老荔冰室

营业中

休息中

新開業的老荔冰室整個裝潢甚有舊式冰式的風格，我們經過老荔冰室的時候，就默默被老荔冰室霓虹燈牌字句、內裡裝飾所吸引，裡頭播的均是首首經典歌曲，真的有一秒即回到舊香港之感，雖然是假日，也有許多人排隊光顧。滑蛋叉燒飯視覺配色繽紛有活力，光用看的就直覺美味可口，那個滑蛋果然是滑蛋，細緻滑溜，叉燒咬下是厚嫩彈脆，油脂豐腴甘甜，隨著咀嚼散發獨特的鹹甜感，打造出豐富口感，加上白飯配豉油，使人胃口大開。芝士火腿奄列煎得漂亮，劃破蓬鬆濕潤軟滑的奄列蛋，滿滿的餡料從蛋裡滑出來，可以發現內含芝士和火腿，熱騰騰的火腿、濃濃的芝士令奄列變得充實，芝士火腿奄列香氣撲鼻，耐吃不膩味。沙嗲牛肉芝士熱香餅漢堡教人心花怒放，中間的牛肉入味得很，有事先以沙嗲汁醃製過，甜中帶絲絲麻辣，加上大量炒滑蛋和芝士，透漏著「芝」味蛋香，再以鬆軟的熱香餅夾著，絕對是讓人魂牽夢縈的一道港式小食。經典的沙嗲牛肉公仔麵是香港人最愛的快餐之一，沙嗲牛肉拌入公仔麵交融在一起，是完美的金三角，層層疊疊的味蕾饗宴，一碗公仔麵品嚐出道地的港式冰室風味，沙嗲牛肉厚度切得有誠意，咬起來飽口不單薄，嚼出沙嗲醬的濃香。奶油豬仔包上桌時媽媽都傻眼了，媽媽以為會是

🥞沙嗲牛肉炒蛋熱香餅漢堡熱香餅漢堡好襯沙嗲牛同炒蛋😍一定要加埋糖漿食🤤🤤沙嗲牛既咸香加埋甜甜地既熱香餅真係好正🤩重點係啲沙爹牛份量超多❣️❣️仲要好厚蛋邪惡😈食一個都好飽🤰熱香餅蛋味濃，仲係即叫即做添，所以製作需時✨✨💯老荔常餐： 沙嗲牛肉公仔麵配奶油豬仔包必食！！💯我去果時好多枱都有叫到沙爹牛麵就知真係呢度招牌菜🫢小編本生真係唔識欣賞沙爹牛，因為之前食左好多間都無咩驚喜特別，但呢間真係印象好深有驚喜😳會想再食多次，佢沙爹味好濃郁、有少花生味、帶甜味、有少少麻辣味✨我覺得好有層次感，好快我就食晒成碗✨👍👍沙爹牛份量好多，肉質霖身無筋位👍🫶金沙朱古力流心西多士食得出佢地呢個係心機之作，因為我落左單 都等左一陣子，真係即叫即整，熱辣辣🔥🔥個西多士係超厚炸到金黃色好靚，佢內層兩層搽晒朱古力醬🤤🤤切開流心超邪惡😈加埋煉奶食正👍真係超好食💯💯下午茶必食！相信小朋友食一定好開心🤣🤣🐣滑蛋叉燒飯叉燒份量好多👍叉燒霖身❣️中意佢既滑蛋加埋蔥花，真係好岩餸飯❣️🫶好味檸檬益力多凍紅豆奶茶兩款都係呢度既特飲✨係出面冰室比較少有，有啲創意，而我好中意紅豆奶茶，紅豆勁多 ，係無唸到佢既奶茶好滑，茶同奶比例好好 ，擺左

排好耐隊 普通野 我食咗叉蛋飯同金沙西多士。叉蛋飯佢賣70蚊 我喺土瓜灣食過50蚊好食過佢。金沙西多士呢... 佢有三層多士但係入面啲夾心係冇金沙，得個面有醬，多士入面得啲牛油 失望開咗好似唔係好耐？openrice餐牌寫金沙西多$38 去到已經變咗$45一句講曬就係得個貴字，味道一般，可能主打係影相打卡？我係抱住食嘢嘅心態去就有啲失望。裝修係幾靚嘅不過啲位就逼啲，如果唔使排隊入去食個快飯，肯俾貴少少都尚可以接受，排咁耐隊入去就係食啲性價比咁低嘅嘢就真係唔值得。

