老百姓火鍋刺身 (已結業)

好耐冇食火鍋～ 就嚟左呢間餐廳🤤一入到去第一個感覺就係乾淨企理～ 喺疫情下更顯得難能可貴～ 店員好殷勤咁問我地點咩又上調味～服務態度不錯～ 點左個刺身，擺盤好靚～ 睇得出好新鮮～ 味道亦不錯～湯底點左滋潤百姓湯（$338）湯餡勁豐富，有花膠、螺頭、哈密瓜同雞湯～店員特別介紹哈密瓜係佢地獨有，令雞湯更添甜味～ 湯餡真係非常足料又特別，值得一試！花雕醉雞就食得多，陳年花雕肥牛（$158）真係好少見～ 食落好濃既花雕味，肥牛滿滿的吸取了花雕，味道更加重同惹味～脆脘魚腩（$88）切得厚厚的，非常美味～日本黑豚豬肉（$108）大大片，切得薄薄的，肥瘦均勻，味道亦相當好！招牌鴛鴦滑（$108）賣相有驚喜！砌成2條魚好生動！味道比一般魚滑好吃😋…查看更多

天氣涼最好打邊爐，同朋友去深水埗福華街39號地舖老百姓。店內環境新型舒適，座位寬敞清潔，服務員友善禮貌推介食物，使人客稱心。1. 滋潤百姓湯$338（花膠螺頭豬骨哈蜜瓜雞湯）店員建議先飲湯，因湯底已前後煲了24小時，火喉十足，鮮味無窮，非常潤喉，鍋盤食材豐富，花膠淋滑，螺頭鮮甜，半隻雞肉煲至分離，蜜瓜肉清甜，令湯好飲到呢…2. 美國頂級肥牛 $138香濃肉味，肉質鮮嫩，薄切肥牛，片刻即熟，口感豐富，配上醬汁美味無窮。3.絲  是日優惠送贈擺盤精美，魚肉稍滾片刻，肉質鮮甜嫩滑，爽脆彈牙，浸入濃湯更覺可口美味。4. 自家製四拼餃$98特式黑松露餃、韮菜餃、招牌水餃皇、鮮蝦雲吞，四款餃各有特色，款款好食，人手自家製特別好味，與別不同，皮薄餡料豐富非常美味，入口彈牙，鮮味多汁。5. 鴨血 $58爽口嫩滑，熱騰騰入口暖在心，浸泡美味濃湯，滋味無窮。6. 紅薯粉 $28薯粉煙韌彈牙，薯味極濃，配以濃湯和醬汁，更覺好味。7. 竹蔗茅根 $48火爐十足，清熱解渴，竹蔗茅根味道濃郁，甜度適中，好飲至極。…查看更多

聽朋友講深水埗開咗間又大份又抵食嘅打邊爐舖頭今日就去食下啦呢間老百姓火鍋刺身開咗冇耐 不過都幾多人幫襯 餐廳枱櫈好闊落 啱曬一班朋友嚟打邊爐吹水一坐低就梗係叫盤刺身啦 刺身有三文魚 甜蝦帶子 八爪魚 全部都夠曬新鮮 而且並非薄切 有水準滋潤百姓湯 湯底入面已經有好多煲湯料包括花膠 螺頭 哈密瓜同埋老雞 首先梗係要飲啖湯 非常清香一啲都唔油膩 完全係心機之作 哈密瓜好清甜 花膠煲得淋軟 好似骨落喉嚨咁 雞一啲都唔吝嗇 有半隻咁多 頂級安格斯牛頸脊 雖然係細份不過份量絕對夠兩個人食 牛肉油花分佈均勻 色澤紅潤夠曬新鮮 食落牛味重超濃郁 正羊肉片 肥瘦適中有羊騷味 食落羊味唔錯脆肉鯇魚腩 同樣新鮮一啲泥味都冇 肉質爽口彈牙醉雞 酒味香濃肉質嫩滑 而且唔太肥紅薯粉 湯底咁正 叫個紅薯粉吸曬啲味簡直係完美嘅句號 煮得煙煙靭靭非常入味…查看更多

