老媽拌麵 (香港站)

营业中

休息中

香港站老媽拌麵一直都係我午餐嘅飯堂，今日都想寫篇正面嘅食評，因為每次都食到好滿足。首先，拌麵嘅賣相真係好吸引——麵條帶點波浪紋理，口感有彈性，每一口都吸曬醬汁。拌麵上面有半隻流心蛋，蛋黃仍然係半凝固狀態，入口即化，帶出濃郁蛋香。另外仲有台式炸醬，味道鹹香十足，綠葉菜好新鮮，幫成碗麵增添不少層次感。另外，牛肉湯都唔可以錯過。牛肉炆得好腍，完全唔鞋口，每塊都浸滿牛骨湯嘅鮮味，湯底帶微微香料味，暖胃又舒服。環境方面，香港站嘅老媽拌麵人流多但出餐快，非常適合都市人趕時間嘅午餐。現場服務有禮，餐具整潔，感覺非常安心。總括而言，老媽拌麵係一間幾正宗嘅台灣麵店，唔單止味道道地，價錢親民，份量又夠飽。已經成為我返工必食餐廳之一，強烈推薦比鐘意食台灣麵食嘅朋友。

次次拎返office飲品都漏一半，兩分鐘路程都堅持唔到。熱飲封咗個杯都可以爆開……半杯嘢冇咗，成個袋都是水。本身食物唔差，又貪近公司，時常幫襯。但飲品真係次次都出事。唔該檢視吓飲品包裝質量

由12:37下單，12:38接單，到成功取得外賣是13:25。買外賣就是希望快，而不是等接近45分鐘。下雨天打工仔都不想離開商場出去買午餐是人之常情，但餐廳在安排上可以做得更好，可能早一點截單，又或者在廚房出餐安排多一點人手？總之，下雨天還是不要在這間叫外賣較好。食物質素是不錯的，可能真的太多單，白蘿蔔和紅蘿蔔都是新鮮的，新鮮是指沒有煮透，是九成熟，脆脆的蘿蔔咬口，帶點生蘿蔔的味道，清新如田野的感覺那種新鮮。不好意思，太趕急要吃完我的午餐好繼續工作，所以沒有影相