荔枝角有間門口好似戲棚的餐廳，五光十色的裝潢好吸睛，店內龍鳳牆、播放懷舊歌、杯碟上金句......很有特色，主打係茶餐廳食物，其中有大熱的熱香餅漢堡，所以吸引左我同友人去食晚餐。沙嗲牛肉太陽蛋公仔麵太陽蛋煎得好靚仔，刺串蛋黃，用蛋汁包著沙嗲牛食更香滑，牛沙嗲牛肉份量多，味道咸中帶微微甜，仲有少少麻辣味，好香好惹味，公仔麵煮得軟硬剛好，較爽身好味。滑蛋叉燒飯賣相吸引好多叉燒，估唔到個蛋皮好滑，而且蛋味重，配半肥瘦叉燒食好夾，加左少少醬油微咸帶香，份量也很足。沙嗲牛肉炒蛋熱香餅漢堡近期大熱的熱香餅漢堡，呢度都有，不過特別在中間夾沙嗲牛、自選材料(炒蛋、芝士、火腿、厚切餐肉)，估唔到可以咁正，即叫即做熱辣辣，保留熱香餅鬆軟度，而且熱香餅蛋味濃，中間夾左滑蛋，厚身有口感，沙嗲牛好夾熱香餅漢堡，配甜香的糖漿，味道又咸又甜好滋味。金沙朱古力流心西多士嘩~金沙朱古力醬流緊出黎，有朱古力脆脆增加咬口，西多士好大件，炸得金黃香口，鬆軟口感配甜甜的金沙朱古力醬超正，而且中間仲流心朱古力，超邪惡但甜品迷必食，好滿足。阿華田脆脆火山爆多脆脆同阿華田，味道都幾濃郁，阿華田加左脆脆，口感味道豐富左，飲品偏甜配咸食

最新大熱嘅「老荔冰室」一聽個名果陣就諗起監房術如語(老荔=荔枝角收押所),的而且確店鋪位置正位於收押所附近。九丈遠都望到店鋪門外有霓虹燈掛住勁大隻「老荔」字，有如青衣戲棚！6:20分門外而排晒長龍啦，店內有龍鳳牆 ，中間係當舖字體嘅「老荔」，高檯果邊係有「九龍城皇帝」墨寶！當你坐抵叫野食果陣，你就係看不到的高牆～ 完全睇唔到門口排長龍！另一邊牆就係以前懷舊冰室嘅餐牌！有意思！店內播放著80年代經典流行曲，啱晒me呢d老餅又想當！ 如果你食到清盤大行動就會見到「金句王」「做人無公關，多士都無得食」金莎朱古力流心西多士 $38沙嗲炒蛋熱香餅漢堡 $38沙嗲牛肉芝士熱香餅漢堡$38滑蛋叉燒飯 $68沙嗲牛肉公仔麵 $55阿華田脆脆火山 $26 / 雜果賓治 $26有近期最大熱嘅熱香餅漢堡！沙嗲牛迷2款都叫晒，即叫即做，一定夠熱辣辣🔥 配埋楓糖醬+蛋香味，中意又咸又甜嘅你「不能錯過」！另外想講下個沙嗲牛比想像中好食，份量十足，味道係微辣中帶點甜，啫嘅me就要另加辣油先滿足到🌶️價錢合理，份量十足，當日7點幾就聽到冇晒沙嗲牛，時辰到就自然食到！食好西就趁早！

正如有網友提到，宣傳包裝功夫十足，就跟IG 去試下，包裝定位懷舊算係唔錯，餐廳播放着徐小鳳，蔡楓華等名曲，打卡絕對一流，只可惜說工廈價錢，工廈質素，叫咗個熱香餅足足等咗45分鐘追咗三次，終於到啦！可能係我心急，亦可能係餐廳嘅策略要營造到好多人係門口等，可惜個熱香餅我個人認為麥當勞果個好食D(如果夠熱既時候), 薯條外觀唔錯(係波浪紋嗰隻)，食落去夠晒林又唔脆，想點？ 叫咗個蕃茄麵，我個朋友話個麵好林，想點？可能呢度係招待老人家？ 但個凍朱古力同西多士就叫做正常少少，歡迎大家去打卡，一次好啦！但唔好對食物有期待。

