老四火鍋小廚

通常都係小萍帶我哋幾個團員去食好西，今次都唔例外。先嚟個麻辣墨魚頭，麻辣夠辣但唔麻，不過味道都好好，墨魚頭勁有口感。酥炸沙薑雞，咁特別？通常只會雞醮沙薑，佢依家融為一體炸到香脆，味道又啱啱好，同啤酒絕配。西蘭花炒墨魚滑，鮮味又彈牙～like。蜜椒大腸，味道甜甜蜜蜜，大腸外皮炸至脆卜卜，黑椒香氣又惹味，推薦。炒米粉用幼身嘅新竹米粉嚟炒，炒到好乾身，一啲都唔油膩，用料十足，有蝦干、魚干同魷魚，鹹香又鮮味，無鑊氣味，有時我都唔鍾意重鑊氣，會搶咗菜式本身嘅味道，而且無乜益。P.S. 要有耐性等上菜，因為食店只兩位老闆兼廚師、同埋老闆娘三人，應付不下，我哋邊飲住酒邊傾偈等上菜。…Read More

農曆五月的奄仔蟹， 不論大細， 都是最肥美多羔且鮮味的， 所以就在荃灣楊屋道街市黃勝記買了幾隻奄仔蟹， 一斤多油蝦及象拔蚌仔， 拿去香車街街老四處烹煮， 與老友享用。 由於處理需時， 所以大家先嚟個冷頭盤， 麻辣墨魚頭， 再嚟老四小炒皇， 都非常可口美味。到主題嘞， 老四處理鹽焗奄仔蟹， 是荃灣區最好食的， 而且也是最鮮味入味的。 跟住蒸象拔蚌仔粉絲底、 灼蝦， 也非常鮮味。最後再嚟個豉油皇炒面， 簡簡單單， 但就美味無窮， 各人捧腹而回。 …Read More

一樣的价比他更好的有好多，例如牛大人，但馬屋，一鍋堂，都比佢好，菜色豐富，乾淨衛生，加菜快。😡😡而佢而家就係😡😡，多菜品种少肉類，都是一些合成肉，廉價食品，衛生十分差，和宣應有嘅食品都冇，十樣餸都冇三至四個😵😵，例如，鵝腸同鴨血等等.......都沒有的！你叫佢加菜都唔加，十分差差差差差差差差差差差差差差差差差差差差差差差差差差差差差差…Read More

📍 📍 📍 老四火鍋小廚 (荃灣)荃灣香車街街市3樓15-18號舖人大左越嚟越鍾意食中菜，大排檔就岩曬，夠鑊氣又有風味，不過呢到唔係傳統大排檔冇冷氣，店內有冷氣而且，老闆同廚師都好熱情，會岀黎同客人吹水，又啤一啤，好有風味🫶🏾👉 啫啫菜煲💰 $88😋😋😋😋/5佢個通菜煲超好食，一放低已經好香😆😆食落超惹味而且份量好夠，加上肉碎，蝦米，蒜頭等等。個香味出曬黎，個個汁好香濃。👉 蜜椒脆大腸💰$88😋😋😋😋/5大腸外層非常香脆，入面又保留到大腸既口感，有少少煙韌。大腸保留左本身既脂肪，但係唔會油膩，加上有蜜糖拉絲同黑椒惹味，仲有香甜既洋蔥🫶🏾👉 蝦醬酥炸雞💰88😋😋😋😋/5蝦醬雞炸到外層好香酥，脆而內裡嫩滑，雞肉肉質軟嫩不乾澀，味道鹹鮮，刺激味蕾，好惹味。回頭: yesYesyes!!! 街坊價錢，食物都好食😋 又有人情味。見到好多野食都好吸引，絕對會再黎🫶🏾#kermit食在荃灣 …Read More

