老船長東南亞餐廳

八月尾的最後一晚, 相約少女A & 友人C到上址用餐, 太座一早已經告知這店以前的老闆娘好像有一段長時間沒有出現可能店主已經轉了人, 但廚房班底沒有改變, 但今次的結論是以這價錢, 交出來的份量只是約莫: 一半吧! 實在是令我們太失望之餘再沒有回來的機會了, 食物的味道OK但份量之少以為食緊西班牙的餐前小食: 莫非TAPAS大廚招呼我們? 越南蒸粉卷一碟四件,重要包餡料並不怎樣豐富!由於饀料太少根本無法知道是什麼味道,吃到的只是一疊粉芝麻蝦丸一個杯裝四粒, 但個杯已經洗至很花近乎磨砂玻璃效果可惜這個杯本身不是磨砂玻璃做的耶,蝦丸夠彈牙, 而全用黑芝麻則可能不夠醒目, 如果用埋白芝麻又或者一粒黑, 一粒白視覺效果應該更好呀!無骨鳳爪更離譜, 無骨鳳爪被剪至支離破碎, 好懷疑砌番埋有無兩隻鳳爪? 裝無骨鳳爪的杯也如是,甚至隻杯未抹乾水滴就放入食物, 睇幅相就好容易理解我剛才寫的哪裡來的師傅呀?咁都可以將食物放入再拿出來給客人食?!炸軟殼蟹米紙卷兩條開四件, 從照片可以清楚見到只有青菜/粉絲/軟殼蟹腳, 作為一份食物的份量能令客人滿意嗎? 除了海鮮炒飯只有兩三隻蝦同日式蟹柳切段, 算是最豐富的一品了,味道咪就係普通過普通的炒飯囉! 半點香味菜都沒有, 同越南怎麼樣也拉不上一點關係?稍為似樣的只有越式炒粒粒但明顯荳角粒粒佔了85%, 亦明顯有落魚露炒, 可以算是"越式"吧!青口一碟五隻好明顯雪藏貨,咖哩可能經已係最好的一個菜, 但好乾身下, 似粵式大牌檔風味多一點!咖哩雞呢個似樣少少了, 個汁落了不少椰漿再加上兩片唔太新鮮的九層塔香葉, ***服務方面: 嚇親人, 點解? 我們開頭入去店內人客不多只有兩,三枱客人, 待應只有一個女待應, 我們帶了酒, 問她拿酒杯, 她在廚房找了一會找到出來了, 她也有將杯先過水一次, ,但她最令我們側目的是竟然唔使抹直接滴住水拿出來給我們用, 她完全感覺沒有問題似的! 當然我們不能接受這樣倒酒入杯啦, 即刻叫另一個男待應過來投訴,他即時明白並叫那個女的抹乾淨才拿出來, 我們在那店一直座到晚上10點多, 即使是full house也只是那兩個待應, 有咁嘅生意量使唔使用到d員工咁盡呀?老闆! 兩個之中重要一個係生手添!…查看更多

Birthday Gathering for Leos!其實只係個藉口出黎gathering 姐因為朋友唔太食辣...俾左幾個choice 佢地...最後再揀左老船長啦~係天星碼頭行去大約半個鐘......其他朋友就係佐敦行過去....又真係近D wo.........柚子salad (7/10)幾fresh! 有雞醬做sauce...不過唔太特別....主要係生果(菠蘿,火龍果)同蕃茄仔,...叫ge 原因只係想有D 纖維落肚~所以可以唔叫 芝麻蝦多士 (7.5/10)Well....雙色芝麻......都幾香口........但可惜蝦味不突出........同埋太細條啦.........所以就真係試過就算lu.......牛油雞亦 (7/10)又有D名不乎實wo....我只覺得係炸雞亦.........因為本身我都好中意食牛油....但係E隻雞亦無想像中咁牛油味重囉.......失望......炒瀨粉 (7/10)nth special.........正正常常la...菠蘿海鮮炒飯 (7.5/10)E個飯幾好食呀!!!不過我覺得泰菜店個D 好食D.......同埋佢有4-5碗仔飯到.....唔算多....唔好俾佢個pineapple size 嚇到.....佢隻蝦有少少"梅"........其他都ok....btw 食完個飯,個菠蘿仲有好多肉....唔好waste ar........因為個菠蘿好甜呀!!!!…查看更多