近排荔枝角新開咗間打卡冰室，好有舊式香港既feel，餐廳入面全部都係打卡位！門口好多霓虹燈牌充滿懷舊老香港特色，入面仲有舊式酒樓龍鳳牆，裝修好有特色！今次就衝住熱香餅漢堡而黎🤣不過個餡就係沙嗲牛肉炒蛋～熱香餅唔會好乾，糖漿另上～食落咸甜咸甜都唔錯滑蛋叉燒飯炒蛋好滑，配埋甜豉油同叉燒食絕對冇得輸！金沙朱古力流心西多士呢個真係必食！！超多脆脆，朱古力味又好濃，唔會好甜！西多士外皮都幾脆生炸雞脾呢個有少少失望🫣雞肉唔算好嫩麻麻地豬扒雖然食落冇咩麻辣味，但豬扒煎得好香肥瘦均勻！老荔冰室（荔枝角）@lolaicafe.hk📍荔枝角青山道495號誠信中心地下1號舖

一見到門口嘅戲棚元素同店內龍鳳牆，已經吸引左不少人眼球，再俾出面人龍所影響，直覺話我知，我要入去食野😎然後即刻上網睇呢間有咩正野食，就諗住必叫沙嗲牛肉，但到我入到去坐低嘅時候已經。。SOLD OUT😩唯有叫其他特色野，食食下發現碟底有隱藏住金句同謎語，又幾過癮🤩✨炒蛋芝士熱香餅漢堡 - 呢排好hit嘅item，即叫即做，食到熱香餅蛋味香濃，配埋糖漿更好食🤤✨金沙朱古力流心西多士 - 勁厚勁邪惡😈面頭舖滿朱古力脆脆同朱古力醬，唔止咁簡單，一切開都仲有一層朱古力醬同牛油，啱晒朱古力控🍫✨滑蛋叉燒飯 - 叉燒唔太肥好啱我🤭個蛋都好滑，我覺得精華係在於個豉油，應該加左料，撈飯好香好惹味🤤✨肉燥時蔬 - 個汁有d微辣，菜夠爽口，幾開胃👍🏻✨椰汁紅豆冰 - 巨多料之紅豆佔左半杯🫘😂椰味濃郁夠晒thick，絕對係經典之作！✨雜果賓治 - 記得細個成日飲，裡面勁多水果，感覺幾refreshing幾消滯🍹 食完出嚟都仲係keep住長龍，勁呀，希望下次食到沙嗲牛啦~

最近荔枝角新開左間冰室，好有舊式香港既style，餐廳入面全部都係打卡位! 門口係好似戲棚咁，入面就龍鳳牆，裝修好有特色。熱香餅漢堡熱潮原來仲帶到去冰室，但呢到特別既係混合左港式風味，用左沙嗲牛肉炒蛋做饀。熱香餅蛋味香濃，糖漿另上，自己想食幾多就點幾多。熱香餅漢堡比想像中襯沙嗲牛，有種咸甜咸甜既口味，越食越上癮。沙嗲牛肉麵經典冰室之選，沙嗲牛份量多，比一般食到既多左麻辣味! 滑蛋叉燒飯 睇圖都見到D蛋有幾滑，配埋甜豉油食好正。食到底仲會見到碟上面刻左D以前好流行既IQ題! 金沙朱古力流心西多士 呢個真係必食推行! 超多脆脆，朱古力味好濃，中間仲有流心。飲品叫左椰汁紅豆冰同埋何華田脆脆火山，足料又好飲。

