老爹

今日睇完中医，系附近用OpenRice 揾到呢间餐厅我食咗美国顶级牛腹扒饭、餐汤和热珍珠奶茶，感觉简单且满足。牛腹扒饭不错，牛腹扒嫩滑，煎得适中，肉汁保留得住，入口软嫩juicy，配饭和酱汁，味道好得。餐汤和包也OK，汤有蔬菜甜味；包松软，抹牛油劲香。热珍珠奶茶味道足够，茶底浓，珍珠有嚼劲，甜度适中，暖饮几舒服，作为early dinner 几合适。整体来说，Daddy’s Kitchen 的一人餐份量适中，环境干净，服务员态度好。价钱合理，食物质素稳定，每样都做得认真😋…查看更多

食过呢间餐厅几次，味道ok,而且有珍珠奶茶。但试过3次有小强，唔系大强，系好细的小强。 最近一次食系几个月前，午餐时间去，见到有小强，同店方反映，佢即时更换食物，之后免去食物内有小强的同事的加一费用，店方话因为吓亲个同事……. 睇店方处理手法淡定，肯定唔系第一次发生。因为已试过几次遇见小强，所以不会再去了。而且，劝店方积极处理卫生问题，做食肆最紧要系卫生。…查看更多

今日嚟到呢间老嗲，呢间虽然话系西餐，但又有台式饮品。咁啱下午茶时段，下午茶同午餐其实主食一样，分别只在于午餐多左餐包同餐汤，当然午餐价钱都会高d。叫左一个煎鸡扒饭配秘制汁，鸡扒皮脆肉嫩，煎得啱啱好。配菜并唔系一般餐厅用嘅杂豆，系红萝卜同青瓜，不过唔好以为佢求其生切或者斋烚，系用蒜蓉炒过嘅，一d都唔求其，仲炒得几好食。佢嘅秘制汁，其实就系豉油汁，呢个汁虽然我食唔出佢加左咩，总之就当系豉油。饮品系我嚟呢度例牌都叫嘅热炭烧咖啡，平时我系唔点饮咖啡嘅，不过嚟亲呢度就一定饮呢杯。佢嘅炭烧咖啡唔系得个名，系饮落坚系有炭烧味，好香、唔酸唔涩、入口有回甘，非常啱我口味。虽然佢呢度系除左普通餐厅嘢饮，仲有好多唔同款嘅台式饮品，但我强烈建议大家至少试一次炭烧咖啡！😋环境方面，呢度嘅空间好阔落，就算满座都唔迫夹。地方干净整洁。佢有部分嘅灯系用唔同嘅煲嚟整嘅，呢方面几有特色，其他就同普通餐厅一样。…查看更多

💬朋友最近带领去一间老港式嘅西餐厅，真系乜都有得食，锯扒、拉面🍜、豉油西餐，人流当然普通，但价钱正常，有汤有嘢饮咁。可惜近日原来执咗笠，感觉到其实真系唔系好挨得住，而家只有上环店继续经营中。食物方面不过不失，但气氛到士气同服务就觉得系问题所在。.———————————————————————————🥢黑毛叉烧流心蛋饭💬配菜有青瓜🥒红萝卜🥕，系煮过唔系生切，算系有诚意；黑毛叉烧腍身，无港式叉烧㶶而焦脆，一只流心蛋有水准，加上秘制豉油汁整体理想🤔…查看更多

8点钟夜晚揾饭医肚，行过见到餐牌ok就上去食。平日8点几，餐厅得2成入座率，我哋都求医肚无所谓。用qr code手机落单，套餐有野饮。装修都有投入资源，食物性价比好，平均70就一个套餐，相信系打工仔饭堂好地方。青咖哩猪颈肉意粉，够饱肚，意粉就一般𠮶啲粗身意粉质地，猪颈肉都煎得够香。龙利柳烧汁意粉，鱼肉都煎得够香，味道唔会有太雪藏味。餐肉蕃茄直通粉，厚切餐肉够过瘾，味道酸甜够平均，通粉挂汁唔会太干身。…查看更多