已經很久很久沒有在星期日上班了，現在更改了生活的工作模式，偶然星期日都要去上班，還好上班時間是下午，可以和鬆弛一起吃個午餐後才上班去。天氣好悶熱，忽然好想吃東南亞菜，在開飯搜尋了尖沙咀區的越南和印尼菜，看到這裡的評語不錯，就決定來吃吃看。這個店應該開了好久，但我和鬆弛一直都沒有留意。午餐時間客人不算多，只有三四檯客。午市套餐的選擇頗多，除了湯河撈檬之外，還有炒粉炒飯、咖喱和以冬蔭公湯為主題的一系列食物。熱天還是想吃些湯水的東西滋潤一下口腔，所以就要了生牛肉湯河，鬆弛就要了香茅豬扒撈檬，另外加$15可以有一份小食，有越式炸春卷、蒸粉卷、酸辣無骨鳳爪和油菜可選。酸辣無骨鳳爪。對於我來說，泰式沙律的溫度很重要，夠凍的話味道也會加分，因為吃下去會感覺特別涼快，這個鳳爪勝在夠凍，而且味道不錯，酸和辣度剛剛好，加上大量青瓜絲和紅蘿蔔絲，挺好吃呢。越式炸春卷。春卷炸得有點油，不過炸得夠香脆，而且甜甜的，都算好吃，只是一客只得兩件好像有點少，怎樣說也加了$15啊，現在只是一條春卷切半而已，如果有四件的話感覺會好一點。生牛肉湯河($45)。湯夠熱，牛肉味不算很濃，是走清淡一點的路線，但喝起來都順口，而且餐後不會覺得很口喝。河粉不太夠滑溜，牛肉也只是一般，反而那件白蘿蔔好好吃，炆得又腍又清甜。香茅豬扒撈檬($39)。份量超級大，這裡用的碗很大，檬粉幾乎有半滿以上，我一個人吃的話大概要分兩餐才吃得完。伴著檬粉吃的那個酸辣汁做得不錯，有某些越南食店會把這個汁弄得偏甜，但這個味道剛好，吃起來很清新開胃，最後鬆弛也把整碗吃完。香茅豬扒相對地較普通，香茅味不算很濃郁，豬扒偏乾了點。食物整體都算不錯，只是有些細節尚有進步空間，另外價錢都算親民，而且份量不少，在尖沙咀區已是不錯的選擇。下一次可以再來吃晚餐，試一下咖喱或者蝦餅等菜式。…查看更多

晚上八時看完電影，又是一行二人食飯的時間。專程來到尖東位置偏遠的餐廳，由尖沙咀地鐵站行過去兩個字左右。沿途行人好少，對女孩子來講可能會有點怯，感覺像由奧運站行去金船長一樣。船長們總是要在夜闌人靜的地方餐廳地方不大，幸好位置偏僻，雖然滿座，但外面沒有人等候，入場叫了:芝麻蝦多士香脆，蝦肉配黑芝麻好香口，非常好食。一碟差不多有十塊，大約兩塊方包左右。牛油雞翼，食得到牛油味，跟雞翼味道很夾，小姐都讚好。可能先食小食，所以發現炒飯的味道淡了點，原隻菠蘿是熱身的，菠蘿肉很甜，連炒飯一齊食相當好。最特別的話梅梳打，話梅粒應長期浸在梳打汽水內，食話梅的時候發現話梅肉很林，不是臨時放入去比你摶命篤。唯一的缺憾，餐廳的台凳比較古怪，一係就好細張，一係就大張到兩個面對面坐都好似隔好遠咁，這方面感覺不佳。…查看更多

到左晚餐時段，去番漆咸圍果邊，方便攞車之餘唔多人，不過真係唔多人，去時得6個客人食緊，比較冷清! 冷氣都係足夠，爽!牆身都放左d船擺設，不過都係舖哂塵!見人地食評都讚牛油雞翼，當然要試下啦，仲叫左豬頸肉炒飯同香茅豬扒凍檬!首先到左香茅豬扒凍檬，天氣熱食依個幾清涼，香茅豬扒香噴噴之餘又可口唔韌!豬頸肉炒飯就比較普通，飯底好濕好”林”，豬頸肉粒一般!到左期待的牛油雞翼，真係幾好味，好香口惹味，不過凍左d就已經唔同哂，好油唔太好味，熱食先好!!…查看更多