近期熱香餅大熱, 牛總聽聞荔枝角附近開了一間茶記有serve熱香餅漢堡, 是日晚上便帶著筆者潮聖. 周末晚上六時多到達, 場內大概七成滿, 店內走著懷舊路線, 四周也佈滿金句和復古裝飾, 又播著很多經典金曲, 挺過癮的. 看看menu, 點選了沙嗲牛肉炒蛋熱香餅漢堡(HK$38), 特餐沙嗲牛肉+厚切餐肉+腸仔公仔麵(HK$55) 配熱金牌奶茶, 滑蛋叉燒飯(HK$68) 配特飲凍檸檬益力多(+HK$8), 金沙朱古力流心西多士(HK$38).沙嗲牛肉炒蛋熱香餅漢堡, 這個配搭很有創意, 真的聞所未聞, 應該是首創吧? 賣相不錯, 上菜時真的是漢堡形狀. 試一口, 沙嗲牛肉的香辣味非常突出, 牛肉片口感軟滑, 配上軟綿的熱香餅, 加上炒滑蛋的蛋香, 即使加上糖漿, 也沒有過甜的情況, 整體配搭不錯. 特餐沙嗲牛肉+厚切餐肉+腸仔公仔麵, 很邪惡的組合. 沙嗲牛肉跟熱香餅漢堡的沙嗲牛肉一樣, 香辣味十足, 公仔麵吸盡沙嗲牛肉的醬汁, 很惹味, 不消一會便KO了整碗. 厚切餐肉和腸仔也有煎過, 有誠意.熱金牌奶茶, 茶底香濃, 水温夠熱, 已收貨.滑蛋叉燒飯, 分量十足, 半肥瘦叉燒大概有

聽講開左間好有懷舊特式的冰室，是日專程過黎打卡。一點幾鐘黎到見排長龍，好彩有瓦遮頭，唔使曬住等。店面唔大兼坐無虛席，熱鬧非凡，店員好快送上qr code同餐牌，點幾樣大路野試下先。⭐沙爹牛肉公仔麵點左份常餐，蛋就揀左太陽蛋，貪其有蛋汁🤤沙嗲牛香口，個汁好濃好好味，有花生香又帶微辣。公仔麵彈牙有咬口，唔會煮得過淋，好食。⭐滑蛋叉燒飯滑蛋果然係滑蛋，真係好滑，加埋甜豉油正呀，美中不足係叉燒太瘦，個人較愛肥叉🤣⭐沙爹牛肉芝士熱香餅漢堡近期大熱嘅熱香餅，呢度就夾左沙嗲牛，新食法係幾得意，鹹鹹甜甜咁，意外地又夾喎。⭐奶茶紅豆冰 & ⭐檸檬益力多再加杯特飲先，奶茶香滑紅豆軟腍，正。本身已經係酸酸地嘅益力多加左檸檬嘅清香，幾好飲吖。人太多唔好意思自拍，下次揀個少啲人嘅時段黎，再同返幅龍鳳牆影下相先😆

平日大約2點半walk in只有少量座位中間長凳位置較窄當日中間長凳已經只坐左4檯客 侍應出餐混亂 每個餐同野飲都比人彈單 再周圍問係咪你既😅眼見廚房冧曬檔 可能因為咁出餐次序都錯曬隔離檯最早落單 但最遲先有野食 佢地3個人 第1同第3個上餐時間起碼差20分鐘🙂‍↕️🙂‍↕️中間佢地有催過單 侍應都係敷衍話等等就有沙嗲牛肉熱香餅漢堡熱香餅好難食 粉感重冇蛋香 仲差過老麥🤯🤯🤯沙嗲食落得辣味同埋牛肉份量少碟邊同底都略油 摸完要即刻抹手金沙朱古力西多 拼沙律沙律極難食 有怪味🫠 建議併返薯條穩陣好多西多夠厚 亦有流心，不過不失