又嚟到打邊爐嘅季節，今次去到深水埗位置有點隱世嘅老百姓火鍋，感覺好親民係一個三五知己聚會嘅好地方！平時好少見火鍋店有杏汁白肺湯做湯底，所以同朋友一致同意試試佢！嚟到都真係好足料，雪白嘅湯底入面有好多白肺同豬骨，湯底杏汁味都出飲落幾滑，食埋白肺真係好滿足！餐前小食可以點香酥墨魚脆，同之前去過火鍋店嘅鬼馬釀墨魚滑同出一轍，直接食已經可以，或者想油炸鬼濕潤啲就可以沾一沾湯。打邊爐點少得牛肉，呢度嘅頂級安格斯牛頸脊唔錯啊，肥瘦均稱，食落牛香十足！招牌鴛鴦滑造型好可愛，係兩條鯉魚，魚頭染上唔同顏色以作識別。其實就係分別蝦滑、墨魚滑，食落彈牙又鮮味！牛骨髓係食火鍋我幾喜愛嘅配料，估唔到呢間隱世火鍋店都有，煮過後骨髓好滑，彷彿會滑落喉嚨咁。黃喉都係一見就會點嘅配料，唔洗涮好耐就可以食，食落脆口好過癮！自家製四拼餃幾驚喜，有唔同口味嘅餃，有水餃、雲吞、黑松露餃同埋韭菜餃，每款都可以單點，但四拼就開心啲試多啲味啊！我鍾意黑松露餃同埋韭菜餃，黑松露有特色，韭菜夠重口！桂花蚌鮮甜，咬落爽脆中爆汁，鍾意海鮮及鮮味嘅唔好錯過！平時好少機會食到魚鰾，今次同喜好相同嘅朋友相聚梗係要把握機會點嚟食，隻隻都脹卜卜，落鍋前要先篤爆佢先安全。煮佢一陣，上下part都有唔同口感，上面比較有糯糯漿漿嘅口感，下面就爽脆為主。食得多肉膩口就要食菜啊，蔬菜雜菌拼盤乜都有就最啱啦！…查看更多

深水埗一向係美食既寶藏！去唔同既橫街窄巷都會搵到好野食今次搵到呢個特色火鍋店朝早食點心夜晚打邊爐+有刺身+霓虹燈裝飾最近天氣開始轉涼 店員好貼心推介冬日特色鍋底揀左個冬蔭功羊腩鍋 100分推介😍將我最鐘意既邊爐同羊腩加埋合體🙆🏻‍♀️一放落黎有少驚訝因為好足料！冬蔭功揀左小辣 有少少椰香味羊腩已經都淋曬 舖頭仲有提供埋腐乳🤤呢個刺身又係另一個驚喜😍原條魚上非常大盤 仲要新鮮到條魚個口仲郁下郁下🤣 點少許豉油就出到個鮮味 由於餃同丸都有太多選擇，所以2樣都揀左四拼🤣岩曬選擇困難症既我 一次過試曬咁多隻味🤤四拼餃可以話係2款特色同2款平凡特色既係韭菜餃黑松露餃 2款一咬落去個味就成個口都係但平凡既水餃皇同鮮蝦雲吞都唔簡單 😆原隻蝦脹卜卜咁包係入面，食入口大滿足！手打丸都非常有特色，賣相排得靚靚！值得highlight 係墨魚丸同豬肉丸，墨魚丸有包埋墨魚粒，帶到個味又彈牙，鐘意呢個原果多過加埋黑松露(可能因為個餃已經surprise 左😆)豬肉丸都係鬆軟唔會實🤓呢個桂花糕可以話係半個隱藏餐牌！佢係係點心紙個面，唔係店員推介都唔知 (因為我地打完邊爐太飽想食d清清地甜品但火鍋給紙個邊既甜品都有少少飽肚)😆食落去有少少桂花味，唔會太甜，refreshing 番邊爐既濃味🤤…查看更多