因為好想食Vietnam Food 的關係，係亂選的情況下就去左老船長東南亞餐廳地理位置：十分難搵，一開始朋友仲睇錯左係柯士甸道，行左去JORDAN，點知原來係TST 三角公廁個邊，仲要M1 右手邊係最後個巷行落去先係。最好笑係有朋友先到，問佢間店周圍有d 咩佢都答唔到，因為對面D 店全部都係吉既飲品：叫左菠蘿冰( 3/10) , 石榴冰(2/10 其實只係椰汁加好多一粒粒橙色的物体），梅子雪碧( 8/10, 正常）因為一黎到叫左杯野飲，覺得好唔得有Ｄ想走佬過對面食雞煲算數，但係因為我地係BOOK 位又叫左野飲，走佬太唔好意思所以只好叫落去食品：1. 牛油雞翼 (9/10)好香牛油味，好熱好fresh, Very Crispy 同入味，但係同時食完一啖係會有牛油drop ，有少少油2. 芝麻蝦多士 (8/10)正，佢地拎黎的時候，我地只係見到toast 同出面Ji Ma 面個層，仲諗邊part 係蝦，原來佢地打左一層蝦餅係中間，好crispy & 真係要食落先知有蝦係中間3. 蝦頭膏海鮮炒飯(6/10)正常炒飯，好香蒜香，但我聞唔到蝦頭膏味4. 泰式炒金邊粉 (6/10)正常金邊粉5. 馬拉盞炒通菜( 6/10)唔夠香同野味6. 恐龍蛋 (8/10) Crispy & 中間隻皮egg選得唔錯, 仲有芒果汁，藍莓，士多啤梨，沙律，青蘋果汁做dip dip, 但係d dip dip 同恐龍蛋九唔搭八，玩下就好，咩都唔dip 係最好味7. Pho 生beef 湯檬　(6/10)無九層塔，無lime ，無魚露，唔正宗，普通一碗湯檬…查看更多

今日我同屋企人黎到呢間泰國餐廳食野! 店內的環境各方面都唔錯! 上菜速道算快,食物味道出乎意料既好!我地嗌左 -芝麻蝦多士 -牛油雞亦 -菠羅焗飯 -燒青魚 -咖哩軟殼蟹包 飲品:-芒果奶昔 -珍多冰芝麻蝦多士:好香脆,好香蝦味而且一D都唔油膩！賣相仲好令tim!牛油雞亦: 家姐點了牛油雞翼, 我真係從來都無食過...一開始以為會油”林林”, 所以一心諗住唔好預我, 點知一上枱, 就聞到好香好香既牛油味, 食落去真係好好味, 食到唔停得口, 又唔會好多油, 一個字正! 菠羅焗飯:個賣相好令,用真既菠蘿裝住,聽待應講,係用新鮮菠蘿肉炒嫁tim!讚!!菠蘿燒豬仔腿香草味剛剛好,燒豬仔腿入味之餘肉質嫰滑, 豬肉味非常好吃, 裡面亦多汁,係必選之物! 燒青魚: 好大條,燒得好香脆,嗡既價錢算抵食!咖哩軟殼蟹包:好大個,好得意,d 包可以用黎點咖哩汁!好味!!奶昔同珍多冰都唔錯!珍多冰入面既jelly 好qq ,入面有d石榴子都好好味!奶昔好smooth 好重芒果味!讚!!讚!下次會再黎=)成間食店D待應服務係唔錯GE，環境都幾優雅如果係一對情侶去會好適合;)或者好似我咁一定人或者三五知己邊傾計邊食飯係一個唔錯的選擇!!…查看更多

今日一行3人黎到尼間泰國越南餐廳到慶祝生日，我地試左尼幾樣野食：生菜包：賣相好令，望落去晶瑩通透，食落去又唔油膩，又唔熱器，好岩我尼啲怕熱器既人食 蝦頭膏海鮮炒飯：啲蝦頭膏好濃，個飯炒得好香，一上尼個飯就聞到撲鼻而來既蝦香味 非常吸引！芝麻蝦多士 試過唔少餐廳既蝦多士，有好多都會炸到好濃好熱器，尼間炸得金黃好鬆化，一啲都唔覺熱器!!like ar!恐龍蛋:賣相好 grand！有好多汁比我地點，有芒果汁，藍莓，士多啤梨，沙律，青蘋果汁，幾得意而且啲外皮炸得好鬆化！好味道！冬陰公海鮮湯好足料！有好大隻蝦同埋青口，令啲湯好鮮甜，而且冬陰公酸酸地好開胃！我同朋友都好中意飲！華梅7喜：之前未試過飲華梅7喜，原來幾好飲，華梅酸酸地，同7喜既味都幾 match!!芒果奶昔：我朋友話好重芒果味，唔似係加左人工既調味，酸酸地，奶味都幾重喎！我同朋友都好滿意今次尼餐！下次會再黎！因為用手機打，upload唔到相，睇下番到屋企補唔補得番！…查看更多