【 🦁老荔冰室🦁】⋄⋄一向對懷舊冰室情有獨鍾，知道最近荔枝角開左間老荔冰室，今日放左工就同朋友黎試！主打懷舊香港風味的茶餐廳老荔冰室，最近係荔枝角開業，讓人感受到濃厚的60、70年代香港氛圍😍店內裝潢以霓虹燈和舊香港元素為主，無論係外部的霓虹燈還是室內的龍鳳裝置和舊戲院廣告牌，都讓人彷彿置身於懷舊的時光中😜牆上仲貼有「九龍皇帝」曾灶財的墨跡，讓人對舊香港的情懷更加深刻😎⋄⋄====—====—====—====—✦ 西多士 ✦🥪🍫金沙朱古力流心西多士（$38）西多士外脆內軟，夾著流心的朱古力，切開時香濃的朱古力瞬間流出，甜而不膩，非常邪惡👿⋄✦ 熱香餅漢堡 ✦🌮🧀沙嗲牛肉芝士熱香餅漢堡（$38）濃郁的沙嗲醬牛肉，搭配融化的芝士及嫩滑雞蛋，口感豐富😜熱香餅的外層酥脆，內餡卻柔軟，配上楓糖漿，咸甜交融，滋味滿滿 ⋄✦ 豬仔包系列 ✦🍔秘醬雞扒豬仔包（$32）豬仔包夾著秘醬雞扒，醬汁濃郁，雞肉鮮嫩，搭配鬆軟的包，讓人一口接一口，回味無窮⋄✦ 小食系列 ✦🍖生炸雞髀（$34）生炸雞髀外皮香脆，肉質鮮嫩多汁，是店內招牌小食之一⋄✦ 老荔滑蛋 ✦🐖🍳滑蛋叉燒飯（$68）滑蛋柔軟滑溜，搭配蜜味叉燒

老荔冰室以其復古的裝飾和懷舊的氣氛而聞名。餐廳提供多種港式美食，如沙嗲牛肉麵、滑蛋叉燒飯等，深受顧客喜愛。其內部裝飾有香港舊式酒樓常見的“龍鳳大禮堂”風格。食物大件夾抵食，我哋三個人叫咗兩個主食同兩個甜品share。主食老荔常餐沙嗲牛肉公仔面配煎太陽蛋，麵條選用Q彈，牛肉塊燉煮至軟爛而不失嚼勁。半熟太陽蛋，增添了整道菜肴的色彩與營養。滑蛋叉燒飯，一道色香味俱全的經典港式美食。叉燒搭配細膩滑嫩的雞蛋，將傳統工藝與現代口味完美融合，呈現出令人難忘的美味體驗。甜品沙嗲牛肉芝士熱香餅漢堡，秘制沙嗲牛肉夾在金黃酥脆的熱香餅之間，豐富的層次感和獨特的風味。金沙朱古力流心西多士，外觀誘人，口感豐富，外層裹上了特製的朱古力華田脆脆，配上厚厚的西多士，在咀嚼過程中釋放出微妙的甜鹹交織之味。飲品咖啡紅豆冰，是一款充滿創意與驚喜的夏日甜品。醇厚的咖啡香與甜蜜的紅豆碰撞出意想不到的風味組合。每一口都是冷熱、苦甜之間的奇妙平衡，不僅解暑提神，更是一次味蕾上的奢華享受。我最愛嘅檸檬益力多，結合益力多乳酸菌飲，精心調製出這款檸檬益力多。此飲品不僅口感清新怡人，更富含活性益生元，好飲，推介！！

作為鍾意打卡嘅港女 就係咁膚淺㗎喇就係比充滿戲棚元素嘅門面吸引仲有店內嘅龍鳳牆 係兒時去酒樓食飯成日見到㗎！杯碟上嘅金句同迷語 又令人好期待💕沙嗲牛肉炒蛋熱香餅漢堡即叫即做 想食好嘢就要比啲耐性食過先知熱香餅同沙牛兩樣大纜都扯唔埋嘅嘢原來咁夾熱香餅蛋味濃郁 食落好鬆化想食甜啲仲可以加埋糖漿 💕金沙朱古力流心西多士 都係即叫即整 食落西多士勁鬆軟再配埋邪惡度爆燈嘅朱古力醬食落每一口都係滿足感💕沙嗲牛肉麵沙嗲牛多到覆蓋晒成個碗味道帶甜得嚟有少少麻辣味 醬汁好濃郁 每條麵都掛到汁 夠晒惹味💕滑蛋叉燒飯 誠意度爆燈 好多時坊間嘅滑蛋叉燒飯係整完個蛋再放叉燒呢度嘅叉燒同埋個滑蛋真心係一齊炒㗎滑蛋真係夠晒滑溜 配埋啲蔥花食好惹味叉燒有啲瘦有啲半肥瘦份量都好多💕紅荳冰嚟冰室點可以唔點紅豆冰啊？啲紅豆煲到好綿 係起晒沙嘅口感再配埋啲花奶 飲落唔會好甜啱啱好