荃灣街市有好多隱世大排檔，經過都好想食，而今次我就揀左呢間「老四火鍋小廚」食。價錢親民，但係味道就十足十好似去酒樓食飯咁，同埋店鋪都有部大電視同埋風扇，坐底都唔會話好熱。我自己特別鍾意酸菜魚嘅味道，所以就叫左碗「酸菜魚紅薯粉」食（晚市價錢$148），如果中午去食lunch，就會有多啲薯粉，就我睇menu所知，價錢都會平啲。喺上菜嘅時候，第一時間比佢嘅賣相吸引，配料有豆卜、芹菜、紅辣椒、蔥，加埋佢即場特製嘅湯底，五顏六色。湯汁飲落係帶有少少辣味，但唔會辣到頂唔順，亦都充滿酸甜嘅味道，加埋啖啖開胃嘅酸菜，十分開胃。我自己食米線嘅時候好鍾意加酸菜，所以喺呢到都滿足到我嘅願望，食到家鄉酸菜嘅味道！佢嘅酸菜魚口感亦都軟熟同埋去骨切成小塊，所以好易入口。特別鍾意魚嘅味道同湯底混合，好惹味。而店鋪嘅紅薯粉亦都煮得好爽口彈牙，可以慢慢用心咀嚼。另外，我都叫左碟「香菜肉碎四季豆」（$88），肉碎醬汁同埋四季豆撈埋，色澤油亮鮮豔，睇落好美味可口。食落都估唔到係咁好食，四季豆清甜入味夠香氣，十分適合叫黎送飯。有啲可惜因為佢份量都十足，個肚食完已經好飽，見到個menu仲有好多好食嘅小食嘅主菜，仲有火鍋，希望下次有機會可以過黎再食！…Read More

#荃灣美食 #小蓮星吞食荃灣🔻 老四火鍋小廚荃灣香車街街市3樓15-18號舖/🧃生炒海味糯米飯 $88糯米飯粒粒分明，夠晒乾身，好香海味味，但係又唔會太搶，海味材料都好豐富，有蝦乾、土魷、白飯魚仔等等，鹹香鮮味。/🧃啫啫菜煲 $88上枱嘅時候渣渣聲，通菜夠嫩，咬嘅時候索索聲，要來送飯一流！/🧃辣子炒肥腸 $88呢個真係極級推介，超級惹味，肥腸非常爽口彈牙，仲加咗大量嘅蒜頭落去炒，一稔一爽口嘅配搭，好有口感。///#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig…Read More

今天有空游走荃灣舊區，也順便探望朋友寒暄吓，地膽朋友盛意拳拳帶我去熟食中心大排檔啤一啤、吹吹水(老四火鍋小廚)二樓之後更上一層樓，才能找到隱世小廚👍👍，印象中大排檔嘩....…嘩熱辣辣，事實上剛剛相反，店內全冷氣開放，而且也有空氣清淨化機，朋友吹水、喜歡啤一啤好地方。店舖菜式包蘿萬有，而且街坊價錢，更甚是在大棑檔品嚐到有鑊氣、熱騰騰，還有人情味😊1.麻辣墨魚頭~鮮甜爽脆墨魚頭有咬口‘正’👍，配上一口雲耳爽......爽😋，再配上絲絲清爽裙帶菜海中‘蔬菜之王’味道十足，營養豐富‘中華沙律’👏👏三款食材拌入少許麻辣醬層次感豐富2.蜜椒脆大腸~香脆甜蜜蜜炸大腸無油膩感，餸啤酒一流，而且抵食挾大碟3.咕嚕麵根~一個個麵根炸得卜卜脆‘精彩’加上三色椒、洋蔥和波蘿，酸酸甜甜開胃醒神隱世小厨非一般大排檔👍👍…Read More