因為疫情其實真係少咗出街打邊爐。所以要搵到一間環境四正又乾淨嘅火鍋店真係好重要。呢一間係我之前個月，搵到嘅一間好乾淨嘅火鍋店。佢哋裝修都幾新淨，入邊非常之企理，我都幾放心喺度食兩個鐘。由佢嘅配料碟同埋豉油，其實就睇得出佢好衛生。今次我哋就嗌咗甘筍粟米豬骨湯，打邊爐之餘又有個靚湯飲下，一石二鳥！佢呢個湯係真材實料好大兩個豬骨，所以個湯煲到奶白色，需要非常鮮香又唔油膩！淨係飲湯都豬肉食下！美國頂級肥牛（$138）肥牛係新鮮同埋花紋都靚嘅識落都重牛味，肥瘦適中。招牌鴛鴦滑（ $108）裝飾得好精緻嘅鴛鴦滑包括墨魚滑同埋蝦滑，上面仲有黑松露來做點綴，又香又滑冇得頂呀一定要嗌！鮮魷（$78 ）一拎上手就知非常之新鮮，淥完都仲係超級爽彈！即炸響鈴（ $48）啱啱上碟嘅時候仲係熱辣辣聽到啲節節聲，真係新鮮出爐，所以淥兩三秒就已經可以食，超級脆口，必點！醉雞半隻（ $88 ）呢個醉雞嘅份量雖然只係半隻蛋其實都已經好夠食，雞肉係好嫩滑，配上少少酒味就非常之開胃，都係必選！…查看更多

今年香港終於似番個冬天，12月頭已經覺得凍， 天氣凍最爽就係打邊爐， 其實香港人一年四季都想打邊爐哈哈， 今日去咗深水埗尋寶，之後就上網睇下邊度有火鍋店， 所以搵咗呢間老百姓火鍋。呢度有個好特別嘅湯底，叫妙計錦囊湯，其實就係豬肚包雞， 呢個湯底，食得好感動，食得出兒時嘅味道， 以前媽咪成日煮，又開胃又祛濕，用豬肚包住隻雞，白濃湯底，味道香濃又滋補。火鍋配料點咗陳年花雕肥牛、牛孖筋、西洋菜、芫茜、日本黑豚肉、羊肉片、鱲魚一條及一渣竹蔗茅根。火鍋配料非常新鮮，花雕肥牛一上桌就聞到好香酒味， 看似細細碟，但係食極都有， 輕輕淥一淥， 入口中有花雕酒味道。鱲魚魚肉嫩滑鮮味，連火鍋湯底都變得特別有魚香鮮甜。牛孖筋肉質爽滑，嚼起來好煙韌，又綿軟滑嫩。打完邊爐飲番煲竹蔗茅根 清甜解渴 餐廳仲有 甜品桂花糕提供，又靚又好食。總括嚟講，湯底正，火鍋配料新鮮，價錢公道，份量充足，值得推介，可以再encore。…查看更多

倆小口最愛吃火鍋，經常捐窿捐罅，就是想尋找食材新鮮好吃的火鍋。這次經朋友介紹這家位於深水埗，新張不久的火鍋店。火鍋店的樓面寬敞舒適，不會坐得太迫。我倆安排再坐卡位沙發位置，relex 得不得了。這店除了火鍋外，還有提供刺身和點心。火鍋湯底選擇頗多，我選擇了推廣優惠的其中一款～野菌花甲鍋。花甲鍋一上桌，我就知道自己沒有選錯。花甲大大隻，不但新鮮而且數量多，湯中的野菌經走油處理，又香又有口感，萵苣更是我至愛，鮮嫩無渣又翠綠。刺身拼盤有大甜蝦、帶子、魶魚和北寄貝，款款都很新鮮。薄切魶魚晶瑩剔透，口感彈牙，味道很鮮甜。頂級安格斯牛頸脊牛頸脊的擺盤漂亮，牛肉的顏色更漂亮，美美的雪花紋分佈均勻。下熱湯中灼一灼便熟，牛脂非常香濃，牛肉嫩得來帶少少咬口，正👍招牌鴛鴦滑這由蝦滑和墨魚滑組成，製作成錦鯉狀，蝦滑上配有蝦籽，而墨魚滑則配上黑松露醬。灼熟後的蝦滑和墨魚滑都很結實彈牙，特別是蝦滑，非常足料！招牌四寶丸吃過鴛鴦滑後仍意猶未盡，於是又點了四寶丸，除了能吃到蝦丸和墨魚丸外，還有手打豬肉丸和手打牛丸。手打豬肉丸和手打牛丸都是非常彈牙好吃，丸類果然是手打的最好吃！鮮炸響鈴響鈴是我吃火鍋必吃的配料。這兒的響鈴新鮮炸起，超級鬆化，可以選擇不放湯直接沾上甜酸醬吃，或是放湯一秒撈起來吃，結果都是一樣 —— 超級好吃！炸芋片芋片同樣是新鮮炸，輕輕放湯撈起即吃，口感粉粉的很美味。蔬菜雜菌拼盤火鍋尾昇的時候才灼蔬菜，雖然會多吃了油，卻是最美味的，因為蔬菜能在湯中吸盡各款配料剩餘的精華。最後還有杞子桂花糕，為美味的火鍋作結～…查看更多

