老爹

經朋友介紹, 今晚真的很神奇地發現了一個穩世餐廳, 收藏在一間很古舊的商場內, 工業風的設計在這商場內好像有點穿越時空。也可能是因為是舊式老商場, 餐廳的佔地比較寬敞開揚, 每枱有足夠的距離。我跟朋友坐在靠落地玻璃的餐桌旁, 下雨的晚上, 看著皇后大道西的街景, 有點浪漫, 想不到有一個性價比很高的西餐廳香煎咸牛脷 大片的牛脷厚切, 咬下的口感Juicy而不騷, 十分惹味 跟餐可以有羅宋湯, 蒜蓉包及餐飲 蒜蓉包的牛油塗得比較多, 焗完熱上很香脆! 牛肝菌帶子天使麵牛肝菌跟其他雜菌都有用酒煮過, 加上香草牛油炒過的天使麵很香口 帶子沒有煮過龍, 大大粒口感新鮮嫩滑 紐西蘭肉眼扒配薯菜這塊肉眼扒比我想像中更大更厚, 這個價錢以為自己看錯了 我們叫了7 成熟, 肉眼扒煮得剛好, 仍有很多肉汁 而且最欣賞的是餐廳用的薯菜是“薯王”哦~~~多脆內軟, 超愛這個薯菜呢餐飲也不馬虎哦可以不用加錢, 跟金桔蜂蜜及蜂蜜綠茶 個人挺喜歡這杯深色的蜂蜜綠茶, 顏色比較深, 入到荔枝蜜沖出來的味, 蜜味濃郁整體感覺, 此餐廳價錢很親民! 可以 encore …查看更多

佢唔止係一間西餐廳，佢地既餐牌仲有中、西、泰、日菜於一身，價錢又唔貴，一於黎試下。餐廳地點都幾方便，西營盤A1出口，一直沿皇后大道西行就會搵到聯發商業中心，行上一層見到有兩個機械人棟左喺度就知，到站啦。餐廳係商場租左好幾個鋪位，再改裝成餐廳，好大好闊落，仲放左幾張大枱FOR一大班人搞PARTY都得。一齊黎睇下佢地既環境喇~!仲有個自助吧，夠哂方便~!仲有其他野食嫁...每個主菜都會附送野飲、餐湯同埋餐包。我地果日就有南瓜湯 同埋 羅宋湯。兩碗湯都非常好飲，用蔬菜同南瓜打成糊狀再去煮，而唔係平時飲到溝晒水好稀既餐湯。每一啖都係蔬菜同南瓜精華，個羅宋湯都唔失色，都幾好飲嫁！睇到餐牌寫住$128紐西蘭肉眼，簡直呆左！自己去個超市買，都唔止依個價~﹝難道好細塊？)塊扒來到我又呆一呆，塊扒唔止平，仲好大塊，佢唔係靠鬆肉粉煉成既牛扒！真係完完全全一塊新鮮既牛扒，可見老闆完全唔慳皮！我地叫左5成熟，廚師唔單止煎得岩岩好！仲要係配乾蔥紅酒汁﹝個汁仲要好香紅酒同牛油味﹞，真係好花心思！﹝依隻汁通常都係煎完牛扒，都會留番D牛肉汁，再加入紅酒、牛油、砂糖、乾蔥去調較出來﹞而佢既配菜─薯角都炸得好香好脆！依道菜唔止抵食，仲要好食…已經心郁郁再去多次食！肉眼扒係我大力推介之外，依一味白汁鮮蝦燴意粉都係店家誠意之作。白汁燴意粉通常會相對比膩，但佢地依個白汁燴意粉就無依種感覺，又保留到忌廉既香，又唔會比人感覺太膩，仲有淡淡既蝦味，正！﹝仲要貼心到幫我地剥埋殼﹞依道香煎咸牛脷感覺上係簡單既菜，但其實都好考廚師功夫。牛脷一D都唔鞋，煎得岩岩好，食落去有油香得黎又入口即溶！我地今次就無揀到平時成日食到既白酒煮青口，反而叫左香辣蕃茄煮藍青口。依個配搭幾新鮮，一啖青口再加埋D香辣蕃茄汁，酸酸辣辣好正~整碟菜健康下先，所以就叫左個香蒜炒雜菌雜菜。用牛油同蒜片炒完，夠香夠惹味。「老爹」真係俾左好大驚喜！平野唔一定係無好野，只要細心留意，每一道菜都見到店家既用心同埋誠意，由餐湯係用蔬菜打成再煮…去到$128唔單止有塊新鮮牛扒仲，仲配埋乾蔥紅酒汁…都可以睇到店家絕對唔慳皮，樣樣都花左心機去煮同配搭！甘有良心又甘抵食又好味既餐廳，真係買少見少！下次放工再黎幫襯！！！！…查看更多