📍 老四火鍋小廚______朋友常叫我在貴價餐廳之外多介紹點平民食堂。剛好最近嘗了老四這家大排檔。對於荃灣，旦是極其不熟悉的，這日於朋友家聚會前，荃灣之友特地帶我一試香車街街市的小店。位置並不方便，街市亦是舊式設計，環境平實，相信平時是街坊食小炒之選。但能使咀叼友人一再光顧的店子，一定有其優勝之處。一看餐牌上出前一丁不用另加錢已令印象分大增，實在難得！那麼便點了蔥油豬扒出前一丁和麻辣墨魚頭滑牛肉豬腸撈出前一丁。墨魚頭爽口，滑牛肉典型港式做法，嫩滑得來保留適當口感，沒有過於被鬆肉粉處理，豬腸有鹵水香，麻辣是意料之外的辣椒蒜蓉菜莆，不是川式麻辣。整碟份量十足，單是牛肉都最少五/六片，$66 絕對收貨有餘。蔥油豬扒可謂其貌不揚，可是這平凡到極點的蔥油甜豉油卻令人驚喜，香蔥，油份，甜鹹之間配合得剛好，忍不住用來撈上出前一丁，大口大口吞進肚子，碳水的幸福感令人滿足。相信老四的小炒也不錯，看來要安排一試，當然還有encore 邪惡的蔥油豬扒撈一丁了。______蔥油豬扒出前一丁 $52麻辣墨魚頭滑牛肉豬腸出前一丁$66______📍 老四火鍋小廚 (荃灣)荃灣香車街街市3樓15-18號舖______#旦食在香港 #旦食在荃灣 #旦會再來 #egginhk #eggfoodie #相機食先 #hkfood #hkfoodie #foodie #foodphoto #hkfoodblogger #foodporn #hongkong #instafood #hkfoodguide #荃灣美食 #荃灣 #大排檔 #大排檔小炒 #出前一丁…Read More

今日去左荃灣搵食，朋友叫我上黎熟食中心食個快飯😆😆花膠鮑螺撈麵 ($52)估唔到大排檔午餐都有花膠同螺食，d 餸份量都幾多，鋪滿哂成碗，幾厚肉同入味😚😚爽脆豬潤麵 ($48)🐽🐽豬潤岩岩熟幾脆加幾條菜又完成一個午餐了😆😆📍 老四火鍋小廚 (荃灣)荃灣香車街街市3樓15-18號舖#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkfoodie #hkfoodies #foodblogger #berryfoodie #berry荃灣 #大排檔 #老四火鍋小廚…Read More

是日請了假抖下氣，與友人約在荃灣先食個午飯然後再去睇下戲。難得放下假，食下啲唔是成日食的地方，今次找到了一間位於香車街熟食中心的老四火鍋。呢個熟食中心逾三四十年歷史，對比現在新式的市政綜合大樓更加具香港特色，入到場有種兒時去大排檔的感覺，幫襯的食客都係老街坊，同老闆侍應如同老友般，有講有笑，比現在的大商場、連鎖餐飲店更有情懷和溫馨。店內冷氣設備足夠，座位是圓檯圓摺凳。午餐餐牌別具特色，而且價錢合宜，光看菜式名字已十分吸引。嘴饞的我倆今次點了酸菜魚肥蜆紅薯粉（$48）和花膠鮑螺撈麵（$52）。撈麵麵身乾爽而彈牙，花膠和飽片配上香濃芡汁，非常惹味。酸菜魚大大碗，材料豐富，有豆腐卜，酸菜辣椒等配菜，當然仲有蜆肉啦，魚肉嫩滑，魚湯香濃惹味，值得一讚，而且附送汽水飲品呢，真係抵食呢。…Read More

今日同同事去荃灣見客 完咗已經係中午嘅時候啦 見到附近有大排檔 去懷舊一下😎😎 🍜花膠鮑螺撈麵$52勁多花膠同螺片 鋪滿成個碗面 非常足料 花膠好厚肉軟滑😋 🍜爽脆豬潤片$48好耐冇食豬潤 大大碗都幾爆肚😍 🥤忌廉跟餐加$5🥤無糖可樂跟餐加$5 🎈老四火鍋小廚 (荃灣)荃灣香車街街市3樓15-18號舖 kfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #foodstagram #foodblogger #meimei #852food #852foodie…Read More