Winter in Hong Kong is getting shorter and arriving later because of the climate change. It was late November, but it still felt like summer/ autumn. For me, hotpot is no longer winter exclusive, although winter cold definitely made hotpot extra enjoyable. On a Sunday early evening, my friend and I enjoyed a big hotpot dinner.Before hotpot, I had a serving of sashimi with salmon, sweet shrimp etc. which are of average quality. The dipping sauces and items are well-sorted. They are covered with plastic wrap all the time except when visitors spoon their choices. For the broth base, we chose both chicken soup (left) and almond pork lung soup (right). There are plentiful of ingredients which gave the soup base a rich flavour. Both are delicious and my friend and I like the almond pork lung one more. It tastes sweet and it is nourishing. It is very time-consuming to prepare the soup at home, so it is great to eat it at a restaurant.For the food, please see the ticked menu for reference. From top to bottom, we had vegetables, homemade dumplings, beehive tofu, homemade meatballs, pork belly and udon noodles. The homemade dumplings especially the truffle ones are worth trying. I always have imperatae cane drink when I enjoy hotpot. It is now the fourth wave of outbreak. Maybe no more hotpot for a while.…查看更多

今日出左太子買野，想去打邊爐，所以去打邊爐😋😋🌟 野菌花甲鍋 （$238）花甲份量多，仲有大蜆，湯底仲蔥同配料炒過，湯味濃郁😋😋🌟 美國頂級肥牛 （$138）牛味重，好新鮮👍🏻，食落口唔會覺得好肥膩😋😋🌟 黃喉 （$58）好爽脆，估唔到呢間火鍋店會有😋😋🌟 鮮鵝腸 （$98）賣相好靚，而且鵝腸新鮮，好爽脆😋😋🌟 日本黑豚肉 （$108）黑豚肉新鮮👍🏻👍🏻，豬肉味濃郁，咬落唔會好韌😋😋🌟 香酥墨魚脆（$68）墨魚🦑脆，好香口，做到外脆內軟😋😋🌟 刺身拼盤大頭蝦，三文魚，赤貝鮮甜，帶子厚肉😋😋 🌟洛神花茶 （$48）洛神花好抵飲，一大渣，唔會太酸太甜，清熱一流😋😋…查看更多

一班朋友聚會食飯是最苦腦的事，又要因應疫情遷就人數，又要就各人口味不同，好彩今次有朋友介紹去深水埗食這間🗣老百姓火鍋刺身！方便行街又就腳，可以邊食邊等齊人，一於😎訂位試試！原條活魚刺身＄198 師傅的刀工很好👏👏，切得又薄又均勻，從魚缸裏撈出活魚現切成刺身，入口魚肉爽口帶嚼勁，每一口魚肉都真切地感受到魚肉的新鮮度👍🏻👍🏻👍🏻！滋潤百姓湯(六人份量)＄338主角湯底來了，店員先叫我們品嚐一下湯的味道，有花膠、螺頭、半隻雞和豬骨等等．．．材料十足，味道鮮甜滋補，另外亦加入了哈密瓜，湯底亦帶清甜😋😋！每人飲了兩三碗，停唔到口😅，未開始食已經半飽！頂級安格斯牛頸脊(細)＄238大大片的牛頸脊，脂肪分佈均勻，只要放落鍋度數秒就可以上碟食，食落一D都吾痴牙，仲好香牛肉味👍🏻👍🏻！黃喉＄58是牛的主動脈，又稱心管，打邊爐主要食佢既爽脆口感😌！台灣空運鮮鴨血$58 / 萵筍片$28而其他火鍋配料都是即叫即切，食材新鮮👍🏻👍🏻！最後重有(杞子桂花糕)甜品送，每人一份😊！…查看更多