越式扎肉撈檬粉扎肉是越南餐廳不可或缺的一款肉食之一,雖然不是新鮮肉,但它就是有一種越南風味, 對其要求必須肉質軟腍適中, 最好餐廳能夠熱(微溫)可是這裡並沒有這樣做, 不過影響不大至於檬粉則可以做點功夫, 如不要入口是冷冰冰的檬粉, 這才叫做有誠意而這裡的檬粉尚可以, 不太差脆香雞膇撈檬粉雞膇的是即炸出來的, 仍熱熱的, 入口鬆脆, 味道則一般沒有什麼特別或者強烈的調味淹制魚露味道略嫌不夠濃越式炒粉皮這款炒粉皮, 是我到過的越南餐廳很少見到的一款菜式味道淡淡的, 不辣不甜是咸味食品還有其他特式飯麵類飲品系列也有二十款有一半為冰類飲品, 有不少價錢不貴而不知其味的甜品, 單看甜品名堂已經夠吸引力了當晚我未有嘗試，有礙於等候需時約20 分鐘時侯太晚, 己是宵夜餐, 所以吃不下了留待有機會再來試試…查看更多

今日行尖沙咀，給老船長的照片吸引了，閃閃的特別好看！於是我們決定來試一下這件餐廳，這是一間東南亞美食餐廳~裏面有各種泰國同越南的特色菜~比如說菠蘿炒飯，最重要的是：原個菠蘿真的是一個原始的菠蘿裝著美味的炒飯，看得都流口水了，吃起來真香真可口！話說它這裡的咖喱也真香，那個咖喱軟殼蟹被咖喱汁浸著吃起來特別香脆！一個普通方包吃起來是沒有味道的，但是被咖喱汁浸著就不同了，入味又不膩~另外我們覺得牛油雞翼也很好吃，一層牛油包著雞翼，上面還放了點蒜蓉，我自己比較喜歡吃辣，牛油雞翼還點了他們的泰式雞醬吃，香且脆！今天的收穫真不錯，發現這間不錯的泰國越南菜餐廳~下次決定再來嘗下這的其他特色菜。…查看更多

請朋友生日食飯 , 有 request 有提議就 very good 不用煩惱話想食越南美食咁更係第一時間就更係去 openrice look look la.... 就好好彩比我發現到這一家 老船長東南亞餐廳 , 地點真係好偏僻 , 但好彩他們有 table map 可以 booking table 真係好方便 , 去到見到門口都已經好吸引 入去之後見到裝飾佈置都唔錯 , 更係有隻大船啦 話晒都叫船長無船怎麼辦 嘻嘻 , 跟住就 order 併盤啦 因為可以試多幾種菜式 ( 併盤的擺設真係好靚 同 埋 D 炸豬排好掂 好香口 , 最攪笑就係扎肉要用塊薄薄的蘋果隔住特別又美觀 , 同埋又有牛油雞翼配答 正呀 !!! ) 跟住再嚟多個雞扖撈檬 ( 雞扖炸得好脆但又唔乾雞皮又炸到脆卜卜無肥 ) 之後見到食左咁多炸野就諗住叫返個沙律就叫左個 柚子沙律 因都是我的 favour 點知真係好失望 , 竟然近中秋 D 柚子都有苦味 同埋 他們用了撈檬的汁料真係唔好味 , 味道真係好唔夾 …查看更多

話說老船長呢間餐廳,係我同肥妹仔相識一個月時慶祝既飯店!!某日睇返自己Openrice D食評,突然間就想再去食食喇...!!今次去到, 比一年前唔同好多...至於變好變壞, 繼續睇落去啦...今晚一去到, 老船長鋪頭個鋪面,一盞燈都無, 又無廣告牌...以前佢個鋪面好光鮮, 一睇就睇到!!但尋晚行過經過暗暗沉沉, 留意少D都睇唔到呢...(老闆不妨加返盞燈都好D!!)至於食物方面:::一上枱, 肥妹仔已經講...比以前細碟左咁多既...咁都不特止, 唔知係咪無乜生果關係...落左勁多香蕉, 攪到味道好唔平衡!!怪怪地咁, 唔再清新了!!我睇返以前D相, 同一個生菜包!!以前係有兩碟肉碎今年黎到得返一碟了, 又縮水...味道不過不失啦...!!呢個米紙卷真係普普通通!!賣相係唔錯既, 不過以佢呢個$$$!!你內心會覺得唔多抵食囉...講真呢個金邊粉, 我覺得係最穩陣!!味道同上年食果個感覺差唔多!!不過全碟金邊粉得兩隻蝦仔咁多囉...一隻仲要霉霉地... 唉!!希望下一次再黎會有所改進!!搵返以前果位老船長呢!! 加油!!…查看更多

