老壇子酸菜魚

营业中

休息中

尋日返舊公司附近約咗個舊同事食lunch 冇黎荃新天地2期一排原來已經唔同哂多左好多新食肆今日要試吓呢間老壇子酸菜魚有好多枱枱必點推介❤️爆炒雪花牛肉 $139份量好足大量蒜粒辣椒仲用個爐熱住上牛肉香軟嫩滑牛味十足辣🥵得黎又刺激味蕾好好送飯❤️酸辣雞雜 $79好難得呢度有雞雜食雞腸雞腎雞肝😁配埋大量鹹酸菜酸酸辣辣最惹味加杯凍青檸特飲將咀唇同個口降降溫👄👅喜歡食辣既一定要試🙌🏻🙌🏻🙌🏻老壇子酸菜魚 (荃灣)荃灣楊屋道18號荃新天地2地下一門町市場內J14 , 35-36號舖營業時間：星期一至日10:30-21:30#老壇子酸菜魚 #酸菜魚#荃灣美食#荃新天地二期

黎到荃新天地食飯，聽朋友介紹入黎呢間食～ 環境幾乾淨舒服，用QR code落單。我叫咗個酸菜魚中辣同飲品，整體都幾抵食🐟酸菜鱸魚叫咗中辣，估唔到好有驚喜，條魚係一塊塊幾大塊，好滑無骨，味道算幾鮮甜。酸菜都算惹味，但同時唔會太酸。辣道夠強勁，湯底亦都唔算好油，真係幾啱我嘅口味。原本打底加咗寬粉 🤣混埋個湯底仲有啲紅薯粉，食落都爽口彈牙。份量其實都好full，或者下次唔加底，可以再配其他😌最後，杯檸檬茶都大杯，菜底同酸味剛好。簡簡單單就食得滿足

而家講人個個都好興不想食嘢，所以我都承認自己嘅口味有變到，周不時都會想食湖南嘢，今日亦都唔例外，經過荃新天地嘅時候，見到呢間食酸菜魚嘅餐廳，一聞到嗰陣味就口水直流，所以就拉住朋友入嚟食嘢啦。睇完餐牌之後，我決定叫個平時比較少見到嘅酸辣雞雜，上枱之後都幾大碗，所以都食得好飽，酸酸辣辣咁樣好開胃，雞雜亦都冇臊味，我覺得超好食，飲品方便就梗係要叫個而家好興嘅鴨屎香手打檸檬茶。呢度超多檸檬，鴨屎香更加係有獨特嘅香味，令到成件事更加正。呢度坐得舒服，服務員態度亦都幾好，而呢個價錢真係幾抵食！

前幾日諗住去荃新天地食下KFC，點知行前小小見到依間食酸菜魚，膽粗粗試下，又幾正😂😂最推介係依個，條魚新鮮唔腥個粉吸埋啲汁真係一絕！食完依個都已經夠飽依個就不過不失啦，略嫌唔係好夠辣，但都好食

店名：紅紅 老壇子酸菜魚 (荃灣)地址：荃灣楊屋道18號荃新天地2地下一門町市場內J14 , 35-36號舖1）酸菜鱸魚餐$75酸菜魚好滑，係幾香嘅，不過呢BB辣就冇乜平時食嘅酸菜魚味。可能因為我哋揀咗BB辣啦，咁下次試吓正常辣會點。因為其實佢都好大碟，咁都好抵嘅，如果有多啲紅薯粉薯仔片就好啦。2）口水雞餐$52口水雞好滑，較為清淡，如果濃味番少少會更加好味。兩碟賣相都係好靚，如果濃味返啲就完美啦。$127

近日，老婆話想食酸菜魚，咁我咪係荃灣區到搵幾間酸菜魚比佢揀下。搵完佢又唔啱心水🤡唔緊要，求其揀間近近地，而又未食過嘅食下算假期18:30左右去到，未滿，過多15mins，full左叫左1份酸菜魚，1份水煮肥腸➡️酸菜魚(comment from wife)：有細骨，味道一般，份量多，個粉絲幾好食以$138黎講，唔錯➡️水煮肥腸：佢嘅肥腸係肥嘅小腸，都唔係大腸，水煮味道都係一般，最奇怪嘅一點，寛薯粉係有好濃嘅味道，但又唔係水煮嘅味道，應該係放左係另一煲到煮，再放入水煮碗野到。🔴總括黎講菜式比其他酸菜魚餐廳平👍🏻份量多👍🏻而且冇加一👍🏻但味道好一般🤔🔴Wife：可以再食

入座張櫈有油👩🏽遮遮唔理 唔緊要～我自己抹叫咗最普通嘅酸菜魚同涼拌魚皮，酸菜魚冇味嘅大佬🫠同好多細骨🦴魚皮正正常常係極肚餓嘅狀態去食都覺得唔好食👎🏻諗住叫👩🏽遮遮比🥣碗仔，同你對望咗見到你舉手但唔理你👏🏻不得了 仲要兩個一路匿埋係出餐位唔出嚟 要我自己行去拎🙂冇下次