香車街街市有很多隱世大排檔，平時夜晚經過都熱鬧非常，氣氛好好。今日同事話想食吓嘢、吹吓水，就帶我哋去咗街市3樓嘅「老四火鍋小廚」食lunch。果然有驚喜，大酒樓味道，茶餐廳價錢。酸菜魚蜆肉紅薯粉+豬潤湯底香濃，酸菜味和麻辣味混合適中，味道夠正宗，拍得住深圳出名嘅酸菜魚餐廳。因為加咗蜆肉，湯底還帶點鮮甜，再加埋豬潤，味道一流。麻辣墨魚咀除咗份量頗多嘢墨魚咀之外，還加上海帶，令整體鮮再提升。墨魚咀超級爽脆，鮮味濃郁，點上麻辣汁一齊食，真係停唔到口。溫泉白鱔一打開瓦煲蓋，大量蒸氣湧出來，啲白鱔真係好似喺度浸緊溫泉，煲底鋪滿蒜子，好似溫泉池底嘅石頭，創意和味道都一流。白鱔肉夠彈牙，火候控制得好好。…Read More

今日同朋友去咗荃灣，行行下覺得有d肚餓，去咗荃灣街市有一間大排檔叫老四火鍋小廚雖然天氣好熱，但好彩舖裡面有冷氣，於是入去裡面，老板很親切招呼😊仲介紹咗花膠鮑螺撈麵,蔥油豬扒飯，我叫咗2罐汽水，等咗一陣好快就整好蔥油豬扒飯嘩😍一碟熱辣辣香噴噴嘅蔥油豬扒飯送到面前,見到都流口水🤤塊豬扒外脆內軟超好味😋配埋蔥油更加絕配👍🏻花膠鮑螺撈麵一睇就知堅野❗嘩嘩嘩!D花膠大大塊,又爽口加埋螺片同醬汁不得了🤩份量仲好大碗,價錢仲好大衆化,食得好飽好滿足😘大家去開荃灣都不妨去老四火鍋小厨試下啦⭐⭐⭐⭐⭐…Read More

午市黎到荃灣香車街街市熟食中心，好多餐廳選擇，行到3樓中間見到有間好有大排檔既氣味，食飯既人流都算幾多，就入左去試！好多款米線粉麵等既午市推介，兩個人就叫左兩款好吸引既麵！花膠鮑螺撈麵 $52一塊大花膠切開左5舊細花膠，細細塊一咬，口感都叫人滿足！鮑螺雖得兩細塊，都算好味！酸菜魚紅薯粉 $40酸菜既湯底夠濃，5、6舊魚塊都算係咁，仲有啲豆卜同埋超多芽菜同芫茜！整體環境感覺都算有私隱度，細細間隔幾張枱，人多既時候特別熱鬧！…Read More

今日嚟到出名多鑊氣小炒既香車街街市食午餐 除咗有著名嘅米線 仲有好多大排檔 呢間老四真係第一次嚟 環境都係一般嘅傳統大排檔 試一試佢個午市推介 見到酸菜魚肥蜆紅薯粉幾特別 就試試佢 黎到份量真係幾足料 蜆肉幾肥美 但酸菜魚鮮味尚欠 不過惹味湯底搭救另外叫咗沙嗲牛肉麵 牛肉嫩口 配上唔輸得嘅沙嗲醬 拼油面嚟食 係傳統大排檔嘅味道~總括嚟講 係不過不失既傳統大排檔 下次可以再嚟試吓鑊氣小炒先老四火鍋小廚 (荃灣)荃灣香車街街市3樓15-18號舖…Read More