爸爸幾乎年年生日問佢食乜 , 佢都係揀越南餐 ,但自細食開好好食o個間 , 己經執左好多年然後近年食過o既 , 都無一間令我地覺得必食 , 今年媽媽叫我負責搵 , 當然都係靠 openrice la ..見到 tst 呢間東南亞餐廳 , 都幾多食評媽媽上黎睇過 , 都覺得值得一試 , 放是就訂好位黎食喇呢度都幾難搵 , 行到身水身汗 , 坐刻即刻想叫野飲, 叫左青檸梳打 , 無乜味 @@ " 要拎多兩塊青檸先飲得落口野食就一共叫左九樣 ( 五個人食 ) , 全部只屬一般1. 扎肉蒸粉皮~ 粉皮唔夠透薄 , 仲有 d 係疊住左 , 影響口感扎肉有胡椒味 , 但份量偏少 , 好在魚露甜辣度適中 撈起黎都算幾好食 , 爸爸都話呢度個魚露幾好味2. 法式軟殼蟹米紙卷~ 米紙夠軟韌 , 軟殼蟹幾大件 , 好酥脆 =)加埋生菜卷起 , 點魚露食 , 有少少似食沙律3. 越式網皮春卷一 d 都唔越式 , 裏面係芋頭 , 網皮都幾厚配以生菜包住黎食 , 減少油膩o既感覺4. 咖喱牛腩包~ 店員介紹o既 , 咖喱幾香 , 唔辣o既 , 牛腩好淋仲有 d 牛筋 , 好入味好正 , 不過個包就比 d 咖喱汁浸沐晒我地都係鍾意食返咖喱煲點蒜容包多 d 5. 沙律蝦球~ 新鮮炸起大大粒蝦球 , 香脆可口, 但得好少沙律醬o係入面佢話賣點係裏面釀左沙律 , 但又比左辣雞醬我地點 =.=" ?6. 泰式酸辣蒸烏頭~ 味道唔錯 , 但始終都係有明爐煮住咁食好味 d 7. 燒汁煙肉蠔~ 呢個幾特別 , 不過燒汁稍為甜左少少 , 煙肉焗到好脆 , 唔會太乾又唔太咸 8. 豬頸肉撈檬~ 都係靠美味o既魚露所以幾好食 , 豬頸肉有少少南乳味 , 都唔錯 =)9. 馬拉盞炒通菜~ 漏左單, 不過都好快炒返比我地 , 味道同大排檔o既蝦醬炒通菜無分別## 媽媽話佢地 d 服務態度好好 , 叫我比高 d 分因為佢搵唔到路 , o係加拿分道打去問餐廳點行聽電話o既職員問我媽媽使唔使去接佢 =) 令我媽媽好滿意…查看更多

今日班fd帶我去老船長食飯啦，平時最怕就系唔知食咩野噶啦，所以特別鍾意朋友帶我去食野。入去就留意到餐廳嘅墻上掛住好多船，可能間餐廳嘅老細好鍾意船。環境Ok, 幾舒服下，不過最鍾意就系滴菜好味，夠地道！夠有賣相！我地食佐芝麻蝦多士，蒸粉包，菠蘿海鮮炒飯同埋泰式炒金邊粉，最記得就系哩幾樣啦，仲影佐好多相留念添。菠蘿海鮮炒飯好正，芝麻蝦多士仲好新鮮好特別！其實間餐廳嘅餐牌仲有好多睇起身好正嘅菜，但系只能等下次再繼續啦！…查看更多

是晚同肥妹仔終於試左呢間老船長喇!!近尖東, 近理大, 非常就腳!!而且座位坐得舒服, 唔逼挾!!今晚食左柚子沙律, 生菜包...咖哩牛腩+蒜蓉包, 同越式炒粉皮!!又是非常飽足的一夜!!柚子沙律用新鮮生果, 唔係罐頭貨!!生菜包肉碎夠辣+加埋生菜好新鮮!!不過小弟次次都食得好甩漏...最尾爽性用匙更直接"畢"肉碎食!!咖哩牛腩好惹味, 不過油少少...如果唔夠飽, 就好似我地咁!!加埋呢個越式炒粉皮, 咁就飽飽喇!!不過呢度勝在坐得舒服, 服務都幾好!!愈多人愈叫得多款式, 圍返都愈抵食!!…查看更多