平時食開另一間十X味，今日就試吓新嘢我哋兩個人星期日去，唔算好多人，我哋帶埋BB車店員都安排到四人位俾我哋。環境都尚算清潔，用QR code落單。我哋分別叫左手撕雞同酸菜魚，兩個都係小辣。佢如果係熱飲要加$3，我哋兩個都冇加嘢飲。先講講酸菜魚，好似想咁樣啲酸菜魚係一塊塊幾大塊，味道亦都鮮甜，唔會太酸太辣，亦都唔算好油，幾啱香港嘅口味。除咗魚同酸菜之外，佢仲有啲粉面喺個湯底入面，啲面唔係我哋平時食開嘅米粉或者係紅薯粉有少少爽口，第一次食幾好食。手撕雞方面，雖然佢都係小辣，但係食落去佢係比酸菜魚辣好多，份量亦都好足。但係唔知係飯太少定係餸太多，我哋食完碗飯都仲有餸剩。性價比嚟講係十X味好啲，差唔多價錢又買前菜同飲品，但係呢間就冇咁油。

荃新天地二期裏面開咗條新嘅飲食街原本以為全部都係日本嘢但裏面竟然無啦啦有間酸菜魚今日見天氣咁凍就試一試佢我哋叫咗個二人份量嘅酸菜魚同埋一份上湯娃娃菜老壇酸菜魚$138另外加咗金菇同寬粉各$20好有驚喜！條魚好滑冇骨 湯底夠味但唔算勁油裏面本身已經包咗啲粉絲唯獨是覺得條魚都係細咗啲，可能下次要嗌三至四人份量😂上湯娃娃菜 $58冇乜特別不過不失勝在有條菜食下又清清地😂價錢叫做幾抵食，味道又好下次會再返嚟😝

//03 01 24 晴天🌞14:30 荃灣西 荃新天地二期Ichimon Cho美食街 ☺︎「荃新天地二期」 ——— 最近開咗個以日本風格做主題嘅「一門町市場」，裏面進駐咗十幾間大大小小嘅餐廳同娛樂商店。當中有間「紅紅酸菜魚」，就成功咁吸引咗愛食辣嘅我。佢哋有多款特色招牌川菜，包括：酸菜魚、水煮系列、扇子骨、辣子雞、麻辣乾鍋等等… 每一款都足以令人垂涎三尺，睇嚟喺農曆新年前，又可以增肥多兩磅啦！🔻泡椒魚皮 HKD$68ꕀ泡椒魚皮有齊爽、彈、脆、香、辣首先會𝘧𝘦𝘦𝘭到魚皮嘅鮮嫩同爽彈嘅口感跟住再散發泡椒嘅香氣同辣味最後當然係配菜青瓜絲嘅清爽同脆爽集合以上多種𝘱𝘦𝘳𝘧𝘦𝘤𝘵 𝘮𝘢𝘵𝘤𝘩嘅口感、層次及味道食完真係會令人再三回味🔻紅糖糍粑 HKD$58ꕀ紅糖糍粑外表脆脆 內裏軟糯 無油膉味每啖都充滿黃豆粉嘅香甜 當中更滲有糯米嘅清香 再蘸上濃稠嘅紅糖漿 嗰種滋味無法自拔 就算肥多兩磅都願意𝘒𝘖晒佢而且仲係我喺香港食過數一數二最好味嘅🔻酸菜鱸魚 HKD$178ꕀ鱸魚新鮮 切片後厚薄適中 食起嚟非常嫩滑爽彈 另外魚肉味道亦相當鮮甜酸菜魚魚湯入口溫順 酸辣開胃 香氣滿溢要讚湯底唔會只得死辣 反而將

🍊 餐廳名稱：紅紅酸菜魚(荃灣)🐝 味道：7/10環境：7/10整體分數：7/10💰人均：$150———————————————————知道近期荃新天地新開幕左條充滿日式風格嘅美食街，仲進駐左唔同嘅各式各樣菜式餐廳同娛樂店舖，當然要潮聖一下。當中就見到呢間酸菜魚好吸引，小編對辣真係有啲拒絕唔到，要決定試試佢！酸菜鱸魚 💰178湯底酸辣適中，非常惹味。小編其實喜歡食酸菜多過食辣，而呢款酸菜好好味，唔好太過酸，同埋唔會碎修修咁令到好難夾。鱸魚新鮮，放落口到唔洗驚會有骨，連個魚頭都會比埋，岩晒我可以食面豬墩肉。仲有個加分位係入面有埋粉絲，掛晒啲湯汁一齊食真係肥多十磅我都願意。麻辣口水雞 💰58麻香十足，但辣度唔會太過份。雞嘅部份都好嫩，整體味道都好好。楊枝甘露 💰38飲品當埋甜品，解辣一流！(同店員吹水得知天水圍都有，附近嘅朋友仔都可以試下！)🗺️ 荃灣荃新天地二期地下 - 一門町市場 🔍#FlavorforToday荃灣🚆 荃灣西站D出口步行5 - 8分鐘

荃新天地二期地下新開咗美食街「一門町市場」以日式街道為主題，有十多間餐飲及娛樂商店肥妹同朋友仔都係愛辣之人當然試試主打川菜的紅紅酸菜魚有不少特色招牌菜，例如酸菜鱸魚、扇子骨等等✾ 酸菜鱸魚 (1-2人) $178大大盤，香氣撲鼻魚肉鮮嫩無骨，啖啖肉酸菜爽脆；湯汁酸中帶辣，相當惹味而彈牙粉絲更吸曬湯汁精華✾ 水煮肥腸餐（跟白飯） $78紅噹噹水煮肥腸，十分誘人肥腸軟糯Q彈，麻辣鮮香且有粉絲同芽菜等配料✾ 青檸百香果 $20大大杯，入口酸酸甜甜滿滿百香果果香；開胃同時又解辣