來到深水埗，都會去『添XX』飲茶嘅，某日就發現了呢間刺身火鍋店，近排天氣轉冷想打邊爐，咪諗到來呢度試吓囉。湯底揀咗『野菌花甲鍋』，事關野菌，花甲都係我喜歡的食物，實冇衰㗎，而且店家亦做緊推廣優惠，另一優惠係『冬蔭功羊腩鍋』，下次都想試吓呢個。『冰鎮鮑魚刺身』鮑魚來自大連，係8頭鮑，好大隻，用咗花雕酒來整，入口時啖啖酒香，超級彈牙好食，而且店家已切片方便食用，但擺盤見到係成隻，好刀功，呃到我，勁。『美國頂級肥牛』、『黄喉』、『豬腰』、『豬粉腸』亦大大份，味道同樣『一級棒』。『招牌四寶丸』有豬肉丸，牛筋丸，蝦丸，墨魚丸，全手工打製，新鮮，比機製彈牙好多，墨魚丸我食到有粒粒墨魚粒，開心。睇Openrice食評都見到間鋪成日有驚喜贈送，之前就見到有大閘蟹贈送，今日我朋友好彩，佢鍾意食魚，而店家就送咗一條𩶘魚，可打邊爐可刺身，新鮮好味又勁大條，食極都食唔晒咁，如果有得揀，我會揀大閘蟹，點解?因我鍾意囉，但條𩶘魚又真心唔錯嘅…查看更多

香港人愛吃火鍋的程度，已經去到夏天都要開大冷氣，來享用火鍋。最近見到有一間火鍋店在深水埗內，今晚便專程來到了。滋潤百姓湯$338，花膠、螺頭、哈密瓜、半隻雞、豬骨、雞腳和雞湯，這個湯底採用了哈密瓜，非常新穎的嘗試，湯底味道除了雞和配料的味道之外，還有些哈密瓜的鮮甜味道，是一個值得選擇的鍋底。刺身拼盤，有三文魚、帶子、𩶘魚和赤蝦，每款刺身都很鮮甜味美，一點都不會被日式料理遜色。白鱔片$118，放在鍋底內數分鐘，便可享用爽口彈牙的鱔片了。鮮淮山$28、萵筍片$28，火鍋必定要吃點蔬菜，這兩款都是不錯的選擇。招牌鴛鴦滑$108，是黑松露墨魚滑和三文魚子蝦滑，兩者都很爽口彈牙，其中以蝦滑最為美味。日本黑豚肉$108，脂肪分布均勻，味道甜美。青島啤酒每支$32 ，現在做推廣，買二送一。 …查看更多

又嚟食我好鍾意嘅十下十下～早排早咗放工同friend係九龍塘慢慢行，行咗去太子，行過呢度門面靚，d位望落舒服。叫咗個花膠雞湯底，湯底d料好足，我諗食曬d湯料不得了，好多花膠同好大隻雞，係我諗緊點隻分開隻雞時，原來店員會幫手分好放碟，好好服務。湯底可以當老火湯飲，夠曬濃郁。朋友鍾意牛, 叫咗兩樣牛嘅嘢，其中一個係黃喉，我未試過食，原來好爽口嘅。牛肉入口夠香，口感feel到用料新鮮唔係雪咗唔知幾耐嗰d嚟。其他嘢都無咩好挑剔，整體都好滿意。啤酒仲買2送1, 夾埋打邊爐勁正～！…查看更多

明天限聚令又變回二人一枱，十點後就沒有堂食了😩！趁住天氣涼涼地，收工即刻相約同事去打邊爐先😎！今次去咗深水埗試《老百姓火鍋刺身》！椒鹽栗米 / 脆炸魚皮 ＄48椒鹽通常配海鮮，但放在粟米上，是一款十分惹味好食的素菜，甜甜的粟米配上蒜香和椒鹽味,足已令到我食唔停口😅😅！而鮮炸魚皮亦好香口好爽脆！滋潤百姓湯＄338店員提議打邊爐前先來喝一碗補補身，以花膠、哈密瓜、螺頭、雞等等材料熬製而成，入口已感到濃郁又滋潤，份量足夠六人飲用，超級好飲👍🏻👍🏻👍🏻！陳年花雕肥牛＄158肥牛浸滿在花雕內自然好重酒香 ，但不可以浸太久，拖兩拖即熟，酒味和和牛的味道意外地夾😋，食落依然仲有陣陣酒香！萵筍片＄28萵筍新鮮幼嫩，一D都唔老，我就喜歡爽口，烚一烚食落好脆口!👍🏻有甜品送😎😎！…查看更多