎冰室真係一間好有特色嘅餐廳，入到去就好似返到六七十年代咁。牆上掛滿咗好多懷舊海報，仲有啲舊式嘅吊扇，燈光柔和，坐低就有種好舒服嘅感覺😎✨叉燒撈粗呢個真係必試，叉燒燒得啱啱好，外脆內嫩，仲有啲蜜汁嘅甜味。粗麵煮得好彈牙，撈埋啲叉燒汁，真係一啖接一啖停唔到口😍😍✨黑白多士呢個多士外脆內軟，黑白配搭得啱啱好。黑多士係朱古力味，白多士係煉奶味，兩者夾埋一齊食，甜而不膩，真係好滿足😌✨懷舊香蕉船呢個甜品真係勁懷舊，香蕉夠晒甜，雪糕滑溜，配埋啲朱古力醬同埋果仁，食完真係滿足。仲有啲彩色糖粒，睇落好吸引😎😎😎✨老虎雜扒呢個係肉食者嘅天堂，有牛扒、豬扒同雞扒，煎得啱啱好，外脆內嫩，肉汁豐富。每一啖都充滿肉香，真係好滿足😌✨焗豬扒飯呢個係經典茶餐廳菜式，豬扒嫩滑，焗飯香濃，芝士拉絲效果一流。每一啖都充滿芝士香味，真係好滿足🤭🤭✨雪糕紅豆冰呢個係完美嘅收尾，紅豆甜而不膩，雪糕滑溜，食完真係透心涼。仲有啲碎冰，食落好清爽🤪🤪總括嚟講，老虎冰室真係一間值得一試嘅餐廳，無論環境定係食物質素都係一流！

屯門CP值高冰室餐廳平日晚都好多人等位 終於有機會試到餐廳有好多選擇 中菜小鍋 炒粉麵飯 鐵板扒餐 多款小食😋撈粗麵餐 今次試左豬潤撈粗麵質彈牙乾爽 豬潤份量十足 用料新鮮 值得一試🍜XO醬虎蝦炒公仔麵虎蝦大隻 公仔麵炒得好有鑊氣 配埋XO醬相當惹味🤤幾款鐵板餐都好出色🥩厚西冷蒜蓉牛油煎帶子餐 蒜蓉汁香燒羊架餐 黑椒汁鐵板牛仔骨餐 燒汁配有日式粟米湯 可以揀焗薯或者薯條🍟個人好推薦焗薯 大大舊 入面有芝士同煙肉😙招牌芝心蝦多士🍤
外面脆卜卜 仲有流心嘅芝士同蝦膠 好邪惡😆瑞士雞翼 迷你炸饅頭(煉奶+黑糖!) 呢啲小食都唔可以錯過🫰🏻